رواية مروه الفصل السادس حصريه وجديده

الجزء السادس

رجعنا من بره انا وماما ودخلت اوضتي اغير هدومي 
ولما وقفت قدام التسريحه شفت حاجه 
غريبه ..
ظرف ورقي محطوط علي التسريحه 
مسكته بسرعه وبفتح الظرف.  لقيت فلوس وفلوس كتير جواه مش مبلغ صغير

وقفت شويه مع نفسي اخمن يا تري مين صاحب الظرف ماما  لا طبعا كانت قالت لي 

دي اكيد اشرف زوج ماما 
بس يا تري ايه المناسبه وعمل كدا ليه

طلعت بره اوضتي ودخلت المطبخ وجهزت الغدا وقعدنا علي السفره انا وماما عشان نتغدا سوا وبعد ما اتغدينا شرينا الشاي 
وماما سبتني ودخلت اوضتها 
قالتلي .. هدخل اريح شويه تعبانه 
وبعد ما دخلت اوضتها ماما 
انا دخلت اوضتي كمان 

مسكت تليفوني بقلب فيه لقيت 
رساله علي الواتس اب من رقم غريب اول مره اشوف 
بفتح الرساله لقيت مكتوب فيها .
خلي بالكم من نفسكم وبلاش الثقه دي

انا بصراحه اټخضيت لما شفت الرساله دي 
ومش عارفه دي تحذير والا تنبيه 
طلعت الرقم ورنيت عليه واتس اب مش شغال 
رنيت عليه عادي غير موجود بالخدمه . يا تري مين دي وعايز ايه وعرف رقمي منين 

فضلت قاعده ع السرير 
ومحتاره اقول لماما علي الرساله 
والا استني شويه من نشوف مين دي

شويه وجرس الباب ضړب ولسه هطلع من غرفتي 
ماما فتحت الباب وكان اشرف زوج ماما

شويه وباب اوضتي خبط . قمت من ع السرير ولما قلت مين 
لقيته اشرف بيخبط عليا 
فتح الباب ولقيته بيعطيني علبة شيكولاته 

اخدتها وفرحت اوووي وشكرته وكمان لقيته 
بيقولي بصوت واطي . علي فكره سبتلك مبلغ صغير تجيبي اي حاجه نفسك فيها 
بصتله بكسوف . بس دي مبلغ كبير 
بصلي بضحك :: توتو لا صغير وبعدين ما تحرميش نفسك من حاجه وانا موجود 
ومشي من قدامي ودخل اوضة ماما 
وطلعت فوق السرير والشوكولاته جمب مني 
وبصراحه بقيت بفكر بشخصية اشرف دي 
معقوله في انسان بشخصية اشرف كدا 
انسان عنده بساطه وكمان يدخل القلب بسرعه كدا 
يا بختك بيه يا ماما

وفي المسا طلعت من اوضتي غشان ابدا اجهز للعشا 
وماما وأشرف كانوا قاعدين بصاله بيهزروا ويضحكوا مع بعض .
دخلت المطبخ انا وجات ورايا ماما 
ماما ؛؛ هتعملنا عشا ايه يا قلبي 
ولسه هتكلم 

واشرف كان وصل المطبخ وقال 
لا لا  احنا نطلع نتمشي شويه بره ونتعشي عازمكم انا يلا بينا . ومحدش يعمل حاجه 
يلا روح اللبسوا يلا ..

ماما دخلت اوضتها وانا جريت علي اوضتي غيرت هدومي وطلعت من اوضتي وماما جهزت ونزلنا من الشقه ..
ركبنا عربية اشرف ووصلنا لمطعم فخم اووي وشيك 
وطلبنا الأكلات اللي بنحبها انا وماما 
وبعد العشا وصلنا لمقهي فيها حديقه . ماما قعدت تشرب قهوه وكانت معاها تليفون من المستشفي 
وأشرف طلب مني نتمشي بالحديقة طلعت معاه 
وفضلنا نتمشي . واحنا بنتمشي لاحظت حاجه غريبه بدأت تظهر علي اشرف 
انه بدأ يهزر ويضحك معايا وكمان هزاره وصل لمرحله يهزر معايا بالايد واللمس 
عدي الوقت ورجعنا الشقه بتاعتنا 
وانا دخلت اوضتي عشان انام وماما وأشرف دخلوا اوضتهم ..
وعلي الساعه 12 بعد نص الليل 
لاحظت حاجه غريبه ان في حد بيحاول يفتح باب اوضتي وانا نايمه . بسرعه قمت من علي السرير 
وعملت نفسي رايحه الحمام ودخلت الحمام 
وانا في الحمام شفت ....

تتبع... 
تفاعل حلو يالا علشان انزل بارت كمان