قصة آيه البارت الاول بقلم وسام الفراجي حصريه وجديده
قصة آيه البارت الاول بقلم وسام الفراجي حصريه وجديده
اني آية من العراق ماراح اكول المحافظة تزوجت من شاب عسكري ابوه مټوفي وبس أمه موجودة وجبيرة بالعمر وأخ واحد
صار شهر موجود عطلة العرس وهو كلش خوش انسان لكن عصبي ڼار جدا المهم ببداية عرسي عادي الامور طبيعية بس احس عمتي مو كلش زينة ما ادري احساس بس كلت ميخالف لازم اني اغير نظرتها عليه اذا جانت مو زينة
ما اطولها عليكم هو عنده اخ واحد فقط اصغر منه طبعا هذا الاخ يعني من خلال هذا الشهر صرت اعرفه
هو مال كهاوي وتعاليل اخر الليل وما ادري ماحبيت احكم عليه من البداية لكن ورا شي 5 اشهر
صرت احس اخوه اله نظرات مو صحيحة وخصوصا من يدري زوجي طالع للواجب يصير يلبس لبس هيج خفيف ويتمضحك ويسوي حركات ..
اني حاولت ما ابين اي ردة فعل وبصراحة مكدر اسولف لرجلي هالامور مابية حيل مشاكل وبالاخير توكع براسي
صار يتحجج حتى يصيحني..
وسوي لماما ريوك وتعرفون هيج كلاوات بعدين صار عدهم مناسبة فزوجي منعني اروح ويا امه ع هالمناسبة وعادي ظليت بالبيت واخوه وامه راحوا ..
شو فجأة حسيت بحركة بالبيت خفت بصراحة وتوترت رحت لغرفتي ركض شو طب اخو زوجي بس يلهث كأنما جان يركض صار يدور بالبيت غرفة غرفة حتى يتأكد اكو احد موجود !!
بعدين قفلت غرفتي اني بسرعة ودا يفتح الباب لكاه مقفول كلي اية وينج موجودة بالبيت
بعدين كالي افتحي الباب اريدج بموضوع هنا كلت ممكن اني تخيلاتي مو صحيحة خليني افتح الباب
يتبع ..
