رواية موضوع_عائلي الحلقه الاولى حتي الحلقه العاشره بقلم رحاب القاضي حصريه وجديده

رواية موضوع_عائلي الحلقه الاولى حتي الحلقه العاشره بقلم رحاب القاضي حصريه وجديده 
_الحلقه الاولي
"المأذون_والعروسه" 
ـــــــــــــــــــــــــــــ 
_ في منطقه شعبيه وبيت بسيط، طلعت هناء من المطبخ وفتحت الباب اللي كان بيخبط وكان راجل كبير ومعاه رجالته اللي ماسكين شنط وعلب كتيره..

هناء بضيق
اصطبحنا واصطبح الملك لله نعم يا حامد؟..

دخل حامد وقال
حط ياد الحاجه دي وانزلو استنوني تحت يلا..

هناء بضيق
اللهم طولك يا روح، ما مانش ليه لزوم يا معلم حامد..

حامد بصلها بجمود وقال
انا مش جاي ولا جايب ليكي يا هناء انا جاي لولادي...

_قال كلامه وسابها مټعصبه وراح قعد علي الكنبه بعد ما طلعو رجالته وقال..

حامد 
واقفه عندك. روحي صحيهم قوليلهم ابوكم عايزكم واعمليلي شاي..

هناء پحده 
بقولك ايه يا حامد جو المعلمين بتاعك ده تعمله علي اي حد غير هناء وما عندناش شاي بس...

طلع مازن من اوضته وقال
في ايه يا ماما هو انتي لماما تلاقيش حد تتخانقي معاه، بتتخانقي مع نفسك..

هناء بغيظ 
اتلم يا واد بتخانق مع ابوك اهو قاعد..

بص مازن لحامد. وقال بضيق
نعم في حاجه؟..

هناء پحده 
اتلم يا واد انت وكلم ابوك كويس، واقعد معاه لحد ما اروح اصحي اخوك..

_ قالت كلامها ودخلت اوضة محمد ابنها الكبير اللي كان بيقرأ قرأن وابتسمت وقالت..

هناء
وكأني شايفه ابويا الله يرحمه قدامي بقيت صوره منه يا حبيبي..

قفل محمد المصحف وقال
صباح الفل يا ست الكل، ليه معصبه نفسك علي الصبح كده؟...

هناء بضيق
اللي ما يتسمي بره اطلعله واسمع خليه ياخد الحاجات اللي جايبها معاه..

محمد بهدوء
انا اسف يا ماما مش هقدر اقوله خدهم واكسفه عديها عشان خاطري..

هناء بغيظ
طيب خليه يمشي بسرعه انا بشوفه بيركبني مېت عفريت..

محمد 
حاضر يا ست الكل بعد اذنك..

_ وطلع بره وسلم علي باباه وقعد معاه هو ومازن وحامد زعق فيهم وقال..

حامد
يعني ما فيش فيكم فايده، ما فيش واحد منكم قادر يجي يقف مع اخوه ويسنده وتبقو عزوه يا ولاد حامد..

محمد بجديه
لا هنقف جنبه ونساعده لما يكون بني ادم كويس مش بلطجي..

وقف حامد وقال
ماشي يا شيخ محمد واخوك يونس مش بلطجي، اخوك بيجيب الحق للناس والحته كلها واللي حواليها عايشه في حماه وشايل اسمي مانك يا كبير...

طلعت هناء وقالت
شرفت يا معلم حامد ما تكررهاش تاني بقي..

محمد بضيق
تنور وتشرف في اي وقت يا بابا، لو سمحتي يا ماما خلاص..

وقف حامد قدام هناء وقال
كله منك خدتيهم مني وطلعتيهم بركه زي ابوكي الشيخ راضي..

هناء بسخريه 
مش كفايه اللي عملته في يونس ابنك جاي تخرب عيالي روح الله يسهلك لحالك...

_طلع حامد وهو مدايق بس وقف عند الباب وقال لمحمد پحده..

حامد 
هي كلمه لو ما رجعتش من نفسك يا شيخ محمد انا هرجعك بطريقتي...

_ وطلع ورزع الباب ورااه، ومحمد اتنهد بضيق وقربت. منه هناء وقالت..

هناء
عندك كتب كتاب مش كده؟..

محمد ابتسم وقال
ايوه يا ماما وهتعبك تكويلي البدله، ده فرح بنت واحد. من تلامذة جدي الله يرحمه..

هناء
طيب يا حبيبي كبرت وبقيت مأذون قد الدنيا مش ناويه تفرحني وتتجوز..

محمد
لسه النصيب ما جاش يا امي..

زعقت فيه هناء وقالت
هو النصبب ده هيجيلك لحد عندك.، ما تسمع الكلام وتشوف عروسه من اللي جايباهم ليك..

محمد
مش عايزك تكوي البدله يا ماما انا هكويها، بعد اذنك انا نازل اشوف المحل تحت...

_مشي محمد وهي كانت مدايق ووقف جنبيها مازن وقال..

مازن 
كا تزعليش نفسك يا ماما حقك عليا بصي جوزيني انا، انا عايز اتجوز..

هناء پحده 
يا اخويا اتخرج الاول من الكليه يا ساقط الثانويه انت وبعدين فكر في الجواز بلا نيله..

مازن بغيظ
ماشي ما انا مش الشيخ محمد عشان تجوزيني، المهم العلم عايز فلوس ايدك بقي علي 200 جينيه..

هناء 
كان علي عيني منين بس احنا اخر الشهر ومش معايا..

مازن بغيظ 
طلعي يا ماما الفلوس اللي شيلاهم تحت مرتبة السرير وهيبقي معاكي فلوس.

هناء
بس يا واد دول شيلاهم لوقت ذنقه، وبعدين علي رأي المثل يعمل ايه المال والبال مش رايق..

مازن
لا هاتي انتي بس المال والبال هيروق وهيبقي زي الفل، هاتي الفلوس يا ماما بقي...

هناء
اتلم يا واد وبطل زن واوعي كده اروح اغير مكان الفلوس ولو جيت ورايا هنفخك...

ودخلت جوه وهو قال بغيظ
ماشي يا هناء والله لاسرقهم منك واحړق قلبك عليهم...

ــــــــ #بقلم_الكاتبه_رحاب_القاضي ــــــــ

_ وفي مكان تاني كانت في بنت جميله واقفه في بلكونة بيتهم وهي بتتفرح علي الخڼاقه اللي في الشارع وخاېفه جدا، وجات مامتها وقفت جنبيها وقالت..

فايزه 
كفايه بقي ادخلي والله لو شافك يا نور يومك مش هيعدي علي خير..

نور بقلق 
اسكتي بس يا ماما لحد ما نشوف اخرتها مع سي يونس...

ـ وتحت في الشارع كان واقف يونس، شاب في عمره الـ30 شكله عادي بس نظراته قويه ومرعبه للولد اللي واقع علي الارض ووشه كله كدمات ود*م وقال..

يونس بصوت عالي
ما تقوم يا دكر وترويني نفسك قوم يااه...

قرب منه راجل كبير وقال
حقك عليا انا يا معلم يونس، انا هربي ابني ومش هيزعلك تاني...

يونس پحده 
ابنك يا حج جاب شوية صيع وعايز يعمل كبير ويقف في وشي وانا ما رضيتش ازعله عشانك انما والله لو اتكررت تاني او رفع عينه فيا هخليك توصله المقاپر امين يا حج...

الراجل بدموع 
حاضر يا ابني اللي تشوفه..

_ سابه يونس وميل علي الارض يجيب التيشرت بتاعه بس جه واحد. من الرجاله بتوعه واداه ليه وقال باحترام..

صبحي
عنك انت يا معلم يونس اتفضل...

_ اخده منه يونس ورفع عينه علي بيت نور ولما شافها واقفه بصلها بعصبيه وهي دخلت بسرعه وهي مدايقه..

فايزه 
عجبك كده اهو شافك استحملي بقي اللي يحصل..

نور بضيق
انا تعبت يا ماما منه بقي بقي انا اتجوز البلطجي ده..

فايزه 
الله يرحم مش ده اللي روحك فيه وبتحبيه من صغرك ايه اللي اتغير...

وقفت نور قدام المرايه وقالت بغرور
ده كان زمان انما انا دلوقتي نور المتعلمه اللي يوم ما هتتخرج من كلية الطب هتكون دكتوره اد الدنيا، وفي الاخر اتجوز يونس البلطجي...

فايزه بسخريه
بلاش تبصي لفوق يا بنتي عشان رقبتك ما تتلوحش، وخليكي فاكره ان الكليه ونور نفسها اتعملت من خير يونس، انا داخله اكمل تجهيز الغدا، ولو كلمك راضيه بكلمتين ده لو مش عايزاه يجي ويكسر رقبتك...

_ دخلت فايزه المطبخ ونور قعدت مدايقه وقالت لنفسها بغيظ..

نور
هو انا ضړبته علي ايده عشان يصرف عليا مثلا...

_ وموبيلها رن وكان يونس، اتنفضت ايدها پخوف وردت وقالت..

نور
والله العظيم امي هي اللي قالتلي اقف اتفرج..

يونس پحده 
هي كلمه يا بت انتي لو لمحتك واقفه في البلكونه دي تاني ه..

نور بخبث 
واهون عليك يا يونس، وبعدين انا كنت خاېفه عليك..

يونس ابتسم وقال
ليه ان شاء الله عيل صغير ولا ايه، وبعدين ما تخافيش هو انا حد يقدر عليا اصلا..

نور بضيق
ولازمتها ايه بس الخناقات دي ما كنت كلمت الشرطه وو...

يونس پحده 
لييه مشلۏل مش هقدر ادافع عن نفسي ده انا اقوم ببلد يا بت...

نور 
ما تقوليش بت انا اسمي نور، واقفل عشان رايحه اذاكر..

يونس بهدوء
بحبك طيب..

نور بضيق 
امي بتنده عليا سلام يا يونس..

_ قفلت معاه وهو قعد علي القهوه اللي تحت بيتهم وبص للبلكونه بتاعتها وابتسم، وجه يوسف صاحبه وقعد جنبيه وقال..

يوسف
راضيه عنك مش كده؟..

يونس پحده 
انت ياد انت عامل زي الشرطه في الافلام بتيجي في الاخر تاخد اللقطه..

يوسف ضحك وقال
ههههه علي اساس انك محتاجني معاك يعني، المهم ابوك عايزك تكتب علي نور..

يونس بجمود
هو قالك كده؟..

يوسف
اكيد طبعا اومال هاجي اتكلم معاك في موضوع زي ده من نفسي وانا عارف اللي فيها..

يونس بضيق
دماغها بقيت صرمه قديمه من لما دخلت كلية الطب، بقيت بتستخسر فيا الكلمه حتي..

يوسف 
قولتلك بلاش قولتلي لا مش هحرمها تتعلم، اتحمل بقي..

بص يونس علي بيتها وقال
براحتها بس طلعت ولا نزلت مش هتتجوز غيري بالذوق او بالعافيه..

ــــــــ #بقلم_الكاتبه_رحاب_القاضي ــــــــ 
_ وفي منطقه تاني جنبيهم، في بيت الاستاذ حمدي كان البيت كله متزين ودخلت فاطمه اوضة بنتها هاجر العروسه وقالت..

فاطمه
وبعدين ما ردش عليكي.. مش المفروض عريس الغفله ده يبعت البنت اللي هتعملك الميكآب ؟..

هاجر بضيق 
خلاص يا ماما انا هبعت اجيبها تلاقيه لسه نايم..

فاطمه
طيب انجزي ده الضهر اذن من شويه بدل ما تتاخري..

هاجر
حاضر يا ماما، ابعتيلي بس ولاء اختي عشان تساعدني لحد ما تيجي البنت بتاعت الميكآب..

_ واليوم عدي وبالليل كان الكل قاعد والمأذون اللي كان محمد وكلهم مستنين العريس اللي مجااش..

حمدي لفاطمه
شايفه اختار بنتك انا ياما لساني نشف معاها وقولت عادل لا ده عيل مش راجل يفتح بيت..

فاطمه بقلق
يا اخويا مش وقته الكلام ده، المهم دلوقتي هنعمل ايه بنتك قاعده جوه وابن اخوك ما جاش والناس خلاص كلت وشنا..

قرب منهم محمد وقال
يا استاذ حمدي انا بقالي تلات سعات قاعد، في كتب كتاب النهارده ولا اتكل علي الله..

حمدي بحزن 
والله يا ابني ما عارف اقولك ايه، بس العريس ما جااش ومش بيرد علي حد وانا مش عارف اتصرف وبنتي سمعتها هي واختها هتبوظ..

محمد 
ازاي بس الكلام ده هو مش العريس ده يبقي ابن اخوك علي حسب ما وصلني ، ازاي يعمل كده؟..

فاطمه پبكاء
نصيبنا بقي هنعمل ايه، هو حظي وحظ بناتي ديما قليل..

حمدي
خلاص يا محمد يا ابني تقدر تمشي معلش عطلتك..

محمد بجديه 
بقولك ايه يا استاذ حمدي انا مستعد اتجوز بنتك دي،ومش هخلي حد يمس سمعتك انت وبناتك باي كلمه..

حمدي پصدمه 
ايه انت عايز تتجوز بنتي انا،طيب انت عمرك ما شوفتها اصلا وو..

محمد بجديه
يا استاذ حمدي انا اسمع عنك ديما من جدي الله يرحمه ومن امي والناس وشرف ليا اتجوز بنتك والله، ومش مهم اشوفها المهم الاخلاق عندي وانا واثق في تربيتك واعتبرنب اني بتقدم رسمي واكتب الكتاب علي طول...

فاطمه بقلق
جرا ايه يا حمدي انت هتجوز بنتك لواحد ما تعرفوش؟.. 

حمدي ابتسم لمحمد وقال
لا اعرفه واعرفه كويس علي الاقل احسن من اللي اختارته بنتك وسابها وهرب،وده هيستر علينا من الجرسه اللي ممكن تحصل..

_وفعلا كلم محمد مأذون زميله وجه وكتب الكتاب علي هاجر اللي مكانتش تعرف حاجه لحد ما دخل عندها باباها ومامتها ومعاهم الدفتر عشان تمضي..

هاجر بفرحه
هو ايه صوت الزغاريت اللي بره ده هو عادل جه صح؟..

حمدي بغيظ 
لا ما جاش ولا هيجي ابن اخويا وعارفه واطي هو.وامه امسكي امضي..

هاجر بعدم فهم
ماما هي الصدمه لحست دماغ جوزك ولا ايه، امضي علي ايه والعريس ما جاش اصلا..

ولاء بسخريه 
لا ما هو بابا جوزك المأذون لما اتزنق في عريس، اهو عريس وخلاص علي ما تفرج..

هاجر بعصبيه 
نعممممم انتو بتهزرو صح، مأذون ايه اللي اتجوزو..

حمدي 
ما اسمعش صوتك وانتي تحمدي ربنا اننا لقينا حد يشيل الليله دي، وامسكي امضي والا مش هخلي ليلتك دي تعدي علي خير..

فاطمه
اكسري الشړ يا بنتي وامضي الواد شكله محترم والله..

هاجر بغيظ 
شكله محترم انتو بترموني لاي حد وخلاص عشان خايفين علي سمعتكم..

حمدي 
اخلصي يا بت انتي وامضي يلا وهتروحي بيت جوزك دلوقتي كمان انا زهقت منك ومن عمايلك..

_ومضت هاجر علي عقد الجواز وهي خاېفه من باباها ودموعها ماليه عينيها، وبعد شويه مشيت الناس وطلعت عشان تروح مع محمد بيته، بس هو اول ما شافها اټصدم وقال..

محمد 
لا مستحيييل انتي العروسه اللي انا اتجوزتها؟!..

هاجر پصدمه
يخربيتك هو انت، انتو مالقتوش غير اللي متربي عشر مرات ده عشان تجوزهولي..

حمدي
استنو انتو الاتنين انتو تعرفو بعض منين؟.

محمد 
انا هحكيلك يا عمي..

_فلااااااااااش باااااك.. 
في يوم كان محمد عنده برد وراح المستشفي ياخد حقنه، ودخل اوضة الممرضين اللي كانت فيها هاجر لوحدها..

محمد
لو سمحتي يا مدام انا كنت عايز اخد اا..

هاجر پحده
ايه مدام دي يا كابتن انسه يا عديم النظر  لو سمحت..

محمد ادايق من اسلوبها وقال
طيب يا انسه لو سمحتي انا عايز اخد الحقنه..

هاجر بجديه
طيب اقفل الباب وتعالي ورايا..

محمد بتوتر
ايه يا انسه اللي انتي بتقوليه ده ما يصحش كده؟..

هاجر بغيظ 
يا عم هو انا بقولك تعالي اما اخلي بيك، ده انا هديك الحقنه ولا انت عايز تاخدها والباب مفتوح وامة لا اله الا الله تتفرج عليك..

محمد بضيق 
لا انا عايز راجل هو اللي يديني الحقنه لو سمحتي..

هاجر پحده 
ومدام انت عايز راجل هو اللي يديهالك ايه اللي جابك في وشي طيب هو انا ناقصه وشوش علي الصبح؟..

محمد بغيظ
هما قالولي ما فيش ممرضين الا هنا، وانا كنت فاكر انك راجل..

هاجر بسخريه
وطلع ما فيش غيري اهو، هتاخد الحقنه بقي ولا هتمشي وتوريني عرض كتافك..

محمد بتوتر
طيب هو انا ينفع يعني اخد الحقنه في دراعي؟....

هاجر بغيظ 
اللهم طولك يا رووووح..

محمد بقلق
خلاص بس بلاش تقفلي الباب علي الاخر سيبي حته مفتوحه..

هاجر بضيق 
انجز ووريني الحقنه اللي في ايدك دي..

_ واخدت هاجر منه الحقنه و وقفلت جزء من الباب وبعد ما اخد الحقنه كان محمد مكسوف جدا ووشه احمر، ضحكت هاجر ڠصب عنها وقالت..

هاجر
هي الدنيا جرا فيها ايه بس اخييي علي الرجاله..

محمد بغيظ 
في حاجه اسمها حياء خجل وكسوف ولا حضرتك ما سمعتيش عنهم..

هاجر پحده
لا انا ممكن. اسمعك الاحلي من كده صوت ايدي وهي بتطرقع علي وشك لو ما مشيتش من قدامي، وابقي بعد كده يا عسل خلي الدكتور يكتبلك علي حقنه شرعيه ما بتحمرش الخدود..

_باااااااك..

بص حمدي بعصبيه لولاء اللي قالت بتوتر
انت بتبرقلي ليه دلوقتي علي فكره بقي هو اللي استفزني الاول..

حمدي 
انا مش عارف اقولك ايه بس يا محمد يا ابني.

محمد 
لا ولا يهمك يا عمي حصل خير، انا همشي بقي يلا يا عروسه..

ولاء
انتو مش هتيجو معانا ولا ايه؟..

الام 
هنيجي معاكي فين، بكره الصبح هنجيلك نطمن عليكي، خلي بالك من نفسك يا حبيبتي..

مشيت ولاء مع محمد اللي كان ساكت مش بيتكلم واول ما وصل بيته ودخل لقي مامته في وشه..

محمد 
قبل ما تتعصبي او تقولي اي حاجه انا هفهمك الموضوع بس اهدي..

هناء پصدمه 
هو انا عشان بزن عليك واقولك تتجوز، تقوم تتجوز فعلا من ورايا، مييين دي؟..

هاجر
بقولك ايه يا عسل انا رجلي وجعتني والفستان كتم علي نفسي دخلي الشنطه دي في الاوضه اللي هنام فيها وبعدين فهم امك الموضوع علي مهلك..

هناء پحده
ما حدش هيتحرك من هنا غير لما افهم الموضوع مين دي، اتجوزتها امتي قولي كمان مخلف منها كام عيل من ورايا؟.

هاجى پحده 
جرا ايه يا حجه ما تبلعي ريقك كده وتفهمي الموضوع، ابنك لسه متجوزني النهارده علي سنة الله ورسوله..

عيطت هناء وقالت
وما قولتليش ليه يا محمد مستعر من امك؟..

محمد بهدوء
يا ماما ابوس ايدك تعالي بس معايا نتكلم جوه وانا افهمك الموضوع بدل ما الجيران هتتفرج علينا..

ودخلت هاجر ومحمد وقالو اللي حصل لهناء اللي اتعصبت وقالت..

هناء
هو انت بقي كنت رايح تكتب كتابها يا حضرة المأذون ولا تستر عليها..

هاجر بغيظ 
بقولك ايه سكت امك انا علي اخري..

محمد 
يا ماما انتي مش كنتي عايزاني اتجوز، اهي جوازه كويسه جات قدامي وخلاص...

هاجر بضيق 
اللهم طولك يا روح، اوضتي اللي هتنيل فيها فين؟..

هناء
وبعدين انا اعرف الاستاذ حمدي صاحب المرحوم جدك ومن تلامذته اكيد ام اربعه واربعين دي مش بنته..

هاجر بعصبيه 
لا بقي انتي زودتيها، بقولك ايه لتكوني فاكراني لقمه طريه وهتعملي عليا شغل الحمواات لااا ده عضمي مر..

محمد بقلق 
اسمها لحمي مر...

هاجر
مالكش دعوه وامك لو اتكلمت تاني انت ما تعرفش انا هعمل فيها ايه؟..

هناء بغيظ
الله واكبر عليك يا ابني يوم ما تتجوز روحت اتجوزتلي وحده شلق..

هاجر پحده 
بقي انا شلق، طيب وسع كده يا حيلة امك انت هوريها الشلق كويس،لا فووقي ده انا ممرضه محترمه وقد الدنيا ..

هناء بخبث
ومش بس شلق وكمان سرنجه يا محمد جايبلي في ايدك سرنجه وتقولي اتجوزت..

هاجر
اوعي كده يا شيح محمد سيبني عليها..

محمد 
انتي هتعملي ايه دي امي يا مجنونه وبعدين ست كبيره هتتخانقي معاها..

هاجر پحده 
ما هو علي رأي المثل اللي قال الكبير لو احترم سنه الصغير مش هيقل منه..

محمد بغيظ 
هو انا متجوز ممرضه ولا سواقة توكتوك..ممكن تسكتي وتدخلي جوه اوضتي اهي اول ..

وفجاه طلع من اوضته اخوه مازن اللي في كليه تمريض وقال..

مازن 
ايه ده يا محمد انت اتجوزت الف مبروك، هات بقي موبيلك اشوف الماتش عليه عشان موبيلي فصل..

محمد 
غوري يلا من وشي انا ناقص تفاهه وبعدين شوفلك كلمه ذاكرها بدل الكوره اللي لحست دماغك دي..

خلص محمد كلامه ودخل اوضته هو وهاجر، ومازن قرب من مامته وقال..

مازن 
ماما ما تجيبي انتي موبيلك اسمع عليه الماتش..

هناء پحده 
يا برودك انت كمان بقي اخوك نتجوز من ورانا وانت كل اللي هامك الماتش ده ايه الخلفه اللي تجيب الهم دي بس يا ربي..

ودخلت هي كمان اوضتها ومازن قال بغيظ
يلاا يا عيله نكديه، اشوف الماتش ازاي بقي دلوقتي..

_ وجوه اوضة محمد وهاجر كانت واقفه متخشبه ودموعها ماليه عينيها، وقرب منها محمد وقال..

محمد  بتوتر
بصي يا انسه هاجر انا اا..

بصتله هاجر پحده وقالت
انسه ايه بقي في واحد. يقول لمراته انسه بص يااه جو الاحتىام مش هياكل معايا تكتم بقوك ده بقي لحد الصبح يكون بابا هدي شويه ونفضها سيره..

قرب منها محمد وقال بخبث؟؟؟

_ تفتكرو بقي هيحصل ايه؟... 
ـــــــــــــــــــــــــــــــــــــــــــ 

#موضوع_عائلي
_الحلقه الثانيه
"شلوت" 
ـــــــــــــــــــــــــــــ 
محمد بهدوء
بصي يا بنت الناس انتي دلوقتي بقيتي مراتي..

هاجر بسخريه 
متشكرين علي المعلومه اللي ما حدش كان يعرفها غيرك..

محمد
اللي اقصده انك زي ما هتحترميني هحترمك، هلاقي تصرف تاني ليا او لاهلي هيكون الرد مع والدك الاستاذ حمدي مش معاكي انتي..

هاجر پحده 
انت بتهددني يعني ولا ايه؟..

محمد اتنهد وقال
اسلوبك يبقي احسن من كده، امي ست كبيره تقول اللي عايزاه ولو انا ما حفظتش كرامتك ابقي اتكلمي..

هاجر 
هو انت ليه بتتكلم كده علي اساس اني هكمل معاك حياتي مثلا، انا كنت هتجوز واحد تاني بينا خطوبه خمس سنين عايزني عادي دلوقتي اتقبل اني بقيت مرات راجل غيره؟..

قالت كلامها ودموعها نزلت ومحمد قال
ما طلبتش منك تتقبلي كان ممكن ترفضي وانتي هناك، انا كل الحكايه اني ما رضتش بالڤضيحه لواحد زي الاستاذ حمدي واهل بيته..

مسحت هاجر دموعها وقالت 
يعم كتر الف خيرك بس ما تطلبش مني حاجه فوق طاقتي، يجي بابا ونتكلم معاه ان كل واحد يروح لحاله..

محمد بهدوء
اللي تشوفيه يجي والدك بكره واتكلمي معاه الاول وبلغيني باللي قالهولك وعلي فكره انا في الحالتين موافق...

هاجر پحده 
موافق بيه انت تعرفني بصراحه كده انا شيفاك واحد اهبل انك تتجوز واحده ما تعرفهاش اصلا ولا شوفتها...

محمد 
لو علي شكلك فانا ده اخر اهتمامتي، انما انتي كنت اسمع عنك وعن والدك ونسبكم يشرف...

هاجر اتنهدت وقالت 
طيب انا ما اعرفكش ولا عمري سمعت عنك ولا شوفتك غير يوم الحقنه..

محمد ابتسم وقال
اعرفك بيا محمد حامد الصاوي امام مسجد المنطقه هنا ومأذون شرعي وعندي سوبر ماركت صغير علي قدي تحت البيت..

_هاجر ببرود شاوىت علي الباب اللي في الاوضه وقالت...

هاجر 
ده الحمام مش كده؟..

ادايق محمد من طريقتها وقال
ايوه يا انسه هاجر ده الحمام وانا هغير هدومي وانام علي الكنبه هنا..

هاجر بغيظ 
ايييه انسه هاجر دي، هاجر وبس ما تضحكش الناس عليك..

محمد بغيظ 
تصدقي انا غلطان اني بحترمك اتفضلي شوفي هتعملي ايه...

ضحكت هاجر وقالت
ههههه واتفضلي دي كده انت مش محترمني، لا انت القطعيه بتاعتك دي ما وردتش عليا خالص...

ـ قالت كلامها ودخلت الحمام، ومحمد ابتسم وغير هدومه ونام علي الكنبه وهي طلعت من الحمام وهي لابسه بجامه طويله وشعرها مفرود علي ضهرها وبصت لمحمد بضيق وراحت نامت ودموعها علي وشها وقالت بصوت حزين..

هاجر 
روح يا عادل الله لا يسامحك علي اللي حصلي بسببك ده، بس ياتارا ايه اللي خلاك تسسبني في يوم زي ده..

ـــــــــ #بقلم_الكاتبه_رحاب_القاضي ـــــــــ
_ وفي بيت حامد الصاوي طلع من اوضة نومه ولقي مراته عظيمه وبنتها قاعدين بيفطرو..

حامد 
صباح الخير عليكم..

عظيمه 
صباح الخير يا اخويا تعالي اقعد افطر لحد ما اشوف المعدوله اللي في المطبخ دي ما جابتش القهوه ليه..

قعد حامد وقال
علي مهلكم انا مش مستعجل اصلا، عامله ايه يا بطه؟..

ردت عليه بطه بنت عظيمه وقالت
انا الحمد. لله يا عم حامد. كويسه، بعد اذنك بقي هروح المدرسه..

حامد 
قوليلي الاول يا بطه انتي في سنه كام دلوقتي؟..

بطه ابتسمت وقالت 
جرا ايه يا عمي انت مش عارف انا في سنه كام كده هزعل منك والله..

ضحك حامد وقال
ههههه لا لا اوعي تقولي كده  بس المشاغل بس والسن اللي كبر مخليين ذاكرتي مش قد كده..

بطه 
خلاص سماح المره دي علي العموم انا في اخر سنه في الدبلوم...

حامد بهدوء 
علي بركة الله، روحي يلا عشان ما تتاخريش علي المدرسه بتاعتك..

_ قامت بطه ومشيت وطلعت عظيمه وهي ماسكه في ايدها صنية القهوه وقالت وهي بتقعد علي السفره..

عظيمه 
قولي بقي يا سي الحج حامد بتسأل البت هي قي سنه كام ليه، ليكون المعلم يونس رضي عننا وهيناسبني في بنتي؟...

حامد پحده 
جرا ايه يا عظيمه هو انا ما اتكلمش مع البت يعني، وبعدين بسأل عادي..

عظيمه بضيق 
اسأل يا اخويا براحتك بس لو بتسأل عشان يونس فانا راضيه وهبقي من السعداء كمان، انما لو بتسال عشان تاخدها لواحد. من ولاد هناء يبقي لا والف لا..

حامد. زعق فيها وقال پحده 
جرا ايه يا وليه يا خرفانه انتي. وايه الفرق بين ولاد هناء ويونس كلهم اخوات يا عظيمه..

عظيمه بضيق 
يونس معلم يا حج وبطه بنتي من يوم ما اتجوزتك اتربت معاه وطالعه تحت ايده انما ولاد هناء ما استأمنش علي بنتي معاهم..

حامد پحده 
تصدقي انك وليه تسد النفس، مش فاطر يا عظيمه عشان ترتاحي..

عظيمه مسكت ايده وقالت
خلاص يا اخويا حقك عليا والله ما هفتح بوقي تاني..

حامد سحب ايده منها وقال
بقي انتي مش هتفتحي بوقك تاني ليه القيامه هتقوم....

_ قال كلامه وطلع بره البيت ويونس طلع من اوضته وقال لعظيمه بقلق..

يونس 
ماله الحج يا عظيمه زعلان ليه كده؟...

عظيمه بضيق
كله من هناء وعيالها، حاسه كده يا يونس ان ابوك عايز يجوز فاطمه بنتي لواحد من اخواتك..

يونس بضيق
انا ماليش اخوات يا عظيمه اسمهم ولاد هناء، وما تقلقيش ده مش هيحصل بعد اذنك...

_ وراح ورا ابوه وقعدو علي الكنبه اللي بره البيت وقال..

يونس
صباح الخير يا حج مالك مزاجك متعكر ليه كده، هو انت اول مره تسمع كلام مالوش لازمه من عظيمه.

حامد بجمود 
الواد دونقل جه وقالي ان محمد اخوك اتجوز امبارح بت حمدي مدرس العيال اللي في المعهد...

يونس بجمود. 
واحنا مالنا يا حج كل واحد حر..

حامد 
دول اخواتك يا يونس انسي اللي حصل زمان يا ولدي...

يونس بجمود
نسيته يا حج بس الشيخ محمد  اللي بيعاملني كاني ابو لهب او الواد اخوه اللي شايف نفسه جاي من السنا وانا علي الارض من الاخر انا ماليش علاقه بيهم...

حامد بحزن 
اسمعها مني يا ابني لو الدنيا كلها عليك مش هتلاقي غير اخواتك اللي في ضهرك ومعاك..

يونس بجمود
مش عايزهم يا حج ولو الدنيا جات عليا يبقي انا وهي ويا قاټل يا مقتول..

حامد 
ما فيش فايده المهم، رضوان الحديدي ما رجعش الفلوس اللي عليه والليله فرح ابنه..

يونس بسخريه 
ده الراجل ولا كأنه عاملنا حساب، سيبها عليا يا حج والفلوس هتيجي النهارده يعني هتيجي..

حامد بجمود
مش عايز ډم يا يونس انا مش عايز مشاكل مع الحكومه..

يونس 
اللي تشوفه يا حج انا تحت امرك فيه...

ـــــــــ #بقلم_الكاتبه_رحاب_القاضي ـــــــــ
_ وفي بيت الشيخ محمد  صحيت هاجر لقيت محمد لابس جلابيه بيضه وطالع،قامت بسرعه من علي السرير وقالت...

هاجر
استني انت رايح فين وهتسيبني لوحدي؟..

محمد بهدوء 
اهلك جاين بعد المغرب مش دلوقتي وانا نازل اصلي الجمعه في حاجه؟..

هاجر بقلق
وانت هتسيبني مع القرشانه امك لوحدي؟..

محمد بضيق
احترمي نفسك وانتي بتتكلمي عن امي، وبعدين خليكي هنا ما تطلعيش لحد ما اجي وهي مش هتكلمك..

ـ طلع محمد وبعد شويه غيرت هاجر هدومها وطلعت بره الاوضه لقيت هناء قاعده مټعصبه..

هناء
صباح الخير يا طنط..

هناء بضيق
استغفر الله العظيم علي الصبح، روحي يا بت انتي جهزي الغدا زمان محمد ومازن طالعين عشان يتغدو..

هاجر بهدوء
حاضر بس لو انا جهزت الغدا انتي هتجهزي العشا اصلك زي الفل اهو ده انتي كمان تباني اصغر مني وانا مش جايه اشتغل عندك ولا عند حد..

دخلت هاجر المطبخ وهناء قالت بغيظ 
ماشي يا محمد بقي انا تبقي مرات ابني حربايه زي دي..

_ والباب خبط وقامت هناء فتحت وكانت ريهام جارتها اللي اصغر منها بكام سنه وقالت..

ريهام 
اوعي يكون الكلام اللي سمعته صح، الشيخ محمد اتجوز واحده عاريسها سابها يوم الفرح؟..

هناء
وفيها ايه البنت كويسه وحس انها مناسبه، تعالي بس ادخلي بدل الوقفه دي..

_ودخلو وقعدو وهناء قالت بصوت عالي..

هناء
انتي يا سرنجه قصدي ياللي ما تتسمي انتي...

طلعت هاجر من المطبخ وقالت بغيظ 
يا وليه انتي عايزه من اهلي ايه وعارفه لو قولتي سرنجه دي تاني انا اا.. انتي عندك ضيوف؟..

هناء بسخريه 
ما تكملي ردح، ده لو كان جايبك من الشارع مش هتبقي بالمنظر ده..

. هاجر بضيق
اللهم طولك يا روح، نعم يا اللي بقيتي حماتي انتي؟..

هناء بهدوء 
هاتي حاجه ساقعه لطنطك ريهام من التلاجه..

دخلت هاجر المطبخ وريهام قالت
طنط ايه اللي بتقوليها دي يا هناء، ده انا لسه في التلاتين..

هناء بسخريه 
لا يا اختي تلاتين ايه لسه بترضعي، يا وليه ده انتي اصغر مني بتلات سنين بطلي بس انتي شفط ونفخ وصبغ في شعرك وهتبقي في سنك الطبيعي..

لوت ريهام بوقها وقالت
ما علينا من كلامك يا هناء هو العريس فين ولا مازن هو اللخر فين؟..

هناء
بيصلو يا اختي وزمانهم طالعين..

ـــــــــ #بقلم‌_الكاتبه_رحاب_القاضي ـــــــــ
_ وبالليل جم اهل هاجر في بيت الشيخ محمد.. وكانت هاجر قاعده مع ابوها لوحدهم وقالتله..

هاجر
يا بابا عشان خاطري اسمعني انا اللي كان بيني انا وعادل مش قليل دي سنين وانت عارف كده كويس تقوم تيجي في لحظه عايزني انسي كل ده واعيش مع راجل ما شوفتوش غير يوم ډخلتي..

حمدي 
الموقف اللي حصل امبارح ده قادر ينسيكي السنين دي، ده اتخلي عنك في اكتر موقف انتي محتجاله فيه ولولا محمد كان زمان سيرتك لبانه علي لسان الناس..

هاجر بدموع 
طيب انساه واي حاجه انت عايزها اعملها غير اني اعيش مع راجل ما اعرغوش...

حمدي پحده 
وفيها ايه يعني اما تشوفي عريسك ليلة الډخله، طيب والله العظيم انا وامك ما شوفناش بعض غير ليلة الډخله ويارتني ما شوفت..

هاجر 
نعمم؟!...

حمدي بتوتر
مش قصدي يعني المهم ده خلاص نصيبك وطلاق يا بت حمدي ما فيش ولو حصل وانتي السبب هبقي ڠضبان عليكي ليوم الدين..

