رواية زواج ست أشهر البارت الاول والتاني بقلم جمانه السعيدي حصريه

رواية زواج ست أشهر البارت الاول والتاني بقلم جمانه السعيدي حصريه وجديده 
البارت_الأول
اني سمر عمري عشرين مرحله ثانيه كليه اداب 
قسم انكليزي 
امي توفت واني عمري ١٦ سنه وبابا ازوج خاله حنان
خاله حنان كانت صديقة امي وتتردد علينا دائما 
تعرف كل زغيره وجبيره بلبيت
قبل لا تزوج بابا كنت احسه تحبني 

بس بعد ماازوجت هي وبابا وصار عدها ولد ثنيين 
تغيرت معاملته وياي حيل 
دائما تفضل اولادها عليه 
بابا انسان عملي بشكل وشويه بخيل يعني تحقيق على الفلس يله يطلع
جمانه السعيدي
طبعا خاله حنان بفترة مرض امي كانت شبه كاعده عدنا
بحجت تعتني بامي 
ولان هي صديقته المقربه 
اهل امي بغير محافظه 
بيبتي متوفيه وامي ماعدها خوات بس اخوان ثنيين
خاله حنان كانت تجي كل يوم وتبقى عدنا
جنت اشوف الحركات بينه وبين بابا
والكلام وبعد شغلات ثانيه 
اني زغيره بس كنت افهم اكو شي ببنهم 
وهمه استغلو فرصة مرض امي الي كانت شبه نايمه طول الوقت بسبب المسكنات
حنان مزوجه قبل ومنفصله 
حسب كلامه انفصلت لان مو رجال ومايكدر ينطبه حقوقه الشرعية 
بعد شهرين زواج انفصلت
جمانه السعيدي
كانت هي وماما صديقات مقربات الابعد حد
امي الله يرحمه انسانه طيبه بشكل مو طبيعي ومسالمه كلش 
اني ماخذه هواي من صفاته 
ابد ماأحب المشاكل واحاول اضغط على نفسي حتى لاتصير مشكله 
وارضى باي شي لان الصراحه بابا عصبي بشكل مو طبيعي 
اذا مانفذت كلامه راسا يضربني 
كنت اجنبه قدر الإمكان وابتعد عن المواجهات اني ويااا
اني مااشوفه بعامل خاله حنان مثل ماجان بعامل ماما ابد 
حنان ماكلته اكل وتعرف شلون تمتص غضبه 
وتأخذ منه أي شي تريده
امي كانت فقيره وتخاف منه لان هو جان دائما يضربه
حتى اني علمتني انفذ الاوامر بدون مااسئل 
او اعترض حتلو كان هذا الأمر مايعجبني 
انفذ واني ساكته
جمانه السعيدي
من اشوف خاله حنان شلون ماكله بابا بلحجي واسلوبه 
وشلون مسيطره بلبيت 
اضوج على ماما ليش ماجانت تسوي هيج حتى تسكب بابا وتخلي يغير معاملته وياناااا
على العموم اني كنت ارجع من الجامعه والكا الشغل
منتضرني 
اني عليه العشى وتنضيف المطبخ بليل 
واذا دخلت الحمام لازم اغسل كل الملابس الموجوده واطلعه
اشتغل واني ساكته حتى الايام تعدي واخلص كليتي
اني شكلي عادي يعني مو جمال خارق ملامحي حلوه 
ومتناسقه 
حنطاويه بس بشرتي فاتحه جسمي حلو انثوي كلش 
وجهي بيضوي عيوني وسط بس حلوات 
خشمي عدل حلكي زغير اسناني حلوات مرتبات
شعري تمري على بني بي كسره خفيفه 
واصل نص ضهري
جمانه السعيدي
صار سنتين من دخلت للكليه بس بعمري مافكرت ادخل بعلاقه ابد 
همي ادرس وبس 
والصراحه محد يقربلي من الولد لان اني عازله نفسي كلش 
ومااختلط بلولد ابد 
البنات يكولن انتي معقده 
لا مو معقده اعرف حدودي ومااربد اجاوزها ابد 
اريد اكمل كليتي ومااريد شي يخليني التهي عنه ابد
وبصراحه اكثر شخصية امي طاغيه عليه 
مسالمه وخوافه كلش 
اخاڤ ادخل بعلاقات لا اسبب النفسي مشاكل
اروح بطريقي وارجع بطريقي
الحد مايوم رجعت من الدوووام وتفاجئت بابا يكووول 
حضري نفسج 
اكو واحد تقدملج واني وافقت
سمر شنوووو 
بابا تقدملج واحد