رواية قلب ثريا بقلم الشيماء محمد الشرقاوي حصريه وجديده وكامله جميع الفصول

قلب ثريا 
بقلمي الشيماء محمد الشرقاوي
الحلقه الاولي
امام كليه السن
_النهارده اخر يوم في الامتحانات 
_تمام 
_مش عاوز تقول حاجه 
_اجي اوصلك بعد الامتحان 
_دي الي انت عاوز تقوله ليااا ...مش هتشوفني تاني ...مش عاوز تقول حاجه 
_هعدي اوصلك بعد الامتحان 
_لا شكرا هروح لوحدي 
_ماشي 
نزلت ثريا من العربيه ودخلت الكليه
بعد الامتحان 
رانيا ايه الاخبار 
ثريا كويس 
_والله كويس وبعدين تجيبي درجات احسن مني 
_بس بقا 
_هتروحي معايا ..ولا سواق اوبر حبيب القلب جاااي 

_لا مش جاي 
_ليه 
_فكرت النهارده هيقولي اي حاجه بقالنا سنه بيوصلني كل يوم ...عنيه بتقول بحبك ...وتصرفاته كلها ...ومش قادر يقول اي حاجه 
_بيحاسبك  
_هههه ايه الرخامه دي 
_روقي ...وافرحي خلصنا امتحانات 
_مش هشوفه تاني ...عاوزه يقول استنيني ...بحبك ...هجي اخطبك 
_ياابنتي يمكن انتي فاهمه غلط 
_لا ...والله بيحبني ...كان نفسي اسمعها منه اوي اوي ....
_معلش هتبقي كويسه ....الحقي سواق اوبر وراكي بيشاور 
_بجد 
_اعملي تقيله
_هتروحي معايا ولا مع سواق اوبر 
_اسمه كريم ...احترمي نفسك 
_يالهوي يعني اوبر وكريم مع بعض انتي قادره 
_هههههه ...يلا باي بقا 
_كنت عارفه علي فكرة
اقتربت ثريا من سيارة كريم 
_مش قولتلك هروح لوحدي 
_معلش اركبي ...عاوز اقولك حاجه 
_ماشي
ساق كريم العربيه حتي وصل لمكان هادي وقف 
_وقفت ليه 
_عاوز اتكلم معاكي شويه 
_خير
_كنتي عاوزه تسمعي ايه مني 
_المفروض اني اقولك ...بقولك النهارده اخر يوم ليا في الكليه ..وهرجع محافظتي ...مش هعرف اجي هنا تاني ..مش هتشوفني 
_وانا معنديش حاجه اقولهااا 
_بجد ...طب انا هنزل واروح 
_استني بس ...ثريا انا عارف انتي مين وابوكي مين...انا مش زيك ..انا ...انا 
_كمل 
_انا مش هنكر اني بحبك 
_بتقول ايه 
_بحبك ...بس انا ظروفي ماتسمحش اني ارتبط ولا كمان ١٠ سنين انا عايش مع اهلي في شقه يااادوب عارفين نعيش فيها ...وحالتي الماديه وحشه جدا 
_مش مهم كل ده ...المهم انك بتحبني ...وانا ...انا بحبك اوي يااكريم 
_ازاي مش مهم ابقا انسان مش محترم لو وعدتك بحاجه مش هتحصل 
_كريم ...ماتقولش كده ...انا فرحانه انك بتحبني ماتنكدش عليا 
_دي الحقيقه 
_يعني يوم ماتقولي بحبك ...تقولي الكلام ده 
_ثريااا ...انا مش هقدر ابقي معاكي في اي علاقه باي شكل لا حب ولا جواز لانك اغني واحسن مني بمراحل 
_كريم ....طب وانا ...انت قررت انك تبعد وانا مافكرتش فيا 
...انا مش متخيله هعيش من غيرك ازاي 
_بكره تنسيني 
_انت شايف كده 
_انا هوصلك السكن ...هتسافر النهارده ولا بكره 
_وصلني لو سمحت ...علشان اتاخرت 
_ماتزعليش 
_مش زعلانه ...انا هطق 
_بكره تعرفي اني علشان بحبك مش عاوز ابهدلك معايا ..ومع ظروفي 
_ادينا فرصة ..نجرب يمكن ننجح ...علشان خاطري 
_بلاش احسن 
_بتحبي ...قول 
_اوي 
_مش هنساك وهكلمك كل يوم لحد ما الظروف تتحسن 
_انتي مجنونه والله 
_يلا وصلني بقااا 