هاجر بدموع 
لا يا بابا ما تقولش كده كله الا رضاك عليا بس يعني انا..

مسحلها حمدي دموعها وقال
يا بت يا عبيطه محمد ده انا لو ما كنتش اعرفه كويس عمري ما كنت هديله حته مني يا بنتي..

حاولت هاجر تبتسم وقالت
حاضر يا بابا انا تحت امرك...

حمدي بجديه 
وتنسي عادل اللي يرميكي بالطريقه دي ويبيعك يبقي ولا تبصي وراكي عليه حتي فاهمه وانتي دلوقتي علي ذمة راجل غيره لازم تحترميه وتراعي ربنا فيه...

اتنهدت هاجر وقالت 
حاضر يا بابا...

حمدي 
تعالي بقي نشوف امك وحماتك عاملين ايه بره..

_ طلعو بره وكانت ام هاجر وهناء قاعدين بيتكلمو ومحمد ماسك موييله وباصص فيه....

حمدي 
اتاخرنا علينا يا جماعه معلش..

هناء 
والنبي يا استاذ حمدي انت  والست فاطمه زي السكر جايبين الماسخه دي منين بس...

ضحكو كلهم ومحمد ابتسم وقال
ازاي يس يا ماما دي هاجر الحلويات كلها...

_اتنهدت هاجر بضيق وحمدي طبطب علي رحل محمد وقال..

محمد
ربنا يكرم اصلك يا ابني... المهم انا كنت عايز اقولك ان العفش بتاع هاجر رجع عندي البيت وتقدر تجيب عربيه في اي وقت وتاخده..

اتملت عيون هاجر دموع ومحمد قال
والله يا عمي انا واخد شقه هنا بس في الدور السادس فوق هي لسه محتاجه تشطيب كتير تقدر تخلي الحاجه عندك لحد ما تجهز الشقه..

حمدي
طيب اللي يريحكم، هنمشي احنا بقي وانتي يا هاجر اختك ولاء جيالك كمان شويه..

محمد
ما لسه بدري يا عمي انا مالحقتش اقعد معاكم..

هناء
طيب والله العظيم ما انتو ماشيين الا لما تتعشو معانا وتكون الحلوه الصغيره جات ونقعد كلنا مع بعض...

فاطمه 
يا حبيبتي يجعلو عامر ان شاء الله بس مش عايزين نتقل عليكم..

بصت هناء لهاجر وقالت پحده 
ما تمسكي في اهلك يا بت ولا اقولك قومي يا معدوله جهزي العشا..

هاجر بغيظ 
يا ستي هما عايزين يمشو ما تسكتي بقي..

هناء پحده 
شايف يا استاذ محمد بتشخط فيا ازاي طيب والله العظيم ما هما ماشين الا لما يتعشو..

محمد بقلق 
الحجه حلفت يعني خلاص بقي عشان حتي يبقا بينا عيش وملح..

فاطمه 
خلاص يا حمدي عشان ما نزعلش مننا الست هناء..

بصت هناء بخبث لهاجر وقالت
ما تروحي يا هاجر تجهزي الاكل انتي لسه واقفه متنحه..

هاجر پحده 
رايحه اهوو رايحه..

محمد بتوتر
انا هروح اساعدها طيب بعد اذنكم..

_ودخل محمد المطبخ مع هاجر، وحمدي وفاطمه بصو لبعض وابتسمو، وهناء قالت بهدوء...

هناء
ما تزعلوش مني علي طريقتي مع هاجر، بس بصراحه بنتكم مش هاديه كده ولا عاقله، وهي مدام بقيت مرات ابني تبقي بنتي بس انا بحب اعصبها زي ما بټعصبني..

ضحك حمدي وقال
زي ما قولتي كده يا ست هناء هي بنتك واللي يدخل بينكم خارج..

فاطمه بخبث
هي اصلا تحسيها شبهك في تصرفاتها..

هناء بسخريه 
بقي انا تصرفاتي زي المدهوله اللي جوه دي، لا ده انا كده ازعل منك..

_ضحك حمدي وفاطمه لوت بوقها وقالت بصوت واطي...

فاطمه
عيني عليكي وعلي حظك في حماتك يا بنتي...

_ وفي المطبخ كانت هاجر بتجهز في العشا وهي مدايقه جدا، ومحمد واقف جنبيها وقال..

محمد
طيب اساعدك في حاجه طيب؟..

هاجر پحده 
بقولك ايه يا شيخ محمد الشويتين دول اعملهم علي اهلي هما هيصدقوك يا مثال الاخلاق انت يا شهم انما انا قاعده هنا بطلوع روحي و...

محمد پحده 
حلصنا خلاص وانتي لو متعوده تعملي شويتين قدام حد فانا مش متعود اعمل حاجه، وبعتذر جدا علي الازعاج يا انسه هاجر بعد اذنك..

طلع محمد وهاجر دموعها نزلت وقالت
يارب انت اللي عالم بحالي وباللي جوايا...

ــــــــــــــ #بقلم_الكاتبه_رحاب_القاضي ـــــــــ

_ وتحت بيت نور كانت طالعه من بيتهم وقرب منها يونس وقال وهو بيرمي باقي سجارته علي الارض...

يونس 
هو انا مش قولتلك خمسه وانزلي..

نور بضيق
وانا قولتلك عندي محاضرت مهمه ومش هينفع اتأخر..

يونس 
طيب تعالي هوصلك..

نور 
لا انا هروح لوحدي عادي..

يونس پحده 
يا تيجي اوصلك يا تغوري تطلعي فوق..

نور پحده. 
كفايه والنبي كفايه انا اتخنقت يا يونس كل حاجه لازم تتحكم فيا فيها ليه كده؟..

يونس بجمود
عافيه بتحكم فيكي عافيه يا نور هااا قررتي ايه؟...

نور بدموع
مش غايره يا يونس وتتحرق الجامعه واي مكان اروح فيه معاك...

ذقها يونس وقال
احسن برضو عشان مش فاضي غوري بقي اطلعي فوق وما شوفش وش اهلك في الشارع والفرح بتاع النهارده مش هتحضريه مفهوم...

نور پبكاء
حسبي الله ونعم الوكيل فيك يا يونس بجد والله..

_ قالت كلامها وطلعت فوق شقتهم، وقعدت علي الكنبه وفضلت ټعيط.. وخرجت فايزه من المطبخ وقالت بقلق..

فايزه 
مالك يا بت ايه اللي رجعك؟ ...

نور پبكاء
هيكون ايه يعني يا ماما سي زفت عملي الاسود في الدنيا...

فايزه بقلق 
اوعي يكون مد ايده عليكي طيب؟..

نور پبكاء
يا شيخه ملعۏن ابو الفقر اللي مخلي واحد زي ده يتحكم فيا..

فايزه لوت بوقها وقالت
انتي ايه اللي مغيرك ما انتي كنتي زمان بتفرحي لما بيغير عليكي وتقولي حمش يا ماما بيحبني يا ماما وبيغير عليا..

نور بضيق 
فاض بيا خلاص ما بقتش العياه اللي هتفرح بأن ابن كبير الحته بيحبها، ما بقتش عايزااه عيني شافت الاحسن منه وعرفت انه قليل اووي عليا..

فايزه بغيظ 
ما تبقيش ناكرة جميل يا بت انتي وتنسي ان كل حاجه في بيتما هنا من فلوسه هو، والله تستاهلي اللي بيعملو فيكي..

نور بخبث 
طيب اعملي حسابك بقي اني نازله معاكي الفرح النهارده واللي يحصل يحصل..

ـــــــــ #بقلم_الكاتبه_رحاب_القاضي ـــــــــ

_ وفي بيت محمد خلص مازن اكل وقام وقال..

مازن 
الحمد لله انا شبعت هنزل بقي عشان صحابي مستنيني تسلم ايدك يا هيام..

هاجر 
اسمي هاجر يا عسل..

مازن 
معلش لسه بس جديده عليا هحفظه خلاص..

محمد بضيق 
طيب ما تقعد تذاكر احسن..

محمد 
ذاكرت والله يا شيخ محمد، تحب اقولك اللي ذاكرته..

هناء بصوت واطي 
مش قدام الضيوف ياللي تنشك امشي يلاا...

_ ضحك مازن وطلع بره بيتهم وقابلته ريهام صاحبة امه وجارتهم  اللي كانت راجعه من بره ومازن قرب منها وقال پحده..

مازن 
انتي كنتي فين؟..

ريهام 
يعني هكون فين كنت بجيب طلباتي من تحت، بتغير عليا يا مازن؟..

مازن ابتسم وقال 
لا مش بغير بس خاېف بصراحه عينك تروح لحد غيري..

قربت منه وقالت
عيب والله تقول كده والله لو مين قدامي ما حد هيملي عيني غيرك وانت عارف كده كويس..

مازن بهدوء
ثبتيني انتي براحتك علي العموم انا خارج دلوقتي هبقي اكلمك اما ارجع..

ريهام 
ماشي يا حبيبي هستناك مش هنام غير لما تكلمني..

_ ابتسملها مازن ونزل وكان موبيله بيرن وطلعه من جيبه عشان يشوف مين ومن غير ما يقصد خبط في ولاء اللي كانت طالعه وموبيله وقع علي الارض..

ولاء پحده 
مش تفتح يا اعمي انت..

مازن پخوف 
يخربيتك وبيت اهلك ده الشاشه اتدشملت خالص..

ولاء پحده 
ما عشان انت لو بتبص قدامك وانت ماشي ما كانش ده حصل..

مازن بغيظ 
لا علي فكره انا شايف كويس العيب فيكي انتي شيلي القوصه دي من علي عنيكي اصلا مخليه شكلك وحش..

_قال كلامه وجه يمشي وهي اتعصبت اووي، وما حستش بنفسها غير وهي بتروح ورااه وضړبته بالشلوت...

بصلها مازن پغضب وعصبيه وقال
ده انتي يوم اهلك مش معدي يا بت ال؟؟؟...

ولاء وهي بتجري 
يا مامااااااااععع انا اسفه والله انا اسفه الحقووووني..

_ ابتسم مازن ڠصب عنها علي شكلها وهي بتجري، وبعدين سابها وطلع راح لصحابه من غير ما يعرف هي مين اصلا..

_ وفي اوضة هاجر كانت ولاء قاعده معاها ومسكت موبيلها وقالت..

هاجر 
ده قافل موبيله..

ولاء 
علي فكره غلط جدا انك تكلمي واحد وانتي متجوزه..

هاجر بدموع 
كفايه بقي حتي انتي كمان يا ولاء متجوزه ايه بس هو ليه ما فيش حد عايز يحط نفسه مكاني..

ولاء 
انا حاسه بيكي وفهماكي و..

هاجر پبكاء
لا يا ولاء مش فهماني انا واحده كانت مرتبه حياتها من سنين عدت مع واحد وفي يوم وليله بقيت مع واحد تاني بجد حاجه فقمة العك والقرف..

ولاء 
خلاص طيب بس انتي دلوقتي متجوزه يا هاجر مش لازم تكلمي عادل..

هاجر 
انا لازم اعرف هو ليه ما جاش اييه اللي حصل،كنت عايزه اسأل بابا بس ما جاليش عين اسأل..

ولاء بضيق 
انا هقولك اللي حصل يا  هاجر ليه عادل ما جاش الفرح هو؟؟...

_ تفتكرو بقي ايه السبب؟.. 
ـــــــــــــــــــــــــــــ 
#انت_قدري
_البارت الثالث
ــــــــــــــــــــــــــــــــــــــــــــ 
ريم بتوتر
انت بتعمل ايه يخربيتك اوعي كده..

احمد بغيظ 
بقي انا اتضر*ب واتهان واټخانق مع صاحب عمري واتدبس في واحده زيك بسببك وبسبب حاجه ما عملتهاش..

ريم وشها قلب احمر وقالت بتوتر
لو سمحت اوعي كده غلط وبعدين انت جاي هنا عايز ايه اصلا؟...

احمد قرب منها اكتر وقال
هعمل اللي انتي قولتي عليه لاخوكي عشان يبقي معاهم حق واتعاقب بضمير مستريح...

برقت ريم پخوف وقالت
انت اټجننت صح، لا لا انت متربي ومش هتعمل كده..

احمد وهو بېلمس حجابها بأيده
ده انا ما شوفتش دقيقه واحده تربيه يا ريم...

ريم ابتسمت وقالت
انت متأكد انك عايز تعمل كده؟..

احمد بصلها بقلق وقال
ايه ده ايه السهوله دي لا انا مش مطمنلك..

ريم ابتسمت بشړ وقالت
انا ما حدش يجي عليا ويكسب ابداً...

_ خلصت كلامها وذقته جامد وقالت بصوت عالي وهي عامله نفسها بټعيط..

ريم 
حرام عليك يا احمد ليه عايز تعمل كده عملك ايه ممدوح عشان تأذيه في اخته..

_ وقبل ما يرد عليها احمد بأي حاجه، فتح ممدوح الباب جامد ودخل وبصلهم پصدمه واحمد قال پخوف..

احمد 
والله العظيم هتجوزها بس اهدي بلاش النظره دي وبعدين انت ايه اللي جابك من الشغل..

 ريم ممدوح وقالت
الحيوان ده كان عايز اعااا والله مش قادره اقول لقد خدش حيائي يا اخي..

احمد بغيظ 
هو انتي تعرفيه الحياء ده ولا عمرك سمعتي عنه..

ممدوح قرب منه وقال پغضب
انت يطلع منك كل ده ومع مين ما اختي يا حيوان..

ـ خلص كلامه وضربه بالبوكس في وشه واحمد وشه بقي ينذف، وقال بعصبيه..

احمد 
جرا ايه يا ممدوح هي مش يعتبر خطيبتي ويا عم كنت بتكلم معاها كلمتين وهي اللي كبرت الموضوع وبعدين ما هي قدامك اهي فيها حاجه تدل علي كلامها..

بص ممدوح لريم اللي قالت
لااا اوعي تصدقه ده كدااب طيب حتي اسأل عم عوض علي اللي حصل..

قال عوض 
ايوه يا استاذ ممدوح الدكتور اداني 200 جنيه وقالي اخليها تنزل واضحك عليها واقولها انك بتعت ليها حاجات، بس ما كنتش اعرف نيته من الموضوع كده..

ريم وهي عامله نفسها زعلانه 
شوفت يا دوحه، مش بس اللي عملو لا ده عايز يكدبني..

احمد بصلها پحقد وقال
هتجوزها ودلوقتي اكتر من كده تاني مش ده اللي هيريحك..

ممدوح اتنهد وقال
النهارده بالليل يا احمد تجيب امك والمأذون وتيجي..

ريم 
هطلع والله واعملك كل اللي انت عايزه، بص شهر بحاله هسمع كلامك لا مش شهر كتير اسبوعين... برضو كتير... بص انا تلات ايام هسمع كلامك بس والنبي بلاش جواز، هو انا بتاعت الحاحات دي هو انا بتاعت جواز اصلا ما تقولو حاجه يا عوضيكو..

عوض بسخريه 
يا شيخه وافقي علي الاقل حتي العماره تخلص منك..

ممدومح بغيظ 
حتي البواب مش طايقك....

احمد بضيق 
ماشي يا ممدوح وانا اسف علي الموقف ده بس والله انا نيتي كانت اا..

ممدوح پحده 
امشي يا احمد ولسانك ما يخاطبش لساني تاني...

ريم پخوف 
يا ممدوح ما تهزرش قوله ما يجيبش حد وما بجيش انا مش هتجوز انا حد ما اعرفوش..

_ بصلها احمد بشماته ومشي، وراااح المستشفي بتاعته وقند في مكتبه بص لوشه اللي بقي في كدمات من ضړب ممدوح ليه واتنهد بضيق وقال..

احمد 
كله منك يا ماما مالقتيش غير دي تخليني اتجوزها، ودي هعيش معاها ازاي بس يا ربي..

دخلت عنده الممرضه وقالت
يالهوي مالك يا دكتور احمد انتي في عربيه بحمار عدت علي وشك..

احمد بغيظ 
عربيه بحمار تعدي عليكي وتخلصني منك يا رباب عايزه ايه؟..

رباب 
ما فيش بس استاذ ممدوح صاحبك بره عايزك..

احمد بقلق
ممدوح، طيب دخليه بسرعه يلاا..

_ طلعت الممرضه ودخل ممدوح وبص لاحمد وقال پحده..

ممدوح 
بعيد عن اختي خالص اهو، انت كنت جاي عايزها فأي؟..

احمد بضيق
ليك عين تكلمني بقيت مسخره في المستشفي بسبب ايدك الطويله..

ممدوح
يا جدع حط نفسك مكاني هتعمل ايه؟..

احمد بهدوء
كنت جاي ارخم عليها شويه والله العظيم ما حصلت حاجه وبعدين طيب ما انا كنت ممكن اطلع فوق باي طريقه لو عايز اعمل حاجه وحشه مش اختار اوضة عوضيكو.. يووووه قصدي عوض..

ضحك ممدوح ڠصب عنه وقال
انت وصلت لعوضيكو، علي العموم انا جاي اقولك هي قالتلي كل حاجه بس خليك بعيد عنها بقي..

احمد 
احلف قالتلك كل حاجه بجد حتي اللي حصل في المكتب؟..

ممدوح 
ايوه لما لقيت الموضوع هيقلب علي جواز قالت الحقيقه، انا بجد تعبت ريم مش هتكبر ابدا ولا هتتحمل المسؤليه وفاكره ان حياتها مسلسل تىكي او كوري من اللي بتشوفهم..تخيل انت لو كان حد غيرك اللي عملت معاه كده..

احمد بسخريه 
لا اطمن اللي زي اختك دول مش بيجو غير علي الغلابه اللي زييي، قولي انت مش قولت انها عملالك توكيل عام عشان المشاكل اللي في بلدكم وكده..

ممدوح 
ايوه بس انت ليه بتسأل؟..

احمد بخبث 
هجيبلك عقد عمل محترم وتمشي عليه بالنيابه عنها وختك تيجي تشتغل هنا واقسم بالله هتكون اختي هنا وانا هعرف ازاي اخليها تقول حقي برقبتي..

ممدوح بتفكير
لو عملتلك مصېبه في المستشفي انا مش مسؤل ولا تقولي ادفع وصلح والجو ده؟..

احمد ضحك وقال
ايوه انت بره الموضوع بس اللي اعمله فيها من حيث الشغل ما تجيش تقولي ارحمها....

ممدوح بهدوء 
لا يا صاحبي انا عايزها تقول حقي برقبتي...

ـــــ #بقلم_الكاتبه_رحاب_القاضي ـــــ

_ في مكان تاني احدي القري الصعيديه، في بيت كبير كان قاعد راجل كبير وهو بيضحك بشړ وقال لابنه اللي قاعد جنبيه..

فتحي
واخيرا بعد 15 سنه عرفت طريق عيال عمي..

كمال
اللي وصلني انه بقي مهندس ولد الحړام وجدتهم ما*تت وهو ربي اخته وخلاها دكتوره وعايشين ولا علي بالهم..

فتحي بجمود
انا عايز رقبة ممدوح مش هناخد حقنا من حريم حقنا عند ولد رشاد وقدام البلد كلها عشان نريح ابوك في قپره...

كمال 
واخته هتعملها ايه..

فتحي بخبث
مكانها بيت عمها بس نخلص من اخوها الاول..

_ في الوقت ده كانت الشغالن اللي عمرعا 50سنه واقفه بتسمع كلامهم من ورا حيطة المطبخ، ومشيت بسرعه ودخلت اوضتها وقالت لنفسها..

سعديه پخوف
انا لازم امشي من هنا عشان اعرف اكلم ممدوح واحذره من شرهم..

ـــــ #بقلم_الكاتبه_رحاب_القاضي ـــــ

_ في بيت ممدوح وريم كان ممدوح قاعد بيتفرج علي التلفزيون وقربت منه ريم وقالت..

ريم 
بص ما هو انت يا تصالحني يا تصالحني ما عنديش خيار تالت..

ممدوح 
انا اللي اصالحك يا ريم ليه ان شاء الله هو انا زعلتك من الباب للطاق..

ريم بغيظ 
عشان انت فرضت عليا اشتغل وانت عارف انا ما بحبش القيود واني التزم بحاجه ولازم اعملها..

ممدوح
بس انتي لازم تعملي كده يا ريم، افرض انا خصلتلي حاجه مش لازم تكوني قويه وتعرفي تاخدي حقك وتعيشي.ه ريم وقالت 
انت معايا وانا قويه باخويا وبس..

اتنهد ممدوح بضيق وقال
هو انا ضامن عمري وانتي عارفه اللي فيها كويس يا ريم، انا لو بقول ما تخصليش حاجه فعشانك انتي مش خاېف منهم قد ما خاېف عليكي...

ريم بدموع
وليه السيره الغم دي، ما هما خلاص مش قادرين يوصلولنا، ولو كانو هيوصلو كلن وصلو زمان..

ممدوح بهدوء
طيب عايزاني ما ابقاش زعلان منك؟..

ريم 
ايوه طبعا..

ممدوح 
بكره اول يوم شغل ليكي عند احمد انا مضيت عقد العمل بالتوكيل اللي انتي عملااه..

ريم بغيظ 
لا انت ازعل مني احسن، انا مستحيل لروح عند صاحبك ده ولا اشتغل عنده ابداً..

_ تاني يوم كانت ريم قاعده قدام احمد في المكتب بتاعه، وقالها احمد بخبث...

احمد 
جو لعب العيال مش عندي في المستشفي، هنا شغل وبس.  

ريم 
انا هتنيل ابدأ شغل امتي وهعمل ايه بالظبط انا اول مره اشتغل و...

احمد پحده
لما امون بتكلم ما تقطعنيش والا والله هتاخدي جزا ومش زي اي موظف لا انتي هتاخدي سعات عنل اضافيه..

ريم ابتسمت وقالت
طيب ما تخصملي احسن..

احمد پحده
انا هنا اللي اقرر انا اعمل ايه وما اعملش ايه..

ريم اتنهدت وقالت
ماشي قرر بقي وخلصني..

احمد قام وقف قدامها وقال
هو انا بلعب معاكي في الشارع، تتكلمي معايا بادب فاهمه ولا لا..

ريم بغيظ
انت ازاي تكلمني كده انا لو قولت لممدوح اا..

ضحك احمد وقال
هو ممدوح ممكن يصدقك تاني بعد اللي انتي عملتيه قبل كده اصلا؟..

ريم وقفت وقالت 
طيب حفاظاً علي كرامتك وكرامة اللي جابك قصدس جنابك انا عايزه اعرف انا هشتغل ايه هنا؟..

احمد بخبث
هيكون هتشتغلي ايه سمكري دكتوره اكيد...

ريم بغيظ
اضحك ولا ابين سناني ولا اعملك ايه...

احمد بصوت عالي 
يا رباااااااب...

ريم اتخضت وقالت
يخربيتك اديني اشاره انك هتنده علي حد، فزعتني..

احمد 
اخرسي خالص وحاجه كمان، لو ايه حصل انا مش عايزك تتعاملي مع امي ابداً..

ريم بسخريه
والله انا نفسي بجد ما اتعاملش مع امك...

بصلها پحده ودخلت رباب وقالت
تحت امرك يا دكتور احمد؟...

احمد 
خدي الدكتوره ريم وديها لاوضة المتدربات اللي تحت اشرافي انا والدكتوره ساره، واديها قايمة الشروط والالتزمات...

رباب
حاضر.. اتفضلي يا دكتوره ريم..

ريم حطت ايدها في ايد رباب وقالت
يلا بينا يا اوختشي الا قوليلي هو الكريم اللي اناي حطاه في وشك ده اسمه ايه ولو اغلي من 100 جنيه ما تقوليش اسمه عشان مش معايا غير 90...

طلعو واحمد ڠصب عنه ضحك وقال
يا بنت المجنونه..

_ وبعد شويه في مكتب المتدربات كانت ريم قاعده بتبص علي الدكاتره اللي قاعدين كل واحد وواحده فيهم ماسكين ورق وباصين فيه..وقرب منها ولد وقال..

الولد 
حضرتك جديده معانا يا دكتوره مش كده..

ريم 
ايوه اهو زي ما انت شايف..

الولد 
طيب اعرفك بيا اما طارق الشيخ اا..

ريم پصدمه 
احلف انت طارق الشيخ بنفسه بس انت طويل واللي بنشوفه في التلفزيون قصير ودوكا مطرب انت دكتور تقريباً..

طارق
تقريباً كمان يا بنتي عادي تشابه اسماء وبعدين انا ايوه دكتور متدرب هنا..

ريم 
وانا ريم دكتوره لسه هتدرب معاكم هنا..

طارق
علي فكره الدكتور احمد والدكتوره ساره متساهلين جدا معانا والتدريب ساهل جدا وكمان هينزلونا عملي بسرعه..

ريم 
لا لا انا جاي افشل فيه، انا واحده عايزه اتجوز واقعد في البيت مش وش شغل انا...

طارق
وربنا مش لوحدك اللي عايزه كده،كل اللي موجودين هنا..

_ ضحكو هما الاتنين ودخل في الوقت ده احمد والكل سكت وبص احمد بضيق لريم وقال بصوت عالي..

احمد
دكتوره ريم اتفضلي اقعدي قدام هنا..

ريم بصوت واطي 
ايه الجو ده هو احنا في درس عربي...

_ قامت ريم وقعدت قدام بعيد عن طارق، واحمد قال بكل هدوء..

احمد
النهارده هيبقي عندنا اختبار بسيط هيكون نظري وبعدين هنطبق عملي جاهزين..

_ الكل قاله ايوه وفعلا بدا احمد يختبر فيهم باسئله صعبه، واستغرب جدا ان ريم فعلا شاطره جدا وجاوبت علي الاسئله بتاعتها بكل ذكاء، لحد ما جه وقت التطبيق العملي..

احمد 
دكتوره ريم جوه في طفل عنده جفاف في حقن لازم ياخدها وعايز تشخيص لحالته كويس..

ريم بقلق
انا ادي حقن اومال فين الممرضين..

احمد 
انا لو عايز الممرضه هي اللي تعمل كده كنت هقولها بس انا عايزك انتي اللي تنفذي ده..

ريم بقلق
طيب سؤال بس هو الطفل اللي جوه ده عنده كام سنه..

احمد بسخريه
هما الاطفال بيكون عندهم جفاف حاد وهما عندهم كام سنه يا دكتوره؟..

ريم 
عاادي ممكن يكون طفل عنده عشرين سنه وعنده جفاف عاطفي..

احمد پحده 
ادخلي جوه شوفي شغلك وبلاش تخلي صوتي يعلي هنا انا دكتور محترم..

ريم بسخريه 
محترم علي مين يا سكر افكرك باللي كنت ناوي تعمله فيا في اوضة البواب اخص..

_ وسابته ودخلت الاوضه واحمد ضړب كف بالتاني وقال لنفسه..

احمد 
والله هتشلني والله..

_ وبعد شويه كان احمد قاعد في مكتبه وفجأه سمع صوت دوشه ولسه كان هيطلع لقي ريم داخله عنده بتغيط وقالت..

ريم 
احمد في واحده حرمبوءه بره قالتلي يا فاشله...

_دخلت في الوقت ده بنت حلوه اووي وقالت وهي مټعصبه جدا..

ساره
احمد لو سمحت البنت دي لازم تمشي من هنا حالاً..

_ تفتكرو احمد هيعمل ايه؟....

ــــــــــــــــــــــــــــــــــــــــــــ 
🌹🌺🌹🌺🌹🌺🌹🌺🌺

#انتَ_قدري
_البارت الرابع
ــــــــــــــــــــــــــــــــــــــــــــ 
ريم 
احمد في واحده حرمبوءه بره قالتلي يا فاشله...

_دخلت في الوقت ده بنت حلوه اووي وقالت وهي مټعصبه جدا..

ساره
احمد لو سمحت البنت دي لازم تمشي من هنا حالاً..

ريم بغيظ 
ايوه هي دي، ثواني هي ازاي تقولك تطردني عي ما تعرفش انا مين؟..

احمد بقلق
في ايه عملتي ايه، اهدي يا ساره لو سمحتي..

ساره پحده 
لا مش ههدي وازاي الاشكال دي تدخل المستسفي اصلاً..

ريم بغيظ 
يا بت اتلمي بقي انا والله لو جيتلك ما تعرفيش هعمل فيكي ايه..

ساره بعصبيه
شايف بتكلمني ازاي، ميين المچنونة دي؟..

احمد اتنهد وقال
لو سمحتي يا ساره اهدي وقوليلي هي عملت اي؟..

ريم بقلق
وليه يعني تقول انا مستعده احب علي راسها ونلم الليله..

احمد بغيط 
انتي تسكتي خالص قولي يا ساره عملت ايه؟...

ساره پغضب
اسأل الهانم كانت بتغني ايه لطفل عنده خمس سنسن لحد ما باباه وما ومامته طلبو ينقلوه لمستسفي تانيه...

بص احمد لريم وقال
ابهريني يا هانم وقولي كنتي بتغني ايه؟..

ريم بتوتر
عادي اغنية اطفال بريئه عارف انت الارنب اللي قال لامه تسمحيلي راح العب ماما..

ساره بغيظ 
كداابه دي كانت بتغنيله وتقول قراميط قراميط دي فاكره نفسها في مزرعة سمك دي ولا ايه؟..

ريم 
لا لا اللي بيغني مش قصده بالقراميط السمك هو يقصد...

_ قبل ما تكمل كلامها قرب منها احمد وحط ايده علي بوقها وقال..

احمد بقلق
معلش يا ساره امسحيها فيا، دي قريبتي ولسه متدربه يعني..

ساره اتنهدت وقالت
هعديها يا احمد عشان خاطرك، بس ياريت تعرفها ان دي مستشفي محترمه وما يصحش اللي هي بتعمله ده..

_ قالت كلامها وطلعت واحمد بص لريم پحده وهي ضحكت بتوتر وقالت..

ريم 
اهدي والله هفهمك كل الحكايه ان انا عندي فوبيا من الحقن من وانا صغيره،والولد كان خاېف ياخد الحقنه قولت اغنيله وافرفشه عشان ما يخفش..

احمد
نعم يا اختي ومدام. عندك فوبيا من الحقن ډخلتي ليه طب ولا عايزه تقرفينا وخلاص...

ريم پبكاء
عشان اخويا هو قالي ان. بابا الله يرحمه قالو ان ووصيته قبل ما يتكل علي الله اني ابقي دكتوره وهو مهندس، انا ذنبي ايه بقي..

احمد بغيظ
وطي صوتك هتلمي الناس علينا، وبعدين كنتي قوليلي وانا كنت هتصرف..

ريم مسحت دموعها وقالت
بص يا اسطا انا عايزه منك خدمه انت قولهم اني مش وش شغل انا فعلا فاشله ارتاحتو كده رجعوني لبيتي ومسلسلاتي بقي...

احمد 
خلصت خلاص انتي النهارده هتفضلي في المستشفي لحد الساعه عشره..

ريم بغيظ 
ايه هو بقي الكلام ده انا معادي الساعه خمسه امشي..

احمد پحده 
وانا قولتلك ان لو غلطتي هتتجازي..

ريم اتنهدت وقالت
طيب هو سؤال معلش هو ايه الغلط اللي ممكن اني اعمله واطرد بسببه من هنا..

وقف احمد قصادها وقال
نجوم السما اقربلك، اتفضلي شوفي شغلك يلا..

ريم پبكاء
يا اخي روح حسبي الله ونعم الوكيل فيك بجد انت واخويا في يوم واحد بس...

_ طلعت ريم عشان تكمل شغلها، واحمد بص لاثرها وابتسم وقال لنفسه...

احمد 
اما نشوف اخرتها معاكي يا ريم..

_ وفي وقت البريك كانت ريم قاعده في الكافيتريا وهي تعبانه وباين عليها، وقعدت ساره قصادها وحطت قدامها قهوه وكيك وقالت..

ساره
سوري ما كنتش اقصد اقولك يا فاشله بس انتي مستفزه...

ريم بغيظ 
قومي يا بت انتي من هنا عشان ما اشلفطش وشك..

ساره ابتسمت وقالت
والله ما كنت اعرف انك اخت ممدوح، علي العموم انا اسفه..

ريم 
وانتي تعرفي اخويا منين بقي؟..

ساره بتوتر
احمم هو يعني انا كنت مع احمد في الجامعه وانا اصلا اخته في الرضاعه واهلنا قرايب و...

ريم 
يا حجه هو انا بسألك علي الملزق ده عشان تحكيلي تعرفيه منين، انا بقولك تعرفي اخويا منين؟..

ضحكت ساره وقالت
ههههههه بقي احمد ملزق والله حرام عليكي، علي العموم انا اعرف ممدوح معرفه سطحيه بما انه صاحب احمد وكده..

ريم 
ااه وعشان كده بقي ماشيه نافشه ريشك في المستشفي زي الديك الرومي..

ادايقت ساره وريم قالت
مش قصدي يعني بس انتي فعلا ماشيه كده رافعه مناخيرك وفرحانه برجليكي بالجيبه القصيره دي..

ساره بغيظ. 
انتي رخمه علي فكره انا غلطانه اني جيت اصالحك، وعلي فكره بابي ليه ربع المستشفي دي وانا يعتبر شريكه هنا..

ريم 
استني بس انا بهزر، والنبي واغلي حاجه عندك اطرديني من هنا...

قرب منهم احمد وقال
انتي بتعملي ايه هنا يا دكتوره، اتفضلي علي شغلك..

ريم بفزع 
سلام قول من رب رحيم بيطلعو امتي دول، وبعدين انا في وقت البريك..

احمد بخبث
خلص بقاله خمس دقايق، اتفضلي علي شغلك..

ريم بغيظ
ربنا علي الظالم والمفتري يااارب...

قالت كلامها ومشيت وساره قالت
معقول دي اخت ممدوح فرق السما من الارض بينهم..

احمد
بصراحه شاطره بس دماغها مش في الشغل..

ساره
خير ان شاء الله، المهم انا هروح بقي عايز حاجه..

احمد
شكرا يا ساره خلي بالك من نفسك..

_ وبالليل كان احمد قاعد في مكتبه وبيكلم ممدوح اللي كان بيضحك وقاله..

ممدوح
لا لا بجد عملت كده في ساره..

احمد
اسكت دي جننت المستشفي كلها بس صاحبك قادر يسيطر برضو..

ممدوح
طيب هي قدامها اد ايه وتخلص عشان اجي اخدها..

احمد
لا خليك انا اصلا مخلص شغل وقاعد مستنيها اصلا عشان اوصلها..

ممدوح 
والله مش عارف اقولك ايه، بس هاتها وانا هجهزلها العشا لحد ما تيجي..

احمد
لا لا هي طول اليوم بتاكل دي خلصت نص اكل الكافيتريا..

ممدوح ضحك وقال
ههههههه يبقي ما تعرفش اختي دي تاكل ما اليتيم يا جدع، المهم هاتها بقي كفايه كده والله صعبت عليا..

احمد ابتسم وقال
حاضر يا حنين نص ساعه واختك تكون عندك..

_ قفل احمد معاه وطلع سأل عنها الممرضه اللي قالتله..

الممرضه. 
الدكتوره دي اموره اووي بحد مع الاطفال، انت عارف زياد اللي ديما بيعيط ومش ساكت وعايز يمشي بقي النهارده بيقول مش عايز امشي من هنا عايز اقعد مع ريم، غير انها بصراحه ما قعدتش علي رجلها من الصبح..

احمد ابتسم وقال
طيب هي فين دلوقتي؟..

الممرضه 
في اوضة التدريب بتجيب حاجتها عشان تمشي، وسابت لحضرتك التقرير بتشخصيش الحالات اللي مسؤله عنها معايا..

احمد
طيب وديه مكتبي وانا بكره هشوفه..

_ وراح احمد اوضة التدريب وخبط علي الباب وبعدين دخل لاقها قالعه الكوتشي وحطاها قدامها علي الترابيزه وحاطه راسها عليه ونايمه..

كتم احمد ضحكته وقال
يا دكتوره ريم يا بنتي قووومي..

_فتحت عينيها بتعب واول ما شافته عيطت وقالت بغيظ...

ريم 
اقسم بالله انا بنت ناس علي البهدله اللي انت بتعملها فيا دي..

احمد بهدوء
تعالي عشان هوصلك كلمت ممدوح وقولتله اني هوصلك..

_ لبست ريم الكوتشي واخدت حاجاتها ونزلت معاه من غير ما تقول حاجه واول ما ركبت العربيه معاه حطت راسها علي الشباك ونامت...

