مذكرات حبيبه الفصل الرابع حصريه وجديده

مذكرات حبيبة
الحلقة ٤
اول ما سمعني قولت كده راح رمي طبق الاكل في وشي وقام يضربني بايديه ورجليه لكن المرة دي كان مفيش حد يمنعه عني !!
حتي أمه واخواته وشهد مرات اخوه كلهم كانوا بره الدار .
ومن كتر الضړب وقعت اغمي عليا ومش حسيت بنفسي الا في المستشفي !!
وفي المستشفي عرفنا اني كنت حامل في بداية الشهر التاني وحصلي اجهاض !!

و لما كانوا بيكتبوا محضر باللي حصل لي وسألوني وجوزي موجود مين اللي ضړبك 
مفيش حد ضړبني يا بيه دا انا اللي وقعت لوحدي .
انتي متأكدة ولا عايزة تداري علي الشخص اللي ضړبك ثم نظر الي زوجي !!! 
متأكدة يا فندم انا اللي وقعت وانا نازلة علي السلم .
جمال بص لي بتعجب لأنه كان فاكر اني هنتهزها فرصة و هقول للظابط أنه ضړبني واندهش جدا لما داريت عليه وقولت أني وقعت من السلم !!!!!
لكن كانت صدمة فقدان الحمل شديدة علي جوزي وبمجرد ما بقينا وحدنا ولأول مرة كنت اشوفه بيبكي ولأول مرة كان يكلمني كويس وقالي معلش حقك عليا انا اسف !!
اندهشت منه بشدة وفضلت ساكتة مش قادرة انطق ولا عارفة اقول اي !!
جمال حزن اوي علي الاجهاض التاني خصوصا انه هو كان السبب فيه !!
وفي نفس الوقت عرف أني بنت أصول لما داريت عليه و مش قولت انه ضړبني وانقذته من السچن رغم ان كان في ايدي اقول انه ضړبني واحبسه علي الأقل كنت انتقم لنفسي من افعاله معايا !!
حماتي لما عرفت بأجهاضي بمجرد أنها شافتني صړخت في وشي وقالتلي منك لله حرام عليكي ده تاني عيل تنزليه بتسقطي نفسك ليه ! مادام مش عايزة عيال من جوزك عايشة معاه ليه 
رديت عليها انا مش سقطت نفسي ده نصيب . و بردو داريت عليها ومش قولتلها ان ابنها ضړبني وأنه السبب .
قام جمال وقالها كفاية يامه حرام عليكي كده !! انا اللي ضړبتها وسقطت من ضړبي فيها !! 
بعد اليوم ده جمال معاملته معايا اتغيرت كتير وبدأ يعاملني بانسانية اكتر وعرف انه كان غلطان في حقي لما كان بيعاملني بقسۏة .
ومع معاملته الحسنة ليا بدأت مشاعري من ناحيته تتغير كتير .
مش هقول اني حبيته علشان مش اكون كدابة لكن علي الاقل مشاعر الكره والاشمئزاز اللي كنت بحسها من ناحيته انتهت وبدأت اقبله كزوج وبعد شهرين تقريبا حصل حمل تاني .
ولأول مرة كنت احس بالسعادة لما عرفت أني حامل لأني كنت بدأت افكر أني اكمل حياتي معاه .
ولأول مرة جمال يمنعني من الشغل في الدار نهائيا حتي ميعاد الولادة لدرجة انه