رواية روز يوسف بقلم شهد محمد حصريه وجديده وكامله جميع مواضيع
من زمان ومع ذلك بتحبي
_هو فاكرني متهمه عنده يا سلمى ازاي يعاملني كدا
_هو بيعاملنا كلنا كدا وانا قولتلك مش هتعجبه وهيزعقلك قولتي على قلبي زاي العسل
_بس ده عسل مر ده عسل ماسخ مش مسكر
_واي اللي رماكي على المر يا ست روز
_بحبو
_ااه من الحب وۏجع قلبه يا ناس هروح اشوف ماما واهدي بقا
سابتني وخرجت شربت اخر بوق من القهوه اللي طلعلي فيها عيوب قد كدا وانا بفكر هو ليه كدا ليه مش عادي
بعد ما قعدت مع طنط وسلمى عشان ميزعلوش روحت البيت وانا بفكر فيه وفي قلبي اللي سايبني ومطاوعه غيرت هدومي ولبست بيجامه مريحه بحبها
ودخلت المطبخ عملت فنجان قهوه سويت القهوه كويس ومحطتش سكر كتير ومكلتش معاها شكولاته ولا اي حاجه عشان ميبقاش عك
كانت حكاية الجنايني اللي حب اميرة القصر بس انا قصتي تختلف
انا الجنايني وهو امير القصر!
الحب من طرف واحد ملك انا مستاهلش اني متحبش انا استاهل اني اتحب ب الطريقه اللي استاهلها ويتمشيلي بلاد
من تاني بوق من القهوه قرارت اني خلاص هشيلو من دماغي وهبطل احبه فتحت موبايلي عملت بلوك ل رقمه اللي هو ميعرفش انه معايا اصلآ
ورجعت احبه وافكر فيه تاني وفكيت البلوك عشان انا مهزقه وهعمل خطه جديده عشان يحبني وبعد دقايق من الانتظار سلمى ردت
التاني
بعد شويه من ألانتظار سلمى ردت
_خير يا روز هانم
_خير يا ختي خير . . انا جتلي فكره تخلي اخوكي يتحرك وياخد خطوه من ناحيتي
_نقول قدامه إن جالي عريس وقتها هو يتجنن بقا ويبقا عايزني أرفض وكدا
_هو انا مظنش إنه ممكن يعمل بس ماشي نعملها يمكن تيجي ب فايده بكرا تعاليلي ونعمل الحوار عليه بس يا خۏفي لا يعرف اننا بنحور
_وهيعرف منين يا سلمى
_متنسيش إن يوسف ظابط مخابرات يا روز يعني يعرف الكداب من الصادق
_طب والحل
_بصي متبصيش في عينو وانتي بتتكلمي عشان قالي في مره إن البيكدب في حاجه في عينو بتتحارك باين وحاولي تسيطري على حركاتك وانتي بتتكلمي عشان ده بيفهم في لغة الجسد
_يوسف بقا هو اي حد
_طيب خلاص هجيلك بكرا
_تيجي بدري قبل ما ينزل الشغل يا روز
_اتفقنا
قفلت مع سلمى وانا بتخيل اي اللي ممكن يحصل لو خططي نجحت نمت وانا بفكر فيه
وجيه تاني يوم صحيت بدري غيرت هدومي وعرفت ماما انا رايحه فين وروحت على بيت سلمى على طول
رنيت الجرز وثواني وكان هو اللي فتح الباب فتحو ودخل من غير ولا سلام ولا كلام البارد سلمى شافتني جت عليا وقالت
_عروسه اي يا سلمى لسه مفيش حاجه
طنط مامتها قالت
_اي يا روز هنفرح بيكي قريب ولا اي
_مش اوي يعني يا خالتي هو عريس متقدملي لاكن انا مش موافقه
_ليه يا بنتي اي اللي يعيبو
_ميعبوش حاجه والله يا خالتي بس انا اللي مش عايزاه انا عايزه واحد ليه هيبه كدا مقامه عالي وياسلام بقا لو ظابط زاي أبطال الروايات
_الروايات كلت دماغك إذا كنتي انتي ولا الموكوسه التانيه اقعدي افطري يلا اقعدي
قطع كلامنا صوتو من اوضته وهو بيقول
_القهوه يا سلمى
دخلت سلمى عملت القهوه وقدمتها ليه شربها في اوضته ونزل من غير ولا كلمه
ونزلنا انا وسلمى روحنا الشغل واحنا قفانا بيأمر عيش زاي مابيقولو
_اخوكي ده بني ادم زاينا ولا حجر ده لوح ده لو ابو الهول كان نطق ده انا قولت عايزاه ظابط اعمل اي تاني اقول اسمه عشان يفهم
_انا قولتلك ده مفيش حاجه هتهزه
_ماليش دعوه يا سلمى اتصرفي عايزه اتجوزه اي الحل
_الحل إنه يحبك
_ويحبني إزاي
_معرفش يا سلمى معرفش يوسف اخويا غامض يعني معرفش بيحب اي وزوقه اي واي اللي يرضيه محدش فاهم يوسف ولا يعرف دماغو فيها اي
روحنا الشغل وانا فاقده الأمل فيه وفي قلبي اللي بيحبو
عدا يومين
