لن_أعيش_في_جلباب_أبي فرح خضير ونوفا

المشهد الناقص من مسلسل لن_أعيش_في_جلباب_أبي
فرح خضير ونوفا
كانت فرحة سيد وفتحية لا توصف فقد أشتري عبد الغفور ل أبنهم شقة فخمة بأرقى الأحياء وذهبت نوفا مع أمها وفتحية لشراء أثاث بيتها من محلات زعزع والنهضة وكانت نوفا تختار أغلي الغرف كما تفعل دائما فهي لا تترك أي فرصة للأخذ من أموال والدها.
كان خضير قد حضر للعشاء معاهم برفقة فتحية وسيد وفاطمة وكان تجمعهم مائدة العشاء عندما أنتهز عبد الغفور الفرصة للتحدث معهم بخصوص فرح نوفا وخضير
عبد الغفور إيه رأيكم يا جماعة بدل ما نعمل فرح ودوشة علي الفاضي نوفر الفلوس وأهو إحنا أهل نفرح مع بعضنا وفاطمة تعلمنا عشا معتبر. .العيال يتعشوا ويطلعوا علي بيتهم.

سيد عين العقل يا حاج
خضير اللي تشوفه يا عمي
نوفا وقد ظهر علي وجهها الڠضب وليه يا بابا معملش فرح زي سنية وبهيرة ولا أنا ما استاهلش افرح زيهم
بهيرة مش بالفرح يا نوفا ..الفرح بيبقي في فرحتكم ببعض مش بالزفة والهيصة
نوفا يا سلام يختي وما شوفناش ليه العقل ده وقت ما أتعملك فرح أتكلف شيء وشويات
نظيرة عشان أبو العريس اللي صمم وكان ليه أصحابه وقرايبه أنتي بقي هتعملي فرح لمين هو فيه غيرنا يا نوفا
نوفا تدعي الحزن أنتوا كده دايما كاسرين نفسي وعاوزين تحرموني من أي حاجة تفرحني
فتحية تربت علي ذراعها ما عاش ولا كان اللي يكسر نفسك ده أنتي ست العرايس. . . بس شكلنا أحنا اللي مش قد المقام
فاطمة كلام إيه ده بس يا فتحية ده أنتوا أهلنا
نظيرة طب أنا عندي أقتراح ما تعملوش فرح وبفلوسه سافروا أي مكان واعملوا شهر عسل أيه رأيك يا نوفا
عبد الغفور مبتسم براوه عليكي يا بت ..بنت أبوكي بصحيح وأنا مستعد أحجزلكم في أجدعها لوكاندة في أسكندرية
سنية أسكندرية أيه يا بابا ...فيه أماكن جديدة دلوقتي
نظيرة أيوه يا بابا شرم الشيخ مثلا
عبد الغفور شيخ أيه.. هم هيرحوا يعملوا شهر عسل ولا يزوروا الأوليا
يضحك الجميع إلا نوفا
نظيرة ما سمعناش كلمتك يا نوفا
نوفا وأنتوا خليتوا ليا كلام ما خلاص قررتوا وأنا المفروض أقول