رواية بسمتي الفصل الحادي عشر بقلم حليمه عدادي حصريه وجديده
انت في الصفحة 1 من 5 صفحات
الفصل 11
كان لي وكنت له كان لي قطرة مطر فكنت له أحلى الزهر
كان لي أرق نغم فكنت له أجمل وتر
كان لي نجما منير فكنت له أبهى قمر
حبه لي بسعة السماء وحبي له بسعة البحر فأيقنت أنه الحياة وأني له ضي البصر
بسمة بإبتسامة أبوها وافق يلا اجهزوا ماعندناش وقت معادنا معاهم بالليل ..
كريم بفرح إنتي بتتكلمي بجد يامرات أخويا ..
كريم جري لأوضته وهو مبسوط علي بصله وضحك على جنان صاحبه
بسمة بتضحك ليه يلا علشان تجهز إنت كمان ..
علي بضحك على الحب بيخلي الواحد من غير عقل كريم الراجل العاقل عمال يجري زي العيل الصغير ..
بسمة هو دا الحب ياحبيبي يلابينا
زقت الكرسي ودخلت به لأوضتهم
وبعد وقت صغير كانوا جاهزين
كريم ماشي ومش هتأخر ..
كريم خرج بسرعه وكمان بسمة خرحت هي وعلي
علي طالعه قمر النهاردة ..
بسمة امممم قمر النهاردة بس ..
علي بحب إنتي دائما قمر ياقلبي ..
وصلوا لبيت جميلة بسمة خبطت على الباب جميلة فتحتلهم ورحبت بهم
بسمة ماما تتوقعي إن أبو جوري هيوافق على كريم ..
بسمة جوري مش تلاقي زي كريم ..
علي إن شاءالله هيوافق ..
و هما بيتكلموا دخل كريم وهو بينهج
كريم معلش إتأخرت عليكم كنت بجري بكل قوتي شوفوا شكلي عامل إزاي ..
علي ماله شكلك ما إنت كويس أهو يلابينا ..
جوري ساعدت أمها في التحضير لإستقبال العريس أول مرة تحس إنها مكسوفه العرسان اللي كانت بتيجي قبل كدا كانت بتخلق المشاكل علشان تتخلص منهم أما النهاردة وافقت على طول مش عارفه ليه ..
محمود اهلا وسهلا إتفضلوا شرفتونا ..
علي الشرف لينا ياعم محمود ..
دخلوا وقعدوا كريم بيدور بعينه عنها
جميلة محمود إحنا جينا علشان نطلب إيد بنتك جوري ..
محمود وجايين تطلبوها لمين ..
جميلة إبني كريم ..
محمود عرفنا عن نفسك يابني أنا معرفش عنك حاجة ..
كريم أنا كريم متوكل عندي 30سنة بشتغل في شركة ..
كريم ماما متوفيه وبابا مريض علشان كدا جيت أنا وأخويا ..
علي عم محمود إحنا قلنا نجي إحنا الأول ولو حصل نصيب ساعتها بابا هيجي إن شاءالله ..
محمود أنا كل اللي يهمني راجل يكون سند لبنتي ..
نسأل العروسة الأول هي صاحبة القرار أنا كل اللي يهمني سعادة بنتي ..
نادية روحي ناديها البنت مكسوفه ..
بسمة حاضر ياحبيبتي ..
بسمة دخلت عند جوري لاقتها قاعدة متوتره وعماله بتفرك بإيديها
بسمة بإبتسامة ما شاءالله إيه القمر دا يلا يابنتي تعالي نخرج ..
جوري بسمة أنا خاېفه مش عايزه أخرج حاسه إني لو خرجت هقع من طولي ..
بسمة اهدي ياجوري خذي نفس يلا نخرج أنا معاكي ..
دخلت جوري أوضة الصالون وعينيها في الأرض كانت حاسه إنها ھتموت من الإحراج قعدت جنب بسمة
محمود جوري يابنتي إنتي عارفه أنا أد إيه بحبك أنا عارف إني بقسى عليكي بس أنا بعمل كدا من خۏفي عليكي سامحيني يابنتي كريم طالب إيدك إنتي رأيك إيه ..
جوري خرجت الكلام بصعوبة اللي تشوفوا يابابا لو إنت موافق أنا موافقه ..
محمود جوري من اللي قالته عنه الست جميلة أنا شايف إنه هيكون سند ليكي من بعدي ..
جميلة زغرطت بفرحة لووووولووووي ألف مبروك ياولاد ..
بسمة ألف مبروك