احمد ابتسم وقال
معلش هو اول يوم بيكون متعب شويه وبكره هتتعودي..

ريم بضيق
ششششش ما اسمعش صوتك لو سمحت عشان ما اقومش ارنك علقھ معتبره...

احمد ضحك وقال
هعديها وهسكت رفقاً بحالتك كملي نوم...

_ وبعد شويه وصل تحت بيتها وكانت هي فعلا نايمه وحاضنه الشنطه بتاعتها وبصلها احمد بهدوء وبعدين بعد عينيه عنها وقال..

احمد
يا حجه انتي قومي خلاص ما تحسسنيش بالذنب..

ريم قامت وقالت
لا انت بتحس اووي يعني، مش هقول غير انك تلاقيه في عيالك يا شيخ...

احمد بخبث
طيب بحيث كده بقي اكملها جبروت بالمره وبكره الساعه ٩ الصبح تكوني في المستشفى مفهوم..

ريم بغيظ 
ولو ما جيتش هتعمل ايه يعني؟...

قرب منها احمد شويه وقال
هقدم العقد اللي معايا للشئون القانونيه وانسي انك تشتغلي تاني في حياتك كلها..

ريم بغيظ 
طيب ماشي يا احمد يا انا يا انت..

احمد 
دكتور احمد لو سمحتي..

_ مسكت علبة المناديل اللي علي تبلوه العربيه وحدفتها عليه ونزلت وقفلت الباب جامد وطلعت فوق، وهو فضل يضحك وبعدين اخد عربيته ورجع البيت...

_ واول ما طلعت فوق لقيت ممدوح اخوها مجهزلها العشا وقال وهو مبتسم..

ممدوح 
عارف انك جايه من الشغل تعبانه وعملتلك العشا وغسلت المواعين وروقت الشقه وبس انتي اتعشي وخدي شاور وادخلي نامي..ه وفضلت ټعيط وقالت
ممتاز الدمنهوري اتبهدل علي اخر الزمن..

كتم ممدوح ضحكته وقال
معلش يا حبيبتي هتتهودي هو اول يوم بيكون كده..

بعدت عنه ريم وقالت 
بقولك ايه ما تتكلمش زي الحيوان صاحبك، ده مرمطني في المستشفي خلاني ارقص علي الشناكل  النهارده..

ممدوح 
الراجل عايزك تشوفي شغلك يا حبيبتي المهم تعالي بس اقعدي اتعشي انا عملتلك كبده ومكرونه اهو وجوه في موز باللبن عشان تبقي مبسوطه..

ريم پبكاء
انا هبقي مبسوطه لما ما اشوفش وش الملزق صاحبك ده والنبي...

ممدوح
بلاش دلع بقي واقعدي يلا اتعشي، انا هدخل اجيب مايه من جوه وجاي..

_ ودخل ممدوح المطبخ ورجع لقاها نايمه علي الكنبه في الصاله وماسكه سندوتش في ايدها واكله نصه..ابتسم ودخل اوضتها جابلها غطا وفرده عليها وقلعها الكوتشي بتاعها وبصلها بدموع وقال..

ممدوح
انا مش خاېف منهم قد ما انا خاېف عليكي يا ريم، عايزك بس ما تبقيش محتجالي في حاجه وتبقي معتمده علي نفسك ..

_ وسابها ودخل اوضته، وفي بيت احمد كان قاعد بيتعشي هو ومامته وقالها علي اللي عملو في ريم وهي فضلت تضحك وقالت..

الهام 
بس برضو بالراحه شويه عليها البنت عامله زي الطفله اصلا مش وش بهدله..

احمد
انتي بتقولي فيها، بس دلع ممدوح ليها هو اللي عمل فيها كده..

الهام
هو ليه غيرها ولا هي ليها غيره يا ابني، المهم مش ناوي بقي تفكر في كلامي...

احمد 
انا عايز افهم بجد. اشمعني ريم دي اللي عجباكي اووي يا ماما؟..

الهام 
كده بنت محترمه وطيبه وبصراحه لايقه عليك ولايقه تبقي مرات ابني..

احمد بجديه 
انا مش هتجوز واحده زي ريم ليه لاني بحب الهدوء والنظام وبحب البنت اللي بتحب الشغل والنشتط مش بتنام علي روحها، وريم بالنسبالي اخت ممدوح يعني اختي انا كمان تمام..

الهام بضيق
يعني ما فيش فايده يا احمد معاك؟..

احمد
ايوه يا ماما وارتاحي انا لما هلاقي البنت المناسبه هاجي وهقولك عايز اتجوزها..

الهام بضيق
انا طالعه انام تصبح علي خير....

_ وبعد شويه طلع احمد هو كمان اوضته، وتاني يوم الصبح قدام المستشفي وقف ممدوح بعربيته ونزلت ريم وهو نزل معاها وقالها..

ممدوح
هو لادرجه دي احمد مخوفك يا بنتي اهدي..

_ردت عليه ريم وهي بتاكل في السندوتش اللي في ايدها وقالت...

ريم 
ما انا مش عايزه اقعد للساعه عشره تاني منه لله ربما ينتقم منه...

وصلت ساره في الوقت ونزلت من عربيتها وقالت
ممدوح انت هنا عامل ايه؟..

ريم بصت في الساعه وقالت
يا نهار اسود الساعه تسعه ونص، الملزق هينفخني..

ودخلت بسرعه وساره قالت
بجد انا اټصدمت لما عرفت انها اختك...

ممدوح 
ليه يعني هي بس مجنونه شويه انها طيبه والله..

ساره 
انا مش قصدي حاجه والله، بس يعني هي عكسك خالص، المهم انت جاي لاحمد..

ممدوح
لا انا جاي اوصل ريم وماشي علي طول..

ساره بتوتر
ممدوح انا كنت بكلمك من كام يوم انت ليه ما كنتش بترد عليا؟..

ممدوح بضيق 
ما كنتش فاضي يا ساره هو في حاجه؟..

ساره بدموع
لا ما فيش وانا اسفه علي الازعاج..

_ قالت كلامها وسابته ودخلت المستشفي، وهو بصلها بحزن وركب عربيته ومشي..وفي اوضة التدريب دخلت ريم وكان طارق بس اللي موجود..

ريم 
ايه ده هو اللي ما يتسمي مخليك انت كمان تيجي بدري..

طارق
لا انا بس باجي هنا بدري عشان اراجع كام حاجه عملي..

ريم 
ربع نشاطك ده والله كان الحال بقي غير الحال..

طارق 
الله واكبر يا حجه في ايه، بس هو انتي تقربي لدكتور احمد حاسس انه مهتم بيكي شويه...

ريم 
لا مش قربي هو بس صاحب اخويا، المهم تفطر معايا انا جايبه سندوتشات جبنه وبيض..

ابتسم طارق وقال
تمام انا اصلا طالع من غير فطار ماما كانت نايمه..

_ وقبل ما تحط لقمه في بوقها دخلت الممرضه وقالت..

الممرضه
يا دكتوره ريم اتفضلي لو سمحتي الدكتور احمد عايزك ضروري..

ريم بضيق
حتي اللقمه مش عارفين نطفحها يلا بينا يا بنتي اما نشوف اخرتها مع الباشا...

طارق
طيب انا هفطر بقي مش هستني..

ريم 
كل انت كمان هي جات عليك...

_ وطلعت معاها وراحت عند  احمد اللي كان بيتفرج في اللابتوب بتاعه علي تسجيل الكاميرات بتاعت اوضة التدريبات وهو مدايق جدا..ودخلت ريم وقالت..

ريم 
نعم؟...

احمد بجمود
متأخره ليه؟..

ريم 
علي فكره انا اهو جايه بدري ده لسه ما حدش جه من المتدربين غير طارق..

احمد وقف وقال
بس انا قولت تكوني هنا تسعه يبقي تيجي هنا الساعه تسعه وتيجي هنا عندي انا مش في اوضة التدريبات يا دكتوره..

ريم پحده 
انت بتزعقلي ليه واجي عندك اعمل ايه ان شاء الله، وبعدين ياريت تعاملني باسلوب كويس..

احمد
زي طارق مش كده؟..

ريم پحده 
ومالي انا بطارق وو.... ايه ده انت مالك ومال طارق وايه دخل طارق في الموضوع..

اتوتر احمد وقال
انا قصدي يعني ان اا انك هنا الناس عارفه انك من طرفي وتبعي وانا مش عايز يبقي ليكي احتكاك بحد تمام..

قربت منه ريم وقالت
هو عقد العمل مكتوب فيه اني ما اتعاملش مع طارق؟..

احمد بتوتر
اا لا بس انا ممكن اقول للمدوح علي فكره..

ريم بغيظ 
شوفت كتير وقليل في حياتي بس اول مره اشوف راجل بيغير علي راجل، انت بتغير علي طارق مني؟..

احمد اټصدم وقال
انتي بتقولي ايه يخربيتك، هو مين الغبي اللي ربط الحمار وسابك اصلا..

ريم پحده 
اقولك مين وما تزعلش، وبعدين انا قولت للمدوح اني اتعرفت علي زميل ليا اسمه طارق وعلي الدكتوره ساره انا مش بخبي حاجه علي اخويا، واقطم في الكلام معايا عشان انا مش طيقاك اصلا..

احمد 
اقطم بقي انا يتقالي كده طيب والله لانتي اا..

ريم حطت ايدها علي بوقه وقالت
انا غلطانه انا اسفه، بس بلاش عقاپ والنبي انا زي اختك برضو، يلا بقي صباح الفل انا رايحه اوضة التدريب..

_ قالت كلامها وطلعت واحمد وقف متنح، وبعدين قعد علي مكتبه وقال بتوتر لنفسه..

احمد
في ايه يلا ما تظبط كده في ايه، دي اخت اخت ممدوح اهدي كده اهدي..

دخلت عنده رباب وقالت
انت بتكلم نفسك يا دكتور..

احمد 
هاا لا في ايه يا رباب عايزه ايه؟..

رباب
الدكتوره ساره بتعتذر عن التدريب النهارده وبتقولك ممكن تكون انت النهارده مكانها..

احمد 
طيب روحي بلغي المتدربين بكده وانا عشر دقتيق وهكون عندهم...

_ وفعلا بعد شويه دخل احمد اوضة التدريب وكان بيشرح للطلاب وبيختبرهم وعينه مل شويه بتكون علي ريم من غير ما يقصد...

_ وفي شغل ممدوح موبيله رن برقم غريب، رد بهدوء وقال..

ممدوح
ايوه مين معايا؟..

سعديه 
انا سعديه الشغاله يا ابني، ممدوح ابن رشاد ويسريه معايا...

ممدوح بقلق
ااا ايوه انا في حاجه ولا ايه؟..

سعديه بدموع 

#موضوع_عائلي
_الحلقه الرابعه
ـــــــــــــــــــــــــــــــــــــــــــــــــــــ 
سحب مازن ايده من ايد ولاء وقال
انا ما اعرفهاش اصلا يا جماعه واضح كده ان في سوء تفاهم يا انسه...

_ قال كلامه وسابهم ومشي وصحابها فضلو يضحكو وهي دموعها نزلت وحست انها مش قادره تاخد نفسها وايديها بدأت تترعش وجات تمشي قبل ما حالتها تزيد بس لقيت مازن في وشها وابتسم وقال..

مازن 
انتي ليه عيوطه كده انا بهزر معاكي يا حبيبتي..

ابتسمت وقالت
بجد يعني انت موافق اا..

مازن مسك. ايدها بسرعه وقال
دول بقي صحابك اللي انتي بتحكيلي عليهم..

علي بغيظ 
انت بقي اللي بتحبها غريبه شكلك مش معانا هنا في الكليه..

مازن 
فعلا انا من هندسه وكنت اا جيت يعني عشان.. اا..

بص لولاء وهو مش عارف اسمها وقال
عشانها هي دي يعني..

ميلت عليه ولاء وقالت بصوت واطي
اسمي ولاء..

سالي قربت منه وقالت 
بس انت ليه ما كنتش بتجيلها قبل كده هنا؟..

مازن بهدوء 
بنخاف من الحسد والعيون المدوره...

ضحكت ولاء وقالت
طيب اعرفك بقي بصحابي يا حبيبي دي سالي ومي وساره وعلي وعمر..

مازن 
اهلا وسهلا يا جماعه وانا مازن، ممكن بقي اخد ولاء شويه..

سالي 
اكيد طبعا اتفضل بس ابقي خلينا نشوفك بقي..

مازن ابتسم وقال
اكيد طبعا..

_ واخد ولاء ومشيو واول ما بعد عن صحابها ساب ايدها وزعق فيها وقال..

مازن 
انتي با بنتي عبيطه اي حد معدي كده تشبطي فيه..

ولاء بتوتر
مم ما هما اللي كانو بيتريقو عليا وقالو ان ما فيش حد ممكن يحبني..

مازن بغيظ. 
ما بصراحه معاهم حق، انتي يا بنتي ايه اللي جابك الجامعه طلعتي من الحضانه ازاي اصلا؟..

اتعصبت ولاء وقالت
انت بتقولي كده طيب اهو انت وغور امشي من هنا عشان ما اتغباش عليك..

مازن پحده 
بقي هي دي شكراً بس انا اللي غلطان اني كنت جدع مع اشكالك..

زقته ولاء جامد وقالت
اشكالي دي ممكن تقطعك لو ما مشيتش من هنا، ابعد عني انت فاهم ولا لا؟..

مازن بقلق
انتي مجنونه صح والله بجد مش طبيعيه..

_ مشي مازن من قدامها وهي راحت قعدت في مكان لوحدها شنطتها وفضلت ټعيط واخدت نفس عميق وخرجته علي عشر مرات، وطلعت موبيلها وسجلت لنفسها وقالت..

ولاء بصوت مهزوز
ولاء مش وحشه ولاء لما هتغلط هتعتذر ومش هتتعصب، ولاء كويسه ومش مريضه، ولاء هتخف وهتبقي في ناس كتير بتحبها زي بابا وماما وهاجر ولاء حلوه وتتحب ولاء مش وحشه..

_ومسحت دموعها وفضلت تسمع في اللي سجلته وبعدين قامت وراحت عملت؟؟؟...

ـــــــــ #بقلم_الكاتبه_رحاب_القاضي ـــــــــ

_ وفي الحاره وخصوصا في الموقف، وصل يونس هناك وسمع صوت زعيق جامد والناس ملمومه قرب منهم وقال..

يونس 
باااس في ايه يا سيد؟..

سيد شاور علي البنت اللي قدامه وقال
الانسه اللي قدامك دي يا معلم يونس ركبت معايا من المنطقه اللي بنحمل منها وجات هنا وتقولي ان دي مش المنطقه اللي ساكنه فيها وعايزاني ارجعها لمنطقتها..

يونس بصلها وقال
انتي رايحه فين يا ابله؟..

شهد بضيق
رايحه في منطة الساهر وقولتله كده لما ركبت هو بقي ما وقفش ليه وفكرني انزل..

يونس بسخريه 
يا ابله هو هيفتكر ايه ولا ايه، انا كنت سففته تراب الارض لو كنتي قولتيله ينزلك وهو ما رضيش ينزلك انما انتي ما قولتيش ليه؟..

شهد باحراج 
احمم كنت بسمع اغاني في الهاند فري وسرحت ونسيت اقوله..

ضحك كل السواقين وسيد قال
اتفضل اهو يا معلم يونس، وبعدين قولتلها تنزل وتركب عربيه تانيه اللي رايحه المنطقه بتاعتها مش راضيه..

شهد پحده 
وانا حلفت مش هنزل وتفضل تتوه فيا واستني العربيه تحمل انت كان زمانك دلوقتي كنت وصلتني..

سيد بغيظ 
يا ابله بس اا..

يونس پحده
خلصنا ياااه هات المفتاح انا هوصلها وارجع مش عايزين مشاكل واهل منطقة الساهر كلهم حبايبنا..

شهد بضيق
ثواني بس هو انت مالك اصلا، هو اللي يوصلني ورجله فوق رقبته..

يونس قرب من باب العربيه وقال
انا كبير الحته هنا وكلمتي بتمشي علي اللي يعجبك وقولت هوصلك يبقي تسكتي ولا انتي عايزه ترغي..

_خافت شهد من طريقته وسكتت وهو قفل الباب وراح ركب مكان السواق وطلع بالعربيه، وما خدش باله من عظيمه مرات ابوه وبنتها بطه اللي كانو واقفين علي مسافه منهم وشافو اللي حصل..

عظيمه 
بت يا بطه قوليلي مين البنت دي، انا حاسه اني اعرفها..

بطه 
دي شهد يا ماما اخت الاسطي صبري المكانيكي صاحب عمي حامد..

عظيمه 
ايوه ايوه صبري جوز البنت نعمه عرفته، طيب يلا بينا نروح لجدتك عشان ما نتاخرش...

ــــــــ #بقلم_الكاتبه_رحاب_القاضي ـــــــــ 
_ في الجامعه في كلية الهندسه كان قاعد مازن مع كريم صاحبه وقربت منه ولاء وقعدت حنبيه وهي بتاخد نفسها بصعوبه وقالت..

ولاء
يالهوي ده انا لفيت عليك كلية هندسه شبر شبر..

كريم 
العب يا معلم، علي العموم انا هصور الورق ده وجايلك اوعي تمشي يا مازن..

مشي كريم ومازن قال بعصبيه
انتي عايزه من اهلي ايه؟..

_ولاء طلعت سندوتش من شنطتها وقالت ببراءه وهي بتحاول تبعد عنه وقالت بهدوء..

ولاء
كريب جيبتلك كريب فراخ، وقولت اقولك شكرا...

بصلها مازن پحده فادايقت وقالت
خلاص ما تزعلش انا غلطانه..

اخد منها مازن السندوتش وقال
العفو يا ستي، جه في وقته انا جعان اصلا..

ولاء ابتسمت وقالت
اولاً انا اسفه بجد اني اتعصبت عليك بس ده ڠصب عني..

مازن وهو بياكل 
ڠصب عنك ازاي يعني مش فاهم..

بصتله ولاء بقلق وقالت
بص بما انك ساعدتني ووقفت جنبي انا مش هضحك عليك، انا مريضه نفسيه عندي متلازمة ADHD...

بصلها مازن بعدم فهم وقال
لا مش فاهم ايه ده؟..

ولاء بدموع 
دي حاله ه بتيجي لنسبه قليله من الناس بتكون عباره عن تشتت وعدم انتباه واندفاع عصبيه وملل وممكن نسيان بس الحمد لله انا عندي بشكل هادي شويه..

مازن بهدوء
يا شيخه بامارة الشلوت ووحشتني ويا حبيبي..

ولاء بقلق
هو انت هتخاف مني يا مازن وهتبعد مش كده بصراحه يعني حقك..

مازن 
هي الحاله دي معديه؟..

ضحكت ولاء وقالت
لا طبعا مش معديه؟..

مازن ابتسم وقال
يبقي اخاڤ منك ليه، يا ستي حتي انا كمان لو في ايدي حاجه اساعدك بيها موافق..

فرحت ولاء وقالت
انت بتتكلم جد والنبي..

ومدت ايدها وقالت
يعني احنا ممكن نبقي صحاب وانت مش هتتريق ولا تتنمر عليا زي صاحبي..

مسك مازن ايدها وقال
ايوه موافق بس هما مش صحابك، لان لو هما صحابك مش هيدايقوكي ويزودو الحاله بتاعتك..

ولاء بحزن 
ما انا ماليش صحاب هنا وخاېفه يسيبوني وما يبقاش عندي صحاب..

مازن 
طيب ما احنا بقينا صحاب اهو يبقي سيبك منهم، والقرار ليكي..

ولاء
يا نهار اسود المحاضره باي يا مازن.. هجيلك بكره هنا زي دلوقتي لو مالقتكش هزعل...

_ قالت كلامها ومشيت بسرعه وهو ابتسم علي طريقتها وقال..

مازن 
يا بت الهبله...

ـــــــــ #بقلم_الكاتبه_رحاب_القاضي ـــــــــ 
_ وفي بيت الشيخ محمد كانت هناء قاعده مع ريهام جارتها وقالتلها..

هناء
معلش يا ريهام اني باخد اسمك في الجمعيه واقبض الاول بس اعمل ايه جوازة الشيخ محمد لا كانت علي البال ولا علي الخاطر..

ريهام
طيب ما توفري علي نفسك المصاريف دي وتخليهم قاعدين معاكي لحد ما ربنا يفرجها علي الشيخ محمد ويجهز هو شقته..

هناء
لا يا حبيبتي محمد ابني يتجوز في شقته زي ما كان نفسه...

_ طلعت في الوقت ده هاجر من المطبخ وحطت قدامهم صتية الشاي والكيك وقالت وهي بتقعد معاهم..

هاجر
اتفضلو..

ريهام ابتسمتلها وقالت
ربنا يزيد. فضلك يا عروسه..

هناء بسخريه
بقالك ربع ساعه بتعملي شاي حركتك. بطيئه ابقي سرعي حركتك شويه بعد كده..

هاجر بهدوء
حاضر يا طنط هبقي اتعلم منك، بس ربنا يستر ومالزقش في الكنبه من كتر القعده عليها...

ضحكت ريهام وقالت
طيب والله يا بختك بيها مرات ابنك يا هناء..

هاجر بصت لريهام وقالت
هو انا شوفتك فين قبل كده... ايوه مش انتي اللي جبتي المستشفي عشان تجه...

ريهام اتوترت وقالت
بقولك. ايه يا هناء ما تقومي تجيبيلي بقي فلوس الجمعيه عشان امشي مش هقضي النهار عندك. يعني..

هناء قامت وقالت
حاضر دقيقه هجيبهم والله شيلاهم من الواد مازن ده عدوه يشوف اي فلوس اصلا..

ودخلت هناء جوه ورهام قالت پحده
انتي مالك انا كنت بعمل ايه وما بعملش ايه في المستشفي ما تخليكي في حالك...

هاجر بجمود
وانا اعرف منين انك كنتي بتعملي حاجه ما حدش يعرفها، اصلا الموضوع ما يخصنيش...

ريهام 
بالظبط كده الموضوع ما يخصكيش..

قامت هاجر وقالت بصوت عالي
يا طنط انا نازله عند. محمد تحت عايزه حاجه اجيبهالك معايا..

طلعت هناء وقالت
ايوه هاتي كيلو سكر وقوليلو يخصمه من حساب الشهر بتاعي..

هاجر
حاضر...

_ واخدت هاجر كوباية شاي وطبق كيكه ونزلت وهناء قالت لريهام..

هناء
امسكي يا ستي اهم الفلوس انا والله مش عارفه اشكرك ازاي..

ريهام 
ما تقوليش كده يا ام محمد ده انتي اختي، المهم هو انتي ازاي سايبه مرات ابنك تنزل بشعرها كده وازاي اصلا تبقي مرات الشيخ محمد مش محجبه..

هناء بهدوء
هو انا دخلي ايه هي وجوزها حرين، وبعدين لو انا بتناكف معاها شويه عارفه في الاخر ان ابني عاقل ومش هيعملها مشكله وانا مش هعمله مشكله بينه وبين مراته، المهم قوليلي فكرتي في موضوع رجب اخو جوز اختي..

ريهام لوت بوزها وقالت
رجب مين ده يا هناء اللي اتجوزو انا، لا يا حبيبتي انا يوم ما اتجوز هاخد واحد صغير يعوضلي عمري اللي ضاع..

هماء بسخريه 
يا اختي الصغير ده مش هيتجوز واحده اد امه، كل واحد ليه اللي زيه..

وقفت ريهام وقالت بخبث
مسيرك تشوفي بعينك اني هتجوز احلي شاب صغير، يلا بقي فوتك بعافيه...

طلعت ريهام وقالت هناء
وده مين ده اللي امه داعيه عليه... وايه الريحه الوحشه دي اللي انا شماها من بدري..

_ وميلت تحت الكنبه وطلعت فردة شراب بتاعت مازن، اتعصبت وقالت..

هناء
منك لله يا معفن اشوف فيك يوم...

"عرفتو مين بقي اللي امه داعيه عليه😁"..

ـــــــــ #بقلم_الكاتبه_رحاب_القاضي ـــــــــ 
_ وفي العربيه اللي سايقها يونس، كانت قاعده شهد في الكرسي اللي وراه وموبيلها رن وردت بقلق وقالت...

شهد 
ايوه يا زهره... يا نهار اسود هو حبكت يعني يجي بدري النهارده... لا خلاص قربت اجي اهو والنبي خليه يهدي شويه انا مش حمل اخد علقھ تاني الاسبوع ده... ماشي سلام...

_ قفلت وعيونها اتملت دموع وكان باين عليها اووي انها خاېفه، ويونس بصلها في المرايه بهدوء ووقف قدام المنطقه اللي هي ساكنه فيها، وجات تنزل بس الباب ما كانش راضي يفتح، فبصت ليونس وقالت..

شهد 
لو سمحت انا مش عارفه افتح الباب ممكن تيجي تفتحه...

يونس بهدوء
حاضر...

_ ونزل من العربيه وراح فعلا فتحلها الباب، وهي جات تنزل بس اتكعبلت في الجيبه بتاعها وكانت هتقع بس هو مسكها بسرعه وكانت شبه ، واتحول وشها للون الاحمر وبعدت عنه بسرعه وقالت..

شهد
انت قليل الادب..

يونس قفل الباب جامد وقال
انا فعلا قليل الادب كان المفروض اسيبك تقعي واقف ساكت، اوعي كده ده انتي وليه بومه..

شهد بتوتر 
اهو انت اللي بومه وانا مش ولسه انا بكلمك انت رايح فين...

_ ما ردش عليها يونس واخد عربيته ومشي، وهي راحت بيتهم واول ما دخلت لقيت اخوها في وشها اللي مشكها من دراعها جامد وقال..

صبري
كنتي فين يا بت هو ده اللي هتروحي تزوري قبر امك وابوكي وتيجي بسرعه..

شهد پخوف
والله العظيم انا طلعت متأخر والله حتي اسال زهره..

زهره بقلق
قولتله والله بس هو اللي مش مصدقني..

صبري پحده 
شيفاني برياله يا بت ال ***...

_ قال كلامه ونزل بايده علي وشها ووقعت علي الارض وهي بټعيط پخوف، وجات زهره وقفت قدامه وقالت..

زهره 
ورحمة ابوك كفايه هي مش هتطلع الشارع تاني، وانتي يا  شهد قومي ادخلي اوضتك بسرعه يلا...

_ قامت شهد ودخلت اوضتها بسرعه، وبصت لوشها في المرايه اللي كان احمر اووي مكان ضړبة اخوها ليها وفضلت ټعيط ودخلت عندها زهره مرات اخوها وقالت..

زهره 
خلاص بقي يا شهد جات سليمه المره دي قلم واحد بس..

شهد پبكاء
انا لو كان ابويا وامي عايشين جوزك ما كانش هيعمل فيا كده...

زهره 
والله اخوكي بيحبك بس هو بېخاف عليكي وبيغير عليكي بزياده... وبكره تتجوزي وتسبيه وترتاحي..

شهد بدموع 
اطلعي يا زهره شوفي هتعملي ايه انا رايحه انام...

_ طلعت زهره وشهد جات تغير هدومها فشمت ريحة البرفيوم بتاعت يونس وافتكرت الموقف اللي حصل لما كانت نازله من العربيه وابتسمت وقالت..

شهد 
هو كان اسمه ايه، يلا مش مهم اهو راح لحاله..

ـــــــــ #بقلم_الكاتبه_رحاب_القاضي ـــــــــ
_ كانت هاجر قاعده في السوبر ماركت بتاع محمد بملل ومحمد واقف مع الناس اللي شغالين عنده بيبعو، فقالتله بصوت عالي..

هاجر
جايه اتفرج عليك انا يعني؟..

ابتسم هو وقعد قصادها وقال
انا اصلا مش فاهم انتي نازله ليه؟..

هاجر بضيق وقفت وقالت
جايه اخد سكر لامك وبتقولك اخصمه من حساب الشهر ده...

محمد 
طيب اقعدي خلاص وبعدين شكرا علي الشاي والكيك..

هاجر ابتسمت وقالت
العفو، بس حلو المحل بتاعك هاخد اندومي وانا طالعه..

محمد
المحل كله تحت امرك. بس انا عندي طلب عايز اطلبه منك..

هاجر
خير اتفضل..

محمد بهدوء
عايزك تتحجبي..

هاجر بضيق
اهو ده اللي كان مخوفني انا ما بحبش حد يتدخل في لبسي..

محمد بجديه 
بصي انا مش هقولك ان ده فرض لكل امرأه مسلمه واني جوزك وواجب عليكي الطاعه ليا ولطلباتي، بس هقولك ان الحجاب هيخليكي في نظري احلي واني عايز مراتي تكون حاجه غاليه شعرها ما يشفوش حد غيري...

هاجر اتنهدت وقالت
بص انا مش مقتنعه اوعدك لما هقتنع بيه هلبسه..

_ قام محمد وقعد علي الكرسي اللي جنبيها بالظبط وقال...

محمد
تعالي اقولك ليه اتفرض الحجاب علي بنات الاسلام والنساء المسلمين...

بصتله هاجر باهتمام وهو مسك ايدها وقال
قال الله تعالي في كتابه : ﴿ذَٰلِكَ أَدْنَىٰ أَن يُعْرَفْنَ فَلَا يُؤْذَيْنَ﴾ ومعني كده ان الحجاب حمايه ليهم  والحجاب صانهم واظهر عفتهم  وكمان هيمنع النظره السيئه ليهم من الناس اصحاب القلوب المريضه.، وبرضو في قول الله ﴿ذَلِكُمْ أَطْهَرُ لِقُلُوبِكُمْ وَقُلُوبِهِنَّ ﴾ فيه إشارة إلى وجود صلة بين ما تراه العين وما يتعلق به القلب، فالعين طريق الهوى والنظر بريد الشهوة، فإذا لم تر العين لا يشتهي القلب، كما فُرض الحجاب على المرأة لأنها محل لنظر الرجال الذين أمروا أيضا في الإسلام بغض أبصارهم، ولكي لا يكون تعامل الرجل الأجنبي مع المرأة بحسب شكلها وجمالها، وإنما يكون بحسب إنسانيتها وأخلاقها وهو ما يترتب عليه حصولها على حقوقها بلا تمييز...

ابتسمت هاجر وقالت 
بحيث كده بقي فضي نفسك النهارده بالليل عشان تيجي تشتريلي كان طرحه او الحاجات دي عشان ما اعرفهاش..

محمد
من عينيا الاتنين واللي تطلبيه هجيبهولك...

وقف وقال
ابراهيم ادي المدام اللي هي عايزاها لحد ما اشوف الحسابات اللي هنا...

ابراهيم 
من عينيا يا شيخ محمد اتفضلي يا مدام...

_ راحت هاجر وقالتله علي الحاجات اللي عايزاها وبصت لمحمد اللي سرحان في الورق اللي قدامه وابتسمت بهدوء واخدتهم الحاجات اللي عايزاها وطلعت فوق..

ـــــــــ #بقلم_الكاتبه_رحاب_القاضي ـــــــــ
_ وبالليل في الموقف كان يونس واقف هناك وقرب منه يوسف وقال...

يوسف بضيق
ي عم يونس الجماعه كانت واقفه فالبلكونه وبتتكلم فالتلفون وبشعرها والقهوه تحت البيت كانت مليانه رجاله،كنت هطلع اقولها تدخل بس خۏفت انت تزعل فقولت اجي اقولك..

اتعصب يونس وقال_
طيب خليك ي يوسف انت قبال الموقف لحد مرجعلك..

_مشي يونس من الموقف وراح البيت عند نور خبط ع الباب جامد فطلعت فايزه من المطبخ وهي مفزوعه ونور كمان طلعت من اوضتها وهي خاېفه..

قالت فايزه وهي بتفتح الباب_
ي ساتر يارب هي القيامه قامت ولا اي، مين اللي بيرزع كده فالباب..

فتحت فايزه  الباب ودخل يونس حتي من غير ميستاذن وكانت نور واقفه قدامه بهدوم البيت، واول مشافها شدها من دراعها جامد..

يونس بصوت عالي
وقفالي فالبلكونه وبشعرك اي ملكيش راجل يلمك..

_خلص كلامه ونزل بأيده ع وشها فوقعت ع الارض وهي پتبكي وخاېفه منه..

قربت منه فايزه وقالتله وهي خاېفه علي بنتها 
اهدي بس يبني دي طلعت من غير متقصد..

نور وزعقت فيها پبكاء وقالت
هو ماله اصلا طلعت ولا مطلعتش مش من حقه يمد ايده عليا كان من باقي اهلي ميخليه فحاله ويسيبني فحالي..

_قرب منها فرجعت بضهرها لورا وهي بتتمني الأرض تنشق وتبلعها من قدامه..

يونس 
حالك هو حالي ي نور وطول مانا عايش هتتعوجي عليا هوريكي ايام سودا ووريني هتطلعي البلكونه ولا هتقفي فالشباك تاني ازاي...

نور پغضب
انا حره انت ملكش كلام عليا..

_ اتعصب يونس و؟؟؟

_ تفتكرو هيحصل ايه؟..

ـــــــــ #بقلم_الكاتبه_رحاب_القاضي ـــــــــ
وفي بيت محمد كانت هاجر قاعده جنبيه وقالت وهي بتبص لهناء بخبث..

هاجر
ايه رأيك في البسبوسه يا سي محمد عجيتك انا عملهالك بايديها..

مازن 
ما انتي اكيد يا هاجر عملاها باديكي اومال هتكوني عملاها برجليكي مثلا هههه..

هاجر پحده 
بس يا عسل عشان ما ازعلكش..

محمد بصوت واطي 
هو ايه الرضا ده كله النهارده، ما انتي كل يوم بالليل بيبقي وشك في قفاكي..

هاجر 
لا ما انا النهارده بكيد امك..

محمد 
نعممم يا اختي بتقولي ايه...

هاجر
ما بقولش حاجه كل وانت ساكت بقي..

هناء بخبث 
الا قولي يا محمد هي البسبوسة اللي بعملها انا احلي ولا اللي بتعملها مراتك؟..

ضحك مازن وقال
هههههه البس يا معلم..

هاجر
رد يا حبيبي هي انهي بسبوسه احلي بتاعتي ولا بتاعت...  حماتشي..

محمد بقلق 
انتو الاتنين حلوين بس ماما لا يعلي عليها بصرااحه..

هاجر
اااه يا ابن امك انت، اوعي طيب والله ما انت دايقها تاني، خد يا مازن..

مازن 
ايوه انا بحب البسبوسه اصلها بتاعتك احلي من بتاعت ماما النهارده..

هاجر
بالهني والشفا يا ميزو، اما تقوم بقي اروق الكنبه جوه عشان في حد هينام عليها النهارده..

محمد بص لمامته وقال
مرتاحه انتي كده يا ست الكل..

هناء بثقه 
وفي قمة الراحه كمان...

_ وبالليل بعد الكل ما نام، طلع مازن من اوضته وهي ماشي بالراحه وطلع بره الشقه بتاعتهم وراح خبط علي شقة ريهام وفتحتله ودخل و؟؟...

_ نتقابل الحلقه الجايه 👋👋👋👋
ـــــــــــــــــــــــــــــــــــــــــــــــــــــ 
#موضوع_عائلي 
_الحلقه الخامسه
ــــــــــــــــــــــــــــــــــــــــــــ 
نور پحده  
هو ماله اصلا طلعت ولا مطلعتش مش من حقه يمد ايده عليا كان من باقي اهلي ميخليه في حاله ويسيبني فحالي..

_قرب منها فرجعت بضهرها لورا وهي بتتمني الأرض تنشق وتبلعها من قدامه..

وقال وهو متعصب من بين اسنانه 
حالك هو حالي ي نور وطول مانا عايش هتتعوجي عليا هوريكي ايام سودا ووريني هتطلعي البلكونه ولا هتقفي فالشباك تاني ازاي...

نور 
انا حره انت ملكش كلام عليا..

زعق يونس فيها وقال
انتي طلعتي ولا نزلتي اخرك بيتي وتبقي تحت امري، ومش عشان سيبتك تتعلمي وتبقي دكتوره هتشوفي نفسك عليا  فووقي انا يونس الصاوي يا روح امك...

عيطت وقالتله بعصبيه_
هو بالعافيه ي اخي بقولك مش عايزاك مش بطيقك..

اتعصب اووي وشدها من شعرها وقال_
مش بمزاجك ي نور بمزاجي انا ولو اللي سمعته اتكرر تاني هندمك ع اللحظه اللي رفصتيني فيها..

