رواية فارس وحنين الفصل الحادي عشر حتى الفصل الخامس عشر حصريه وجديده

فصول ١١ و ١٢ و ١٣ و ١٤ و ١٥
البارت_الحادي_عشر
فارس يعني مش عاجبك انك قرفاني وانا صاحي جايالي وانا نايم كمان 
سند راسه علي السرير وافتكر الحلم بابتسامه 
هيا وبتضحك ضحكتها بعفوية اله بنحبوك يا سطا ما تحس بينا يحس بيك ربنا بقا 
بنفس حركاتها اللي كانت بتعملها بوشها دي اقولك اتجوزني وخد فيا ثواب وربنا لادلعك واهشتكك واسعدك صدقني مش هتندم ..
اقولك اعمل خير وارميه في البحر 
وهيا ماشيه عارف يا فارس انت عمرك ما هتلاقي حد حبك قدي بس دلوقتي عمرك ما هتلاقي حد بيكرهك قدي انت اللي متستاهلنيش .....

بيفتكر اللي حصل وملامح وشه بتتبدل
فارس ايه مش ده اللي كنت عايزة ليه بقا ها ليه بقا مش مرتاح وحاسس أن حاجه ناقصاك بقا وحشتك المقالب السخنه بتاعتها ولا ايه بس تصدق هيا الحاجه الوحيدة اللي كانت بتطلعك من الروتين اللي انت عايشه في اي يا فارس لا اعقل كده يا بابا ده انت ما صدقت تخلص منها 
ترن ترن ....
بيمسك تليفونه .....
سيف ما تيجي نجيب مليجي
فارس عايز ايه يا مهزا
سيف بص انا زهقان تعالي نخرج انت اللي بتخرجني من المود اللي انا فيه ده
فارس انا انشالله يسلح حالك ويجبر خاطرك
سيف
فارس سكت ليه يا بني
سيف انت مش عارف انت قولت ايه 
فارس لا قولت أي
سيف أن شالله يسلح حالك ويجبر خاطرك 
فارس اقفل اقفل يا سيف .
سيف ماشي 
بيقوم فارس وبيبص لنفسه في المراية معقول بقيت بتكلم زيها دي احلوت اوي
.............
قاعده في اوضتها وماسكه اللابتوب بتاعها بتقلب في صور فارس بس مش بنفس الحماس اللي كان موجود دي بتمسحهم بملل
بتمسك دفترها وبتكتب فيه ....
الكلمات نور وبعض الكلمات قبور بعض الكلمات قلاع شابخه شارخه شاسعه شاااااا شامخه يعتصم بها عم نبيل الحلواني 
الله عليا وانا مثقفه عليا الطلاق انا كنت اقعد نجيب محفوظ في بيتهم بس يلا انا ما بحبش اقطع رزق حد 
تصدقوا هتصدقوا أن شاء الله انا انجب من نجيبه الأولي علي الثانويه العامه 
ايه تا ايه تا أنتم فاكرتوني هاقعد اعيط كتير وارجع بقا يا سايب في قلبي جزيرة حرمان يا عمري اللي جاي واللي كان لا والف لا انا سترونج انديبت وومان مع اني مش عارفه يعني ايه انديبت اللي يعرف يقولي 
المهم اتعلمت من تجربتشي دي حاجات كتشير اوي اتعلمت أن قلبك ده امانه ما تديهوش الا للي يحافظ عليه
ماما 
..اله انت هنا من امتي يا مصر
ماما مع اني بقول عليكي هبله وبتكلمي نفسك ونفسي الطبع ده يتغير بس اتبسطت عشان طلعتي من الجو اللي كنتي فيه ده ماتعودتش اشوفك كده اتعودت علي ضحكتك اللي بتملي البيت دي 
..ايه تا ايه تا مصر بتقولي كلام حلو لا قلبي النونو لا يحتمل انتي سخنه يا قلبي ولا فيكي ايه
ماما يا ريتني كنت بركت عليكي لما خلفتك 
..ايوه كده رجعلنا جعفر القديم وحشني 
ماما جعفر يا بنت الكلب ماشي
بابا احم احم
..الكلب وصل قصدي بابا عيب يا ماما يا حبيبتي دي جوزك حبيبك قرة عينك
بابا قوليلها اللي في الراحه والجايه دي بټشتم فيا 
..لا يا بابا يا حبيبي اسمع لو انت كلب اسفه في الكلمه انت سيد الرجاله طبعا وانا كلبه اسفه في الكلمه ليا طبعا يبقي ماما أيه اسفه في الكلمه ليها طبعا 
ماما بقي كده طب تعالي بقا
وفضلت تجري ورايا عشان تمسكني بس انا اي رهوان الحمد لله ماقدرتش تمسكني ...
ماما طيب خروجتك مع روضه صاحبتك تنسيها بقا 
..لا والنبي والنبي انا اسفه انا بنت كلب وانت قطه
بابا اه يا واطيه يا اللي ما بيطمرش فيكي
..............
في كافيه علي النيل
فارس مش عارف مالي بفكر فيها علطول وبيتكرر اخر مشهد قدامي بيتكرر كلمه ماحدش حبك قدي وماحدش كرهك قدي دلوقتي 
سيف العب صاحبنا راجل جدع دا خلاص وقع في الحب جاتله اللي هاتلمه بس البت طهقت خلاص منه 
فارس خلصت يا تافه 
سيف لسه الكوبليه اللي جاي 
فارس يا حبيبي مالكش في التأليف ريح نفسك بقا وبعدين من قالك أني بحبها انا بس ما بحبش اجرح حد يمكن عشان كده ..
تليفون فارس بيرن
سيف تليفوني رن تررن تررن واللي ردت اه يا عيني صوتها احن تررن تررن 
فارس خلصت يا تافه 
فارس بيفتح المكالمه الو الو ايوه مش سامع وبيمشي عشان يسمع حاجه لحد ما طلع برة الكافيه وبيخبط في حد .....
حنين عاااا مش تحاسب يا أعمي يخربيت اللي ربط الطور وسابك اه رجلي ابو اليوم اللي شفتك فيه يا متخلف يا طور 
وبترفع رأسها لتتفاجأ أنه فارس 
روضه انتي كويسه
فارس بيمد أيده عشان يقومها من علي الارض وروضة في نفس الوقت ولكن بتمسك ايد روضه 
فارس بيحاول يداري إحراجه فيمشي أيده علي شعره قال 
فارس انت كويسه
حنين ................
روضه