رواية الهجينه الجزء الثاني الفصل السادس والعشرين حتى الفصل الثلاثون بقلم ماهي احمد حصريه وجديده
عز غرام .. غرام اصحي
فتحت عنيها بالعافيه وهي مش قادره بتبص لاقيته عز
غرام عز هي الساعه كام دلوقتي
عز احنا لسه الفجر
بيفتحلها ايديه وبيشاور على الطفله
عز هاتي الطفله بالراحه عشان ماتصحاش
ادته غدير بالراحه اوي واخدها في حضنه وغرام بقت بتحاول تفك جسمها اللي اتكسر من كتر النومه على الكرسي
عز قربنا على الفجر
غرام وايه اللي جابكم بدري كده
لف وشه لورا وبص على داغر
عز مش قادر يستنى للصبح عشان كده اجبرني نيجي دلوقتي
غرام ابتسمت واتكلمت بصوت واطي
غرام ودخلته المستشفى ازاي
عز ودي محتاجه سؤال من الشباك طبعآ
مسك الطفله وهي في حضنه بأيد ومد ايده التانيه لغرام
شاورت براسها من فوق لتحت لعز وبصت وراها لداغر اللي كان واقف جنب هدير واتكلمت بصوت واطي جدآ
غرام ماتقلقش هتبقى كويسه .. هدير قويه
شاورلها براسه من فوق لتحت بابتسامه بسيطه
داغر شكرآ على كل حاجه ياغرام
غرام ماتقولش كده هدير زي اختي واكتر كمان
غرام طيب ولو جت ممرضه دلوقتي وشافتنا هنعمل ايه
هز كتفه حاجه بسيطه
عز ماتقلقيش لسه كانوا بيمروا من شويه على بقيت الاوض ومش هيمروا الا في وقت الشيفت بتاعهم
قعدت على الكرسي اللي قدام السرير وابتسمت ابتسامه بسيطه
عز مش كل حاجه بالظبط
غرام مممم تقصد أيه النظره دي انا عارفاهه كويس
قعد قدامها على السرير جنب الطفله
عز نظره ايه
غرام نظره ان في حاجه مخبيها عني وعايز تقولها
اتعدل في قعدته وبصلها
عز انتي بقيتي حفظاني اوي كده
قامت من على الكرسي وقعدت على السرير قدامه
غمض عنيه وشاور براسه من فوق لتحت حاجه بسيطه بمعنى قولي
اتنهدت وهزت كتفها
عز انا بقرا الكلام في عنيك قبل ما تقولوا ببص في عنيك واعرف انت عايز تقول ايه
استغرب وضم حواجبه وهو بيبصلها فهمته وابتسمت
غرام طبعا مش ببقى عارفه انت هتقول ايه بالمعنى الحرفي بس زي دلوقتي بنظرتك دي ..
مممممم يعني انا فهمت من نظرتك دي انك مش مصدق كلامي
عز ابتسم حاجه بسيطه ورفع حاجبه الشمال وهو مضيق عنيه حاجه بسيطه
غرام بالظبط زي النظره دي بتقول ان في حاجه عايز تقولها بس متردد
قربت منه اكتر وبقى وشها في وشه .. رفعت ايدها ولمست خده وبكل حنيه وهي بتبص في عنيه
غرام عايز تقول ايه ياعز .. انا سمعاك
عز ابتسم ورفع ايديه ومرر صوابعه مابين خصلات شعرها وهو بيبصلها في عنيها بكل حب
عز ولاء وشريف جايين بيت داغر النهارده يعني كمان شويه
غرام كانت بتبتسم لعز انمحت ابتسامتها بالبطىء وابتدت نظرات الحب تتبدل لنظرات غيظ مره واحده قامت ووقفت قدامه وقالت بصوت عالي
غرام نننننننننننننعم
________________ بقلمي ماهي احمد _____________
داغر جاب كرسي وقعد جنب هدير وهي نايمه وبقى يمرر ايديه على خصلات شعرها بالراحه اوي كانت نايمه ومغمضه عنيها ومتعلق في أيديها محاليل كانت شبه الملاك النائم
شال ايديه من على خصلات شعرها ورفع ايديه الاتنين وبقى يحسس على ملامحها بكل حنيه وافتكر اول مره دخلت عنده البيت ومسك وشها پعنف وبقى يحسس على ملامحها بكل عصبيه وبرود
عشان يكون صوره لملامحها في خياله داغر الۏحش مابيسمحش لحد يقعد في بيته الا لما يكون عارف ملامحه افتكر صوت دقات قلبها ونفسها اللي كان طالع نازل من كتر الخۏف منه غمض عنيه وهو مخڼوق من اللي كان بيعملوا معاها نزل بأيديه بالراحه وبقى يحسس على بطنها اللي شايله أبنه وبقى بيسمع دقات قلب الصغنن اللي جواها
وبقى بيفتكر أول مره يشيلها عشان يخيطلها جرحها
والعڈاب اللي اتعذبته وهي معاه لمجرد انها مكانتش بتسمع كلامه ولما حاولت تهرب حط راسها في برميل مايه ساقع متلج قبض على أيديه وهو ضميره بيأنبه ليه يعمل كده في واحده ضعيفه كل ذنبها انها دخلت بيته عشان تتحامى فيه حس مره واحده انه مش جدير بيها وكتير جه عليها
وهي ماتستاهلش كده بقى بيتكلم بصوت وهو مضايق جدا من نفسه
داغر انتي تع بتي معايا كتير اوي ياهدير .. من لحظه دخولگ بيتي لحد دلوقتي ماشوفتيش معايا يوم خير ويمكن أيامنا اللي بخير تتعد على الصوابع وأيامنا اللي مافيهاش خير مالهاش عدد .. ساعات بحس إني مش جدير بيگي .. أوقات بحس انگ حاجه كبيره انا ماستهلهاش
سكت لثواني ورفع راسه لفوق وبص للسقف