_زقها بعيد فوقعت ع الارض وهي بټعيط وزعق فيها جامد وقال..

يونس
فاهمه ولا لا؟..

قربت ام نور منه وطبطبت ع كتفه وقالتله بسرعه 
حقك عليا انا ي يونس يبني هي هتنفذلك كل كلامك ولو عملت غير كده انا بنفسي هقصفلك رقبتها بس متزعلش انت..

بصلها بعصبيه وقال وهو ماشي _
عقليها ي حماتي انا مش عايز ازعلها بس هي اللي بټعصبني بحركاتها دي..

_مشي يونس فقامت ودخلت اوضتها وهي زعلانه من مامتها انها متدافعتش عنها قدامه..

دخلت فايزه وراها وزعقت فيها _
وبعدين معاكي متتلمي عشان ما تحصلش مشاكل..

اتعصبت نور وردت عليها وهي بټعيط _
انتي لي بتعملي فيا كده ده مد ايده عليا وانتي مهنش عليكي تقوليلو حتي ليه..

ادايقت فايزه وقالتلها
خطيبك وخاېف عليكي..

نور 
هو مش خطيبني ولا هيكون خطيبي، بس للاسف هو لو لاقي حد يقفله مكنش عمل فيا كده..

زعقت فايزه  فيها وقالتلها _
ومين اللي هيقفله انا ولا انتي ولا يكون ابوكي اللي مش قادر يتحرك من ع السرير، فوقي لنفسك انا وانتي لولا يونس وحمايته لينا كان زمانا لقمه طريه تحت ضرس اقل عيل فالحاره..

_دمعت عيون نور وهي بتسمع كلام مامتها اللي كملته وقالت بكل هدوء...

فايزه
اعقلي ي نور وبلاش تخسري يونس اللي بنات الحته كلهم يتمنو منه نظره..

_طنشت نور كلامها وراحت فضلت تذاكر وهي بتمسح دموعها اللي بتنزل كل شويه...

ـــــــــ #بقلم_الكاتبه_رحاب_القاضي ـــــــــ 
_ وقبل الفجر بشويه كان مازن في شقة ريهام وفي اوضة نومها بيلبس هدومه وهي قالتله..

ريهام 
طيب ما تخليك بايت عندي يا حبيبي النهارده..

مازن بجمود
مش هينفع عشان ماما وكمان عشان محمد هيروح يصلي الفجر وهو وراجع بيجي يطمن عليا..

ريهام وقف جنبيه وقالت
هو انت في حاجه مديقاك مني؟..

مازن بضيق
مش عارف، بصي هو في بنت كده شغلاني شويه..

ريهام پحده 
بنت مين دي ان شاء الله وبتقولها في وشي..

مازن 
لا مش اللي في دماغك انا بس هي صعبانه عليت شويه وكنت عايز اساعدها لانها بتعاني من مرض نفسي وو..

ريهام بحزن 
انا بعت الدنيا كلها عشانك يا مازن، ومستعده اعمل اكتر من كده بس في الاخر تقول للكل انك بتحبني ونبقي مع بعض الناس كلها، فا ما تجيش تجرحني وتعرف بنت صغيره عليا..

مازن مسحلها دموعها وقال
خلاص طيب مش هشوفها تاني خلاص..

ريهام ابتسمت وقالت
ربنا يخليك ليا يا حبيبي، روح يلا عشان ما حدش ياخد باله...

مازن 
تمام يا قلبي...

‌‌_وطلع مازن من عندها ودهل شقتهم لقي محمد في وشه، فاتوتر جدا وقاله..

مازن 
محمد انت ايه اللي مصحيك بدري اوي كده، لسه الفجر..

محمد 
انت كنت فين؟..

مازن بتوتر
اا انا كم كنت عايز اروح اصلب بس الجو ساقعه وكسلت..

محمد بهدوء 
طيب حاول تكبر دماغك من الكسل ده ويلا بينا نروح نصلي مع بعض...

مازن 
طريقك اخضر يا شيخ محمد، انا السرير بيناديني هبقي بكره اصلي معاك...

_ وسابه ودخل نام ومحمد نزل راح صلي الفجر ورجع لقي هاجر صاحيه ولابسه هدوم الصلاه...

محمد
غريبه فكرت هاجي الاقيكي نايمه زي كل يوم...

هاجر بهدوء
ما انت لما قومت انا ما جاليش نوم وقولت اقوم اصلي، صوتك جميل اووي في الاذان..

محمد ابتسم وقال
شكرا يا هاجر، هبقي كل يوم هصحيكي وانا. نازل تصلي...

هاجر 
اايييه طب فكر بس تصحيني وانا نايمه، انا لو عايزه اصحي هصحي قال يصحيني قال..

محمد بخبث
لا هصحيكي هتبقي صعبه اول كام يوم بس هتتعودي بعد كده...

هاجر بغيظ. 
بقولك ايه انت مش هتمشي كلامك عليا وروح نام يلا...

محمد قرب منها وقال
وانا قولت هصحيكي وبعدين انتي تعرفي ان فضل صلاة الفجر عظيم جدا..

هاجر اتنهدت وقالت
فاهمه بس انا يعني... اوف اتنيل صحيني معاك بس. دي اخر مره هتمشي فيها كلامك. عليا..

محمد ضحك وقال
ههههههه تمام النهارده بعد المغرب هنروح لاهلك عشان عازمينا علي العشا، وبعدها هنرح نشتري بقي الحاجات اللي هتلبسيها مع الحجاب..

هاجر فرحت وقالت
انا البيت وحشني جدا بجد..

محمد بهدوء
هاجر هو انتي مبسوطه معايا ولا بتحاولي تتعودي وخلاص...

هاجر بضيق
انا عايزه انام بعد اذنك..

_ راحت نامت ومحمد بصلها بجمود وطلع بره الاوضه قعد في الصاله...

ــــــ #بقلم_الكاتبه_رحاب_القاضي ــــــ

_ تاني يوم في بيت اهل هاجر، طلعت ولاء من اوضتها وراحت وقفت قدام باباها ومامتها وقالت..

ولاء
ايه رئيكم يا جماعه شكلي حلو النهارده؟..

حمدي
انتي طول عمرد زي القمر يا حبيبتي، بس ليه الشياكه دي كلها النهارده؟..

فاطمه قامت وقالت وهي داخله المطبخ
والله كان نفس سؤالي يا حمدي ليه الشياكه دي كلها ده انتي رايحه الجامعه يعني العريس مش واقف علي الباب..

ولاء بضيق
يعني هو لازم يبقي في عريس يا ست فاطمه عشان اتشيك، انا قرىت اهتم بنفسي وابقي حلوه علي طول..

حمدي
شاطره يا حبيبتي، بس شكلنا كده هنخلص جلسات عند الدكتوره قريب..

ولاء بحماس
ادعيلي انت يا بابا وانا هخف وهبقي زي الفل، يلا بقي سلام عشان ما اتاخرش علي المحاضرات...

_طلعت  فاطمه وهي ماسكه في ايدها صنية الشاي وقالت...

فاطمه 
مش هتنزلي غير لما تفطري يلاا..

ولاء
معلش يا ماما بس انا لازم امشي بسرعه يلا باااي...

ومشيت ولاء وحمدي قال
هاجر اتجوزت وولاء راحت الجامعه وانا اجازه من الشغل والبيت فضي علينا يا فطومه..

فاطمه ابتسمت وقالت 
طيب بحيث انك اجازه والبنات مش موجودين ايدك معايا بقي نمسح الشقه وبعدين انزل هاتلي الطلبات من تحت عشان عزومة جوز بنتك النهارده تبقي حاجه تشرفنا..

لوي حمدي بوقه وقال
اممم امسح معاكي واجيب طلبات ده ياريتني روحت الشغل احسن..

_ وفي الجامعه كانت ولاء قاعده في المكان اللي قابلت فيه مازن قبل كده وبتقلب في موبيلها وجه هو قعد جنبيها ومدلها كوباية قهوه وقال..

مازن 
صباح الفل..

ابتسمت ولاء واخدت منه القهوه وقالت
صباح النور، كنت هزعل لو ما كنتش جيت..

مازن بصلها وابتسم وقال
للحق ما كنتش جاي، بس وانتي زعلانه بتبقي غبيه وممكن تعملي مصېبه قولت ارحم الكوكب من الكارثه دي واجي..

ضحكت ولاء وقالت
ههههه لا هحاول اضبط نفسي بعد كده..

مازن 
طيب مش هتروحي محاضرتك بقي؟..

ولاء بضيق
لو. انت عايز تروح روح..

مازن 
ثواني بقي دي مش كليتك اصلا وانتي مش عايزه تروحي المحاضره ممكن اعرف ايه السبب ؟..

ولاء بضيق
مش عايزه اشوف صحابي هيدايقوني لو ما كنتش انا وداخله هيكون وانا طالعه..

مازن مسك ايدها وقال
تعالي. معايا وما تخافيش...

_ اخدها مازن وراح المدرج بتاعها ودخل وهو ماسك ايدها قدام الكل وخلاها قعدت في الصف الاول وقالها بصوت واطي..

مازن 
هتخلص المحاضره وتيجي بسرعه علي المكان بتاعنا اوكيشن..

ابتسمت ولاء وهزت راسها بسرعه وقالت
حاضر، شكرا يا مازن..

_ ابتسملها بهدوء وطلع وكانت هناء في عيون مراقباهم بكل حقد وهما صحابها القدام..

سالي
امم ده الموضوع شكله مطول بقي..

علي بغيظ 
كله بسببكم انا فضلت اقولكم اقرب منها خوفوتوني لحد ما جه غيري وخدها اهو..

مي بسخريه
هو انت عاجبك فيها ايه اصلا، دي عبيطه وعيله في نفسها كده...

عمر
خلاص بقي انت وهي الدكتور دخل...

ـــــــــ #بقلم_الكاتبه_رحاب_القاضي ــــــ
_وفي بيت نور كانت لابسه وخارجه، بس وقفتها فايزه لما سألتها..

فايزه
انتي رايحه فين؟...

ردت عليها نور بعصبيه 
هكون رايحه فين يعني الجامعه ي ماما..

الام 
طيب كلمي يونس وقوليلو الاول مش ناقصين مشاكل وفضايح..

ردت عليها نور وهي بتزعق 
لا مش هكلمه وملوش دعوه اصلا..

مسكتها  فايزه من دراعها جامد وقالت _
انتي لو مقولتيلوش ي نور انا اللي مش هطلعك من البيت..

_سابتها فايزه ودخلت المطبخ ، وهي ڠصب عنها مسكت موبيلها وكلمته وهي مدايقه جدا..

رد عليها
عايزه اي؟..

قالتله وهي مټعصبه 
رايحه الجامعه..

رد عليها ببرود 
لا..

نور
هو اي اللي لا انا عندي محاضرات مهمه..

زعق ورد عليها 
وانا قولت لا، وكلمتي هتمشي عليكي ولو خرجتي من البيت ي نور هكسرلك رجلك..

قفل فوشها فرمت هي الموبيل ع السرير وفضلت ټعيط... وبعدين موبيلها رن ولما شافت اللي بيرن عليها، قامت بسرعه وقفلت الباب وردت وقالت..

نور
ايوه يا احمد..

احمد
انتي مش جايه الجامعه ولا ايه النهارده؟..

نور
لا يا حبيبي مش جايه النهارده خالص..

احمد 
ليه يعني في حاجه معاكي ولا ايه؟..

نور مسحت دموعها وقالت 
ما فيش بس بابا تعبان شويه ولازم افضل جنبيه..

احمد
طيب خليكي عندك وانا هجيلك حالا ابعتيلي بس اللوكيشن..

نور بقلق
لا لا مالوش لزوم هو بقي كويس خلاص..

احمد
يا ستي الحمد لله انا بس بتلكك عشان اجي اتعرف علي اهلك ممكن بقي تبعتي اللوكيشن..

نور پخوف 
لا بحد. مش هينفع دلوقتي خالص يا احمد لو سمحت..

احمد پحده 
انا مش فاهم انتي ليه بتتهربي من الموضوع ده كل ما افتحه معاكي، علي العموم براحتك انا لازم اقفل...

قفل معاها وهي قالت
منك لله يا يونس انت السبب في كل اللي بيحصل ده، بس انا عمري ما هتجوزك انت خلاص ما بقتش مناسب ليا حتي لو ھموت مش هكون ليك..

ــــــــ #بقلم_الكاتبه_رحاب_القاضي ـــــــــ 
_ في الجامعه كانت ولاء ماشيه جنب مازن وقالتله..

ولاء
بس واول ما هلصت المحاضره طلعت بسرعه قبل ما يقربو مني انا بجد مش عايزاهم، تخيل انت لو كنت واحد مش كويس شوفت كنت هوقع نفسي في ايه بسببهم...

مازن 
كل واحد يتحمل نتيجة قراراته وزي ما قولتلك هما مش كويسين وقربك منهم هيرجع حالتك للصفر..

بصتله وابتسمت وقالت
شكرا اووي يا مازن بجد، انت عارف انا ما كنتش ببقي مبسوطه في الجامعه خالص، وكنت عايزه اعمل صحاب وذكريات عشان كده قربت من ناس مش كويسه وكنت فاكره انهم صحابس بس انت احسن منهم...

بصلها مازن وقال
انتي ازاي كده بجد، ازاي انتي بالبراءه دي يا بنتي؟..

ولاء پحده 
انت بتترق ولا ايه قصدك اني عبيطه، طيب اهو انت..

ضحك مازن وقال 
ايوه انا عبيط عشان خليتك تفهمي قصدي غلط، انا اللي اقصده اني ما قابلتش بنت في حياتي غير وكانت متصنعه بتتعامل بطريقه مش قادر اقبلها معادا انتي حاسس ان ولاء من جوه زي من بره بالظبط وده مريحني في التعامل معاكي يا صديقتي..

ولاء ابتسمت وقالت
هو واضح انك بتقول كلام حلو فشكرا..

مازن بصلها بضيق وقال
بس كدا شكرا العفو يا ستي، تيجي تشرب حاجه قبل ما تمشي..

ولاء
لا انا لازم امشي لان هاجر اختي وجوزها جايين عندنا النهارده وعايزه اروح اساعد ماما في تجهيز العشا وكده..

مازن بقلق سألها وقال
ثواني بس معلش هو انتي لما شوفتك اول مره في العماره كنتي رايحه فين؟..

ولاء بهدوء
كنت رايحه لاختي هي متجوزه هناك واحد اسمه محمد حامد او الشيخ محمد، انت اكيد تعرفه مش انت ساكن هناك؟..

مازن بتوتر
اا لا مش ساكن هناك ده انا كنت وقتها عند واحد صحبي...

ولاء
تمام همشي انا بقي..

مازن 
اا طيب ممكن رقمك، يعني عشان اكلمك اعرف انتي جايه ولا لا...

ولاء بحماس
بجد انت عايز تعرف انا باجي ولا لا..

مازن 
ايوه فيها ايه؟..

ولاء
بصراحه كده انا ما فيش حد. بيهتم بيا خارج بيتنا يعني، انت احسن اخ في الدنيا بجد..

اتنهد مازن وقال
اخ امم طيب هاتي الرقم يلاا...

_ واديته الرقم بتاعها ومشيت، ومازن قال لنفسه بسخريه...

مازن 
طلعت اخت مرات اخويا الله واكبر وبعدين فيها ايه ما انا طلعت اخ في الاخر وكده احسن برضو...

_ ومشي هو كمان وراح لصحابه وفضل قاعد معاهم شويه وما رجعش البيت...

ــــــــ #بقلم_الكاتبه_رحاب_القاضي ـــــــــ
_ وبالليل في بيت صبري اخو شهد، طلعت من اوضتها وكان اخوها قاعد بيتعشي وبصت هي لزهره مراته اللي قالت..

زهره 
بقولك ايه يا اخويا البت هاجر صاحبة شهد جات عند بيت ابوها وشهد عايزه تروح تسلم عليها..

صبري پحده 
غوري يا بت انتي خشي جوه، واياكي اعرف انك بتكلمي البت دي اللي الله واعلم خطيبها سابها ليه يوم فرحها اكيد معيوبه..

شهد پحده 
هاجر دي بنت محترمه جدا وما فيش زيها ولو فيها حاجه وحشه ما كانش اتجوزها شيخ في ليلتها..

صبري قرب منها وقال بعصبيه 
انتي بتردي عليا يا بت انتي تعالي اديني قلمين بالمره..

بصت شهد للارض وقالت پخوف
انا اسفه ما كانش قصدي والله...

صبري پحده 
غوري ودخلي جوه بوشك ده، اهي اللي بتدافغي عنها اتجوزت وانتي لسه قاعده في وشي زي الهم..

_ دخلت شهد وفضلت ټعيط، ودخلت عندها زهره وقالت..

زهره 
انا عايزه افهم هو انتي دموعك ما بتخلصش ما خلاص بقي يا بت..

شهد پبكاء
حتي صحبتي مش مخليني اشوفها..

زهره 
حقك عليا انا، بصي سيبك منه وانا هظبطلك يوم تروحيلها بيت جوزها...

 شهد وقالت
حبيبني يا زهره ربنا ما يحرمنيش منك ابدا...

ــــــــ #بقلم_الكاتبه_رحاب_القاضي ــــــ 
_ وفي محل للملابس المحجابات كان محمد وهاجر هناك وجابت حاجات كتير وجات وقفت قدام مرايه ومسكت طرحه صغيره وعملتها علي شكل ايشارب وقالت لمحمد..

هاجر
ها ايه رئيك كده شكلي حلو صح؟..

محمد 
هو انتي كده محجبه اصلا ما رقبتك باينه؟..

هاجر
بس مداريه شعري..

محمد بهدوء
هو يعني ايه حجاب يا هاجر انك تداري شعرك بس، يعني لو لبستي بدلة رقص وداريتي شعرك تبقي انتي كده محجبه؟..

هاجر بتوتر
لا طبعا بس انا مش لابسه بدلة رقص..

محمد 
يعني هو لازم بدلة رقص، يا بنتي اللي اقصده ان لبسك نفسه حجاب لوحده وحجاب لشعرك وحجاب للسانك وحجاب لتفكيرك وفي حجاب لبصرك..

هاجر بصت للطرحه اللي فايدها وقالت
يعني دي ما تنفعش..

_ وقفها محمد قدام المرايا وجاب طرحه طويله شويه ولفها ليها بطريقه حلوه جدا ووقف وراها وقال..

محمد
ها ايه رئيك كده؟..

ابتسمت هاجر وقالت
انت كنت شغال كوافير حريمي قبل كده ولا ايه؟..

ضحك محمد بصوت عالي وقال
ههههههههه لا بس بشوف ماما وهي بتلبس الحجاب وفي فتره ايدها اتكسرت وكنا بنروح للدكتور فعلمتني اعملهالها...

هاجر
اممم كويس  لقيت حاجه كويسه في امك..

بصلها محمد پحده وهي ضحكت وقالت
لا مش قصدي اغلط فيك، بص خلاص معلش..

محمد اتنهد وقال
انا هروح ادفع الحساب وجاي..

هاجر 
متشكره يا شيخ محمد..

محمد ابتسم وقال
اقل واجب يا مدام الشيخ محمد..

_ وراح محمد يدفع الحساب وهاجر افتكرت اللي حصل بينها وبين عادل اللي كان خطيبها قبل كده و..

_ فلاااااش باااك..

_ كانو واقفين في محل الموبيله وهاجر كانت مدايقه وهو عمال يضحك وقالها..

عادل 
خلاص والله هجيبلك اللي عايزاه انا كنت بهزر معاكي..

هاجر ضړبته علي كتفه وقالت
هزارك رخم علي فكره قال تقولي مش هنلحق نتهني بيهم،يلا روح حاسب..

عادل 
يالهوي علي النكد طيب مش هحاسب غير لما تضحكي..

هاجر 
محسسني انك هتحاسب من جيبك يا حبيبي دي فلوس بابا..

ضحك عادل وقال
ههههه لا ما هو عمي مالكيش دعوه،واضحكي يلا عشان اروح احاسب بضمير...

ابتسمت هاجر وهو مسك ايدها وباسها وقال
ايوه كده خلي قلبي يفرح بضحكتك يا اول واخر حب في حياتي..

هاجر اتكسفت وقالت
طيب خلصني يلا لسه قدامنا حاجات كتير..

عادل 
طيب بالراحه بس ما تزوقيش..

_ بااااك...

اتملت عيونها دموع وقالت لنفسها 
انسيه يا هاجر ما يستاهلش، خليكي في حياتك وعشيها زي ما تكون وخلاص...

محمد وقف جنبيها وقال
في حاجه انتي كويسه؟..

هاجر مسحت دموعها وقالت
ايوه انا كويسه، يلا بس نروح عشان  اديقت شويه..

مسك محمد ايدها وقال
بلاش تبصي لوراكي يا هاجر وقتها هتلاقي نفسك ديما كويسه وبجد مش كلام وخلاص..

هاجر بهدوء
صح انت صح تعالي بقي عشيني الاول قبل ما نروح..

محمد 
امال احنا لسه عاملين ايه في بيت ابوكي، هو اخرنا عصير قصب..

هاجر بلا مبالاه
قصب قصب اهو اللي يجي منك احسن منك..

ــــــــ #بقلم_الكاتبه_رحاب_القاضي ـــــــــ 
_وكانت الساعه عدت 12 بعد نص الليل..
وكانت نور قاعده بتذاكر المحاضرات اللي فاتتها النهارده بعد مصحبتها  بعتتهم ليها، وكانت كل شويه تبص لموبيلها اللي بيرن باسم يونس ومش راضيه ترد..

_وتحت بيتهم ع القهوه كان يونس قاعد وهو مش مبطل رن عليها، عارف انها زعلانه وهو زعلان من نفسه انه مد ايده عليها بس هو بيغير عليها بشكل چنوني..

جاله يوسف صاحبهه وقال
يونس انا مروح يلا بينا..

رد عليه يونس وهو بيبص ع شباك اوضة نور 
لا انا قاعد..

قعد يوسف جنبه وقاله
تلاقيها نامت تعالي نروح وبكره ابقي كلمها وصالحها..

ادايق يونس وقاله بعصبيه 
منامتش لسه صاحيه النور لسه مولع وهي بتنام والنور مطفي، وبعدين كبر دماغك وروح روح..

يوسف 
يبني القهوه شطبت والصنايعيه نامو جوه تعالي روح حتي عشان ابوك ميزعلش..

زعق فيه يونس 
امشي ي يوسف وانزل من ع دماغي مش ناقصك..

ادايق يوسف ع حال صاحبه وقاله 
يخربيت ام الحب اللي مبهدلك ي اخويا..

اتنهد يونس ورد عليه _
امشي ي يوسف وبطل رغي..

_قام يوسف مشي وهو فضل قاعد ومش مبطل رن عليها، بص لفوق ولاقاها واقفه فالشباك وهي لابسه حجابها وبتبص للسما وبعدين بصتله هو واتخضت ورجعت لورا بسرعه وهي خاېفه منه..

قربت من موبيلها اللي بيرن بأسمه وردت وهي خاېفه ليزعل انها كانت واقفه فالشباك..

نور_
الو..

يونس بهدوء_
لسه فاكره تردي عليا ي نور؟..

اتوترت وردت عليه _
كنت بذاكر..

يونس _
طيب متزعليش وكفايه سهر وروحي نامي..

نور بعصبيه _
انت كمان هتتحكم فيا انام امتي ومنامش امتي..

رد عليها بزعيق 
ايوه واطفي النور واقفلي الشباك ونامي ي نور ولو هتروحي الجامعه بكره ابقي رني قوليلي..

اتنهدت بنفاذ صبر وقالت
حاضر حاجه تاني ي يونس؟..

يونس بهدوء _
ايوه..

نور _
خير؟..

يونس
بحبك ي نور..

اتنهدت بضيق وما ردتش وهو قال بحزن _
مقويه قلبك عليا اووي ي دكتوره نور..

ردت عليه وهي بتتهرب منه _
انا رايحه انام تصبح ع خير..

_قفلت الموبيل فبص هو للشباك ولقاها فعلا طفت النور، فقال بدموع لمعت فعينه..

يونس 
وانتي من اهل الخير ي احلي نور..

_قام هو كمان ورجع بيتهم واول مدخل البيت لقي باباه حامد الصاوي قاعد مستنيه وهو متعصب...

يونس
خير ي حج اي اللي مصحيك لحد دلوقتي؟..

رد عليه حامد بعصبيه 
قاعد مستنيك، كنت فين لدلوقتي ي يونس؟..

ضحك يونس وقاله _
مش كبرت انا ع الاسئله دي، وبعدين ابنك كبير الحاره وموقفها ع رجل يعني متخافش عليه ي ابو يونس ولا صح الشيخ محمد هو الكبير يا ابو محمد ..

جه يدخل اوضته فزعق حامد بصوت عالي 
ياتارا ردت عليك الست الدكتوره اللي كنت قاعدلها تحت البيت ولا سابتك وطنشتك..

اتعصب يونس وقال 
حاجه تخصني انا وهي ي حج متشغلش بالك..

حامد _
مش هشغل بالي هي كلمتك ولا لا، بس هشغل بالي بانك هتتجوزها امتي؟..

يونس بضيق_
لما ربنا يأذن ي حج حامد..

حامد _
امتي برضو، اصحابك اللي اصغر منك اتجوزو وبقي كل وحده معاها بدل العيل تلاته، انت بقي اي اللي يخليك. تقعد اكتر من كده وانت بقي عندك 30 سنه، ولا الهانم لسه مرضيتش عليك؟..

قرب يونس منه وقاله بهدوء _
لما نور توافق وتخلص جامعتها هتجوزها، انما افرض نفسي عليها واخليها تعيش معايا وهي مش موافقه مش هيحصل...

حامد بسخريه _
وهي ليها عين ترفض بعد مبقيت تصرف عليها وع اهلها وع ابوها العيان، ده حتي هدومها انت بتجيبهالها وبتصرف عليها  شقاك وهي فالكليه اهو وحده غيرها تتمنالك الرضا ترضي مش تتفرعن عليك..

اتعصب يونس وقاله_
بص ي حج انا سيبتك تتحكم فكل حاجه تخصني زمان من اول مخلتني اطلع من الاعداديه ومكملش تعليمي واشتغل معاك فالموقف والعطاره وانك بعد. ما امي ماټت وهناء اطلقت رفضت تخليني اروح معاها وكل واحد فيكم كان بيعاقب التاني فيا ، لحد مخلتني اټخانق وابقي شاب مشپوه وپيخوف عشان ابقي الكبير بعدك وانا قولتلك حاضر ي اباا وسكت، بس عند نور مش هسكت الا دي دي روح ابنك فيها ي حج حامد واللي بيني وبينها محدش ليه دعوه بيه..

مشي من قدام حامد وهو بيقول بهدوء 
تصبح ع خير ي حج..

_طلعت مرات ابوه اللي كانت بتسمع كلامهم من ورا باب اوضتها.. وقالت لحامد بخبث..

عظيمه
احلق شعر راسي ان مكانت سحراله البت دي بنت فوزي..

حامد 
خلينا قاعدين اما نشوف اخرتها مع الست الكتوره دي..

_ تفتكرو ايه اللي هيحصل؟....

الغلاف ده اللي كان عليه تفاعل اكتر وعجب الناس اكتر فا هو اللي اختارته، وافتكرو ان الروايه فيها تلات ابطال مش محمد بس في يونس ومازن♥♥
ــــــــــــــــــــــــــــــــــــــــ
#موضوع_عائلي
_الحلقه السادسه
ــــــــــــــــــــــــــــــــــــــــــــ 
_وعدي شهر علي ابطالنا..

_كانت نور قاعده مع باباها فاوضته وهي بتتكلم معاه بعد مخد الدوا..

فايز
مالك ي نور زعلانه لي؟..

نور 
هيكون لي ي بابا هو في غيره بيزعلني..

فايز
والله يونس بيحبك افهميه انتي بس وهترتاحو،وبين مش ده اللي من صغرك بتقولي مش هتجوز غيره لو السنا اطبقت علي الارض..

نور 
مش عايزه افهمه ومش عايزه اتجوزو..

فايز
بصي ي نور الجواز ده نصيب البني ادم يبنتي بيفضل يقول عايز وعايز وعايز ومش بياخد غير اللي ربنا كاتبه ليه وديما بيكون اللي كاتبه ربنا خير، فلما تيجي تدعي قولي يارب قدملي الخير وربنا كبير قادر يغير القلوب..

دخلت ام نور وقالت
بدل مقاعده كده ومش بتذاكري تعالي ساعديني فالمطبخ ولا عايزه  عظيمه مرات الحج حامد تقول عليكي ست بيت خايبه..

نور 
مين قالك اني هتجوز عند. عظيمه ولا هتجوز فالحاره دي اصلا..

ام نور 
هو يونس قالك انه هيجيباك شقه بره الحاره..

نور 
مين قالك برضو اني هتجوز يونس اصلا ً..

ام نور 
يبقي بتحلمي عشان لو السما اطبقت ع الارض مش هجوزك غير ليونس..

نور 
انتي لي بتعملي فيا كده انا بنتك والله..

ام نور 
وانا عملت اي ي بت، ده انا هخليكي تتجوزي راجل جدع والحته كلها بتحبه، راجل وبيحبك بس انتي اللي خايبه..

نور 
بابا متاكد انها امي مش مرات ابويا..

ضحك فايز وقال
مش متاكد يبنتي اساليها هي ادري..

ام نور 
بقي كده طيب مش مجهزه الاكل خلي بنتك حبيبتك تجهزلك..

فايز
كده ي بت ي نور وقعتي بينا..

ضحكت نور وقالت
لا وع اي انا هروح اكمل تجهيز الاكل وخلي مراتك. جنبك ي عم فايز.

_دخلت نور المطبخ وبعدين موبيلها رن برقم احمد، فابتسمت وردت عليه وفضلو يتكلمو وفجأه رن عليها يونس..

نور 
احمد اقفل بسرعه..

احمد
في اي مالك؟.

نور پخوف 
بابا عايزني يلا باي..

قفلت معاه وردت ع يونس اللي سألها 
كنتي بتكلمي مين؟..

اتوترت نور
مكنتش بكلم حد..

يونس بزعيق 
اومال بكلمك كان انتظار لي؟..

نور 
دي ماما كانت بتكلم خالتي من عندي..

يونس بهدوء 
طيب افتحي الباب انا طالعلكم..

ادايقت نور 
خير في حاجه؟..

ادايق لما حس انها زعلت انه رايحلهم وقالها
دلوقتي زعلانه انب جايلك، زمان كنتي انتي اللي بتقولي تعالي علي العموم انا قدام الباب يلا افتحي..

طلعت نور وقالت لمامتها بصوت واطي 
ماما يونس بره افتحيله..

ام نور
البسي طرحتك وافتحيله..

نور
مش عايزه اشوفه افتحي انتي ولو سألك قوليلو نور مش فاضيه..

ادايقت امها وراحت فتحت الباب ليونس..

ام نور 
اهلا وسهلا يبني تعالي اتفضل..

يونس
اومال فين نور؟..

ام نور
اا الاكل اتكب ع هدومها وراحت تغيرها..

عرف يونس انها مش راضيه تقابله.. فقال لام نور وهو مدايق..

يونس
براحتها، المهم دي الكتب اللي قولتيلي انها محتجاهم، والواد بتاع الصيداليه هيطلعلكم العلاج بتاع الحج فايز ولو احتاجتي حاجه قوليلي ي ام نور..

فرحت ام نور وقالت
ربنا يكرم اصلك ويوسع رزقك..

يونس
ربنا يخليكي ي حماتي المهم متقوليش لنور اني انا اللي جيبتهم قوليلها انك كنتي مدياني الفلوس عشان اجيبهم..

ام نور _
حاضر اللي تشوفه تعالي طيب اشرب معانا الشاي..

يونس
لا معلش مش فاضي عندي شغل والله، السلام عليكم..

_خلص كلامع ومشي ودخلت ام نور واديتها الكتب..

ام نور
قالي اقولك اني مدياه فلوس الحاجات دي عشان ما تزعليش يا ست نور..

نور
ما قولتلوش هات حاجه، وبعدين كبري دماغك يا ماما وكملي تجهيز العشا انا داخله اءاكر اللي فاتني بسبب انه اتاخر وما جبليش الكتب بسرعه..

فايزه 
اقول ايه صدق اللي قال شحات وعايز فينو..

_ وفي بيت حامد الصاوي، كان يونس قاعد في اوضته متدايق من. طريقتها ومسك موبيله كلها، ولما ردت اليه قالها..

يونس
انتي لي بتعملي فيا كده،ايه اللي غيرك عليا كده يا نور انا تعبت ؟..

اتوترت نور وردت عليه
عملت فيك اي انا معملتش حاجه..

نزلت دموعه وسألها 
انتي شايفه انك مبتعمليش فيا حاجه؟..

نور بهروب
لو سمحت ي يونس انا تعبانه ورايحه انام..

يونس بنبره حزينه
ياريتني اقدر انام  زيك من غير مبقي خاېف انك ممكن فيوم تدوسي ع قلبي وتسبيني..

ادايقت نور وقالت
سلام يا يونس تصبح علي خير ..

_قفلت الموبيل فوشه فرمي هو الموبيل جنبه وهو مدايق من احساسه انها مش بتحبه وفنفس الوقت هو مش قادر يسيبها..

ـــــ #بقلم_الكاتبه_رحاب_القاضي ـــــ

_وفي بيت الشيخ محمد...

وكانت هاجر بتلمع الجزمه لمحمد اللي واقف قدامها بالشراب وبيقولها وهو مدايق..

محمد 
مش معقول يا هاجر بقالك ساعه بتلمعي في الجزمه..

هاجر
ما انت رايح فرح ولازم تكون الجزمه منوره..

محمد 
والناس بقي هتسيب لبسي واني ماذون كاجول وهتبص للجزمه..

هاجر
مش عايزه اقولك اني وحده من الناس اللي بتحكم علي شخصية الراجل من جزمته..

محمد بخبث
شئ طبيعي بتحكمي من ناحية  الحاجه اللي تشبهلك..

هاجر 
ايوه طبعا و.... اي ده انت بتغلط فيا ولا ايه؟..

محمد ضحك وقال
ههههه خلاص مش قصدي هاتيها كفايه، واتمني لما ارجع ملاقيكيش عامله خڼاقه مع امي..

هاجر بغيظ 
علي فكره بقي امك هي اللي بتجر شكلي، وانت عارفني طيبه وغلبانه وبرضي بقليلي والا ما كنتش رضيت بيك..

محمد 
اسكتي يا هاجر واسمعي كلامي دي مهما كانت امي وانا ما اقدرش ازعلها..

هاجر
خلاص ظبط الشقه اللي فوق وخلصني ونقعد لوحدنا..

محمد 
اولا انا ما كنتش فاكر اني هتجوز بالسرعه دي والمصاريف مش عارف ازاي كترت معايا اليومين دول، فلما اموري هتترتب هظبطها علي طول...

هاجر بغيظ 
طيب انا عايزه انزل الشعل الاجازه بتاعتي خلصت..

محمد پحده 
شغل ايه يا ام شغل، انا مراتي مش هتروح تشتغل تدي حقن للرجاله..

هاجر بعصبيه
انت بتقول ايه دي مهنتي، وبعدين هو انت في حاجه وقعتك فيا غير الحقنه يا ابو خدود حمراا..

محمد 
انا مااشي هتأخر علي الفرح..

_واول ما طلع كانت مامته قاعده مدايقه، فقرب منها وقال بهدوء..

محمد 
يا ماما هو انا كل ما اروح فرح الاقيكي قالبه خلقتك عليا كده..

هناء
انا مش عارفه انت ايه اللي عاجبك فيها الشغلانه دي اصلا، ما انت عندك شغلك والدنيا زي الفل معانا..

محمد 
هو انا اتعلمت كل ده يا ماما عشان اقعد كده من غير ما استفاد وافيد الناس بالحاجه اللي اتعلمتها، وبعدين انتي تكرهي يبقي ابنك ماذون..

هناء بضيق
لا يا حبيبي طلعا، بس المثل بيقولك امشي في جنازه ولا تمشي في جوازه..

طلعت هاجر وقالت 
والمثل بيقول برضو يا حماتي يا بخت من وفق راسين في الحلال..

هناء
وانتي ايش دخلك بيني وبين ابني هو انا ما اعرفش اتكلم معاه كلمتين لوحدي..

