مذكرات حبيبه الجزء الثاني حصريه وجديده

مذكرات حبيبة الجزء الثاني 
للتذكرة بنهاية الجزء الأول
خرجت من دار حماتي وانا حاسة اني خرجت من جهنم و اول ما دخلت عند امي اترميت في حضنها وقعدت اعيط .
فيه اي يا حبيبة مالك يا بنتي كفانا الشړ 
الحقيني يامه .
مالك يا بت وقعتي قلبي .
تعالي جوه علشان اعرف اتكلم .
دخلنا الاوضة وقالتلي اتكلمي يا بنتي حصل اي 

دياب اخو جوزي .
ماله  
اڠتصبني يامه .
يا مصېبتي !! يانهار اسود ومهبب !! بتتكلمي جد يا بت 
ايوه يامه .
يا فضحيتنا يافضيحتنا السودا !!
اعمل اي يامه اروح فين واجي منين انا ھموت نفسي احسن .
اوعي يا بت !! قولتي لحد 
ايوه قولت لأمه .
وعملت اي 
قالتلي انتي لسه صغيرة وفي عز شبابك ومحتاجة راجل وراجلك مش موجود !! اعتبري ان ده راجلك علي ما جوزك يرجع !!!
الولية الناقصة قالتلك كده !!
ايوه يامه .
اما وليه بنت ..... ناقصة اكيد هي عملت كده علشان كده عايزاكي زيها .
اعمل اي يامه دلوقتي 
انتي تسكتي خالص ومتعمليش اي حاجة ولا تتكلمي ولا تعرفي سرك لحد وتطلبي من جوزك يبعتلك تسافري معاه وتبقي جنبه بعيد عن القذارة دي !!
يعني اسافر لجوزي يامه  
ايوه تاخدي عيالك وتسافري لجوزك علشان طول ما انتي بعيدة عنه ومش معاكي راجل ده وغيره هيطمعوا فيكي .
اقول لجمال 
اوعي تعملي كده !! جوزك ممكن يموته وساعتها مين اللي هيربي عيالك !!
واخد حقي ازاي  
حقك ربنا هو اللي هيجبهولك .
انتي شايفة كده يامه 
ايوه يا بت ده عين العقل .
طيب انا هقعد معاكي لحد ما اسافر لجمال .
لا جوزك هيسأل عن السبب وهيستفسر وممكن تقعي بالكلام خليكي في دارك لحد ما تسافري بس اهم حاجة تخلي بالك من نفسك وتقفلي بابك علي نفسك كويس وخلي السکينة علطول جنبك لو حسيتي انه هيعمل اي حاجة هدديه بالسکين لكن اوعي تموتيه .
حاضر يامه منه لله حسبي الله ونعم الوكيل فيه وفي امه .
رجعت قعدت لوحدي مش بتكلم مع حد لغاية لما كلمت جمال بالليل وطلبت منه انه يبعت يسفرني له هناك لكن المفاجأة ان جمال رفض بشكل قاطع وقالي ان الحياة هناك غالية جدا وان هو لوحده مش لاقي ياكل هيصرف علينا ازاي !!!
حسيت ان الدنيا سودا في عينيا بعد ما كان اخر أمل. ليا اني اسافر لجوزي دلوقتي الامل ده انتهي !!
وفي اللحظة دي وانا قاعدة ببكي الموبايل رن بصيت لقيت رقم شريف !!
حسيت ساعتها ان شريف هو النجدة اللي هتنقذني من اللي انا فيه