رواية هاله والشيطان الفصل الثاني حصريه وجديده

هالة والشيطان/2

الحلقة الثانية

اغرب شئ فعلا حصل في الليلة دي كان بعد ما روحت البيت !!!!!!
لان لما فتحت شنطتي في البيت شفت ملابسي فيها !!!!!!!!!!!!!!!!
طبعا بقيت مذهولة ولكن من التعب كنت لازم انام .
شوفت نفسي نازلة من المستشفي علي السلم والغريب اني فضلت نازلة سلالم كتير اوي اضعاف اضعاف سلالم المستشفي .

لما حسيت ان السلالم اللي نزلتها كتير اوي قولت يبقي لازم اطلع .وفعلا بدأت ارجع واطلع لفوق لكن العجيب اوي اني بعد ما طلعت درجتين مش لقيت السلالم اللي كنت نازلة منها ولقيت حيطة قافلة المكان .
مفيش قدامي الا اني انزل باقي السلالم لما اشوف اخرها اي .
نزلت لحد ما لقيت نفسي في مكان زي ما يكون نفق صرف صحي تحت الارض .
استغربت اي اللي جابني المكان ده !!! حاولت ادور علي اي طريق اخرج منه من المكان ده .
واثناء وانا بحاول الاقي مخرج من المكان ده لقيت كلب ضخم جدا مربوط بسلسلة وبيحاول يفك السلسلة دي علشان يهجم عليا .
كنت خاېفه اوي انه يفك نفسه ويهجم عليا ..
وفعلا الكلب الشرس ده اتفك وجري ورايا !!!!!
جريت وانا مذعورة مش عارفه اروح فين لحد ما لقيت باب مقفول .
فتحت الباب وخرجت وجريت علي باب المستشفي علشان اخرج .
لكني لقيت مروة زميلتي واقفة عند الباب وشعرها منعكش جدا وبتضحك وبتقولي عاوزة تخرجي ليه ؟ خليكي معانا شوية .
ولسه هرد عليها لقيتها خرجت سکين كبيرة جدا وبتجري ورايا وعاوزة تضربني بيها .
حاولت اجري منها لكن باب المستشفي كان مقفول .رجعت وجريت علي جوه تاني ومروة بتجري ورابا وشعرها منعكش جدا وفي ايديها السکين .
لكن مروة لحقتني ومسكتني وكانت هتضربني لكن مسكت ايديها اللي فيها السکين وحاولت اخد منها السکين لكن .........
وانا ماسكه ايديها وبشد منها السکين اتفاجأت ان ايديها اتخلعت من دراعها .
مروة فضلت ټعيط جامد وبعدين وقعت في الارض .
ولقيت دكتور معتز جاي بيجري وبيقولي عملتي ليه فيها كده حرام عليكي .وكان ماسك ايدي جامد جدا لدرجة ان ايدي وجعتني اوي .وبعدين ضړبني علي دماغي فوقعت علي الارض .
وبعدين معتز اخد السکين اللي في الارض وجاي يهجم عليا علشان يضربني بيها ولكن .............الحمد لله صحيت من النوم .
حلم فظيع كنت ھموت من الړعب وانا بحلمه .والحمد لله اني صحيت منه .
اول ما صحيت من النوم حمدت ربنا وبعدين حسيت ان ايدي بتوجعني .ولما بصيت علي ايدي لقيت عليها اثر صوابع زرقاء !!!!!!