رواية محلل الفصل الاول حصريه وجديده
انت في الصفحة 1 من صفحتين
بدل مذكرات حبيبه
قصة ( محلل )
الساعة ٧ صباحا وزي كل يوم صحيت علي صوت زعيق وخناق جاري علاء مع مراته !!!
ورغم اني من محافظة تانية وعايش في شقتي دي لوحدي لكن خناق علاء ومراته كل يوم الصبح بيصحيني قبل صوت المنبة ، ولما برجع من شغلي بعد المغرب اسمع صوت ضحكهم وهزارهم وكل يوم كده !!!
عملت كوباية شاي وفطرت ونزلت روحت شغلي زي كل يوم وبعد المغرب كنت خلصت شغلي ورجعت البيت .
وعدا اكتر من شهر وشقة علاء مفيش فيها اي صوت !! قولت يمكن يكونوا سافروا مثلا او تكون مراته. زعلانة عند اهلها .
وفي يوم رجعت من شغلي و بعد العشا نزلت قعدت علي القهوة شوية .
وبعد ربع ساعة وصل علاء القهوة وسلم عليا وقعد .
قالي : انا واقع في مشكلة كبيرة اوي يا وائل .
: خير احكي وفضفض احنا جيران والجيران لبعضها يمكن اقدر اساعدك .
: ربنا اللي يعلم يا وائل رغم انك مش من هنا وساكن هنا من سنتين بس لكن حاسس انك مننا وكأني اعرفك من زمان
: الله يخليك يا علاء وانا كمان بعزك زي اخويا بالظبط .
: لاحول ولا قوة الا بالله .طيب ليه يا راجل دا انتو معاكوا ٣ عيال !!!
: اللي حصل بقي ، لحظة شيطان .
: حاول ترجعها علشان الاولاد ملهومش ذنب . وتعالي علي نفسك شوية وهي تيجي علي نفسها شوية علشان المركب تمشي .
: يا ريت دا انا بحبها اوي لكن للأسف مش هينفع ارجعها ، دي الطلقة التالتة .
: اووووب !!! وليه اتسرعت وطلقتها يا راجل !! مش انت كنت عارف انها الطلقة التالتة !!
: طيب بص انا هقولك ، أسال يمكن تكون يمين الطلاق المرة دي موقعش .
: وهو انا مستني حد يقولي !! انا سألت وحكيت كل اللي حصل وقالولي ان كده ال ٣ طلقات وقعوا .
: الصراحة يا علاء انا مش عارف اقولك ايه ؟
: عارف الحل الوحيد علشان نرجع لبعض هو المحلل .
: طيب ما كويس ، اهي المشكلة اتحلت .
: ليه بقي ؟
: اصلنا احنا الاتنين رافضين .
: طيب ورافضين ليه ؟؟ مش انتوا الاتنين عاوزين ترجعوا لبعض ؟؟
: ايوه بس المحلل له شروط احنا الاتنين مش موافقين عليها .
: يا عم علاء خلص في الموضوع ، هات واحد يكتب عليها وتاني يوم يطلقها وخلصت الحكاية .
: يا ريت ينفع !! في شرطين اصعب من بعض .
: ايه هما ؟
