رواية كوز العسل الفصل التاسع عشر بقلم عادل عبدالله حصريه وجديده

الحلقة ١٩ ( الاخيرة )

اول لما سمعت الخبر فرحت اوي لكن بسرعة معرفش ليه قلبي انقبض وفكرت ان ممكن يكون الحمل ده يكون من حمدي او ممكن يكون من ابو الخلا !!! 
ظنيت ان ممكن يكون ابو الخلا عمل حاجه اثناء هدير ما كانت تحت تأثير سحره وتكون خاڤت تقولي ، او ممكن يكون حصل الحمل اثناء محاولة حمدي الاعتداء عليها ويكون اعټدي عليها فعلا وخاڤت تقولي .
انا الشك هيموتني !!!
وفضلت في حيرة ايام وهدير كانت مندهشة من سكوتي الدائم وتفكيري المستمر وجلوسي لوحدي ساعات طويلة .
بعد ايام كانت نفسيتي تعبت جدا من التفكير وروحت لشيخ المسجد بعد الصلاة وقولتله : بالله عليك يا فضيلة الشيخ كنت عاوز اتكلم معاك في موضوع مهم اوي .

: انت واضح عليك يا ربيع ان عندك مشكلة كبيرة .
: ايوه مشكلة كبيرة اوي .
: اتكلم طلع كل اللي جواك وان شاء الله ربنا يعيني اني اساعدك لو اقدر .
: يا عم الشيخ انا اتعملي سحر انا ومراتي الجديدة هدير و روحت لواحد اسمه ابو الخلا طلع ساحر و دجال وبدل ما يعالجنا طمع في هدير   و زود السحر علينا .
: اعوذ بالله ، وبعدين كمل يا ربيع .
: استفرد بهدير وكان عاوز يعتدي عليها بعد ما سيطر عليها بالسحر .
: استغفر الله العظيم .
: مع قراءة القران قدرت هدير تهرب منه .
: الحمد لله اللي انقذها .
: لكن انا جوايا شك ان ممكن يكون عمل معها حاجة قبل ما تهرب منه .
: استغفر الله ، دي من وساوس الشيطان هو اللي بيوسوسلك بكده علشان يفسد عليك حياتك .
: واعمل ايه يا عم الشيخ في الشك اللي هبموتني ده ؟ 
: تستعين بالله وتستعيذ بالله من الشيطان يبعد عنك الوسواس الخناس .
: كمان ابني من مراتي الاولي اتسحر هو كمان واټهجم علي هدير و كان عاوز يعتدي عليها لولا ستر ربنا .
: استغفر الله العظيم ولا حول ولا قوة الا بالله ، ما انت اللي غلطان يا ربيع .
: ليه يا مولانا ؟