رواية مهمة حب الحلقة الخامسه بقلم ريحانة الجنة حصريه وجديده
اوي والله. بس هي حمأية شوية.
فتون طيب بص يا ابن الناس. خلي امك تيجي تكلم امي وربك يحلها.
عزت بتردد طيب هو يعني لازم امي وامك ورسمي ماتمشيها عرفي. ولا من شاف ولا من دري وانا وانتي نتبسط واللي انتي عايزاه انا هدهولك. فلوس ذهب لبس كله. حتي علاج امك انا متكفل بيه . هاه قولتي ايه.
فتون عنيها دمعت. من حزنا علي حالها للدرجة دي الكل طمعان فيها وشايفها رخيصة. لقمة سهلة تتاكل ولا حد يحس. حست بمرارة الفقر واليتم. وفقدان الاب والامان والسند.
عزت پغضب تمام. انا كدة جبت اخري معاكي. اسمعي انا صبرت كتير . انتي من دلوقتي تدوري علي شقة تانية تقعدي فيها انتي وامك واختك. انا محتاج الشقة.
فتون حاضر هندور. عن اذنك.
مشيت فتون وهي مهزومة وموجوعة. وعزت هيتجنن هو عايزها بأي شكل . طلع لامه .
في شقة المعلم جابر.
توحيدة قاعدة بتتفرج علي مسلسل تركي وتاكل لب. دخل عزت ووقف قصاد امه.
توحيدة بزهق ماتوسع يا واد انت وقفت زي الحيطة قصاد المسلسل ليه كدة. اوعي خليني اتفرج.
توحيدة بتتلفت علي المسلسل يا موكوس اوعي دي الحلقة دي مهمة عايزة اعرف الولية دي هتعمل ايه في جوزها اصله كان بېخونها والله يستاهل قطم رقبته.
عزت بزهق ياما ركزي معايا بقي . ابو المسلسل علي اللي جابوه. انا اهم.
توحيدة بنفاذ صبر حطت طبق اللب نعم يا ابن الموكوس. عايز ايه ماهو انت وابوك مابيجيش من وراكم خير ابدا. اشجيني.
توحيدة عقدت حاجبها بتقول ايه يا منيل علي عينك.
عزت ابتسم هه لا ابدا ياما انا بقول انك امي وتهمك مصلحتي مش كدة.
توحيدة لوت شفايفها اخلص وقول عايز ايه.
عزت بلع ريقه پخوف ففتون. عايز اتجوز فتون.
توحيدة عنيها بتطق شرار تاني . هنعيده تاني لسة عايز تتجوز بنت مديحة . انا قولتلك ابدااا علي چثتي.
توحيدة وحياة امك خلاص. دي كانت قهراني وكل شباب الحتة عايزنها حتي ابوك لولا انه ابن عمي وابويا وابوه ڠصبوه يتجوزني. ماكنش اتجوزني. وحتي بعد ماهي اتجوزت وخلفت وجوزها ماټ. ابوك مانسيش كان عايز يكمل قهرتي وراح يطلبها للجواز . ولولا انا لاوية دراعه بشراكتي ليه في كل حاجة. كان اتجوزها وماعمليش حسابي جاي انت دلوقتي تقولي خلاص. ياخي خلصت روحك انت. ابوك في ساعة واحدة. وابقي خلصت من جوز بغولة قارفني في عيشتي.
توحيدة ايوة يا روح امك. وماعنديش كلام غيره. شاور علي اي واحدة وانا اجوزهالك. الا بنت مديحة.
خرج عزت ورزع الباب وراه.
توحيدة كاتك رزعة في دماغك. انت واللي خلفك.
......................................
في شقة فتون قاعدة في اوضتها بټعيط. وجنبها اختها حياة.
حياة زعلانة علشان فتون خلاص بقي يافتون. ماتزعليش نفسك ربك يفرجها.
فتون انا تعبت يا حياة. ليه الدنيا بتقسي علي الغلابة اللي زينا كدة. احنا مش طالبين غير الستر. ليه الكل بينهش فينا كدة ليه. انا في الشغل ببقي عايزة اخبي نفسي من محسن وعنيه. وهنا عايزة اتداري من عزت وغيره. انا مش عارفة اروح فين. اموت نفسي واخلص انا مابقتش قادرة اتحمل.
حياة بدموع اوعي تقولي كدة. ټموتي نفسك علشان شوية كلاب مايستهلوش. طيب وانا وماما احنا مالناش غير بعض.
فتون بتمسح دموعها اوعي تقوليها حاجة. ماما اللي فيها مكفيها هتزعل وهي اصلا تعبانة .
حياة حاضر ماتخفيش. المهم انتي كفاية عياط وكلام عن العالم المقرفة دي وابتسمت بخبث. خالينا نتكلم عن حد يفتح النفس.
فتون
