رواية حمل مرعب بقلم مصطفى مجدي حصريه وجديده الحلقة الخامسة

الحلقة الخامسة... حمل مرعب

لما بطنى وجعتنى ودخلت الحمام علشان ارجع لقيت لون الترجيع بتاعى اسود وفيه حاجات بتتحرك اټخضيت جدا من اللى شوفته ووقفت مكانى وقعدت ادقق اوى ايه الحاجات اللى بتتحرك دى لقيتها حاجة عاملة زى ماتكون ايد صغيرة لكن مش لبنى ادم نور الحمام اطفى مرة واحدة الټفت فجأة علشان ادور على زرار النور لقيت الحمام كله اتملى شعر ومبقتش اعرف اخطى خطوة قدام ولمحت صوت لحركة فى الحمام لكن معرفتش احدد مصدر الصوت ده ايه .

بعد ثوانى قليلة حسيت بحد بيمسكنى من رجلى وانا واقفة اتلفت لقيت طفل صغير مشوه سنانه طالعة لبره وعنده ديل ورجله رجلين حصان وعينيه لونها احمر غريب ووشه مكرمش جدا قاعد على قعدة الحمام .

حطيت ايدى على وشى وقعدت اصوت لقيت ماركوس قدامى خبط على ضهرى ومسكنى من ايدى وانا عمالة اصوت ودخلنى الاوضة بتاعتى وقالى

 انا عارف انك بتمرى بمرحلة صعبة بس انا عايز اقولك ان انتى بتعملى دور مهم ورئيسي فى تغيير حياتنا بالكامل انتى دلوقتى مجهزة لكل شئ لكن ناقصك حاجة واحدة بس ان يكون عندك القناعة والاستعداد للى جاى وتكونى حباه كمان علشان كل شئ يعدى كويس

.. حاجات ايه وقناعة ايه انا مش فاهمة حاجة

 انتى دلوقتى حامل

.. حامل ازاى ومن مين !

 السائل الاسود اللى انتى شربتيه من البنت عباره عن حيوانات منوية من العالم السفلى يعنى انتى حامل لكن مش من بنى ادم زينا.

سرحت شوية وانا بحاول افهم كلامه وافهم كمان كل اللى بيحصلى لكن كمل كلامه وقالى

 متحاوليش تتعبى نفسك بالتفكير دلوقتى كل حاجة هتعرفيها فى وقتها لكن باختصار علشان افهمك الفكرة العامة ان اغلب الناس

 بيحضروا الجان من العالم السفلى علشان يحققلهم حاجة من اللى هما عايزينها وكمان بيتحملو