رواية مجانين بقلم حبيبه محمد الفصل الثالث حصريه وجديده وكامله

الحلقة الثالثة
مجانين 
على كنبه قاعد خالد وجنبه على وجنبه بوسى وماهر واقف قداهم ومربع ايده 
ماهر اووووف هو ده ال احنا قولنا عليه امبارح تعملو فى بعض كده على الصبح وانت يا على بردو ينفع تمد ايدك على واحده ست
على ست هى فين دى !
خالد ههههههههههههههههههههههههههههه
بوسى confused_rev رمز تعبيري o
ماهر وبعدين بقى عيب كده انتو ناس كبيره مش عيال صغيرين انا همشى دلوقتى مش عايز مشاكل مع بعض لو عملتو مشاكل هرجعكم المستشفى ادينى قولت انا هكون فى البيت ال جنبكم على طول ولو عايزين حاجة انا ما ينفعش اقعد معاكم فى نفس البيت عشان التجربه بتقول انكم لازم تقعدو مع بعض لوحدكم لكن ادينى جنبكم وهتبعكم بستمرار اى حاجة غلط هتعملوها مش هيحصل كويس عايزين نمشى مع بعض حلوين للاخر

على والنبى يا عم ابقى بص علينا كده من وقت للتانى لا تنسونا هنا ولا حاجة
ماهر لا متخافش انا جنبكم وهاجى ليكم على طول حد فيكم عايز اى حاجة قبل ما امشى
بوسى خد الباب وراك
على بقولك شد عجلك بقى ها
ماهر احم احم طيب يلا مع السلامه
خالد دكتور دكتور
ماهر نعم
خالد هات لنا تين شوكى وانت جاى
ماهر !!!! ايه الناس دى
يمشى ماهر ويفضل التلاته قاعدين جنب بعض ساكتين لحد ما يتكلم خالد 
خالد هو احنا مش هنفطر ولا ايه
على اه صح قومى يا بوسى اعملى الفطار
تبصلهم بوسى بهدوء وترجع تبص قدامها تانى 
بوسى حد قالكم انى الخادمه الفلبنية بتاعتكم
على يعنى ايه 
بوسى اللى عايز ياكل يقوم يعمل الاكل لنفسه
على مش انتى الست المفروض تعملى انتى الاكل
بوسى ست هى فين دى !
على يا لئيمه واحده بواحده يعنى
بوسى اه
خالد يووه بقى انتو هتفضلو تتخانقو لحد ما اموت انا من الجوع
على انا هقوم اعمل الاكل قال ست قال
بوسى قال
_____________________
ماهر يدخل البيت ويقعد على كرسى بأرهاق دقايق وتلفونه يرن 
ماهر ايوه يا حبى وحشتينى اوى سالى
سالى اه ما انا عارفه بأمرت التلفونات ال مقطعه بعضها
ماهر حبيبتى ما انتى عارفه الشغل ويوم انا من امبارح ما شغال زى النحله ده حتى الايام الجايه عندى شغل كتير اوى وصعب
سالى اه خليك انت قصاد الشغل والمجانين لحد ما تتعدى منهم فى مره وابقى انا مخطوبه لواحد مچنون
ماهر سالى ده مستقبلى ما انا لازم اعمل تجارب واشتغل واتعب عشان اوصل للى عايزو فى الاخر
سالى اممم وايه بقى ال انت عايز توصله يا ناصح
ماهر حاجات كتير اوى نفسى اوصلها يا سالى نفسى بجد الناس تعترف بالمړض النفسى نفسى ابقى دكتور مشهور واساعد بجد المرضه اه اه لو التجربه ال انا شغال عليها الايام دى تنجح ياااه ساعتها نتجوز وتاخدى لقب حرم دكتور ماهر حسين عبقرى الطب النفسى
سالى يا حسره مۏت