الجزء الاول " العروسة حامل "حصريه وجديده

الجزء الاول العروسة حامل حصريه وجديده 
_ هي مالها يا دكتور! 
هي تبقى مراتك 
_ اه
مبروك هي حامل 
_ إزاي! 
هو أي اللي إزاي 
_ إحنا متجوزين من أسبوع! 
فضلت ثواني مستوعب كلام الدكتور مش فاهم حامل إزاي وأحنا متجوزين من أسبوع بس! 
روحت ل نوران في الغرفة اللي محجوزة فيها عشان اطمن عليها وأنا وكل اللي بيحصل ده وأنا مش مستوعب أي حاجة أصلا .

_ الدكتور قالك أي يا مالك 
قال أنك كويسة الحمدلله بس هتعملي شوية تحاليل عشان نطمن عليكي أكتر 
_ يعني كله تمام 
أها اطمني 
خۏفت أقولها حاجة وتشيل في نفسها وتتعب ويطلع كلام الدكتور غلط وخۏفت يطلع صح ويكون في حاجة فعلا وتعمل في نفسها حاجة الف سيناريو حضر على بالي مبقتش عارف أعمل أي بس سبت كل حاجة لحد ما نعرف نتيجة التحاليل .
فضلت أكتر من أسبوعين مستني نتيجة التحاليل من جوايا بقول يا رب يطلع كلامه غلط وفي نفس الوقت في همسات في ودني بتقولي كلامه صح اللي خاېف منه هيطلع صح بقيت بكره دماغي من كتر الأفكار الغريبة اللي بتجيلي . 
_ مالك أنت كويس يا حبيبي 
اه كويس صاحية ليه لحد دلوقتي! 
_ صحيت ملقتكش جمبي قلقت عليك 
وفي نفس اللحظة لقيت صوت معدي من جمب ودني قال جملة سريعة قلق الأفاعي 
قلق الأفاعي! 
_ قولت أي 
حاولت أستوعب سمعت أي ورددت اللي قولته وبعدين حاولت ألملم اللي حصل .. 
هاا لا مفيش كله تمام 
بقيت ملاحظة أن مالك في الفترة الأخيرة مبقاش طبيعي بقي طول الوقت شارد سرحان على طول بدون سبب أحيانا بيبقى غريب وبيقول كلام أغرب بس الفترة الأخيرة دي أتغير بشكل ملحوظ وبيتصرف تصرفات غريبة مبقاش يهتم زي الأول كلامه بقي قليل بيقول كلام مش مفهوم داخلين على شهر جواز وقبلهم سنتين خطوبة وأول مرة أشوفه كده .. 
يمكن زهق 
_ زهق من أي يا صفاء إحنا لينا شهر متجوزين
دي طبيعة الراجل يا نوران أنه يبقى مشتاق وملهوف على الحاجة وأول ما تجيله بيزهق منها 
_ ده ليه 
لأن