مذكرات حبيبه الجزء الثاني الفصل الثالث حصريه وجديده

مذكرات حبيبة الجزء الثاني 
الحلقة ٣
وفي يوم رجع من شغله وانا كنت بستحمي ونادي عليا رديت وقولتله اني باخد دش في الحمام 
وبعد دقيقتين لقيته بيخبط علي باب الحمام وبيقولي افتحي !!! 
افتح اي يا شريف !! انت بتهزر !!
افتحي بس هقولك حاجة .
قول انا سمعاك .
لأ مش هينفع لازم تفتحي الباب .
امشي يا شريف دلوقتي وانا دقيقتين وهخرج .

لا افتحي دلوقتي .
انا عارفة انت عايز اي بس مش هينفع .
افتحي علشان خلاص هتجنن .
طيب روح دلوقتي يا مچنون انا خارجه بعد دقايق .
عارفة لو مش فتحتي هكسر الباب وهدخل .
لااا ده انت اټجننت رسمي طيب هات الهدوم اللي علي السرير وانا هفتح .
ماشي .
بعد نص دقيقة قالي الهدوم في ايدي افتحي خديها .
عرفت اني لو فتحت له هتكون فرصته !!
قولتله طيب خلاص مش عايزاها اخرج اقعد بعيد وانا هخرج بالفوطة وهلبس في اوضة النوم 
بقي كده يا حبيبة خلاص ماشي .
خرج شريف وانا لفيت نفسي بالفوطة وخرجت جري علي اوضة النوم لكن هو كان واقف مستنيني واول ما شافني جري عليا وشد الفوطة من ايدي فوقعت الفوطة علي الارض !!!
قاومته وحاولت امنعه لكن مش قدرت !! والحقيقة اني مش قاومته كتير !!
مش قدرت امنع الرغبة اللي جوايا لأني حبيته بجد لأنه فعلا انقذني من چحيم جوزي واهله .
ولأول مرة كنت ادوق طعم الحب ولاول مرة كنت احس أني ست بجد وان الراجل ده بيحبني حقيقي .
قولتله احنا لازم نكتب كتابنا النهاردة .
ضحك وقالي الوقت أتأخر ومفيش مأذون صاحي دلوقتي بكره الصبح هنروح للمأذون ونكتب كتابنا .
انا بحبك اوي يا شريف اول مرة اعرف طعم الحب .
هتصدقي لو قولتلك وانا كمان انا كمان اول مرة ادوق طعم الحب بجد .
ما انت كنت متجوز قبل كده !!
احنا الاتنين كنا متجوزين ناس مش يعرفوا ولا يقدوا معني الحب والاحساس والمشاعر انا عمري ما حبيت اللي كنت متجوزها ابدا .
وانا كمان عمري ما حبيت طليقي لكن انت حاجة تانية خالص انت الحب انت الحاجة الحلوة الوحيدة اللي في حياتي اوعي تبعد عني يا شريف .
تاني يوم روحنا انا وشريف للمأذون واتجوزنا رسمي .
واخدني وسافرنا الساحل الشمالي ونزلنا في شاليه علي البحر كان حلو اوي وقعدنا هناك حوالي اسبوعين عسل في عسل شوفت فيهم اللي عمري ما شوفته قبل كده حب وحنية ورومانسية واهتمام ومشاعر واحاسيس اول مرة كنت اعرفها واعيشها !!!
قولت له كفاية كده احنا صرفنا هنا فلوس كتير اوي و انت كمان لازم ترجع لشغلك علشان المحل .
مټخافيش شغلي ماشي زي الفل ومفيش مشاكل