_لا ...هعزمك علي ايس كريم علشان تفتكريني لما تسافري 
_بص لو جبتلي ايس كريم بتاع ماكدونالذ هفتكرك اكتر 
_ماشي
اليوم التالي 
سافرت ثريا علي محافظتها وودعت اصحابها في السكن
_مامااااااااا
_ايه ...عمله قلق ليه 
_خلصت 
_طب يااقلبي الحمد لله ...يلا غيري هدومك وتعالي حضري معايا الاكل 
_نعم حرام عاوزه ارتاح والله بقالي شهر بمتحن 
_والله ...وكنتي مركزه اوي في المذاكره 
_اوي 
_ااه ..واخبار سواق التوكتوك ايه 
_ياااماما بقا انا غلطانه اني بحكيلك حاجه 
_كويس يعني 
_اه ...قالي بحبك 
_هيجي يتقدم امتي 
_بعد عشر سنين 
_ايه عشر سنين لما ينططوكي انتي وهو ....اقسم بالله لقول لابوكي 
_خلاص ياحاجه انا جتلك اهووو ماعنتش هشوفه 
_بجد ..ولا حتي التليفون 
_بظروفها بقاا 
_افضلي هزري كده
رن تليفون مامت ثريا فريده
_مين يااماما 
_معرفش رقم غريب 
_طب ردي 
_حاضر ..اصبري
_الو 
_الوو ..مدام فريده  
_ايوه مين حضرتك 
_مش مهم ..عاوزه اقولك ان جوزك متجوز عليكي من سنه ونص وانتي نايمه علي ودانك 
_انتي مين ..الو الو
_مين يااماما 
_مش عارفه واحده بتقولي ان ابوكي متجوز عليا 
_يااسلام اكيد رقم غلط 
_ازاي عارفه اسمي 
_كلمي ابوكي خليه يجي 
_ماما ماتكبريش الموضوع
بعد شويه
صلاحخير مالكوا ...
_بابا ماما حد اتصل عليها وقالها ان حضرتك اتجوزت 
_لا طبعا ايه الكلام الفاضي ده 
فريده واتوترت ليه كده 
_وانا هتوتر ليه ...انا مستغرب 
_صلاح انت عشرة سنين ...قولي ماتخبيش عليا ...انت اتجوزت عليا فعلا ...انا قلبي حاسس والله 
_بطلي كلااام فاضي بقااا 
_ابوس ايدك قولي الحقيقه 
_فريده ماتكبريش الموضوع 
_الموضوع كبير ..سنين وانا خاېفه من اليوم ده 
_محصلش 
_ولو روحت سالت ..انت متجوز ولا لا 
_اه انا متجوز ...ارتاحتي ماكفرتش 
اټصدمت فريده من رده عليها وكانها كانت عاوزهااا ېكذب احساس قلبها 
وثريا كمان ماعرفتش تنطق ولا حرف 
_انا ماشي لما تهدي ابقي كلميني
الحلقه الثانيه 
في اليوم التالي
ثريامانمتيش برده يااماما
انام ازاي وانا قلبي وجعني كده 
سلامة قلبك ياماما ماتزعليش نفسك 
مازعلش نفسي ازاي يااثريا بعد العمر ده كله ابوكي يتجوز عليا 
_مش عارفه اهون علي حضرتك ...بس انا خاېفه عليكي اوي 
_ماتخافيش ..هيحصلي ايه اكتر من كده ...العشره هانت علي ابوكي ٢٠ سنه جواز ...انا عمري كله عشته معاه اصلا مافتكرش حياتي قبله كانت ازاي
جرس الباب رن 
هقوم افتح يااماما 
_شوفي مين اول 
_تمام 
_عمتو 
_افتحلها
فتحت ثريا الباب 
_اتفضلي يااعمتو 
_ازيك يااثريا ...مامتك صاحيه 
_اه يااعمتو مانمتش خالص من امبارح
_اخبارك ايه ياام ثريا 
_الحمد لله يااناهد 
_مانمتيش من امبارح ...باين عليكي الارهاق 
بصت مامت ثريا لناهد وماردتش عليها 
_انتي زعلانه مني ولا ايه 
_لا مفيش اي حاجه تزعل ..هو حصل حاجه ...انتي كنتي عارفه ان اخوكي متجوز  
_حتي لو اعرف هعمل ايه يعني  
_هي دي يااناهد العشرة الي بينا 
_بصراحه هو نفسه يبقي عنده عيل يشيل اسمه 
_عيل 
_اه احنا فلاحين ...مهما اتمدنا احنا فلاحين وجوزك ميسور