هاجر
هو انا قولت حاجه انا بس جوزي حبيبي نسي الموبيل بتاعه وطالعه اديهوله..

محمد 
انا اصلا متاخر ولازم امشي واغلي حاجه عندك انتي وهي بلاش ارجع الاقي الجيران بتحجز بينكم زي كل مره..

هناء بحزن 
كله منها يا ابني يا حبيبي ده انا اغلب من الغلب وهي اللي مطلعه عيني..

هاجر
حاسبي كده يا حماتي احسن جنحاتك طرفت عيني..

هناء
شايف اهو شايف كلامها عامل ازاي معايا انا خلاص وكلت امري فيك وفي مراتك لربنا..

محمد 
امم طيب اتلمي يا هاجر ومالكيش دعوه بامي لو سمحتي..

هناء فرحت وقالت 
حبيبي يا ابني ربنا يجبر بخاطرك وينصرك علي مين يعاديك، روح يلا علي شغلك بس اوعي ترجعلي بعروسه تانيه كفايه الهم اللي عندنا..

هاجر بغيظ. 
لا والنبي ارجع بعروسه بس تكون ام. اربعه واربعين عشان تنفع معاكم..

_ومشيت هاجر ورجعت اوضتها، ومحمد اتنهد وقال لمامته..

محمد 
ابوس ايدك يا ست الكل بالراحه عليها، دي غلباانه والله..

هناء
هي غلبانه وانا اللي شريره ومنكده عليكم بقي دي اخرتها يا ابني..

محمد 
مامااا انا ما قولتش كده، انا بس عايز ابقي مرتاح مش كل شويه خڼاقه..

هناء بسخريه
وبعدين انت عاجبك فيها ايه دي اللي بميه وخمسين سنتي..

محمد بعدم فهم
يعني ايه بميه وخمسين سنتي؟..

هناء
يعني اووزعه مش باينه من الارض، واخبث الناس القصيرين، وهتجيبلك عيال زيها قصيرين..

محمد بغيظ
انا ماشي يا ماما، اصلا انتي وهي شبه بعض..

_ قالها كده ومشي وهي فضلت تتفرج علي التلفزيون..

ــــــــــــــــــ
_في اوضة مازن كان قاعد بيكلم ولاء وهما بيضحكو وقالها....

مازن
ادي الموضوع يا ستي والمراقب ده عنده فوق الخمسين سنه وماشي بالعافيه وقفشني..

ولاء
انا مش عارفه انت ازاي بتغش اصلا، انا حاولت مره واتوترت وروحت اديت الورق للمراقب وقولتله انا اسفه اني كدبت عليك..

ضحك مازن وقال
ههههههه ده انتي تحفه والله، المهم خلاص شيلت الماده وان شاء الله اعوض التيرم التاني..

ولاء 
ان شاء الله خير، هقغل انا بقي واروح اكمل المسلسل بتاعي..

مازن بسرعه قال
لا استني هو انتي يعني بتعملي ايه في الاجازه غير انك بتتفرجي علي مسلسلات..

ولاء
ولا حاجه، اصلا قمة المتعه اني اتفرج علي المسلسل وانا باكل الشوكليت بتاعتي، بس للاسف مالقيتهاش في السوبر ماركت تحت...

مازن باهتمام.
هي اسمها ايه الشوكلاته دي؟..

قالتله ولاء علي اسمها وهو قال
اوكي روحي بقي احضري المسلسل بتاعك..

_ قفل معاها وكان نازل تحت بس لقي ريهام في وشه كانت عندهم..

مازن 
انتي هنا اومال فين ماما؟..

ريهام
جوه بتعملي شاي،انت بقي رايح فين؟..

مازن بقلق
طيب وطي صوتك امي جوه ونازل اقابل واحد.صاحبي..

قبل ما ترد عليها طلعت هناء وقالت
انت صحيت يا منيل علي عينك،قوليلي يا ريهام ما تشوفيلي عروسه للواد ده يمكن لما يتجوز حاله يتصلح..

مازن بخبث
هتجوز طنط ريهام يا ماما ايه رئيك؟..

ابتسمت ريهام بس هناء قالت 
طبعا ما انت من غلبك هتتجوز واحده قد امك..

ادايقت ريهام وقالت
انا اصغر منك يا هناء فين اللي اد امه بس..

هناء بقلق
يا وليه بنهزر معاكي انا والواد في ايه...

_ سابهم مازن ونزل وراح عند السوبر ماركت بتاع محمد وفتح تلاجة الشوكلاته واخد كمية كبيره من اللي بتحبها ولاء وراحلها تحت البيت وهي نزلت بالبجامه وقالت..

ولاء
وربنا انت قمر بجد جيبتلي الشوكلاته..

مازن 
ايوه دي حاجه بسيطه والله، ايه البجامه دي بتاعت بنت اختك؟..

ولاء 
لا والله بتاعتي انا وما عنديش بنت اخت اصلا..

ابتسم مازن وقالها
طيب ابقي اعملي القصه شكلك فيها بيكون احلي..

ولاء بخبث
اممم تخيل بقي في حد كده اول مره شوفته قالي ان القصه فيكي وحشه اووي..

مازن كتم ضحكته وقال
ده مين الغبي اللي مش بيفهم اللي قالك كده..

ولاء ضحكت وقالت
هههه تخيل المغفل ده يبقي انت..

مازن عمل نفسه مصډوم وقال
يا شيخه شوف ازاي..

ولاء
وبعدين قبل ما تتريق عليا وعلي بجامتي بص للشبشب اللي فرجلك..

مازن باحراج 
احمم ما اخدتش بالي غير وانا في الميكروباص وانا جاي اني بالشبشب وبعدين انتي هترغي معايا مش اخدتي الشوكلاته اطلعي فوق..

ولاء ابتسمت وقالت
حاضر وشكرا يا مازن انت احسن اخ في الدنيا، يلا باي..

طلعت هي فوق ومازن قال لنفسه بغيظ
بقي جاي بالشبشب ومحمد هينفخني لما يعرف بالشوكلاته اللي اخدتها وفي اخ برضو جاتك نيله في حلاوتك..

ـــــ #بقلم_الكاتبه_رحاب_القاضي ـــــ 
_ وتاني يوم الصبح في بيت حامد الصاوي..

_ صحي يونس من نومه علي صوت موبيله اللي بيرن برقم نور ورد وقال..

يونس
اي ي نور..

نور 
انا رايحه الجامعه سلام..

ادايق يونس وقالها 
الناس بتقول صباح الخير الاول ي ست الدكتوره..

نور
مش فاضيه افضل اتكلم هتاخر ع محاضراتي..

اتعصب يونس
اتعدلي ي نور ع الصبح وطظ فاي محاضرات لو متكلمتيش زي مانا عايز..

ادايقت نور وقالتله
هو انا اتكلمت ازاي ولا هو اي زعيق فيا وخلاص..

رد. عليها بهدوء 
طيب متزعليش وتتقمصي كده، واستني هبعتلك حد من العيال يوقفلك تاكسي..

نور 
ملوش لزوم انا هوقف تاكسي وهروح..

يونس
انا قولت استني وبعدين الوقت بدري وممكن متلاقيش..

نور بنفاذ صبر 
ي يونس عشان خاطري بقي والله هتاخر..

اتنهد يونس وقال
ماشي ي نور وخلي بالك من نفسك..

نور 
طيب سلام..

_ قفلت معاه نور وراحت الجامعه وقابلت هناك احمد، قعدت نور قدام احمد فالكافيتريا وهي مبتسمه ومبسوطه..

وقالتله بهدوء 
اتاخرت عليك ي احمد؟..

احمد بهدوء_
ايوه اتاخرتي، ومتتاخريش تاني عشان. بتوحشيني..

اتكسفت نور وهي بتبص للارض، فقالها هو 
مجتيش لي امبارح؟..

نور 
بابا كان تعبان شويه..

احمد 
الف سلامه عليه، هو كويس دلوقتي؟..

نور
ايوه الحمد لله..

احمد بوء
يعني اقدر اخد. منه معاد واجيب بابا وماما واجي اتقدم..

ادايقت نور وقالتله
احنا اتكلمنا كتير ي احمد فـ الموضوع ده وقولتلك لسه بدري..

احمد 
بدري من عمرك يختي انا متخرج من سنتين واشتغلت وجهزت كل حاجه انتي رافضه لي مش عارف قولتلك نقرا فاتحه بس ونتجوز بعد. متتخرجي برضو مش موافقه..

نور 
مش وقته ي احمد..

زعق فيها 
اومال امتي بس؟..

نور 
هتعلي صوتك وهتزعق هقوم امشي..

احمد
مش هزعق يس امتي ي نور، انا من حقي اكلمك واشوفك فاي وقت انا بحبك..

نور 
وانا كمان ي احمد بحبك، بس لازم اتخرج واشتغل وابقي مسؤله من نفسي وقتها هقولك اهلا وسهلا تشرف انت وباباك ومامتك فاي وقت..

احمد 
يعني ده اخر كلام عندك؟..

نور _
مفيش حل غير كده ي احمد،انا دلوقتي ما.اقدرش اعتمد علي نفسي واسيب اهلي واتجوز..

وقف احمد وقال بحزن 
براحتك ي نور، بس انا مش هستني كتير للصبر حدود..

نور 
طيب متزعلش ي احمد..

عمر 
لا متشغليش بالك ازعل ولا لا، المهم انتي تكوني مرتاحه..

مشي من قدامها وقال 
همشي عشان اتاخرت ع العياده سلام..

نور بضيق بعد. مهو مشي _
منك لاه ي يونس انت السبب، هضيع عريس لقطه مني بسببك ربنا ينتقم منك ويخلصني من همك ده..

_قامت وراحت حضرت محاضراتها.. وبعد مخلصت، راحت قابلت علا صحبتها وجارتها اللي فكلية التجاره..

علا 
بصراحه كده ي نور انتي بتغلطي..

نور 
بغلط فاي ان شاء الله؟..

علا
الحاره كلها عارفه انك مخطوبه ليونس، وانتي مستنيه اقرب فرصه عشان تتجوزي احمد حرام انتي كده بتخدعي يونس..

نور
يعني انا لو روحت ليونس وقالتله مش عايزاك هيسيبني فحالي،ده غير ان الفلوس اللي بدخل بيها الجامهه وعلاج ابويا مش هلاقيها يعني هخسر احمد وهخسر الجامعه والله واعلم يونس هيعمل فيا وفاهلي ايه ؟..

علا
لا عشان بيحبك والمثل بيقول خدي اللي يحبك ومتاخديش اللي تحبيه..

نور 
مثل غلط وعشان اطبقه اروح ارمي نفسي ليونس، افرض ده حصل واتجوزتو وخلفت منه، عيالي لما يكبرو يقولولي انتي ازاي دكتوره وبابا جاهل..

علا بضيق 
انتي بتاعت مظاهر ي نور، ويونس اكتر واحد بيحبك ولو خسرتيه هتندمي جدا..

نور 
انا بفكر كويس فالمستقبل ي علا، المشكله بس دلوقتي فاحمد لما يجي هيحصل اي؟..

علا 
ربنا يستر ده يونس مش بيتحمل حد يتكلم عليكي حتي لو ستات فمبالك يجيلك عريس..

اتنهدت. نور 
من لوقتها يحلها حلال..

علا 
بقولك اي تعالي نتغدي بره وبعدين نروح..

نور 
ماشي يلاا... 
ـــــ #بقلم_الكاتبه_رحاب_القاضي ـــــ 
_ وفي حارة الساهر..

_دخلت زهره عند شهد اللي كانت بتسرح في شعرها الطويل جدا وقالتلها..

زهره 
يا بت بطلي كل شويه تفكي شعرك وتفرحي بيه كده هيتحسد...

شهد بسخريه
يا ستي اهي حاجه فيا مفرحاني..

زهره 
حاجه وحده والغمزات دي والبياض والحلاوه دي كلها مش مفرحاكي ده انتي تقولي للقمر قوم وانا اقعد مكانك..

قعدت شهد علي سريرها وقالت
يفيد بأيه والبخت مايل...

زهره 
مايل فين بس ده انتي متقدملك حتت عريس لقطه و...

اتخطف وش شهد وقالت
لا طبعا انا مش هتجوز..

زهره 
شوفتي اهي طىيقتك دي بتخلي اخوكي يتعفرت عليكي، يا بنتي ليه ما تتجوزيش اهو تخلس من الخنقه اللي عايشه فيها مع صبري هنا وتبقي براحتك، وده حتت عريس لقطه كان في الكويت ووعامل علي قلبه كتير وو..

شهد بدموع
ابوس ايدك يا زهره خلي صبري يرفضه انا مش عايزه اتجوز..

زهره بقلق
طيب ما تريحيني وتقولي فيكي ايه، ما هو ما فيش واحده ترفض الجواز الا لو في حد في حياتها او..

شهد بضيق
او اي انتي كمان هتعومي علي توم جوزك يا زهره ده انتي اللي مربياني..

زهره اتنهدت وقالت
بشوقك يا يا شهد بس اخوكي العريس المره دي داخل دماغه وبدل ما يطلعهم عليكي ارضي بالمقسوملك..

_ قالتلها كلامها وسابتها وطلعت وشهد فضلت تتنفض پخوف وقالت..

شهد 
ھموت لو اتجوزت لو كانش من اللي هتجوزو هيكون من صبري، لا لا مستحيل انا مستحيل اوافق..

_ تفتكرو ايه السر اللي في حياة شهد؟؟؟...

ـــــ #بقلم_الكاتبه_رحاب_القاضي ـــــ

_في الحاره كان يوسف قاعد ع القهوه اللي قدام بيت نور، فشاف بطه معديه من قدامه، فقام بسرعه..

وقالها 
ع فين ي بطه؟..

بطه
رايحه اجيب شوية حاجات من الصيداليه..

يوسف 
طيب مقولتيش لي كنت خليت حد. من العيال يجيبهم ويبعتهم ليكي...

بطه
لا تسلم ي يوسف انا قولت انزل امشي رجلي شويه..

_كان لسه هيرد بس جه ولد فسن بطه ويبقي ابن عمها ووقف قدامهم وهو بيبص ليوسف بعصبيه..

علي 
تعالي ي بطه عايزك فكلمتين...

وقف يوسف قدامها ورد عليه 
عايز اي ي علي قول اللي عندك..

علي 
انت اسمك بطه وانا معرفش، وبعدين عايز اقول كلمتين لبنت عمي اطلع براها انت..

بطه
انا مش عايزه اتكلم معاك..

علي 
بتتحامي مني فالغريب ي لبني؟...

يوسف _
الغريب ده انت وابوك اللي عايزين تاخدوها عندكم عشان تاخدو ورثها..

_قرب علي من يوسف وكان هيتخانق معاه، بس جه ىونس وشد علي من قفاه لورا جامد..

يونس 
استني بس ي علي هتعمل اي؟..

خاف علي من يونس _
هو اللي غلط الاول..

يونس 
معلش اصل هو مش متربي وانا كمان مش متربي، هاا بقي كنت عايز تعمل اي؟..

اتوتر علي وسكت، فزعق فيه يونس
عايز تتخانق يلاا اټخانق..

شده يونس من هدومه وزعق فيه _
لو لمحتك قريب من حد من اخواتي سوا يوسف او بطه اللي زي اختي هزعل، وانت مش قد زعل يونس الصاوي ..

_سابه يونس فمشي علي بسرعه وهو بيبص لبطه بغيظ..

يونس
انتي نازله لوحدك الشارع لي ي بطه؟..

بطه
كنت هجيب كام طلب من الصيداليه..

زعق فيها 
متنزليش لوحدك تاني، ولا انتي عاجبك اللي حصل..

رد عليه بوسف 
مخلاص ي يونس محصلش حاجه انا هروح معاها وارجعها البيت..

بطه 
متزعلش ي يونس انا اسفه..

_مردش عليها ومشي ناحية نور اللي كانت لسه راجعه من الجامعه هي وعلا صاحبتها..

وقف يونس قدام نور وسألها 
كنتي فين لدلوقتي؟..

علا 
طيب انا هروح ي نور سلام..

نور 
سلام ي علا..

نور ليونس 
عايز اي ي يونس مانا كلمتك الصبح وقولتلك اني رايحه الجامعه..

يونس
مخلصه المحاضرات من ساعتين مرجعتيش لي؟..

نور بقلق 
انت مراقبني؟...

يونس
لا مش مراقبك بس عارف مواعيدك كويس، واخلصي وقولي كنتي فين؟..

ادايقت ن تركيزه معاها وردت عليه 
كنت مكان مكنت ي يونس سيبك مني..

_جات تمشي فشدها من ايدها جامد وقال من بين اسنانه...

يونس
متخلنيش اتغابي عليكي و...

نور بدموع 
سيب ايدي ي يونس احنا فالشارع..

يونس
يعني مشكلتك الشارع..

_شدها من ايدها ودخل العماره اللي فيها بيتهم..

يونس بزعيق 
لاخر مره هسألك بلساني قبل ايدي كنتي فين؟..

دمعت عينيها وردت عليه _
روحت اتغديت انا علا حتي اسألها..

يونس
ومقولتليش لي، افتحي موبيلك شوفي كلمتك كام مره وانتي مش بتردي ومعرفش انتي فين وكنت قلقان عليكي وفالاخر لما اتعصب عليكي تيجي وټعيطي..

مسحت دموعها وقالت
الموبيل كان صامت عشان كنت فالمحاضره ونسيت اعليه لما طلعت، وانا مش صغيره عشان تقلق كده عليا..

قرب منها وقال بهدوء 
انا مش ببقي مطمن غير وانتي جنبي او فبيتكم وطول مانتي بره ببقي قلقان ومش برتاح غير لما اشوفك راجعه..

_اتوترت من كلامه وهدوءه واتكسفت ڠصب عنها وهي تبتص للارض، وقبل ميتكلم يونس تاني..

دخل يوسف وقاله 
يونس الحج حامد عايزك ضروري..

بعد يونس عنها شويه وقاله _
طيب جاي..

قال لنور 
اطلعي يلاا فوق..

نور 
انا كنت طالعه ع فكره وانت اللي وقفتني..

_ضحك ع طريقتها هو ويوسف وهي طلعت بيتهم وهو راح لباباه عشان يشوف شغله..

ـــــ #بقلم_الكاتبه_رحاب_القاضي ـــــ 
_ وفي بيت الشيخ محمد...

كان قاعد بيفطر وجنبيه هاجر اللي بتكلمه بصوت واطي وهناء قالت بضيق..

هناء
انتي يا بت انتي قاصده تعصبيني مش كده؟..

هاجر اټفزعت 
يا ستي انتي حد داسلك علي طرف..

محمد 
بس يا هاجر، خير يا ست الكل ايه اللي معصبك..

هناء ابتسمت وقالت
حبيب امك انت، بقولك ما تيجي تقعد جنبي واحنا بنفطر بدل المسافه اللي بينا دي..

هاجر بغيظ 
شوف الوليه ال... ولا بلاش...

قام محمد وقال
بس كده من عينيا يا احلي هناء، وكمان هقشرلك البيض كمان عشان تاكلي وانتي مرتاحه يا حبيبتي..

هناء بصت لهاجر بشماته وقالت 
تربيتي ده، انا امه حبيب امه..

قامت هاجر وقالت بضحكه صفرا
اللي جابلك يخليلك يا حماتي..

_ ودخلت المطبخ ومحمد فضل يضحك علي كلامها وهناء قالت بغيظ..

هناء
لا والله بقي انا دمي يتحرق من الشبر ونص دي وانت تضحك، اتنيل قوم من جنبي انت ايه اللي قعدك جنبي اصلا..

وقف محمد وقال
بقي دي اخرتها ماشي يا ست الكل، المهم صخي مازن ينزل يساعدني مش هيقضي الاجازة كلها نوم..

هناء بسرعه قالت 
لا لا لا خليه نايم بيصحي يرفع عليا الضغط وانا كفايه عليا العقربه اللي جوه دي..

طلعت هاجر من المطبخ وقالت بغيظ
اهو قدامك يا محمد انا لا كلمتها ولا عملتلها حاجه وهي مس معاها غير تقول عليا عقربه وحيه وماين من تحت تبن وسحليه بقي انا سحليه..

محمد بضيق 
لو سمحتي يا ماما ما ينفعش كده، هو اصلا في زي هاجر دي ست البنات كلهم..

هناء قامت وقالت 
ابقي لمي السفره واعمليلي شاي ولا تقيل عليكي تقولي لحماتك حاضر..

هاجر كانت مدايقه منها ومحمد قالها
من غير ما تزعلي خلاص، انتي ادخلي شوفي كنتي بتعملي ايه وانا هلم الاكل واعملها شاي قبل ما انزل..

هاجر 
هو انت بعد اللي قولته ده انا هسيبك تعمل حاحه، كفايه كلامك عليا انزل شوف انت شغلك وانا هعملها اللي عايزاه دي زي امي برضو بس انا والله كل اعتراضي علي الطريقه..

محمد باس راسها وقال
ربنا يكملك بعقلك يا حبيبتي...

_ ونزل محمد وهاجر دخلت المطبخ، ودخل مازن وقالها وهو مدايق...

مازن
صباح الخير يا هاحر..

هاجر
صباح النور  في ايه مالك مدايق ليه؟..

مازن بضيق
شيلت ماده في الجامعه الترم ده..

هاجر
طيب ما تنزلها شايلها ليه؟..

مازن 
لا استظراف مش عايز، انا فيا اللي مكفيني،وبعدين عارف انك جدعه وهتقفي جنبي..

هاجر
طيب انت عايزني اعملك ايه دلوقتي...

مازن بقلق
هناء والشيخ محمد ما يعرفوش، والله هناء ممكن ترميني من فوق، ومحمد وعدني لو عديت من غير مواد هيجيبلي موتوسيكل جديد ولو ماما عرفت هتقله ما يجيبش

هاجر ضحكت 
ههههه ما انا قولت برضو امك مش هتعدي الموضوع كده خلاص..

مازن 
طيب عشان خاطري يا هاجر اقفي جنبي..

هاجر
لاا معلش هو انا مش هدخل في مشاكل مع امك خالص..

مازن 
ماشي يا هاجر والله مش هقف تاني معاكي ضد امي..

هاجر
وانا مش هعملك اكل من اللي بتحبه وابقي كل بقي في ملوخية امك الواقعه..

مازن 
يوووه عليكي ده انا بهزر....

دخلت هناء وقالت
انتو بترغو في ايه بقالكم ساعه،وانتي طلعي فراخ من الفريزر واعملي باميه ورز وبسرعه ما تقعديش النهار كله فيهم.....

مازن 
يا ماما ما بالراحه علي البت شويه وبعدين احنا لسه الصبح....

هاجر
ربنا علي الظالم والمفتري، وبعدين يا حماتي انتي فيكي رجلتين وايدين لو مش عاجبك شغلي حركي رجلك وتعالي اعملي انتي اللي عايزااه..

مازن 
لا انا اطلع قبل ما الحله او الطاسه دي ترشق في وشي..

هناء
روح يا واد انت استني خالتك ناهد. وساره بنتها جايين يتغدو معانا وهاتهم وتعالي..

مازن بقلق
يا نهار مش فايت يا ماما خالتي ناهد جايه وكمان جايبه معاها ساره اللي كانت خطيبة محمد..

هاجر بغيظ 
انتي يا حماتي عايزه مني ايه، انا متاكده انك انتي اللي عزماهم عشان تكديني..

هناء
وانا اكيدك ليه، هو انتي مش ماليه عين جوزك ولا ايه؟..

هاجر
لا مش ماليه اي حاجه، خليكي بقي مع اختك وبنت اختك وانا في اوضتي ولو عايزه ايدك تفضل فيكي اوعي تخبطي علي باب اوضتي..

هناء
ااه يا بت انتي قليلة الادب، امشي يا اختي علي اوضتك اهو علي الاقل تفضيلنا الجو..

_وراحت هاجر اوضتها وهي متدايقه جدا، وبالليل جات خالة محمد وبنتها وحصل؟....

_تفتكرو هيحصل ايه؟

#موضوع_عائلي
_الحلقه السابعه
ــــــــــــــــــــــــــــــــــــــــــــ 
_ كانت هاجر قاعده في اوضتها مدايقه من طريقة هناء معاها وبعد شويه جه محمد وقال..

محمد 
هاحر انتي ليه ما طلعتيش تسلمي علي خالتي وساره بنتها، دول جايين يباركولك..

هاجر ببرود 
انت بجد من كل عقلك عايزني اطلع لجحر التعابين اللي بره ده..

محمد 
احترمي نفسك وانتي بتتكلمي علي امي وخالتي يا هاجر..

هاجر بغيظ 
امك وخالتك وبس، نسيت تقول وبنت خالتي، ساره خطيبتك القديمه ممكن اعرف ليه ما قولتليش حاجه زي دي؟..

محمد بهدوء
وفيها ايه ما انتي كنتي مخطوبه قبل كده وسابك في الكوشه هااا وما تكلمتش..

هاجر پحده
بس انت تعرف اهو انا بقي ما اعرفش ليه انك كنت خاطب قبل كده..

محمد
اديكي عرفتي ممكن بقي تطلعي تسلمي عليهم، انا شكلي بقي وحش مش كفايه اتجوزت من غير ما اعزمهم..

هاجر بسخريه
وكنت هتعزمهم تقولهم ايه بقي، تعالو معايا رايح كتب كتاب العريس فيه مش هيجي وانا اللي هتجوز العروسه صدقه لله عشان استر عليها زي ما امك بتقول..

محمد بهدوء
خلصتي بقي كلامك اللي مالوش لازمه زيك، اتفضلي بره قدامي..

_ قامت هاجر وطلعت  واول ما شافتها ناهد خالته  قالت...

ناهد
بقي هي دي يا هناء عروسة ابنك ومالها اوزعه اووي كده ليه؟.

هاجر بغيظ
ايه ده يا ميدو انا طول عمري اسمع عن الساحره المستديره اول مره اشوفها لا وكمان تطلع خالتك..

ضحك مازن وقال
هههههههه لا جامده دي يا جوجو..

ناهد بغيظ
وتطلع ايه بقي الساحره المستديره دي يا اختي؟..

هاجر بخبث
كورة القدم الكوره يا طنط اللي بتشوتها لعيبة الكوره في المتشات..

ناهد وقفت وقالت
جرا ايه يا هناء يا اختي هو انا جايه ابارك ولا جايه اتهزأ..

هناء
حقك عليا يا ناهد، يرضيك كده يا محمد عمايل مراتك..

محمد 
معلش يا خالتي بس هاجر والله ما تقصدش تهزأك... قصدي تزعلك..

هاجر بضيق
ما تزعليش يا طنط ده انا بهزر معاكي، اتفضلي اقعدي يا ام صرصاره..

ساره بعصبيه
مين صرصاره دي يا بتاعه انتي..

هاجر
هي ايه العيله اللي عاوزه تتهزأ دي كلها، مين دي اللي بتاعه يا ابو الصراصير انتي..

ساره بحزن 
يرضيك كده يا حماده مراتك تقول عليا صرصاره..

هاجر بغيظ 
ايه ده مين هنا اسمه حماده  ، هو انت اسمك حماده ده من امتي هو مش انت اسمك محمد..

ناهد بخبث
اصل ساره يا حبيبتي من وهي اد كده بتحب تدلع محمد وتقوله يا حماده صح يا حماده؟..

قبل ما يرد محمد قالت هاجر بصوت واطي
لو خلف فيك ابووك رد، لو عايز تاخد شهر نايم علي الكنبه رد يا محمد..

سكت محمد وقالت هناء
ما ترد علي خالتك يا حبيبي سكت ليه، ولا انت خاېف منها..

محمد بضيق 
هو انتي بتقولي فيها يا ماما انا فعلا خاېف منها..

ناهد
مش هتجهزيلنا الاكل ولا ايه يا عروسه عايزين نشوف اكلك حلو ولا لا؟..

هاجر
من عينيا يا طنط هجهز حالا اهوو..

وجات تدخل المطبخ سمعت ناهد بتقول
تعالي بقي يا محمد، ده ساره طول الطريق بتقول محمد واحشني ووحشتي الكلام معاه..

ساره
خلاص بقي يا ماما ما تكسفنيش..

هاجر بغيظ 
يا عين امك انتي مكسوفه طيب ابقي علمي امك شويه بقي من الكسوف ده..

هناء
انتي بتقولي ايه يا بت انتي؟.

هاجر اتنهدت وقالت
ما بقولش بس انا جوزي هيجي معايا دلوقتي عشان يجهز معايا العشا ..

محمد 
ايوه انا لازم اقوم اجهز معاها العشا دلوقتي..

_دخل محمد مع هاجر المطبخ، وقالت ناهد وهي متغاظه من اهتمام محمد بهاجر وقالت..

ناهد 
انتو وقعتو عليها منين دي بس، ومال محمد االي كان عامل تقيل علي بنتي ماسك فيها اووي كده ليه؟..

هناء
انا عارفه بقي يا ناهد، بس لو جيتي للحق البنت كويسه وبتسمع كلامه بس لو تلم لسانها الطويل ده شويه...

مازن 
تلم لسانها وهي عايشه معاكي يا هناء عشان تبلعيها عايشه..

هناء
انت ايه اللي مقعدك هنا يا واد انت قوم فز من هنا يلاا..

مازن 
اروحلك فين بس يا ماما، انا مستني الغدا..

هناء بعصبيه. 
انت هتقوم يا واد انت ولا انا اللي اقوملك..

مازن
لا وعلي ايه تتعبي نفسك يا ست الكل انا قايم لوحدي اهو بكرامتي..

دخل مازن المطبخ وقال
بت يا هاجر دول ناتفين فروتك بره، مش عارف ليه كمية الصفاار ده مش عارف..

هاجر بصت لمحمد وقالت
شايف امك وفي الاخر يا محمد تزعل وتقولي احترمي نفسك معاها..

محمد بضيق
معلش يا هاجر هي ست كبيره وانتي تستحمليها..

هاجر
استحمل ايه امك دي اللي يعاشرها عامل زي اللي بيدخل قسم الشرطه بيدخل برئ وبيطلع مچرم..

مازن 
ههههههههه لا ضحكتيني انتي بتجيبي الامثال دي منين؟..

هاجر
من الهم اللي انا عايشه فيه واللي شوفته..

محمد پحده 
بقي عيشتك معايا هم يا هانم..

هاجر
اهو بدأنا اتلكك بقي..

محمد پحده
بلا اتلكك بلا غيره انا سيبهالك ونازل.. وانت يا عم مازن تتغدي وتنزل عشان هنروح نجيب بضاعه..

مازن
ما بلاش انا معاك..

محمد بجديه
هتيجي وانا هكون معاك، ولا انت مش عايز الموتسيكل..

مازن
لا والله هتغدي واجيلك علي طول...

نزل محمد وهاجر قالت
هو ايه اللي بيحصل هناك مخوفك كده..

مازن
انا مش خاېف من حد يا ماما، بس كل الحكايه ان في مشاكل بينا وبين مازن اخويا وهو علي طول موجود في المنطقه اللي بنجيب منها وو..

هاجر
استني استني هو انتو عندكم اخ تالت؟!..

مازن
ايوه اصغر من محمد بسنه بس من ام تانيه وعيل صايع مالوش لازمه اصلا...

هاجر بغيظ 
واللن انا ما عارفه قاعده عندكم بعمل ايه، بس انا ليا كلام تاني مع اخوك...

مازن بسخريه
صنف بېموت في النكد جاتكم القرف، المهم قوليلي هي اختك اللي مش فاكى اسمها ايه دي مش بتجيلك هنا ليه..

هاجر بسخريه
عايزني اجيب اختي في وش امك والنبي اسكت..

مازن بصوت واطي
معاكي حق دول ممكن ياكلو بعض واختك بتفلت منها اصلا..

هاجر
بتقول حاجه يا مازن؟..

مازن
بقول هروح احط الاطباق دي علي السفره..

ـــــ #بقلم_الكاتبه_رحاب_القاضي ـــــ

_ في عيادة الدكتوره النفسيه اللي بتتعالج عندها ولاء كانت قاعده وبتتكلم عن مازن وهي مبسوطه وقالتلها..

ولاء
من الاخر كده يا دكتوره سلوي انا لقيت صديق واخ حتي اني ما حستش اوي بغياب هاجر، وبرغم اننا نعرف بعض من كام شهر الا اني اتعلقت بيه اووي هو... هو ده طبيعي..

الدكتوره سلوي
عيبك يا ولاء انك ديما بتبني علاجك علي اشخاص، لا انتي ممكن تتعالجي بنفسك وعشان نفسك، يعني الاول كنتي بتقوليلي ايه انا عايزه يبقي عندي صحاب انا لما هلاقي صحاب هبقي كويسه حصل ايه صحابك دول اذوكي اكتر ووصلنا لمرحله اسوأ..

ولاء بقلق
بس مازن مش وحش اووي زيهم هو اا..

الدكتور سلوي بهدوء
افهميني يا ولاء اللي انا عايزاكي تعمليه، انك تحاولي تواجهي لوحدك بقرار منك مش عشان مازن قالك ما تستنيش منه هو يفرحك او هو يفكر معاكي فكري مع نفسك بصوت عالي اتكلمي مع نفسك بصوت عالي، انتي بتروحي الجيم زي ما اتفقنا ولا لا؟..

ولاء بدموع 
ايوه روحت وفي واحده هناك عصبتني وو....

ضحكت الدكتوره سلوي وقالت 
يعني انا بقولك تروحي الجيم عشان تطلعي الطاقه السلبيه اللي جواكي دي في التمرينات بدل العصبيه تقومي تتخانقي.  

ولاء بقلق
معلش اتحمليني والله انا حاسه اني بقيت احسن..

الدكتوره سلوي. 
ازاي بقيتي احسن؟..

ولاء بسرعه قالت
بمازن.. يعني... يعني قصدي هو ساعدني..

الدكتوره سلوي
لو مازن جه وقالك تبعدو او قالك انا مش عايزك انا تعبت منك هتعملي ايه؟..

سكتت ولاء بحزن وقالت سلوي
لازم نحط احتمال ان مازن ممكن يختفي واحنا مش عايزين نرجع للاسوء، عايزين ديما نفضل في تقدم..

ولاء بضيق
يعني انا اعمل ايه دلوقتي، ابعد عن مازن..

قامت سلوي وقعدت قصادها وقالت
لا يا ولاء ما تبعديش خليكي ديما بس عارفه ان ممكن الحد ده يبعد وتكوني حاطه خططك انك هتكملي من غيره عادي، ولو ما بعدش وكمل يبقي الف خير وبركه بس نكون عاملين حسابنا لكل حاجه، انسي انك مريضة اتعاملي عادي ولما نتعصب نعمل ايه..

ولاء
هاخد نفس عميق واخرجه علي عشر مرات، وهروح الجيم تاني وهواجه اللي بيعصبني بهدوء واحاول اضبط نفسي وتفكيري وهطبق كلامك ده..

سلوي
برافو عليكي وان شاء الله كل حاجه هتعدي وتبقي كويسه...

_ وبعد شويه قامت ولاء مشيت "انتظروني يا جماعه قريب اووي في سلسلة قصص للدكتوره سلوي من العياده النفسيه وهنشوف حكايات كتير نتعلم ونستفاد منها ان شاء الله ♥"

ـــــ #بقلم_الكاتبه_رحاب_القاضي ـــــ 
_وفي الحاره كان مازن واقف عند تاجر جمله وپيتخانق معاه وقاله..

مازن 
يا باشا هو انت مش واخد فلوسك يبقي ناخد بضاعتنا كامله..

الراجل 
بس انا واخد اوامر الكل هياخد النص المره دي وفلوسك خد بيها الشهر الجاي..

مازن پحده 
واخسر انا بقي فلوس وبضاعه عشان الاوامر دي ومين بقي اللي اداك الاوامر دي؟..

وقف يونس جنبيه وقال
انا، وصوتك ميعلاش هنا يالاااا..

مازن اتنهد بضيق وقال
انا يا اخد فلوسي وامشي يا اخد بضاعتي كامله دلوقتي..

يونس بجمود 
خلف هات علبة سجاير من عندك وفهم الواد ده ان الكلمه اللي بيقولها يونس الصاوي ما بيرجعش فيها..

ذقه مازن في كتفه وقال
ايه الواد ده ما تتكلم كويس يا عم انت..

مسكه يونس من هدومه وقال
انت بتمد ايدك علي مين يااااه..

مسك فيه مازن وقال
عليك وعلي اللي يتشددلك...

يونس پحده 
ما هو اللي يتشددلي ده لو كان قدر يربيك ما كنتش هتقول كده يا ابن هناء..

