مذكرات حبيبه الفصل العاشر حصريه وجديده

مذكرات حبيبة
الحلقة العاشرة
كان فاضل علي الفجر ساعة قعدت صاحية مستنية لما تقوم حماتي تصلي الفجر علشان اقولها .
واول لما حماتي صحيت الفجر وفتحت باب اوضتها جريت عليها وانا ببكي وقولتلها تعالي يامه واقفلي الباب هقولك علي مصېبة .
دخلت انا وهي اوضتها وقفلنا الباب وقالتلي فيه اي يا بت وقعتي قلبي .
ابنك دياب .

ماله دياب حصله حاجة 
اڠتصبني .
خبطت حماتي بايدها السليمة علي صدرها يا نهار اسود !! انتي بتتكلمي جد يا بت 
ايوه يامه وحياة ربنا بكلمك جد !! وقعدت ابكي بحړقة .
لا ابني عمره ما يعمل كده ابدا .
يا نهار اسود يامه !!! دا انا اشتكيت لك منه كتير قبل كده !! لو مش مصدقة تعالي وانا اوريكي الهدوم اللي قطعها .
طيب اسكتي خالص وحسك عينك حد يعرف .
يعني اي يامه يعني ابنك يدوس علي شرفي واسكت !! ده المۏت اهون عليا من اللي انا فيه !!
بقولك اسكتي وحسك عينك حد يعرف .
انا ھموت نفسي اكرم لي .
انتي مچنونة يا بت ! عيالك عايزينك . 
مادام عايزاني اسكت يبقي المۏت اشرف لي .
سيبك من كلام الجنان ده انا هقولك كلام العقل .
قولي يامه .
يابت جوزك غايب ومحدش يعرف هيرجع امتي .
يعني اي يامه 
يعني اعتبري اللي حصل ده حصل من جوزك واسكتي .
اسكت بس ده مش جوزي !!!
يابت ده اخو جوزك ويسد مكانه في غيابه .
يسد مكانه في مصاريف ولا احتياجات البيت ويخلي باله من عيال اخوه انما يسد مكان اخوه في ده كمان !!
يابت انتي لسه صغيرة وفي عز شبابك ومحتاجة راجل وراجلك مش موجود !! اعتبري ان ده راجلك علي ما جوزك يرجع !!!!!!!!
من صدمتي من كلامها اللي سمعته حسيت ان الدنيا بتلف بيا ووقعت .
حماتي جابت ميه وفوقتني من الاغماءة ولما فوقت قومت جريت خرجت من اوضتها ودخلت اوضتي وقفلت عليا الباب وقعدت ابكي .
مش مصدقة وداني !! معقول اللي انا سمعته ده !!! الولية راضية ان ابنها يعمل كده مع مرات اخوه اللي مسافر !!
عرفت قد ايه الست دي قڈرة واولادها اقذر منها لكن هعمل اي 
مفيش حل قدامي دلوقتي الا اني اقول لأمي هي بردو ستر وغطا عليا وهتقولي اتصرف ازاي ومش هتضللني .
و اول ما طلع النهار سمعتهم كلهم خرجوا من اوضهم علشان يفطروا وسمعت شهد بتخبط علي بابي وبتصحيني وبتقولي قومي يا حبيبة علشان نفطر .
رديت وقولتلها مليش نفس للأكل مش هفطر .
قالتلي مالك يا حبيبة انتي تعبانة 
سمعت حماتي بتقولها يلا تعالي وسيبيها لما تصحي تبقي تفطر . 
قعدت مستنية يخلصوا فطار