فانتازيا زواج نوفا من نبيل الحلقه الاولى

الحلقة الأولى من فانتازيا زواج نوفا من نبيل
كان نبيل في طريقه الي المصعد وقد وجد نوفا بنت عبد الغفور البرعي بمفردها
نبيل يقترب منها نفيسة صح
ترفع حاجبها وتنظر إليه باحتقار وأنت مالك
نبيل عادي إحنا مش جيران.. فيها ايه لما نتعرف
نوفا دلوقتي بقينا جيران ما انتوا ما كنتوش بتطيقوا تركبوا معانا سواء انت او أختك
نبيل أبدا والله
نوفا ما تحلفش طيب
نبيل بحرج خلاص يا ستي نتعرف انا نبيل ابن
نوفا ابن الوزير حفظنا
نبيل طب وانتي مين
نوفا وقد وصل المصعد برضه وأنت مالك
تتركه نفيسة وقد أحس بأنه قلة اوي وان بنت بياع الخردة علمت عليه

يظل نبيل يفكر بيها ويريد أن يكلمها مرة أخري وان يجد الفرصة لذلك
أما نوفا فقد احست انه يحاول التقرب منها لا لشيء إلا أنها بنت عبد الغفور البرعي المليونير وأنه قد رأي فتيات كثيرة أجمل منها ولكنها قررت أن تجعله يتعلق بيها فهو من يستطيع مساعدتها في تحقيق طموحها بالخروج من هذا البيت ومن سيطرة والديها
كان أخواتها في طريقهم إلى المصعد عندما ادعت بنسيان أحد كتبها وطلبت أن يسبقوها
كانت تعلم أنه سوف ينتظرها فهي ذكية تفهمها وهي طائرة وطلع إحساسها صحيح والواد نبيل ابن الوزير مستنياها
نبيل يسحب الباب فجأة وكأنه مسك حرامي في مولد
نوفا بالراحة علي الباب هو انت عشان ربنا مديك شوية صحة حتخلعه
يضحك نبيل ازيك يا نوفا
نوفا ده فيه تقدم وبقيت عارف اسم الدلع كمان
نبيل لا ما انا عارف من الاول بس بستعبط
تضحك نوفا مش لايق على شنبك خالص الهزار ده
نبيل يسبل لها
نوفا لا ومش لايق السهوكة برضه انت عاوز ايه يا ابن الناس
نبيل عاجبني انك مباشرة وواضحة طيب انا عاوز نتقابل بعد المدرسة ممكن
نوفا ليه
نبيل عادي نتكلم عن أحلامنا ومستقبلنا
نوفا طيب حاشوف
فضل نبيل مستني نوفا تحت الشجرة يا وهيبة. ...قصدي تحت الشجرة اللي قصاد المدرسة بس هي ما عبرتوش وفضلت تقلانة عليه وهو كان مستغرب معاملتها وفضل مستني تاني يوم وما نزلتش لوحدها في المصعد ولقي أخواتها ونظيرة وعروستها في ايديها وما عرفش نظيرة اللي تقريبا طالعة في أولي ثانوي ماسكة عروسة ليه اصلا وبتطلب من فاطمة تاكلها
صمم نبيل علي مقابلة نوفا وفعلا فضل مستنياها عند المدرسة والمرة دي اعترض طريقها
نوفا انت اټجننت
نبيل ما جتيش امبارح ليه
نوفا واجي ليه هو احنا نعرف بعض
نبيل ما هو انا كنت عاوز اقابلك عشان نتعرف
نوفا وانا مش عاوزة يا سيدي اعرفك
نبيل يا نوفا افهميني انا حاسس أننا شبه بعض في حاجات كتير وكل اللي عاوزه فرصة بس نتكلم
نوفا خلاص حافكر
نبيل طب النهاردة عيد ميلاد اختي مرفت ايه رأيك تجيبي اخواتك وتيجوا
نوفا نيجي عيد ميلاد اختك اللي مش بتطيقنا ولا تطيق تركب معانا الاسانسير
نبيل لا دي مرفت طيبة جدا وبتحبكم
نوفا بسخرية مش قد حبنا ليها والله
نبيل طب ايه حتيجوا عيد الميلاد
نوفا حنيجي عيد الميلاد
تفتكروا حيحصل ايه في عيد الميلاد 
الي اللقاء في الحلقة القادمة