_ خلص كلامه وكان هيضربه في وشه بس جه محمد ومسك ايد يونس بسرعه وقال پحده..

محمد 
نزل ايدك من علي اخويا..

يونس سحب ايده منه وقال
طيب ابقي علمه الادب يا شيخ محمد عشان ما تزعلوش مني انت وهو..

محمد بجمود
الادب ده ما عدااش عليك، عشان تستقوي علي اخوك الصغير ولو اسم امي جه علي لسانك تاني وقتها ممكن انزل لمستواك عادي ومش هيفرق معايا حاجه عشان امي واخويا خط احمر..

طلع يونس سچاره وولعها وقال
خلف اللي قولته يتنفذ واللي مش عاجبه ما ياخدش من عندنا وما فيش بضاعه من بىه تدخل المنطقه والا هيشوف حاجه مش هتعجبه..

قال كلامه ومشي ومازن قال بغيظ
والله التظيم قاصد يخليك تتخانق معاه، عايز يقول للناس الشيخ اهو پيتخانق متغاظ منك البلطجي ده..

محمد بضيق
خلصنا يا مازن ويلا بينا ناخد حاجتنا ونمشي..

مازن 
النص بس احنا كده هنخسر كتير الكام شهر الجايين..

محمد بضيق
يا عم الرزق ده بتاع ربنا، يلا بينا..

ـ وفعلا اخدو البضاعه بتاعتهم ومشيو...

ـــــ #بقلم_الكاتبه_رحاب_القاضي ـــــ
_ وبالليل كان مازن طالع من بيتهم وكان نازل بس شاف ريهام طالعه وكانت زعلانه جدا..

مازن
لا والله ده من امتي الكلام ده...

ريهام
واقول ايه اصلا لواحد مش بيكلمني ولا بيهتم بيا، قولي اللي شغلتك دي حلوه؟...

مازن ضحك وقال
ههههه ايوه زي القمر ومستحيل اكون مع واحده غيرها، وفكيها بقي قبل ما حد يشوفنا...

قربت منه وقالت بخبث
طيب لو عايز تصالحني تجيلي النهارده..

مازن
بس كده من عينيا يا حبيبتي، بس هنزل دلوقتي اشوف صحابي..

ريهام
تمام يا حبيبي اتفقنا...

_طلعت في الوقت ده هاجر ولما شافتهم بعدو عن بعض بسرعه، ومازن قال بتوتر..

مازن
اا هاجر انتي رايحه فين؟..

هاجر بضيق
رايحه عند واحده صاحبتي، انت واقف هنا ليه؟..

ريهام بصت لمازن وقالت
كنت عايزه شوية طلبات وهو هيجيبهم ليا...

هاجر
بجد طيب تعالي بقي يا مازن وصلني في طريقك، تعرف انت منطقة اسمها حارة الساهر..

مازن بهدوء
ايوه اعرفها يلا بينا...

_ ووصلها فعلاً مازن لبيت شهد، وبعدين هو راح كافي علي النيل وقعد شويه وبعدين جات ولاء وقعدت قصاده وكانت مدايقه جدا...

مازن 
هو انتي جايه تقعدي مع يهودي قولي ازيك حتي...

ولاء بضيق
انا مش عارفه ازاي اصلا سمعت كلامك وقبلت نتقابل بره الجامعه..

مازن بغيظ 
هو انا مقابلك في كباريه ما اهو مكان عام وبعدين احنا زمايل واخوات ولا انتي خاېفه من حاجه تانيه..

ولاء بسرعه قالت
لا طبعا ولو في حاحه تانيه عمري ما كنت هقبل اجيلك، انا بس مبسوطه ان في حد معتبرني صديقته وياريتك بجد كنت بنت و...

مازن پحده 
بس يا ماما بس يا عسل خلاص ياريتك ما جيتي قال ياريتك كنت بنت..

ضحكت ولاء وقالت
مش قصدي والله بس كل الحكايه اني كنت نفسي تكون عندي واحده صاحبتي زي شهد صاحبة هاجر اختي اهم هما الاتنين صحاب من الطفوله ده يمكن هاجر بتحبها اكتر مني...

ابتسملها مازن وقال
خلاص يا ستي اعتبريني صاحبتك، اهو بضحي اهووو..

_ ضحكت ولاء وهو بصلها ولملامحها البريئه بشكل كبير وابتسم وقرب منهم العامل بتاع الكافي وقال..

العامل
تحبو تشربو حاجه معينه ولا اجيبلكم المينيو يا افندم..

ولاء بسرعه قالت
انا عايزه موزن باللبن..

مازن 
خليهم اتنين لو سمحت...

مشي العامل ومازن قال
الحفله اللي عملينها صحابك دي مش هتروحيها ليه بقي؟..

وولاء پحده 
عشان روحت السنه اللي عدت واتريقو عليا وما حستش بنفسي غير وانا بخرب كل حاجه وو.

مازن بقلق
اهدي ليه بتعلي صوتك انا قاعد قدامك اهو ما روحتش بعيد..

ولاء بضيق
اسفه والله بس مش هروح خلاص...

مسك مازن ايدها وقال
طيب لو روحنا مع بعض هتوافقي، مش احنا اخوات خليكي واثقه فيا ووافقي..

ابتسمت ولاء وقالت
حاضر يا مازن هروح عشان انت هتيجي معايا...

_ ابتسم مازن بانتصار وما كانش واخد باله انه بيدمر طريقة علاجها مع الدكتوره بتاعتها، وكان كل همه في الوقت ده يخليها تتعلق بيه تفتكرو ايه السبب؟؟..

ـــــ #بقلم_الكاتبه_رحاب_القاضي ـــــ 
_ وفي بيت شهد كانت قاعده معاها هاجر اللي قالتلها بملل..

هاجر
شهد مش هنفضل طول القعده نتكلم علي سواق الميكروباص اللي انتي حتي ما تعرفيش اسمه ايه؟..

شهد بسخريه 
ما انتي ما شوفتيهوش يا هاجر كاريزما كده وتقيل، بصي تحسيه مش في مكانه في الموقف ده بصي هو شغلني شويه وخلاص عادي..

ضحكت هاجر وقالت
ههههههه كل ده وشغلك شويه بس، دي شكلها خلاص غمزت بس للاسف ما تعرفيش اسمه ايه..

شهد بدموع
وحتي لو اعرف هيفرق في ايه، ما انتي عارفه اللي فيها..

هاجر بحزن
والله مسيرك تلاقي حد يكون كويس ويقدر الموقف اللي انتي فيه ده، ويصدقك ويعرف ان دي حاجه مش بايدك وكانت ڠصب عنك من واحد حيوان..

شهد بضيق
بس والنبي يا هاجر وبلاش كلام في الموضوع ده انا ما بصدق انسي وياريتني قادره انسي ده انا حتي لما بنسي بيرجع الکابوس اياه يجيلي، النوم مش مهنيه بيه كمانها هاجر وقالت
انا حاسه والله ان كل حاجه هتكون كويسه، فكي كده مش جايه انكد. عليكي انا...

مسحت شهد دموعها وقالت
سيبك مني وقوليلي، عادل ما رجعش؟..

هاجر بضيق
لا ما رجعش ولو رجع ما اعرفش ما يفرقش معايا يا شهد انا خلاص بقيت مرات واحد تاني غيره، راجل تاني ما يستهلش اني افكر في غيره او اخونه حتي لو بمجرد التفكير..

شهد 
هو شكله جوزك ده طيب..

هاجر بغيظ 
طيب بس ابن امه اوووي بيحب امه بشكل غير طبيعي وهي عقربه بس يعني سعات بحسها كويسه..

شهد ضحكت وقالت
والله يا بنتي ربنا يعينك علي ما ابتلاكي...

ـــــ #بقلم_الكاتبه_رحاب_القاضي ـــــ 
_ في بيت حامد الصاوي.. كان يونس متعصب جدا وقال لباباه...

يونس
انا حر منطقتي واللي اقوله يمشي فيها، واللي يقل ادبه يتربي وعيالك دول انا ما رضتش اعمل حاجه معاهم عشانك انت يا حج..

حامد پحده 
عيالي دول اخواتك، لما حد يجيلي يقولي يونس واخواته پيتخانقو انا هكون مبسوط..

يونس
ابنك اللي قل ادبه الاول...

حامد پحده 
مالكش دعوه باخواتك يا يونس، اللي تقوله يمشي علي اي حد الا محمد ومازن فاهم ولا لا..

عظيمه پحده 
هو ايه الكلام ده يا حج، لا يونس كلمته تمشي علي الدخين والكل كمان هو مين اللي ماسك المنطقه ومخلي اسمك سابت في المنطقه وفي كل حته كمان مش هو  وفي الاخر عايز تنصر عليه ولاد هناء..

حامد پحده 
اخر مره تدخلي في الكلام يا عظيمه والا والله العظيم ما تعرفيش هعمل فيكي ايه..

سكتت عظيمه وقال يونس
وانت عايز ايه دلوقتي يا حج؟..

حامد 
انا هتصرف بس اول واخر مره تقف قدام اخواتك في حاجه يا يونس...

_ سابه يونس ودخل اوضته، وحامد اخد بعضه وطلع وعظيمه قالت لنفسها بغيظ...

عظيمه 
ربنا ياخدك يا هناء انتي وعيالك قادر يا كريم..

ـــــ #بقلم_الكاتبه_رحاب_القاضي ـــــ
_ وفي بيت نور كانت قاعده في اوضتها وبتتكلم في الموبيل مع احمد وبتقوله...

نور
بس انت ايه صوت الدوشه اللي جنبك دي..

احمد
هقولك بس عايزك تبقي هاديه وما تتعصبيش؟..

قلقت نور وقالت
اتكلم يا احمد في ايه، وانت فين؟..

احمد
انا في الحاره بتاعتكم تحت بيتك بالظبط. وعلي رأي المثل اللي يسأل ما يتوهش...

اتملت عيونها دموع وخاڤت جدا وقالت
لو بتحبني امشي يا احمد عشان خاطري انت ما ينفعش تكون موجود في الحاره دلوقتي..

احمد پحده 
مش همشي وافتحي الباب انا جاي لوحدي اتكلم مع ابوكي واخد منه معاد عشان اجيب اهلي..

_ قال كلامه وقفل، وطلع بيت نور وكان في الوقت ده يوسف صاحب يونس شايفه..

يوسف
واد يا هيما هو البيه اللي دخل هنا من شويه طالع عند مين؟...

هيما 
ما اعرفش يا يوسف، بس تقريبا طالع بيت الاسطي فايز لانه كان بيكلم نور في الموبيل سمعته بيقول اسمها..

_ اټصدم يوسف وحصل؟؟؟؟....

_ تفتكرو هيحصل ايه؟.....

ـــــ #بقلم_الكاتبه_رحاب_القاضي ـــــ
_ خلص محمد شغله وطلع بيتهم واول ما دخل اوضته  لقي هاجر قاعده علي الكنبه بتقلب في موبيلها.. قرب منها وقال...

محمد 
انا عارف انك زعلانه من اللي حصل النهارده، حقك عليا خلاص..

عيطت هاجر وقالت 
لا لا انا مش مصدقه ازاي ده حصل بس؟..

محمد بضيق
يا هاجر خلاص بقي، وبعدين انتي اللي كل شويه تقولي عيشه هم وحاسك مدايقه برغم اني بحاول ما ازعلكيش وو..

هاجر پحده 
ما تبطل رغي يالااا شغال لوك لوك في ودني وانا مش عارفه اتفرج علي المسلسل منك..

محمد 
يعني انتي دلوقتي بټعيطي علي المسلسل؟..

هاجر
ايوه البطل راح خلاص، وبعدين هو انت فاكرني اني بعيط علي كلامك اللي مالوش لازمه ده انا نسيته اصلا..

محمد بغيظ 
لا هو انا اللي غلطان وما تربتش اني جيت اصالحك، انتي ازعلي احسن..

هاجر
مين دي اللي تزعلها يا عسل ده انا زعلك انت واهلك واخليكم تجيبو ناس تزعل كمان..

_بصلها بغيظ ودخل الحمام وخبطت عليهم هناء وراحت هاجر فتحت وقالت..

هاجر
نعم يا طنط في حاجه..

هناء بضيق
قولي لجوزك ابوه بره وانتي اطلعي سلمي عليه العره ده..

_ تفتكرو بقي هيحصل ايه؟....

ــــــــــــــــــــــــــــــــــــــــــــ 
#موضوع_عائلي
_الحلقه الثامنه
ــــــــــــــــــــــــــــــــــــــــــــ 
_خبطت هناء علي اوضة محمد وهاجر وراحت هاجر فتحت وقالت..

هاجر
نعم يا طنط في حاجه..

هناء بضيق
قولي لجوزك ابوه بره وانتي اطلعي سلمي عليه العره ده..

غمزتلها هاجر وقالت
الاكس بقي وكده طيب انتي متوتره كده ليه؟...

هناء بتوتر
ايه ده هو باين عليا اووي با بت ولا ايه؟...

هاجر
جدا وخدودك محمره وشكلك قمر يا حماتي.

هناء پحده 
انتي قليلة الادب انا بس مټعصبه ادخلي يلا اعملي اللي قولتلك عليه..

لوت هاجر بوقها بسخريه وقالت
اممم صدقتك انا كده مثلا علي العموم مااشي..

_ ودخلت هاجر جوه وهناء راحت لحامد وقالتله بضيق..

هناء
محمد جاي وانا في اوضتي..

حامد
ابنك التاني فين؟...

هناء
الله واعلم تلاقيه مع صحابه وبقولك ايه تبعد ابنك عن ولادي، احنا لا بتوع مشاكل ولا كلام فاضي..

وقف حامد قدامها وقال
ابني ده يبقي اخوهم يا هناء، وانتي اللي عملتي المشاكل دي بينهم..

هناء پحده
اللي عمل المشاكل دي انت وابنك البلطجي..

حامد بسخريه
الله يرحم كنتي زمان بتقولي عندي تلات ولاد محمد ويونس ومازن، يونس دلوقتي بقي بلطجي وعدوهم..

هناء بدموع
لو كنت سيبته يجي معايا يوم ما خلعتك يا حامد كان زمانه ما يتخيرش عن محمد ومازن بس انت حړقت قلبي عليه وخدته مني وربيته في العالم الفاسد بتاعك لحد بقي نسخه منك...

حامد بجمود 
لو كنتي خاېفه عليه كنتي فضلتي معايا وربيتي التلاته بس انتي اللي اختارتي..

اتنهدت هناء وقالت
كنت اقعد مع مين يا حامد، مش كفايه انك كسرت ابويا واتجوزتني بالعافيه زمان وخليته ماټ بحسرته وكنت معيشني في ړعب كل يوم تمد ايدك وتهين فيا وكانك اشتريتني بس انا لا يا حامد عمرك ما هتقدر تكسرني ولاخر مره بقولك عيالي مهما عملت مش هيبقو غير زي ما انا عايزه..

حامد بعصبيه 
هو انتي فاكره عشان كبرنا مش هعرف اربيكي يا هناء ده دلوقتي اكسرلك رقبتك لو عايز...

طلع محمد من اوضته وقال
في ايه امي حصل ايه؟..

بصت هناء لحامد بخبث وقالت
ما فيش يا حبيب امك  يا راجلي بس ابوك جاي عايزك في كلمتين، تعالي يا هاجر سلمي علي حماكي..

بص حامد لهاجر وابتسم وقال
مبروك يا عروسه معلش جات متأخر شويه بس العيب علي جوزك..

سلمت عليه هاجر وقالت
الله يبارك في حضرتك..

طلع حامد مبلغ كبير من جيبه وقال
امسكي يا بنتي نقطتك..

_بصت  هاجر لمحمد اللي شاورلها انها تاخدها منه واخدتها هاجر وقالت..

هاجر
شكراً يا عمي..

حامد بص لمحمد وقال
البضاعه بتاعتك تحت الرجاله بتنزلها، وما تزعلش من اخوك ولو عملك حاجه ما تقفش قدامه وتعالي قولي..

هناء پحده 
ويجيلك انت ليه في حاجه اسمها شرطه تجيبله حقه وتعلم اللي ما اترباش الادب..

حامد پحده 
انتي يا وليه انتي ما تدخليش بيني وبين ولادي، والشيخ محمد فاهم قصدي كويس..

مسك محمد ايد امه وقال
حاضر يا حج حامد وربنا ما يجيب مشاكل..

بص حامد بخبث لهناء وقال
وانت ليه قاعد مع امك بتد ما اتجوزت هي دي تتعاشر يا ابني، هبقي ابعتلك العمال يشطبو شقتك ولو عايز شقه غير اللي هنا من بكره تكون عندك..

هاجر بصوت واطي 
سبحان الله طلعت مش لوحدي اللي بقول عليها نا تتعاشرش.

هناء بغيظ 
سمعتك ياللي تنشكي انتي بس صبرك عليا، وانت يا حامد مالكش دعوه بابني يقعد مكان ما يقعد طلعك نفسك انت من حياتنا..

محمد 
معلش يا حج بس انا خلاص قربت اخلص الشقه هنا كتر خيرك..

حامد بضيق
ماشي يا شيخ محمد، وابقي قول لاخوك اني دفعتله مصاريف جامعته ومش محتاج اقولك انت واخوك لو احتاجتو حاجه انا موجود..

محمد
اكيد يا حج، ما لسه بدري اديك منورنا..

بص حامد بطرف عينه لهناء وقال
معلش اصل الجو هنا تقيل علي قلبي، سلام عليكم..

_قال كلامه ومشي وهاجر بصت لهناء وفضلت تضحك، وهناء اتعصبت وقالت..

هناء
والله يا محمد لو ما لمېت البت دي عني لكون قالعه اللي في رجلي ومنزلاه عليها..

هاجر بغيظ 
بقولك ايه انا موجهتلكيش كللام وما تتكلميش معايا كده لو سمحتي كله الا كرامتي..

هناء بسخريه 
هي كلمه واحده بس هرد عليكي بيها، اتلمي يا صدقه جاريه هااا فاكره ولا افكرك...

محمد بضيق
يا ماما لو سمحتي كده ما ينفعش...

هناء بخبث
هو انا قولت حاجه انا بلمح بس واللي علي راسه بطحه. بقي..

قالت كده ودخلت اوضتها وهاجر قالت
اهي قدامك. انت يا تخلصلي شقتي يا هروح اقعد عند بيت اهلي لحد ما تخلصها..

محمد بسخريه
ما هي اي تلاكيك وخلاص، وبعدين لو اخدتي كلام. امي علي سبيل الهزار وتكبري دماغك هنرتاح كلنا ده لو عايزه ترتاحي هنا يعني..

_قال كلامه ودخل اوضته وهي راحت وراه وقالت وهي مټعصبه جدا ً..

هاجر
لا ما انت ما ترميش الكلمه وتجري، قصدك ايه بأنك كل شويه تقولي تلاكيك دي انا مش بتلكك علي فكره وهتلكك ليه؟..

محمد بجمود. 
اسألي نفسك، يا بت الناس لو شايفه ان كل حاجه جات بسرعه وانك بقيتي في مكان مش حبااه يبقي كل واحد يروح لحاله احسن..

هاجر بضيق
انا كنت عارفه ان ده هيحصل، وانك هتسكتر عليا ابدأ من جديد....

محمد اخد. موبيله وقال
انا طالع ابات فوق قعدتنا في وش بعض مش هتعدي الليله علي خير..

_ سابها محمد وطلع بس سمع صوت ريهام بتضحك وبتكلم حد، تجاهل اللي سمعه وطلع فوق بسرعه.. وفي شقة ريهام كان مازن قاعد معاها وبيقولها..

مازن 
بس بقي وهو ده اللي حصل..

ريهام بخبث
بس مش طبيعيه بجد بقي تعمل فيك كل ده وفي الاخر انت عايز تساعدها..

مازن 
اهو بتسلي شويه وبعدين انا برضو قلبي طيب ودي واحده لجأتلي..

ريهام 
انا هسيبك تعمل اللي انت عايزه معاها عشان انت جيت وحكيتلي بس لو بعدت عني بسببها ما تعرفش انا هعمل فيها هي ايه..

مازن قرب منها وقال
هو انا عايز افهم ليه انتي اللي احبها، يعني اشمعنا انتي اللي انجذبلها كده مش واحده في سني علي الاقل..

ريهام بخبث
السن ده مجرد رقم ممكن تلاقي واحده في سنك بس دماغها معقده زي امك كده، وممكن هبله وعيله في نفسها زي البت اللي مصاحبها، انما انا بقي عشان بحبك هبقالك زي ما انت عايز..

ضحك مازن وقال
ما هو انا عشان كده بحبك لان دماغك فاهمه انا عايز ايه... 
ـــــــ #بقلم_الكاتبه_رحاب_القاضي ـــــــ

_ وعند بيت يونس راحله يوسف ولاقاه واقف قدام البيت ومعاه عربيه شكلها حلو جداً..

يوسف
انت برضو عملت اللي في دماغك وجيبت العربيه دي با يونس..

يونس بحماس
انت عارف اما بحب العربيات ازاي والعربيه دي كانت عجباني اوووي، تعالي هخليك تسوقها بس اوعي تقول للبت نور انك ركبتها قبلها عشان هقولها انها اول واحده تركبها معايا، هتفرح بيها هي بتحب المناظر والجو ده..

يوسف بضيق 
بقولك ايه انا مروح وانت افرح بعربيتك دي وبكره نتكلم..

يونس 
ياد انت استني قول كنت جاي ليه؟..

يوسف بحزن
خلاص يا يونس مش عايز انكد عليك دلوقتي انت كده كده هتعرف، افرح بعربيتك انت اصلا ما تستاهلش غير تفرح بس واقع في ناس مستكتره الفرحه عليك...

يونس
بقولك ايه يا عم حسن الاسمر انت علي بيتكم يلا انا  هصورها وابعتها لنور هتطير من الفرحه اكيد دي مش بعيد تقولي تعالي اتجوزني..

_ اتنهد يوسف بضيق ومشي، وفي بيت نور كان قاعد احمد مع فايز اللي قاعد علي كرسي متحرك، وقاله..

احمد
ها يا عمي قولت ايه؟...

اتنهد فايز بضيق وقال
انت يا ابن الناس سألت علينا الاول قبل ما تيجي هنا؟..

احمد
من غير ما اسأل حضرتك انا صريح معاك من البدايه وبقولك مش هاممني اي حاجه غير نور ومستعد اعملها اي حاجه هي عايزاها...

فايز بجمود
معلش انا عايز وقتي افكر واخد رأي الجماعه..

وقف احمد وقال
تمام يا عمي انا سعيد اني شوفت حضرتك، وان شاء الله المره الجايه اجي ومعايا اهلي..

فايز 
اللي فيه الخير يقدمه ربنا...

_ ومشي احمد ونور طلعت هي وفايزه وقالت لفايز پحده..

نور
ليه يا بابا ما قولتلوش امك موافق؟..

فايز پحده 
اوافق علي ايه يا بت انتي، انتي تكلمي الواد ده وتقوليلو انك مخطوبه، وقلة ادب مش عايز..

فايزه
هي فين بس يا اخويا قلة الادب، البت حبت ودن مش غلط وبعدين انت شايف الواد عامل ازاي باين عليه ابن ناس اووي..

نور
ايوه يا ماما والله ده ابوه مستشار ومن عيله كبيره اووي..

فايز بجمود 
كل واحد ياخد اللي من توبه، وبعدين ازاي اصلا تعشمي واحد بحاجه زي دي وانتي مخطوبه لواحد تاني..

نور بحزن
يا بابا انا بقالي سنه بعيد عن يونس ولو علي الدبله اللي في ايدي لابساها عافيه لو سايبني براحتي كنت قلعتها..

فايز بسخريه
وكان مين دخلك الجامعه ولا اكلك ولابسك اللي نفسك فيه، انتي كلك كده عاملك يونس وكنت بقول معلش هتبقي مراته انما نلعب بمشاعر وقلوب الناس لا والف لا يا نور..

فايزه پحده 
بقولك ايه يا ابو نور طلع انت نفسك من الموضوع ده، انت لا بتصد ولا بنرد ومدام بنتي جالها الاحسن من يونس يبقي نبص لمصلحتنا..

فايز بدموع
عاجبك كلام امك ده يا نور، عسان عاجز مش هتعملولي حساب..

سكتت نور وفايز دموعه نزلت وقال
يا خساره يا بنتي، اعملي اللي عايزااه بس انتي من جواكي بتحبي يونس ولو سيبتيه دلوقتي عشان المناظر هتبقي بدل الدموع ډم..

_ قال كلامه وسابهم ودخل اوضته، وفايزه قالت لنور بحماس..

فايزه
سيبك من ابوكي واحكيلي حكاية الموضوع ده يلاا..

ـــــــ #بقلم_الكاتبه_رحاب_القاضي ـــــــ
_ وتاني يوم الصبح نزل محمد وغير هدومه ومشي راح شغله، وهاجر صحيت بعد شويه وطلعت بىه اوضتها وكانت هناء قاعده وقالتلها ..

هناء 
هو انتي كل يوم هتفضلي نايمه كده للضهر يا بت انتي..

هاجر بغيظ 
نامت علي راسك حيطه يا شيخه واخلص منك..

هناء
بتبرطمي تقولي ايه انتي ما تعلي صوتك..

هاجر
عارفه يا حماتي انا طول عمري بدعي ان اللي اخده يبقي لا ليه اب ولا ام عشان ما شوفش اللي شيفاه معاكي ده..

هناء
بقي انتي بتفولي عليا، تعاليييي يا محمد شوف امك واللي حصل فيهااا...

هاجر
يا وليه انا بقولك علي اللي كان نفسي فيه زمان..

هناء
وكمان نفسك. اني انااا اموت عشان تاخدي مني ابنيي، ليه بس كده يارب ابتلي بمرات ابن زي دي لييييييه...

طلع مازن من اوضه وقال بقلق
في ايه يا ماما كد من زمايلي في الجامعه قالك حاجه ولا ايه؟..

هناء بشك
ليه يا ولد انت هو ايه اللي انت مهببه في الجامعه خاېف منه؟..

مازن بتوتر
هااا لا ما فيش حاجه، قوليلي المهم حصل ايه من البنت دي خلاكي تصوتي..

هناء
ايوه استني هي كانت عملت ايه الشبر ونص دي فكرني انا  نسيت..

مازن بسخريه بص لهاجر وقال
كده برضو يا شبر ونص يطلع كل ده منك..

هاجر بغيظ 
انت شااايف اهو لوحدك ياارب، علي العموم انا رايحه لامي هقعد معاها شويه وقايله لابنك..

ودخلت هاجر اوضتها وهناء قالت
الهانم منكده علي اخوك ومبيتاه فوق لوحده..

مازن 
واحنا مالنا يا هناء ما تخلينا في حالنا يا هناء..

هناء بغيظ
نفسي مره في حياتي تنصفني يا ابن بطني وتقولي يا ماما او يا امي..

وقلعت الشبشب وقالت
بدل ما انت محسسني اني كنت بلعب معاك في الشارع يا ابن الجزمه..

_ دخل مازن بسرعه اوضته وهو خاېف منها، وقال وهو بينهت..

مازن 
ربنا ياخد شبشبك يا هناء عشان ارتاح من العڈاب ده..

_ وبعدين مسك موبيله لقي ولاء بعتاله ريكوردات علي الوتساب فتحها ولقاها بعتاله..

ولاء
بقولك ايه انا رايحه جيم حلو كده ابن ناس، ممكن تيجي معايا لو فاضي يعني وهدخلك ببلاش انا معايا اشتراك..

رد عليها مازن وقال
تمام نصايه كده وهكون هناك ابعتيلي اللوكيشن..

فرحت ولاء وقالت
حاضر من عينيا وكمان هروح اشتري فستان احضر بيه الحفله اللي هنروحها بكره وهتيجي معايا نختار سوا تمام..

مازن ابتسم وقال
ده ياريت يعني اشطا برضو انا معاكي في اي حاجه..

قفل معاها وقال لنفسه 
ده انتي لقطه يا ولاء هو في كده، بس انا ما ينفعش اروح معاها وايدي فاضيه او بالخمسين جينيه اللي في جيبي دي..

ضحك بخبث وقال
احبيبتي يا هناااء ما فيش مانع لو خدت مبلغ من فلوس الجمعيه اللي قبضتيها هع هو هيييي...

ـــــــ #بقلم_الكاتبه_رحاب_القاضي ـــــــ

_ وفي الموقف كان يونس قاعد هناك، وجه يوسف قعد جنبيه وقاله..

يوسف 
رايق ولا ايه؟..

يونس بضيق
البت نور عملتلي بلوك، وعمال افكر انا زعلتها في ايه بس؟..

يوسف 
طبيعي تعملك بلوك ما خلاص..

يونس بعدم فهم 
انت قصدك ايه بالكلام ده؟..

_ قبل ما يرد عليه يوسف شاف يونس هاجر داخله الموقف ولابسه بنطلون جينز وبلوزه طويله وحاطه طرحه كل شويه بتكون هتتزحلق من علي راسها وهي تعدلها تاني...

يونس
استني هي مش دي مرات الشيخ محمد ما الدنيا حلوه اهوو العروسه سايبه..

يوسف بقلق
انت ايه اللي بتقوله ده وبعدين ما البت لابسه كويس اهو..

يونس بخبث
كويس ايه هي في مرات شيخ جامع تلبس كده، بس حلو ده جات في ملعبي..

يوسف مسك ايده جامد وقال 
انت اټجننت يا ابني دي مرات اخوك..

يونس پحقد
انا ماليش اخوات وما تتدخلش في اللي هيحصل ده يا يوسف عشان ما نخسرش بعض...

_ قام يونس وقال لواحد من اللي شغالين في الموقف حاجه، والواد قرب من هاجر وقالها..

الولد 
علي فين يا قمر اي خدمه؟..

هاجر بجديه
عايزه اركب لمنطقة الساهر، من فين؟..

الولد 
طيب ما تيجي معايا وانا هوصلك..

_بصتله هاجر بقرف وجات تمشي بس الواد وقف قدامها وقال بخبث..

الولد 
علي فين بس يا حلوه هو انا ما اعجبش ولا ايه؟..

هاجر پحده 
اوعي يا جدع انت من سكتي والا والله العظيم هقلع اللي في رجلي وانزل بيه علي دماغ اهلك..

الولد زعق فيها وقال
ايه يا حته ما تتلمي وتلمي لسانك ده..

هاجر بعصبيه 
لا واضح فعلا انك مش هتتلم غير لما اللي في رجلي ينزل علي دماغك..

جه في الوقت ده يونس وقال
في ايه يا ابله صوتك عالي ليه كده؟..

هاجر پحده 
الحيوان ده واقف في طريقي ومش راضي يعديني..

يونس بسخريه
ما العيب مش عليه برضو ما هو معذور من اللي شايفه يا مرات الشيخ،اصل يا جماعه دي مرات الشيخ محمد، ما هو بيهدي بالبر وبينسي يهدي مراته....

وفجأه الناس كلها اتلمت وهاجر قالت پحده
لا هو شكله مش هو بس اللي هيضرب بالجزمه لان في غيره عايز يتربي..

_ وقلعت فعلا الجزمه بتاعتها وجات تضربه بيها بس يونس مسك ايدها وابتسم بشړ وقال..

يونس
كان ممكن اسففك تراب الارض هنا دلوقتي علي الحركه دي، بس انتي ليكي راجل يترد عليه، روح يلا انده للشيخ محمد يجي يلم مراته اللي بتقلع لينا الجزمه...

_ تفتكرو بقي ايه اللي هيحصل؟...

ـــــــ #بقلم_الكاتبه_رحاب_القاضي ـــــــ

_ في بيت صبري اخو شهد كانت هناك عندهم عظيمه اللي قالت..

عظيمه
والله في بالي من زمان اجي واقعد معاكي يا زهره ده احنا كنا اكتر من الاخوات ولا نسيتي..

زهره 
طبعا اومال ده انا كنت بقعد عندكم اكتر ما بقعد في بيتنا، بس انتي اول ما اتجوزتي المعلم حامد وخلاص ما بقناش نشوفك..

عظيمه 
اديني اهو جيت وهنرجع الود تاني، الا انتي با حبيبتي عامله ايه واخت جوزك دي اللي اسمها ايه عامله ايه برضو؟...

زهره 
ايوه اسمها شهد كويسه يا حبيبتي..

عظيمه 
طيب بقولك ايه بقي انا عايزه اشوفها...

زهره فرحت وقالت
من عينيا يا حبيبتي ثواني هندها من جوه..

_ ودخلت زهره عند شهد وقالت وهي مبسوطه جدا..

زهره
بت يا شهد قومي بسرعه البسي حاجه حلوه وافردي شعرك ده وحطي شوية روح وتعالي سلمي علي الست عظيمه..

شهد بعدم فهم
طيب ما اطلع اسلم عليها كده عادي، ايه لازمة احط احمر واخضر..

زهره
يا بت اسمعي الكلام وياريت اللي في بالي يطلع صح....

شهد 
هو ايه اللي في بالك اصلا يا مرات اخويا؟..

زهره 
اسمعي بس الكلام اللي بقولك عليه وتعالي يلاا..

_ قامت فعلا شهد ولبست ديرس باكمام خفيفه لونه وردي وبسيط جدا، وفردت شعرها بس ما حطتش ميكأت وطلعت سلمت علي عظيمه اللي لما شافتها قالت...

عظيمه 
بسم الله ماشاء الله، ايه الجمال ده كله كنتي مخبياها عني فين بس دي يا زهره..

زهره 
اخوها يا حبيبتي بيغير عليها اووي اكمنها زي ما انتي شايفه كده، وطلوعها ودخولها بحساب حتي البلكونه مش بتقف فيها غير والستاره بتكون نازله من كل ناحيه..

عظيمه وهي بتحط ايدها علي شعر شهد 
بېخاف عليها وبيعرف الاصول  ، عارفه يا شهد انتي ما ينفعش تبقي لاي حد كده وخلاص وان شاء الله اللي في نيتي يكون من نصيبك..

زهره 
قومي يا شهد هاتي حتتين تلاته كيكه من اللس عملاها جوه ودوقي الست عظيمه..

شهد 
هو انا من اكتي بعرف اعمل كيكه يا زهره..

زهره بغيظ 
قومي الله يكسفك اعملي اللي بقولك عليه..

قامت شهد وعظيمه قالت 
تتعلم يا اختي هي هتروح فين يعني، بس صلاة النبي عليها زي البدر المنور هي حد قايل عليها؟..

زهره 
يا اختي بيجيلها كتير اشي المهندس والمدرس وغيره وغيره بس تقولي ايه لاخوها بيقول ابداً ان ما كانش واحد مننا وعلينا ونعرفه ويعرفنا ما اجوزهاش ليه..

ابتسمت عظيمه وقالت
علي خيرة الله ان شاء الله...

_ تفتكرو عظيمه بتخطط لايه؟..

ـــــــ #بقلم_الكاتبه_رحاب_القاضي ـــــــ

_ في الموقف وصل محمد ولقي هاجر قاعده علي كرسي في الموقف وحاطه رجل علي رجل ويونس واقف قصادها وهو ساند بضهره علي عربيه ورااه والناس ملمومه عليهم..

محمد قرب منها وقال بقلق
في ايه يا هاجر ايه اللي بيحصل هنا؟..

قبل ما ترد يونس قال
كويس انك جيت يا شيخنا يرضيك مراتك تقلع اللي في رجلها وترفعه علينا انا لولا انها للاسف مرات اخويا انا كنت اا..

محمد پحده 
ولا كلمه واياك تغلط فيها ...

وبص لهاجر وقال
حصل ايه يا هاجر؟..

هاجر بقلق
هو والحيوان اللي جنبه ده قلو ادبهم عليا وقالو حاحات ما تتقالش، وكان رد فعلي زي ما هو قالك..

يونس بسخريه 
هو العيب عليك يا شيخ انت اللي ملبسهالنا محزق وملزق و..

هاجر پحده 
شايف قلة ادبه.. 
. 
محمد بجمود 
روحي ارجعي  البيت يلااا وانا جاي وراكي..

_ سمعت هاجر كلامه ومشيت وقرب محمد من يونس وكان في قمة غضبه وقال..

محمد
من يومي بتحمل اي حاجه بتعملها واقول اخويا ومسيره ربنا يهديه انما ياللي عامل فيها كبير لما حد يتعرض لمرات اخوك الكبير وهو مش موجود المفروض انت اللي تدافع عنها مش تفرج عليها الشارع يا قليل الادب..

_ خلص كلامه ونزل بأيده علي وش يونس وضربه بالقلم، والكل وقف مصډوم وحصل؟.....

_ تفتكرو ايه اللي هيحصل؟...

ــــــــــــــــــــــــــــــــــــــــــــ 
#موضوع_عائلي
_الحلقه التاسعه
ـــــــ ـــــــ ـــــــ ـــــــ ـــــــ ـــــــ 
_ الكل وقف مصډوم ومش مصدق اللي حصل بعد ما الشيخ محمد ضړب يونس اخوه البلطجي بالقلم، وكان الكل كوم ويونس اللي الڠضب ملي قلبه كوم تاني، وفي اقل من لحظه طلع الم*طوه بتاعته وحطها علي رقبة محمد وقال بعصبيه..

يونس
وحياة امك لاخلص عليك يا ابن ال....

ما كملش كلامه لما جه حامد وقال پحده
يوووووونس نزل السلا*ح من علي رقبة اخوك...

_ بصله يونس بعصبيه ومحمد كان واقف هادي جدا وقال ليونس بسخريه...

محمد
اسمع كلام ابوك احسنلك...

قرب حامد منهم وقال پحده 
انت ما بتفهمش بقولك نزل اللي في ايدك. ده، وتعالو معايا انت وهو يلااا..

محمد ذق يونس وقال
انا لا هاجي معاك ولا معاه، ولو سمحت حضرتك انا واهلي في حالنا ياريت بقي تبعد ابنك عن حياتي..

_ قال كلامه وسابهم ومشي بس سمع واحد. من الناس اللي واقفه بيقول لواحد واقف جنبيه..

الراجل
اهو اتفضل يا عم اللي بيقعد يخطب ويدينا مواعظ في المسجد مراته طالعه بمحزق وملزق وهو پيتخانق مع ابوه واخوه..

رد عليه التاني وقال
يا عم هو كل واحد حر في حاله تعالي نشوف اللي ورانا...

_ مشي محمد وهو متعصب جدا، وفي المكتب بتاع حامد اللي موجود في الحاره كان يونس متعصب جدا وقاله..

يونس
بقي انت يا يوسف تروح تجيبه، وانت يا ابا تقولي اسكت بعد ما مد ايده عليا وسط الحته كلها...

حامد بجمود
وانت عملت ايه يا كبير، بتتعرض لمراته وعايز يقف يسقفلك..

يونس پحده
مراته اللي قليلة ربايه وتستاهل اللي حصل...

حامد پحده 
انت اللي مش متربي يا يونس، عملتك كبير الحته مش عشان تتخانق وبس الكبير هو اللي يبقي حقاني ويجيب حق الناس ودراعك ده تستخدمه وقت ما تتعقد بس،مش تبقي همجي..

يونس بسخريه 
تربيتك هو انا اتولدت كده ما انا اتعلمت منك كل حاجه وبقيت زي ما انت عايز...

قرب منه حامد وقال
انت ايه اللي بتعمله ده، مليون مره اقولك دول اخواااتك ولازم تعاملهم كويس يعني تدافع عن الغريب وټأذي اخواتك..

يونس بدموع
هما ما حدش فيهم هاين عليه يقف جنبك ولا يجي يطمن عليك انت اللي بتروحلهم وبتعاملهم كويس وانا اللي طلعان عين اهلي معاك وبقولك حاضر ونعم ديما بتقل مني وشايفهم احسن مني..

حامد پحده 
غلط ومليون غلط كلامك ده انتو التلاته عندي واحد، بس الفرق انهم اتربو بعيد عني وانت اللي اتربيت معايا والمفروض تبقي فاهمني اكتر..

يونس بجمود
يمكن يا حج حامد علي العموم حقك عليا ما تزعلش..

حامد
تنسي اللي حصل النهارده يا يونس مفهوم..

يونس اتنهد وقال
ان شاء الله...

بص حامد ليوسف وقال
يوسف انت قولتله علي اللي حصل امبارح؟..

اتوتر يوسف ويونس قال
هو ايه اللي حصل امبارح؟..

حامد پحده
قوله يا يوسف اللي حصل، كفايه بقي بقاله سنين متغفل خليه يعرف حقيقتها..

يونس بقلق
في ايه حد يفهمني ايه الحوار....

يوسف بقلق
نور امبارح في واحد باين عليه ابن ناس اووي راحلهم البيت ولما سألت عرفت انه كان بيكلمها في الموبيل قبل ما يطلع عندهم وتقريباً كده رايح يخطبها...

_ اتحولت ملامحه للڠضب وسابهم وطلع بسرعه راح لبيت نور وحصل؟...

ـــــــ ـــــــ ـــــــ ـــــــ

_وفي بيت نور الباب خبط جامد وطلعت نور من اوضتها وقالت بصوت عالي..

نور 
ايوووه جايه بالراحه...

_فتحت نور الباب واتنفضت پخوف اول ما شافت يونس قدامها ونظراته ليها كانت كلها ڠضب وقالت..

نور بتوتر
يي يونس انت ااا ماما تحت وبابا واخد العلاج ونايم ونايم و.. ااه..

_ قبل ما تكمل كلامها دخل وذقها جامد لجوه وقال بعصبيه..

يونس 
مين الواد اللي كان هنا ده امبارح يا نور؟...

_نور دموعها نزلت پخوف وما قدرتش ترد عليه، وهو قرب منها وقال بجمود..

يونس
يمكن طرشتي وما سمعتيش مين الواد اللي كان هنا ده يا نور؟...

نور مسحت دموعها وقالت
عريس دكتور في الجامعه عندي. جاي يتقدملي..

يونس بهدوء
وانتي ما قولتيلوش انك مخطوبه؟..

نور بصتله وقالت بدموع
لا ما قولتش عشان انا موافقه عليه، ومش هضيع واحد زيه عشانك..

اتملت عيونه دموغ وقال
عشاني هو للدرجه دي انا ولا حاجه عندك، اااه فهمت انا بقي سبب تغيرك عليا انتي لقيتي البديل يا نور لقيتي اللي شبهك مش كده؟..

نور اتنهدت وقالت
لمره واحده افهمني انا ما انفعكش وما ينفعش اكون معاك يا يونس انا دكتوره وانت واحد. جاهل ازاي هتجوزك احنا مش في فيلم، انت بتتخانق وبتعور الناس وانا الدكتوره اللي بعالجهم، ازاي بس نكون مع بعض مش هينفع، لو اتجوزنا وخلفنا عيالي هيبقوو شبهي ولا شبهك ده اذا ما اطلقناش لان خلاص انا لقيت المناسب ليا وعيني ما بقتش مليانه بيك..

دموعه نزلت وقال بنبره حزينه
هو انا ما كنتش اقدر امنعك ما تتعلميش اصلا، لا كنت اقدر اعمل كده وكنت اقدر اډفنك بالحيا بس قولت لا مش هحرمك من حاجه عايزها ما رضيتش اخليكي تدوقي الۏجع اللي حسيت بيه زمان لما ابويا حرمني من التعليم وكل ده عشان بحبك وكنت فاكر انك بتحبيني بس طلعتي كدابه في كل مره قولتيلي فيها انك بتحبيني كنتي بتقولي كده عشان مصلحتك..

نور بضيق
من غير ما تكمل كلامك انا ممكن فتره كده وارجعلك كل اللي صرفته عليا..

يونس مسكها من دراعها جامد وقال
هترجعي ايه، هترجعي قلبي زي مكان ولا هترجعي احلامي معاكي اللي حلمناها سوا اللي كنت بصبر نفسي عن اي حاجه بيها، انا اللي اتديتهولك عمرك ما هتقدري ترديلي ربعه حتي...

_ خلص كلامه ومسك ايدها وقلعها الدبله بتاعته اللي فيها وقال بدموع..

يونس 
خلصت يا دكتوره بس ورحمة امي ما هنسالك الۏجع اللي حسستيني بيه ده...

_ قال كلامه وسابها ونزل، وهي قفلت الباب ودخلت اوضتها وطلعت صندوق كبير كانت شايله فيه الهدايه اللي جبهالها يونس وصور ليهم مع بعض من صغرهم وفضلت ټعيط وقالت..

نور پبكاء
مش هينفع عشان احلامي اكبر بكتير من حبي ليك يا يونس...

ـــــــ #بقلم_الكاتبه_رحاب_القاضي ـــــــ
_وفي بيت الشيخ محمد كانت هاجر قاعده. مدايقه ومعاها مازن وهناء...

مازن پحده 
يا ماما انا عايز اشوف محمد افرض الزفت ده كان پيتخانق معاه..

هناء بقلق
والنبي اتنيل ومحمد ما يتخافش عليه، الخۏف كله منك انت لو روحت هتخربها بطولة لسانك لكن محمد عاقل وهيعرف يتصرف..

هاجر بقلق
ما شوفتوش محمد بصلي ازاي، والله مش هتعدي علي خير..

مازن 
ما انتي غلطانه يا هاجر كنتي كلميني او كلمي محمد..

هناء پحده
لا مش غلطانه هو اللي اتعرضلها الاول وبعدين كان مسك ايدك كنتي بالايد التانيه نزلتي بالجزمه علي دماغه ودماغ اللي يتشددله..

مازن بسخريه
ټموتي في جر الشكل يا هناء انتي،بس هو غلط عشان هي مرات الشيخ محمد وما ينفعش تعمل كده..

_ في الوقت ده دخل محمد وكان مدايق جدا وقربت منه هناء وقالت..

هناء
خير يا حبيبي حصل ايه؟..

مازن 
الزفت ده كان عايز ايه انا كنت جايلك بس امك ما رضيتش تطلعني..

بص محمد لهاجر وقال
موبيلك فين؟..

هاجر بقلق
في الشنطه ليه بتسأل عليه؟...

محمد پحده 
ومدام معاكي وعندك رقمي لما وقف قصادك ودايقك ما كلمتنيش ليه ولا مش شيفاني راجل واقدر اجيبلك حقك؟.....

نزلت دموع هاجر وسكتت وهناء قالت 
يا ابني هي كانت لسه هتكلمك وتروح تجيبلها حقها يعني هي ردت عليهم وما غلطتش مش لسن هتستني..

محمد پحده
يعني هي المسافه بعدت دي خطوتين، بس لا الهانم تقف وسط الرجاله وتقلع جزمتها وتتصرف بالطريقه الزفت دي، وايه اللبس اللي طالعه بيه ده اصلا؟..

هاجر بدموع 
ما انت كنت مدايقني بالليل وانا طلعت بيهم عشان استفزك..

كملت وقالت پخوف
انا اسفه يا محمد والله مش هعمل كده تاني..

هناء بقلق
خلاص بقي يا ابني دي هبله هو حد ياخد علي تصرفاتها..

مازن 
اعتبرها عيل وغلط يسطا بص امسحها فيا..

_ سابهم محمد ودخل اوضته، وهاجر بصت لهناء ومازن وقالت..

هاجر
هو كده عادي يعني، خلاص مش زعلان ولا ايه الحكايه..

هناء
لا هو ما تعرفيلوش حاجه عيبه هادي حتي في عصبيته..

مازن 
اطمني يا هاجر ده هدوء ما قبل العاصفه، او الخزوق ايهم اقرب..

هاجر بغيظ 
تعرف تسكت ده انت مستفز...

_ طلت محمد في الوقت ده وهو ماسك شنطة هدوم في ايده وحطها قدام هاجر وقالها بجمود..

محمد پحده 
مش دي اللي جيبتك بيها اتفضلي بقي ارجعي بيت اهلك وكلامي مع ابوكي مش معاكي انتي..

هاجر دموعها نزلت وقالت
محمد انا اسفه والله بلاش تعمل كده، انا مش هكررها تاني والله..

محمد پحده 
انا من لما جيتي هنا بعاملك بما يرضي الله ومستحملك ومستحمل مزاجك وعاصر علي نفسي شوال لمون انما للصبر حدود وانا جيبت اخري منك كله الا سمعتي وانتي مش بيفرق معاكي حاجه..

هاجر بضيق
والله كان ڠصب عني اللي حصل ان اا..

محمد زعق فيها وقال
امشي يا هاجر ولا اكلم ابوكي يجي ياخدك..

هناء بحزن
انت بتقول ايه يا محمد غلطه ومش هتتكرر خلاص، ولو هاجر مشيت انا كمان همشي..

محمد بضيق 
لا ازاي خليكي حضرتك في بيتك وخليها معاكي وانا اللي همشي..

هاجر بجمود
لا خليك وحضرتك كمان خليكي انا اللي همشي اصلا وجودي هنا من البدايه كان غلط ومش مرغوب فيه...

_ قالت كلامها ومشيت وفضلت ټعيط ونزل وراها مازن وقال بحزن..

مازن 
استني يا هاجر انا هوصلك..

هاجر 
امسك شيل الشنطه طيب تقيله اخوك مستبيع اووي وحط فيها هدومي كلها..

مازن 
والله محمد طيب وهيرجع ويصالحك..

نزلت دموعها وقالت بسخريه
عادي يعني هي جات عليه، انا طوب الارض بيعلقني بيه وبيسيبني عادي يعني..

_ وقفلها مازن تاكسي وركب معاها،ووصلت البيت بتاعها ونزل مازن ونزلها الشنطه وقال..

مازن 
ممكن ما تزعليش والله وكل حاجه هتتحل..

ابتسمت هاجر وقالت
ما تشغلش بالك وشكرا تعبتك معايا...

_ واخدت الشنطه بتاعتها وطلعت بالاسانسيرر، واول ما وصلت شقتهم دخلت بالمفتاح اللي معاها، واول ما دخلت سمعت صوت عرفاه كويس، ايوه هو عادل خطيبها القديم وهو بيزعق مع حمدي وبيقوله...

عادل پحده 
يعني ايه اتجوزت انت عايز تجنني هاجر خطيبتي وانا اللي المفروض كنت اتجوزها..

حمدي بعصبيه 
كنت بس اتخليت عنها عشان طمعك وسيبتها ومشيت كنت اناني معاها، وهي لقيت الاحسن منك مليون مره..

عادل بحزن
كانت غلطه انا جريت ورا حلمي وسيبتها بس والله ندمت واديني رجعت وجاي اتجوزها وهاخدها معايا وهمشي انا ما اقدرش اعيش من غيرها..

هاجر بدموع وصوت بيتنفض
عادل...

بصلها عادل وابتسم وقرب منها وقال
هاجر وحشتيني اووي، انا رجعت وهصلح كل حاجه ومش هسيبك لحظه واحده تاني بعيد عني..

هاجر بدموع
ايه اللي جابك رجعت ليه وجاي ليه هنا؟..

عادل 
رجعت عشانك انا كلمتك بس موبيلك مقفول...

هاجر پحده
كلمتني بعد ايه بعد ما سبتني وانا بفستان الفرح عشان تتجوز بنت مديرك، انا عملتلك ايه عشان تعمل فيا كده، ما فكرتش انا في اليوم ده هيحثلي ايه؟..

عادل بدموع
ما اتجوزتهاش كانت خطوبه وو وبس وخلاص اخدت اللي عايزه من ابوها وسيبتها ورجعتلك وهنقدر بقي نبدأ حياتنا واحنا مرتاحين..

هاجر بسخريه
لا يا راجل هو المغروض دلوقتي اسقفلك واقولك الله انت كده جامد، انت واحد زباله بتلعب بقلوب الناس وبس واكتر حد لعبت بيه هي انا، سنين كنت بكدب اي حد يقولي عليك انك اناني وطماع وبنحب الفلوس وفي الاخر اخدت احلي قلم علي وشي منك..

عادل بحزن 
انا غلطت وانتي كمان غلطتي با هاجر ازاي تتجوزي واحد تاني بس خلاص انا رجعت اهو اطلقي منه ونرجع احنا لبعض ونصلح اللي حصل وانا متأكد انك لسه بتحبيني..

_جات فاطمه تتكلم بس حمدي مسك ايدها وشاورلها تسكت وهاجر ردت عليه بجمود وقالت..

هاجر
انا ما غلطتش انا اتجوزت علي سنة الله ورسوله، اتجوزت راجل بجد من غير ما يعرفني ولا يشوفني ما هانش عليه اتفضح قدام الناس، انا الغلط الوحيد اللي عملته هو انت..

حمدي 
عادل الموضوع خلص انا ايوه جوزت بنتي بسرعه وكان ممكن اقول اي عذر وقتها واخليها تستناك بس انا ما صدقت انها شافتك في لحظه علي حقيقتك واستغليت ده وجوزتها لواحد الف مين تتمناه، امشي بقي وانسي اني عمك وانسي هاجر لانها بقيت ملك راجل تاني..

عادل دموعه نزلت وقال لهاجر
انتي موافقه علي الكلام ده، قبلتي تكوني مع عادل يا هاجر ونسيتي السنين اللي بينا علشان غلطه..

هاجر بنبىه كلها الم ردت عليه وقالت
غلطتك كسرتني يا عادل، غلطتك موتت كل لحظه حلوه عشتها معاك...

عادل بص للشنطه اللي معاها وقال
اصلا الجوازه بتاعتك انا عارف اخرها ايه، وانا مش هسيبك تمام يا بنت عمي..

حمدي بعصبيه زعق فيه وقال
امشي اطلع بره، واقسم بالله لو قربت من بناتي تاني والله انت ما تعرفش انا هعمل فيك ايه..

_ طلع عادل شقتهم اللي كانت فوق شقة اهل هاجر، وهاجر قعدت علي الكنبه وفضلت ټعيط وولاء كمان فضلت ټعيط..

فاطمه بضيق
انتي حد كلمك يا ولاء دلوقتي ده بدل ما تسكتي اختك..

ولاء پبكاء
عشان هي مدايقه وانا حاسه بيها..

 هاجر وقالت
لا مش زعلانه يا حبيبتي بطلي بس عياط..

حمدي بقلق
هاجر ايه الشنطه دي، في ايه حصل؟..

هاجر بتوتر
احممم ما هو محمد طردني من بيتهم..

فاطمه پحده
نعممم اكيد بسبب العقربه امه..

هاجر بسرعه قالت
لا لا مش بسبب امه ده عشان يعني....

حمدي 
يا بنتي اتكلمي انا اعصابي بايظه لوحدها..

هاجر بقلق
بص اهدي كده الموضوع بسيط كل الحكايه ان اخوه رخم عليا في الشارع وضړبته بالجزمه..

حمدي پحده 
نعممم يا روح امك، طيب اختك ولما بتعمل كده بنقول معلش دي مريضه..

ولاء پحده 
ايه مريضه دي يا بابا انت هتخليني اقوملك ولا ايه..

حمدي 
ما اقصدش بس انتي ما قولتيش ليه لجوزك تقلعي الجزمه وټضربي بيها اخو جوزك، وبعدين اخوه غلبان وكنتي قولي لامه حتي..

هاجر
لا لا ما هو مش مازن اللي رخم عليا ده اخوه التاني يونس الصاوي..

برق حمدي وقال
ضړبتي يونس الصاوي بالجزمه يا بنت الجزمه..

هاجر
اصلا الغلط منك ده اخوه بلطجي وابوه كمان سمعته زي الزفت، وانت روحت جوزتهولي..

حمدي 
محمد غيرهم هو وامه واخوه غير بيت الصاوي كله..

فاطمه 
بس في الاخر جوز بنتك اسمه محمد حامد الصاوي..

ولاء بصت في موبيلها وقالت
انا صحابي بيرنو عليا هدخل اكلمهم عشان الحفله بتاعت النهارده..

دخلت جوه وهاجر قالت
حفلة ايه دي اللي بتتكلم عليها  هاجر دي..

فاطمه بضيق
قال ايه صحابها عاملين حفاه في نادي وابةكي قالها تروح محسيني اننا عايشين في التجمع مش في حارة الساهر...

حمدي
سيبيها يا فاطمه انا عايز ولاء تخف وتاخد راحتها في تصرفاتها..

هاجر 
بس مش اووي يا بابا ولاء هبله واي حد. ممكن يضحك عليها..

حمدي بسخريه
والنبي انتي خليكي في حالك، انا اروح اشوف محمد..

هاجر پحده 
لا يا بابا انت مش هتشوفه وهو زي ما طردني لو عايزني يجي ياخدني، وانا خلاص هنزل شغلي واللي معاه يعمله..

حمدي 
طيب وعادل..

هتجر بضيق
موضوع واتقفل يا بابا وانا دلوقتي مرات الشيخ محمد وما فيش في خيلتي غيره بس علي الله يطمر في اهله..

_ ضحكت فاطمه وحمدي علي كلامها....

ـــــــ #بقلم_الكاتبه_رحاب_القاضي ـــــــ

وفي بيت محمد كانت امه قاعده معاه وقالتله..

هناء
مش كده يا محمد البت ما غلطتش..

محمد بجمود
لا غلطت يا امي، لما تقف تتخانق وسط الرجاله تبقي غلطت..

هناء بهدوء
غلطت تفهمها بالراحه مش تطردها، وبعدين انت من امتي بتتصرف كده..

محمد بضيق
الموضوع بقي لا يطاق هي تفكيرها مش معايا ولا قلبها معايا وعلي طول حاسسها مش قبلاني بس بتتقبل الوضع اللي اتفرض عليها وخلاص..

هناء پحده 
وانت جاي تقول كده دلوقتي ما عملتش ليه حسابك وانت بتتجوزها علي اللي هيحصل ده، ما طبيعي واحده في يوم ليله بقيت مراتك وانت عارف ان كان في حد في حياتها طبيعي تتشتت شويه في الاول بس هي لو مش قبلاك ما كانتش عاشت معاك وهي مراتك بجد يا محمد وانت فاهمني..

محمد اتنهد وقال
خلاص يا ست الكل سبيها يومين وهبقي اتكلم مع ابوها و نشوف الموضوع ده..

_ قال كلامه وسابها وطلع وهناء قامت دخلت اوضتها وهي بتقول لنفسها..

هناء
يومين ايه انا اروح الحق اجيبها او حتي اصلح الوضع مع اهلها قبل ما يكبر، منك لله يا سرنجه ممرطاني وراكي..

_وبعد شويه كانت هناء لابسه وطالعه عشان تروح لبيت هاجر، بس اول ما فتحت الباب لقيت قدامها يونس وعيونه كلها دموع...

هناء پحده
عايز ايه يا ابن حامد جاي تاني عايز ايه بعد ما خربت بيت ابني..

يونس 
تعبان وما حسيتش بنفسي غير وانا جايلك هنا يا ماما هناء، لو عايزاني امشي همشي؟...

_قال كلامه ودموعه نزلت علي وشه، وهناء مسكت ايده وقالت بحزن....

هناء
لا لا تعالي ادخل، تعالي يا ابن الغاليه...

_ دخل يونس وقعد في الصاله وبص للصوره اللي متعلقه علي الحيطه وكانت فيها هناء وجنبها محمد ومازن، هناء قالتله بهدوء..

هناء
تشرب ايه يا يونس؟..

بصلها بلوم كبير وقال
ليه سبتيني ومشيتي ليه ما اخدتنيش معاكي زي محمد ومازن؟..

هناء بدموع
كنت هاخدك والله وابوك وقتها منعني وما رضيش يخليني اخدك..

يونس بسخريه 
فاكر وقتها فضل يضرب فيا وقالك لو عايزاه يتربي مع اخواته ما تمشيش، بس انتي ما اهتمتيش ليا ولا لانه بيضربني ولا للي هيحصلي معاه وانا لوحدي ومشيتي ..

هناء بحزن
كنت لازم امشي عشان اخواتك يتربو كويس بعيد عنه، كنت لازم اهرب منه انا كنت عايشه مع ابوك ڠصب عني عمري ما قبلته..

يونس سكت شويه وبعدين قال
هو لو كان اخد محمد مكاني وقالك اقعدي عشانه انتي كنتي هتقعدي صح، طبعا كنتي هتقعدي عشان هو ابنك وانا لا، انا ما حستش اني يتيم ومن غير ام غير لما انتي مشيتي..

هناء دموعها نزلت وقالت
انت جاي تفتح في القديم ليه، خلاص اللي حصل بقي...

يونس بحزن
جاي اقولك انك لو كنتي استحملتي حامد الصاوي عشاني شويه كنت هكبر ابقي زي الشيخ محمد والبشمهندس مازن، ما كنتش هغير منهم واشوفهم احسن مني، كنت اتعلمت وكانت نور اتجوزتني وما عيرتنيش بجهلي ما كنتش اترميت وسط البلطجيه والشمامين من وانا صغير بتفرج علي العيال وهي بتلعب وبتتعلم وانا مقهور واتحكم عليا ابقي بلطجي زيهم عشان امي ماټت بدري وما لقتش حد يدافع عني..

هناء مسكت ايده وقالت
احنا فيها بطل اللي انت بتعمله ده، بطل تتخانق وتشتغل مع ابوك بدراعك وتفتري علي الناس..

سحب ايده منها ووقف وقال پحده 
مالكيش دعوه، عارفه بعد ما مشيتي ما كنتش باكل ولا بشرب وكنت بقول بس عايز امي عايز ارح عند امي ابويا جه في يوم وقالي تعالي هوديك لامك فرحت ولبست الهدوم اللي انتي جيبتهالي قبل ما تمشي  ولمېت لعبي اللي كنت بلعب بيها مع محمد عشان كنت فاكر هيجيبني ليكي بس هو وداني لامي الحقيقيه وداني عند قپرها وقالي لو شافني ببكي عليكي تاني هيدخلني جوه القپر عند امي...

هناء پبكاء قالتله 
انا اسفه حقك عليا انا اسفه..

_ ما ردش عليها يونس ومشي، وهو وطالع من البيت شافه محمد ومازن اللي كانو طالعين البيت..

مازن پحده 
الواد ده كان بيعمل ايه عندنا؟..

محمد بضيق
اسكت يا مازن، تعالي نطلع نشوف امك...

_ طلعو فوق ولقيو هناء قاعده بټعيط، قربو منها هما الاتنين وقال محمد پخوف..

محمد 
مالك يا ماما في ايه الحيوان اللي كان هنا ده كملك ايه؟..

هناء پبكاء
ما تقولش عليه كده، هو ما يتخيرش عنكم..

مازن 
مين ده البلطجي ده بتقارنيه بينا..

قامت هناء وقالت پحده 
اتلم يا ولد واياااااك بعد كده اسمعك تتكلم عنه كده فاهم ولا لا، لو كنتو مكانه كنتو بقيتو اوحش منه..

_ وسابتهم ودخلت اوضتها وفضلت ټعيط اكتر وهي بتفتكر في كلام يونس ليها.. ومازن دخل اوضته وكلم ولاء وقال..

مازن 
معلش يا ولاء قفلت في وشك بس كنت بخلص حوار كده، قوليلي بقي كنتي بتقولي ايه؟..

ولاء
كنت بقولك والله الحمد لله والحفله اتاجلت انا النهارده اصلا ما كنتش هخرج..

مازن 
امم كويس بس هي اتاجلت ليه؟..

ولاء
عشان سالي سافرت لباباها وطبعا مش هيقدرو يعملوو الحفله من غيرها..

مازن 
ااااه انتي بتعملي ايه بقي دلوقتي..

ولاء
قاعده مع اختي لانها اتخانقت مع اخو جوزها وجوزها طردها وكمان خطيبها القديم رجع وو..

مازن پصدمه 
اييه رجع امتي وهي ناويه تعمل ايه؟..

ولاء بعدم فهم 
انت تعرفه اصلا؟..

مازن بتوتر 
هاا لا انا بس بستفسر، المهم اكيد اختك هتسيب جوزها وترجع لخطيبها صح؟..

ولاء
لا طبعا هي مرتاحه مع جوزها واللي عمله خطيبها مستحيل تسامحه فيه وهي قالتله كده..

مازن ابتسم وقال
اااه، بقولك ايه انتي قاعده لوحدك مش كده؟..

ولاء
ايوه ليه بس بتسأل؟..

مازن بحماس
ما تفتحي الكاميرا عايز اشوفك ممكن؟..

ولاء پحده 
انت بتقول ايه مستحيل طبعا اعمل كده انت اټجننت..

مازن بخبث
علي فكره هو طلب عادي بس انتي دماغك هي اللي خلتك تفهمي غلط احنا اخوات وده عادي يعني بلاش بقي تتصرفي كده وتقلقيني منك..

ولاء بحزن
اقلقك مني؟..

مازن
ايوه يا ولاء ده طلب عادي بتتعصبي عشانه كده والمفروض اننا اتفقنا انك هتهدي ونتعامل بالراحه مش كده..

ولاء بدموع 
حاضر بس بلاش نتكلم فيديو يعني مش بحب كده انا..

مازن 
وفيها ايه يا ولاء ما انا عندي صورتك اللي علي الوتساب واللي علي الانستجرام كمان..

ولاء بقلق
طيب يعني انت ليه عايز تشوفني دلوقتي...

مازن اتنهد وقال
خلاص مش عايز حاجه سلام...

ولاء پخوف
لا لا خلاص هفتح الكاميرا اهوو، بص دقيقه واحده وتقفل..

ضحك مازن وقال
اي حاجه المهم اشوفك...

وفعلا فتحت ولاء الكاميرا وقالت
اهو نعم..

مازن ابتسم وقال
ايه بجد القمر ده، انتي علي طول كده حلوه...

اتوترت ولاء وقالت
علي فكره انا غلطانه اني فتحتها..

_ وقفلت في وشها وبعدين راحت بصت لنفسها في المرايه وقالت..

ولاء
انا بجد حلوه، هو شايفني حلوه وبيحب يكلمني ويشوفني...

دخلت هاجر وقالت 
سلامتك انتي بتكلمي نفسك..

ولاء 
لا لا ما تاخديش في بالك تعالي بقي احكيلي اللي حصل بالتفصيل..

ـــــــ #بقلم_الكاتبه_رحاب_القاضي ـــــــ

_ وعدي اسبوع علي ابطالنا وفي فيلا راقيه جدا كان احمد قاعد مع اهله وقالهم....

احمد
يعني مش هتيجي معايا ياماما؟..

رياض 
لا ابني انا هاجي معاك، اتصرف بقي مع ثريا هانم..

احمد 
براحتها يا بابا ما هي مش عايزه تفرح بيا..

ثريا
لا يا حبيبي انا عايزه افرح بيك بس من واحده من مستوانا مش من حاره وبنت بيئه مش من مستوانا...

احمد
انا هغيرها وهخليها تسيب الدنيا كلها بتاعتها دي، وبعدين انا بحبها..

ثريا
يبقي تحيبهالي لوحدها من غير اهلها الاول اشوفها وبعدين ابقي نشوف هنعمل ايه..

احمد
حاضر يا ماما بس هنروح انا وبابا النهارده نقرا الفاتحه ونتفق..

ثريا
ماشي يا حبيبي بس ما فيش حاحه هتتنفذ غير لما اشوفها واتكلم معاها..

رياض
ما قالك حاضر خلاص بقي يا حبيبتي..

قامت ثريا وقالت
انا هروح النادي بقي عندي ندوي هناك يلا باااي...

مشيت ثريا واحمد قال
والله سعات بحس ان ماما معاها حق، بس انا بحب نور بصراحه بنت جدعه بجد..

رياض
خلاص يبقي علي بركة الله والمهم البنت مش اهلها، واحنا هنا هتبقي مننا ومالناش دعوه بأهلها..

ـــــــ #بقلم_الكاتبه_رحاب_القاضي ـــــــ 
ـ وفي قرية الساهر في ورشة الميكانيكا بتاعت صبري، وقفت عربية حامد اللي كان بيسوقها واحد من رجالته ونزل فتح لحامد الباب وقال..

السواق
اتفضل يا معلم حامد..

نزل حامد ودخل الورشه وقال
ازيك يا صبري عامل ايه؟...

صبري
المعلم حامد اهلا وسهلا ابعت هات شاي وكرسي نضيف من القهوه ياااه..

حامد 
لا لا ملوش لزوم انا هقعد هنا، طلع بس الصبيان دول عايز اتكلم معاك كلمتين لوحدنا..

صبري 
عينيا يا معلم تحت امرك، اطلع ياااد منك ليه وهات شاي للمعلم وشيشه يلاا...

طلع الكل وصبري قعد قصاده وقال
نورتنا يا معلم ده احنا زارنا النبي..

حامد ابتسم وقال
زي ابوك يا صبري كنت لما باجي هنا يقابلني بنفس طريقتك، كنت بعتبر ابوك ديما اخويا الكبير ولما كانت تضيق بيا كنت اجي اقعد معاه هنا..

صبري 
والله يا معلم وهو كمان كان بيعزك اووي الله يرحمه..

حامد 
الله يرحمه ويرحم امواتنا اجمعين، المهم ايه رئيك في المعلم يونس..

ابتسم صبري وقال
اديك قولت يا حج معلم يونس اسمه لوحده بيتكلم عنه راجل وجدع وكفايه كلمته اللي بتمشي علي الكل..

مال حامد لقدام شويه وقال
تديله اختك وانت مطمن ولا لا؟..

ابتسم صبري وقال
لامؤخذه يا معلم بس انا مش فاهم غرضك من الكلام..

حامد
الله ده انا لسه كنت بقول عليك زي ابوك، يا واد عايز اناسبك واخد اختك شهد ليونس ابني..

فرح صبري وقال
طيب ده انا اديهالكم بشنطة هدومها يا حج، دي بنتك وليك فيها برضو.  

طبطب حامد علي كتفه وقال
جدع يا صبري انت كده زيك زي يونس عندي، وان شاء الله علي الخميس الجاي انا والمعلم يونس والجماعه هنيجي نشرب عندكم الشاي..

صبري بحماس
تنورنا يا معلم بيتك ومطرحك في اي وقت والله..

قام حامد وقال
يبقي علي بركة الله وما تشلش هم اي حاجه الموضوع بس يتم وهنبقي اهل...

صبري قام وقال
ان شاء الله، بس علي فين الشاي جاي والله ولا نخليه غدا..

حامد 
ربنا يجعله عامر ديما، وان شاء الله يوم الخميس نشرب بدل الشاي شربات...

_ ومشي حامد واخر اليوم طلع صبري فوق وبعد شويه كان قاعد بيتعشي هو ومراته وابنه الصغير وشهد.. بصلها صبري وقال..

صبري
والله وصبرتي ونولتي يا شهد.. 
.
شهد بعدم فهم
قصدك ايه يا صبري مش فاهمه؟..

صبري بحماس
عارفه مين اتقدملك النهارده المعلم يونس الصاوي ابن اغني راجل في المنطقه كلها والمناطق اللي حواليها...

ادايقت شهد وزهره قالت 
انا قولت مش قولتلك يا صبري مجية عظيمه هنا مش علي الفاضي..

صبري
المهم بس انتو ترقو الشقه وتعملو عشا كويس يوم الخميس واللي عايزينه قولو عليه عشان شكلها كده هتبقي قراية فاتحه..

شهد بدموع
انا مش عايزه اتجوز..

قرب منها صبري وقال
ليه يا حيلة امك مش عايزه تتجوزي، وليه كل ما تيحي سيرة الجواز قدامك وشك بيتقلب عايز افهم...

شهد پخوف
ما فيش حاجه بس مش عايزه اتجوز وخلاص..

زعق فيها صبري وقال
هو مين ده بقي اللي انتي مستنيااه يجيلك وافضه امة لا اله الا الله عشانه..

شهد پبكاء وخوف 
مم ما فيش حد والله ايه اللي انت بتقوله ده..

صبري پحده 
يبقي هي كلمه يوم الخميس  الناس هتيجي ولو فضلتي قالبه خلقتك كده انا ھدفنك جنب ابوكي وامك وارتاح منك..

شهد پبكاء
يبقي ادفني من دلوقتي وريحني انا مش هتجوز يعني مش هتجوز..

مسكها صبري مش شعرها وقال
انتي بتعلي صوتك عليا يا بت الك*لب...

شهد پحده 
ابويا مش كلب انت اللي كلب وحيوان...

_ نزل بايده علي وشها وهي وقعت علي الارض، وجات زهره بسرعه ووقفت قدامه وقالت..

زهره پخوف
ورحمة ابوك وامك واغلي حاجه عندك سيبها دي عبيطه مش عارفه هي بتقول ايه..

صبري بعصبيه 
عليا الطلاق بالتلاته لو ما اتدخلتي يا زهره لتبقي ليلتك انتي وهي سودا النهارده..

وزق زهره وبص لشهد وقال
انما انتي انا لو كنت عرفت اربيكي ما كنتيش هتقولي كده بس احنا فيها...

ـــــــ #بقلم_الكاتبه_رحاب_القاضي ـــــــ 
_ وفي الحاره علي القهوه اللي تحت بيت نور كان يونس قاعد مدايق وهو سامع صوت الزغاريت اللي بتزغرتها ام نور وهي بتعبر عن فرحتها بقراية فاتحة نور علي عريسها الجديد...

يوسف 
انا مش عارف انت ايه اللي مقعدك هنا يا يونس، تعالي نروح اي مكان هو انت جايب العربيه عشان تركنها هنا.

يونس بدموع
ما تقلقش متعود هو انا امتي اتمنيت حاجه وجات زي ما انا عايز، ديما اللي بيبقي من نصيبي غير اللي انا عايزه وغير اللي اتمنيته خالص وياريته خير ده بيبقي صعب اوووي وبيبقي مفروض عليا ارضي بيه.، وكالعاده بدفع حساب حاجات ماليش ذنب فيها..

يوسف بحزن
هتهون وهتعدي والله لو كانت تستاهلك ما كانتش سابتك..

قام يونس وقال
انا ماشي لوحدي وانت روح مش هتبقي بالنهار طالع عينك وباللليل اقرفك معايا..

يوسف
ما تشيلش همي بس خليني اجي معاك..

يونس
لا انا عايز ابقي لوحدي معلش...

_ وراح فتح باب عربيته وقبل ما يركب بص لبيت نور ودموعه نزلت وبعدين اخد عربيته ومشي، ويوسف بصله بحزن وقال..

يوسف
خسړتي كتير يا نور...

_ وبعد شويه في حارة الساهر كان صبري قاعد في البلكونه، وجات عنده زهره وحطت قدامه كوباية شاي وقالت..

زهره
الشاي يا صبري..

صبري بضيق
شهد اتخمدت. ولا لسه..

زهره بلوم
ومدام خاېف اووي عليها كده بتعمل فيها كده ليه، البت وشها وجسمها ما بقاش فيه حته سليمه..

صبري
انتي عارفه اني عصبي وبتعرفي تتعاملي معايا، هي بقي بتسقصد ټحرق دمي..

زهره
يا صبري انا مراتك وكبيره عن اختك، شهد صغيره واتحرمت بدري من ابوها وامها وانت من يومك قاسې عليها وماشي بمبدأ اكسر للبت ضلع يطلعلها اربعه وعشرين..

صبري بضيق
وياريته نفع البت كل ما تيجي سيرة الجواز قدامها بيركبها ١٠٠ عفريت ليييه عايز افهم برج من نفوخي هيطير، طيب لو وحشه نقول ماشي اقول للناس بختها مايل وما حدش بيتقدملها وخليها مرزوعه في وشي، انما دي كل يوم والتاني جاي حد متقدملها وبرفض من غير سبب بس المره دي ما ينفعش ارفض الناس ولسانها ما بيرحموش حد وانا مش لاقي سبب ارفض عشانه..

زهره
فاهمه يا اخويا ده يونس الصاوي ولو رفضت مش هنسلم من كلام الناس وخصوصا انها خلاص سنه في التانيه وهتدخل في التلاتين سنه..

قام صبري وقال
عقليها يا زهره هي بتسمع كلامك قوليلها اخوكي تعب معاكي والمره دي مش هتخلص بالعلقھ دي وهتتجوزو ڠصب عنها..

زهره 
حاضر يا اخويا بس ادخل نام كفايه سهر بقي ده انت طول النهار واقف علي رجلك، وانا هشوف اسر واطمن عليه واجي وراك..

_ سمع صبري كلامها وقام دخل اوضته وراحت بعديه زهره، وفي الوقت ده طلعت شهد من اوضتها وهي لابسه ديرس اسود وحجابها الاسود برضو وطلعا من الشقه من غير ما حد ياخد باله منها..

_ تفتكرو بقي ايه اللي هيحصل؟...

ـــــــ ـــــــ ـــــــ ـــــــ ـــــــ ـــــــ ــــــ
#موضوع_عائلي
_الحلقه العاشره
ــــــــــــــــــــــــــــــــــــــــ 
_ طلعت شهد من بيت اخوها من غير ما حد ياخد باله منها ، ووقفت تاكسي وقالتله العنوان اللي عايزه تروحله، وفعلا بعد شويه نزلها قدام المقاپر بتاعت عيلتهم، ودخلت جوه وراحت لقبر ابوها وامها وقعدت علي الارض وفضلت ټعيط وقالت..

شهد پبكاء
ابنكم ما صانش الامانه اللي انتو سيبتوها ليه، ما عرفش يحافظ عليا ولا يحميني، صبري كسرني وما كانش ليا اخ ولا عمره هيكون...

_ فضلت قاعده وما حستش بالوقت، وبعدين قامت عشان تمشي بس كان الوقت اتاخر اووي وما فيش اي موصلات وشافت عربيه مركونه جنب مډفن قريب من مډفن عيلتها، قربت منها بسرعه بس كانت فاضيه وسمعت صوت حد بيعيط جوه، دخلت بهدوء وقربت من اللي قاعد قدام قبر وبيعيط ووقفت وراه وقالت..

شهد بقلق
حضرتك كويس؟..

بصلها يونس بدموع وهي ابتسمت تلقائياً وقالت
انت؟!...

يونس مسح دموعه بسرعه وقال
انتي ايه اللي في وشك ده، وبتعملي ايه هنا في وقت زي ده؟..

قعدت شهد جنبيه وقالت
كنت بزور قبر اهلي، ده قبر اهلك انت كمان؟..

يونس 
امي هنا،بس بوضو جايه في وقت زي ده تشوفيهم ولوحدك ليه يعني؟ ...

شهد اتنهدت وقالت بدموع
لو كنت لقيت اللي يسمعني ويفهمني ما كنتش هاجي لحد مېت في قبر واتكلم معاه...

بصلها وقال بحزن
معاكي حق لو كنت لقيت اللي يسمعني ويفهمني ما كنتش جيت لحد مېت في قبر واتكلم معاه...

بصلها بهدوء وقال
تفتكري هتعدي، يعني الفتره الصعبه دي هتعدي ولا الۏجع هيكمل ..

شهد بدموع
بالنسبالي لا نهايتها انا عرفاها كويس وو..

يونس بقلق
مالك سكتي ليه؟..

شهد وهي باصه قدامها پخوف قالت
في عفريت هناك..

_يونس بص للمكان اللي هي بصاله وشاف فعلا حاجه سودا واقفه بعيد وشكلها غريب جداً، واتنفض پخوف وقال..

يونس
شالله ما عن حد سمعنا ولا فهمنا يا شيخه انتي تعرفي تجري؟..

_ قامو بسرعه هما الاتنين عشان يجرو بس اول مالفو عشان يجرو شافو الحاجه السودا دي اللي شكلها مخيف قدامهم، فصړخو بصوتهم كلو وجريو بسرعه بره المډفن وكان شكلهم مضحك....

ـــــــ #بقلم_الكاتبه_رحاب_القاضي ـــــــ 
_ في الوقت ده في شقة ريهام كان مازن قاعد ماسك موبيله وبيقلب في صور ولاء وهو مبتسم، وقربت منه ريهام وقالت...

ريهام 
المفروض انك هتخلص جامعه السنه دي هنعمل ايه؟..

قفل مازن الموبيل وقال
عايزه ايه يا ريهام، ايه المطلوب مني؟..

ريهام قربت منه وقالت
نتجوز والشقه موجوده اهي والمشروع اللي انت عايزه اعملهولك عايز وظيفه هتصرف واخليك تتوظف في المكان اللي انت عايزه بس كل ده وانت جوزي..

مازن بجمود
هو انا فعلا هخلص جامعه وهخطب واتجوز بس مش انتي يا ريهام.. 
.
ريهام بعصبيه 
نعممم اومال مين ان شاء الله..

مازن اتنهد وقال
بصي بصراحه انا عايز اتجوز واحده في سني او اصغر شويه، واكون انا اول حد في حياتها..

ريهام بدموع
وانا ليه جيتلي من الاول، حتت عيل زيك يضحك عليا انا...

مازن پحده 
لمي نفسك يا ريهام انتي يا حلوه اللي رضيتي اجيلك واقرب منك، وبعدين اعقليها كده اقعد ازاي جنبك في الكوشه..

ريهام بغيظ 
امممم انت ما كنتش كده انت بقيت كده لما ظهرت الزفته ولاء في حياتك..

مازن 
بالظبط فوقت عرفت اني معاكي كده وخلاص بتسلي وبشوف نفسي، انما اللي قلبي اتحركلها بجد هي ولاء بنت خام كده ونضيفه وانا اول حد في حياتها..

وقفت ريهام وقالت پحده 
امشي اطلع بره يلا، بس وحياة امك يا ابن هناء  ما هخليك تتهني بيها وخليك فاكر كلامي ده كويس....

وقف مازن ولبس القميص بتاعه وقال
هاتي اخرك يا طنط ريهام....

_ قال كلامه وسابها وطلع، واول ما دخل شقتهم لقي محمد اخوه قاعد في الصاله وبيتفرج علي التلفزيون راح قعد جنبيه وقال..

مازن 
يا عم روح صالحها وريح دماغك..

محمد بجمود
انت ليه ما بتحبش يونس يا مازن؟..

مازن بسخريه
واحبه ليه واحب حامد الصاوي ليه اصلا...

محمد 
يمكن عشان هما ابوك واخوك وانت لازم تحبهم.

مازن 
لا لا مش لازم، بص انت ممكن تفتكر حاجات ليهم وليونس ده، بس انا لا فاكرلهم حاجه ولا عايز افتكرلهم اصلا..

محمد بضيق
اخوك مكسور يونس انا اعرفه من نظرة عين، وهو وطالع من عندنا النهارده بصلي وحسيته عايز يقولي كلام كتير..

مازن
من غير كلام كتير انت صعبان عليك يا اسطا عشان مديت ايدك عليه مش كده؟..

محمد 
لا هو صعبان عليا من كل حاجه، واحد زي يونس ده اتحط في حياه هو مش عايزها...

مازن 
وبلاش الحنيه دي لان ابوك بيجرجر فيك عشان تروحله ووقتها هناء ممكن تروح فيها....

محمد اتنهد وقال
انا رايح اصلي القيام واسمع اياااك انت او امك حد يروح لهاجر..

مازن بجمود
علي فكره خطيبها القديم رجع شوفته داخل بيتهم وانا بوصاها وهي قالتلي انه خطيبهة القديم وانه ساكن في الشقه اللي قصادهم..

محمد بضيق
طيب يا مازن سيبوها براحتها، هصلي القيام واستني الفجر في المسجد مش جايلي نوم عايز. حاجه؟..

مازن قام وقال
شكرا يا شيخ محمد، تصبح علي خير..

ـــــــ #بقلم_الكاتبه_رحاب_القاضي ـــــــ

_ وفي عربية يونس كان بيسوق عربيته وهو ساكت، وجنبيه شهد اللي كانت لسه خاېفه من اللي شافوه، وبصو لبعض مره واحده بهدوء وفضلو يضحكو..

شهد 
هو المفروض ان العفريت يشوفو واحد بس، ازاي احنا الاتنين شوفنااه مع بعض..

يونس بسخريه
سبحااانه انا مش مستوعب اصلا اني شوفت حاجه زي دي، بس خلاص توبه لله ما هاجي هنا تاني..

شهد 
مش لوحدك والله، ومعلش يعني تعبتك هتوصلني..

يونس 
لا ولا يهمك تعبك راحه، تعرفي انك تاني حد يركب معايا العربيه...

شهد ابتسمت وقالت
بجد ومين بقي الاول مراتك ولا خطيبتك ولا اختك؟..

يونس رد عليها وقال
لا صاحبي اقرب حد لياوانتي بعده، المهم حارة الساهر مش كده؟..

شهد 
ايوه المكان اللي نزلتني فيه المره اللي فاتت..

يونس ابتسم وقال
تمام اهو وصلنا لو محتاجه افتحلك الباب انا في الخدمه..

شهد بصتله پحده وقالت
لا شكرا العربيه جديده والباب بتاعها شغال خليك مكانك...

يونس بهدوء
علي فكره انا ما عرفتش اسمك. ايه لحد دلوقتي؟

شهد بهدوء
مالوش لازمه احنا وارد جدا ١٠٠ في الميه اننا ما نتقابلش تاني فا مالوش لازمه نعرف اسماء بعض كفايه انك هتفتكرني هتبتسم...

يونس بهدوء
معاكي حق ونشكر العفريت انه خلانا نشوف الغمازات دي..

شهد ضحكت وقالت
طيب يا سيدي شكراً، يلا سلام..

_ مشيت شهد، وهي مبتسمه ودخلت البيت بشويش وراحت اوضتها اتوضت وصلت الفجر اللي اذن، وبعدين فضلت تدعي وهي نايمه علي سجادة الصلاه وقالت..

شهد بدموع
انت عارف يارب انه ما كانش ذنبي ده يحصل وانه كان ڠصب عني انا ماليش غيرك تقف جنبي وتحميني منهم..

وافتكرت يونس وقالت
انا كان نفسي اقوله اسمي واخليه يعرفني بس هيفيد بأيه، انا مش مكتوبلي اتمني حاجه ولا حتي احب حد، انا مش عايزه اشوفه تاني خلاص...

_ وجابت مخده من علي السرير بتاعها ونامت عليها علي الارض، وفي الوقت ده نزل يونس من عربيته قدام المسجد اللي في الحاره وبص للمسجد وقال...

يونس
ياتارا مخبيلي ايه تاني، وليه بيحصلي كل ده فين الحلو اللي هاخده في الاخر هو في حلو اصلا هيكون في حياتي، شكلها هتفضل ناشفه كده علي طول..

جاله صوت محمد من جنبيه وقال
وانت اديته ايه عشان يديلك حاجه حلوه، بدل ما انت واقف تكلم ربنا بره المسجد ادخل جوه واديله حقه الاول..

بصله يونس پحده وقال
هو ينفع بلطجي زيي يدخل المسجد يا شيخ محمد، ولا انت عايزني ادخل عشان تتريق عليا وتعمل عليا شيخ..

محمد قرب منه وقال
احنا بنصلي عشان ربنا يهدينا للخير مش بنتهدي ونصلي، الصلاه هي اللي هتنور قلبك للخير يا معلم يونس...

يونس پحده 
ومدام انت فيه مش هدخله، ايوه بكرهك انت وامك واخوك ما بكرهش في حياتي قدكم...

ابتسم محمد وقال
مش مهم انا اصدق كلامك ده، المهم انك تكون انت مصدقه..

_ اتعصب يونس من ان محمد كاشفه ولكمه في وشه جامد ومحمد رجع لورا كام خطوه وهو ماسك وشه پألم وقال باستفزاز..

محمد 
ولا كده برضو هصدق..

يونس پحده 
انا هخليك تصدق كويس والقلم اللي خدته منك هيترد بس بطريقتي...

_قال كلامه وركب عربيته ومشي، ومحمد بصله بحزن وقال..

محمد
هترجع يا يونس، انا عارفك اكتر من نفسك...

ـــــــ #بقلم_الكاتبه_رحاب_القاضي ـــــــ
_ وتاني يوم صحيت ولاء علي صوت موبيلها وهو بيرن وردت عليه وقالت..

ولاء
ايوه يا مازن صباح الخير..

مازن 
صباح. النور نايمه لحد دلوقتي؟..

ولاء
ايوه كنت سهرانه بقرأ روايه بالليل، خير انت كنت عايز حاجه..

مازن بهدوء
تعرفي انتي صوتك حلو اووي وانتي صاحيه من النوم..

اتسكفت ولاء وقالت
هو انت مالك بقي اليومين دول، بطل تقول كلامك ده وقول كنت عايز ايه..

مازن ضحك وقال
هههه ما فيش كنت عايز اخد رئيك البس ايه وانا رايح الحفله...

ولاء
هو بما ان الحفله بالنهار فياريت تكون حاجه هاديه هيكون افضل..

مازن 
طيب اقفلي وافتحي الوتس هبعتلك صورة كام حاجه كده واختاري معايا...

ولاء بحماس
حاضر مستنيه...

_ وقفلت وفضلت تختار معاه، ودخلت عندها هاجر وقالت..

هاجر
صاحيه بدري يعني خير؟..

ولاء
لا ابداً انا بس بختار هلبس ايه مع صحابي..

هاجر بشك 
اممم حاسه ان في حاجه مش مظبوطه معاكي..

ولاء بتوتر
لا لا ابدا انا كويسه بس هو بصراحه..

دخلت هاجر وقفلت الباب وقالت
ايوه بس ايه اتكلمي وقوليلي ايه سبب انك بطلتي تروحي للدكتوره ولا تنفذي كلامها..

ولاء بضيق
كلامها ما بقاش يعجبني ومش مريحني انا ماشيه علي العلاج وقت الضروره وبقيت كويسه..

هاجر
طيب بلاش تتعصبي وقوليلي كنتي عايزه تقولي ايه؟..

ولاء بضيق
مش عايزه اقول حاجه يا هاجر، لو سمحتي روحي شغلك وسبيني في حالي.

هاجر بهدوء
يا بنتي انا اختك وبخاف عليكي وعايزه اا..

ولاء پحده وايديها بدأت تترعش
عايزه تطمني اني خفيت واني مش هعملكم مصايب  ومشاكل مش كده، انتو كلكم بتعاملوني علي اني مريضه واني طفله پتخافو من تصرفاتها بس الحقيقه لا انا كبرت وبقيت هقدر اتحكم في نفسي من غير حد. وممكن اعمل اي حاجه لوحدي..

هاجر بقلق
طيب اهدي ومش هنتكلم دلوقتي ويا عبيطه افهمي انا لو بسألك فبكون عشان اطمن علي اختي حبيبتي مش عشان خاېفه من تصرفاتك..

زعقت فيها ولاء وقالت
انا كووويسه انا بقيت كووويسه انتو بلاش تضغطوني، بلاش طريقتكم دي معايا انا مش مريضه خلاص...

وقفت هاجر وقالت
براحتك يا ولاء بس انتي ما خفتيش والدليل اهو والادويه اللي بتاخديها دي مش هتعالجك من غير الدكتوره سلوي...

_ قالت كلامها ومشيت وولاء طلعت برشامه من علبة الحبوب بتاعتها واخدتها ونامت علي السرير وهي بټعيط..

ـــــــ #بقلم_الكاتبه_رحاب_القاضي ـــــــ

_ وفي المستشفي اللي شغاله فيها كانت قاعده بتفطر مع صحابها ودخل عادل وقال..

عادل 
هاجر ممكن اتكلم معاكي شويه..

بصتله هاجر بضيق وقالت صحبتها
طيب هنقوم احنا نشوف الشغل يا هاجر، يلا يا هدير..

هدير 
ماشي قايمه اهوو...

طلعو صحابها وهي قالت پحده لعادل
انت اټجننت ايه اللي جابك عندي هنا، اقسم بالله انا لولا اني خاېفه تحصل مشكله هنا كنت اا..

عادل پحده
اخلصي يا هاجر انا مش فاهم انتي ليه بتعملي كده معايا، انا عارف ومتأكد ان جوزك ده علي ورق وخلاص لانك ما تقدريش تكوني مع حد غيري..

هاجر بعصبيه 
انت ازاي تسمح لنفسك تتكلم معايا في حاجه زي دي يا حيوان، ازاي بجد انت كده فعلا الكل كان شايفك علي حقيقتك القذره دي الا انا كنت موهومه فيك..

عادل بجمود
والله العظيم بحبك يا هاجر ومش بحب غيرك، طيب تعرفي انا عملت شركة الشحن اللي نت لحلم بيها وشويه شويه هتقف علي رجليها بس وانتي معايا، الواد اللي بيقولو عليه جوزك ده مش بيحبك قدي ولا بيحبك اصلا..

هاجر پحده 
اطلع بره ومالكش دعوه لا بيا ولا بجوزي، وحياتي خلاص بقيت مت الشيخ محمد حامد واقولك علي حاجه حتي لو ما كانتش معاه مستحيل تكون معاك انت..

عادل پحده 
لا هتكون يا هاجر، وبعدين هو فين جوزك ده هو حد. شايفه اصلاً...

قبل ما ترد عليه دخلت هدير صحبتها وقالت
بت يا هاجر جوزك هنا بيزور حد ممكن تلحقيه لو عايزه هو في اوضة الظابط اللي جه متصاب امبارح..

هاجر بحماس
احلفي متاكده ان هو؟..

هدير
ايوه والله هو باللحيه بتاعته وطوله وبياضه وحلاوته..

هاجر بغيظ 
ما تتلمي يا بت ايه قلة الادب دي..

_ وما اهتمتش لوجود عادل وطلعت بسرعه وهدير بصت لعادل وقالت..

هدير
والنبي يا عم حسن تعالي نضف هنا ورش بيرسول عشان الدبان كتير...

_ طلع عادل وهو متعصب، وفي اوضه تانيه دخلت هاجر بعد ما خبطت وكان محمد قاعد مع "اياد معتز" اللي كان نايم علي سريره الطبي..

هاجر
الف سلامه علي حضرتك يا اياد باشا...

محمد پحده
انتي بتعملي ايه هنا؟..

هاجر بقلق
بب بشوف شغلي..

اياد 
دي هاجر الممرضه القمر اللي بتاخد بالها مني، انتو تعرفو يعض ولا ايه؟..

اتنهد محمد بضيق وقال
مراتي يا اياد باشا..

هاجر 
سؤال بس معلش هي اللي كانت طالعه من هنا دلوقتي دي المذيعه ناني بهاء بتاعت الراديو...

اياد 
ايوه دي معرفه قديمه وكانت هنا في القاهره وجات هي وجوزها اطمنو عليا لما عرفو اللي حصل..

_قبل ما ترد عليه دخلت منه وهي مټعصبه وقالت پحده..

منه 
انا عايزه اعرف بقي ناني حبيبة القلب كانت بتعمل ايه هنا؟..

اياد پحده 
لو حضرتك كنتي موجوده هنا كنتي عرفتي هي هنا بتعمل ايه..

منه بعصبيه
كنت بطمن علي ابنك اللي سيبااه مع ماما، ناني كانت بتعمل ايه هنا يا اياد؟..

اياد پحده 
البنت جايه مع جوزها هيكونو جايين بيعملو ايه، يا منه انا طالع من عمليه كنت هروح فيها والغريب الناس اللي كانو بينا مشاكل قلبهم حن وجم يطمنو عليةا ومراتي جايه تقلبها نكد..

وقف محمد وقال
احمم طيب نستاذن احنا ونسيبكم براحتكم يلا يا هاجر..

اياد 
استني يا شيخ محمد مش انت اللي جوزتنا وكتبت الكتاب بزمتك الطلاق فيها حلال ولا حرام..

بص محمد لهاجر وقال
ان ابغض الحلال عند الله الطلاق، بس حلال....

منه بدموع
بقي كده يا شيخ محمد ده بدل ما تقوله يراعي ربنا فيا..

اياد 
طيب انا هشهدهم عليكي يا جماعه انا كنت علي علاقه بناني زماان بس حصلت ظروف وسيبتها ووجعتها وعملت فيها حاجات وحشه كتير، البنت كملت حياتها واتجوزت انا اتجوزت وخلفت..

منه بدموع
بس انت ما نسبتهاش يا اياد..

اياد 
معاكي حق ده حصل في الاول وكنت بحاول انساها بيكي، بس مع الوقت لقيتها بقيت عادي ومش مجرد. كلام انا دلوقتي لما جات هي وجوزها واطمنو عليا ما اتأثرتش بيها..

هاجر بجديه
مش معني ان الواحد حب وما اتوفقش في الحب ده انه هيعيش بيه عمره كله، ولا يتعاقب بسببه عمره كله احنا من حقنا برضو ننسي ونبدأ من جديد وما نعلقش نفسنا بأخطاء كانت في الماضي..

بصلها محمد بهدوء واياد قال
وربنا انتي ما فيش منك، بطلي بقي يا منه تعاقبيني علي اللي عدي لانه خلص خلاص، وما فيش في حياتي غيرك وبس..

هاحر بدموع
قوله يمكن يفهم..

بصولها كلهم پصدمه وهي قالت
اا قصدي يعني قولها يعني اا انا انا لازم اروح اشوف الشغل ااه الناس عيانه...

طلعت هاجر بسرعه واياد قاله
مزعلها شكلك مش كده؟..

ابتسم محمد باحراج وقال
لا عادي يعني الف سلامه علي حضرتك، وان شاء الله ربنا يهدي سركم..

منه بهدوء
ميرسي يا شيخ محمد ربنا يخليك...

_ طلع محمد ورا هاجر وهي ماشيه مسك ايدها ومشي جنبيها وقال..

محمد
مش المفروض تاخدي رأي جوزك انك ترجعي الشغل ولا لا..

هاجر بدموع
انا مش هجري وراك علي فكره..

محمد
كفايه كده يا هاجر، اللي حصل بقي ياريت بقي ترجعي..

هاجر پحده
هرجع بس مش دلوقتي عشان زي ما طردتني تيجي تاخدني من بيت اهلي..

محمد
وبالنسبه انك نزلتي الشغل من غير اذني وطولت لسانك علي امي وتصرفاتك اللي مش موزونه في الشارع ده عادي، انا ما اتصرفتش معاكي كده من فراغ يا هاجر..

هاجر بدموع
اولا امك هي اللي بټعصبني، والشغل ايوه انا هشتغل لانك متجوزني وانا بشتغل وبالنسبه للي حصل في الشارع انا اسفه مش هيتكرر..

محمد 
طيب انا هاجي اخدك النهارده و...

هاجر حطت ايدها في نصها وقالت
لا لا لا لازم تديني وقتي الاول افكر...

محمد ضربها علي ايدها وقال
نزلي ايدك دي بكلم رقاصه، وخليكي فكري براحتك، وقوليلي صح بتدي حقن..

هاجر كتمت ضحكتها وقالت
والله عملت بأصلي وقولت مش هدي رجاله، حتي اياد باشا خليت هدير صحبتي تبدل معايا وتبقي هي اللي عنده..

محمد ابتسم وقال
طيب بقي اشوفك علي خير، وهكلمك عشان اشوف فكرتي ولا لسه النهارده بالليل كده عشان اجي اخدك...

_ قال كلامه ومشي وهاجر دخلت اوضة الممرضات وطلعت موبيلها وكلمت شهد وقالت.  

هاجر
بت اشاااااهد صالحني صالحني، اقسم بالله ما شوفت في حلاوة اهله ده الموف اون بذات نفسه ده..

شهد پبكاء
حياتي اټدمرت يا هاجر، صبري حلف ليجوزني ليونس الصاوي اخو جوزك...

هاجر پصدمه 
نعممم يا اختي هيجوزك للبلطجي ده؟!....

ـــــــ #بقلم_الكاتبه_رحاب_القاضي ـــــــ
_ وفي الحفله اللي عاملينها صحاب ولاء كانت قاعده مع مازن وهي مبسوطه جداً...

ولاء
الحفله حلوه اووي..

مازن بصلها وقال
هو انتي تعرفي الواد اللي اسمه علي ده؟..

ولاء
ايوه كان معانا في الشله وكان لطيف بصراحه غيرهم..

مازن بضيق
امم لطيف اكمنه عمال يبصلك وهياكلك بعنيه..

ولاء ابتسمت وقالت
ايه ده لا طبعا اصلا هو بيحب مي وهي معجبه بيه جدا...

مازن بضيق
ممكن مالكيش دعوه بالكلام ده الاعجاب والحب والجو ده، انتي بنت محترمه بلاش تبقي زيهم..

ولاء بقلق
حاضر انا اصلا عمري ما كلمت حد ولا عرفت حد. غير مجرد زمايل وبس...

_ قبل ما يرد عليها قربت منهم سالي ومعانا علي اللي مش مركز غير مع ولاء وقالت..

سالي
مالكم بقي واخدين جنب مننا وقاعدين لوحدكم ليه؟..

جات ولاء تتكلم بس مازن قال
عادي جابين نكون لوحدنا انا وهي عندكم مشكله..

علي پحده 
بس احنا عازمين ولاء عشان تيجي تقعد معانا مش عشان تجيبك..

قام مازن وقال
انت ازاي تتكلم معايا كده وبعدين هو انا جاي بيت امك...

مسك فيه علي وقال
لا بقي ده انت قليل الادب وعايز تتربي...

سالي پحده 
بس بقي انت وهو، انتو عايزين تخربولي الحفله ولا ايه..

مازن مسك ايد ولاء وقال
احنا مش هنخرب حاجه انا غلطان اني جيبتها من الاول عندكم...

_ واخد ولاء ومشي وعلي بص لسالي بعصبيه وقال..

علي
انتو السبب فضلتو تخوفوني منها لحد ما خسرتها...

سالي
انت زعلان اووي كده ليه يوم ولا اتنين وهيسيبها ويزهق منها وابقي حبها براحتك..

علي پحده 
انا مش عايز اعرفكم تاني...

مشي علي ومشي قالت لسالي
هو بيحب فيها ايه ليه مش شايلني انا وعلي طول مركز معاها هي...

سالي
فكك مني يا مي انا عايزه انبسط بالحفله..

_ وبره كان مازن متعصب جداً وهو ماسك ايد ولاء جامد، وهي قالتله بقلق..

ولاء
مازن لو س...

زعق فيها وقال 
انتي تخرسي خالص الله واعلم اللي كان بينك وبينه بلاش تكدبي عليا..

ولاء بدأت تتوتر وقالت
سيب ايدي لو سمحت انت بتوجعني..

مازن پحده 
بينك وبينه ايييه ولا هو وش البراءه ده بيكون عليا انا بس..

ولاء بعصبيه ودموع
انت حيوااااان..

_خلصت كلامها ونزل هو بايده علي وشها وكانت في ناس معديه والكل وقف يشوف ايه اللي بيحصل، وهي بصتله بدموع...

مازن 
انا اسف والله العظيم مش قصدي اا..

زقته ولاء وزعقت فيه وهي بټعيط 
ابعد عني انت فاهم سيبني واياك تقربلي تاني..

مازن بقلق
طيب اهدي مش هينفع اسيبك وانتي كده...

_ اتنهدت نور وبصت حواليها بعصبيه وبعدين مسكت طوبه  من الارض وخبطته فيها في وشه..

مازن وهو ماسك وشه بالم وقال
انتي اټجننتي ده انا اتعورت يا ولاء..

_ مسكت ولاء طوبه تانيه بس هو جري من قدامها وهي بسرعه اخدت تاكسي ومشيت..

ـــــــ #بقلم_الكاتبه_رحاب_القاضي ـــــــ
وبالليل تحت بيت هاجر وصل محمد وكان لسه هيطلع لقي عادل في وشه وقاله..

عادل بخبث
مش عيب برضو يا شيخ محمد تتجوز وحده مخطوبه...

محمد رجع وقف قدامه وقال
مين حضرتك بس الاول عشان تتكلم معايا في حاجه زي دي؟..

عادل
معاك عادل خطيب مراتك يا شيخ محمد..

محمد بضيق
طيب ما تقولش كده تاني عشان عيب، وانت راجل كبير وانا مش عايز ازعلك..

عادل باستفزاز
لا انت اللي هتزعل لما خطيبتي هتطلق منك وهترجعلي..

محمد اتعصب وقال
لا ده انت مصمم بقي تتخانق..

جه حمدي ومسك محمد وقال
انت بتعمل ايه  يا عادل، استني يا محمد عشان خاطري انا..

عادل 
قصدك الواد ده بيعمل ايه هنا، ده بيت خطيبتي وهو لو عنده كرامه يطلقها..

محمد بعصبيه 
لو سمحت يا عمي  سيبني عليه الواد ده عايز يتربي..

حمدي 
سيبك منه يا محمد يا ابني ده فاضي وهو لو جه عمل كده تاني انا هروح اعمله محضر عدم تعرض..

عادل پحده
ماشي يا عمي بس الشاطر اللي يضحك في الاخر..

مشي عادل ومحمد قال 
ايه يا عمي ده انا اسف بس ازاي كنت هتجوز بنتك لواحد مش متربي زي ده..

حمدي 
ما كله بسبب اني ما عرفتش اربي مراتك، انا لو كنت عرفت اربيها ما كانتش وقفت قدامي واختارت الصايع ده..

محمد ابتسم 
لا انت سيب الربايه دي علي امي قايمه بالواجب معاها وبزياده..

حمدي 
يا ابني خاف علي امك من بنتي دي مش ساهله..

_ضحك محمد وحمدي، وبعدين محمد اخد هاجر ورجعو البيت واول ما دخلو البيت كانت هناء مستنياهم و قالت..

هناء
شايفه ان رجل مراتك خفت كل ده عند.بيت اهلها وكمان نزلت الشغل....

محمد پصدمه
والله العظيم هي اكتر حد. كان بيقولي ارجعك..

هاجر بغيظ 
طيب سبيني اخد نفسي الاول ده انا لاسه داخله البيت، وبعدين جربي تخفي رجلك. انتي كمان وتقومي كده هترتاحي بدل ما الناس بقيت شاكه انك لاسقه في الكنبه من كتر القعده..

هناء
ما انتي لو متربيه مش هتقولي كده..

طلع مازن من اوضته وهو ماسك المخده وقال
هو انتو ليل نهار كده بتتخانقو انا تعبت بجد وعايز انام..

هناء
وكمان ليك نفس تنام يا ابو ملحق ومتخانق وجاي متعور في وشه..

محمد پغضب
هو شال مواد تاني ولا ايه؟..

جري مازن واتخبي في مامته وقال
من غير اهانه وقلة قيمه انا مش بتاع تعليم وهسيب الكليه انا قولتلكم كده من زمان انتو ما صدقتوش انا جوزوني وقعدوني في البيت احسن..

هناء
لا والنبي  لاا انا ولاد هناء لازم يتعلمو وهيتعلمو وهيبقو متجرجين  كليات..

مازن 
علي اساس انك وزيرة البيئه يا ماما ده انتي لما الموبيل اتفيرس اخدتيه وروحتي المستشفي وفكرتي جاتله كورونا..

ضحك محمد وهاجر وقالت
هههههه لا ايه الدماغ الجباره دي يا حماتي...

هناء باحراج 
ممم مالكيش دعوه وخليكي في حالك، وانت يا مازن انا قيمالك..

جري مازن علي اوضته وقال پخوف
يالهوي الحقوووني دي ما بترحمش..

محمد بص لولاء وقال
وانتي هتنامي في ليلتك دي ولا حكايتك..

هاجر
في انت كمان هتبقي انت وامك عليا ما توطي صوتك ده..

محمد 
انا اتكلم براحتي وبالطريقه اللي تعجبني..

هاجر بضيق
وانا ما حدش يعلي صوته، بسبب او من غير سبب انت تتعامل معايا زي ما بتعامل معاك باحترام..

محمد پحده
ولو ما عملتش كده هتعملي ايه هتطلقي وتروحيله..

هاجر
بقي هي كده طيب اسمع بقي يا عسل..

محمد بعصبيه
انا مش عسل واتكلمي كويس وشيلي ايدك نصك ومش هقولك تاني..

نزلت هاجر ايدها وقالت 
انا يا محمد لو كنت عايزه اروحله ما كنتش خليت جوازنا بقي بجد ولا كمل لدلوقتي، بس انا مش هرجع لواحد واطي وزي ما انت سترتني انا واهلي قدرتك واحترمتك واتقبلتك كزوج رغم ان كل حاجه جات بسرعه،واهو قبلت اىجع معاك رغم قلبت وشك عليا ..

زعقت وكملت كلامها
انما بقي جو التلقيح ده بتاع النسوان الفاضيه اللي زي امك ما يتعملش عليا..

هناء بغيظ 
الله وانا مالي دلوقتي بتجيبي سيرتي ليه؟..

مازن قعد جنبيها وقال
بس يا ماما خلينا نتفرج دي شكلها هتبقي عركه جامده..

هناء قلعت الشبشب وقالت
وديني ما انا سيباااك اتنيل ادخل ناام..وانتي يا بت يا سرنجه لو جيبتي سيرتي تاني هقطع الشبشب ده عليكي..

هاجر
لا اجيب ولا ما اجيبش انا داخله انام تصبحو علي خير...

_تفتكرو بقي هيحصل ايه؟..

*هل ولاء هتسامح مازن ولا لا؟.. 
*محمد هيلدر يتقبل هاجر ولا لا؟.. 
*ويونس هيعمل ايه لما يعرف ان اللي هيخطبها هي شهد؟.. 
*وهيحصل ايه في مقابلة نور وام احمد؟.. 
ـــــــ ـــــــ ـــــــ ـــــــ ـــــــ ـــــــ ـــــــ ـــــــ 

يتبع