قصة زواج قاصر بقلم وسام الفراجي حصريه وجديده وكامله جميع الفصول

قصة زواج قاصر بقلم وسام الفراجي حصريه وجديده وكامله جميع الفصول 
البارت_الأول
زوجوني ڠصب كالولة هدية هاي بس استر عليها اخذوني للسوك اشترولي اثنين دشاديش وحمرة وحدة لهسة اذكر لونها وردي بيها لمع ماعندي ولا ملابس نوم وحق الله
اهلي ناس ظالمين ومايحبون البنات .. يوم الاكشر الي انولدت بي بنية لو مېتة ببطن امي ولا طلعت بنت عند ابوية .. عشت حياة طفولية عبارة عن مانية مع العلم ما طولت يمهم باعوني برخص والا اكو اب ينطي بنته بعدها متعرف شنو زواج هدية لشخص بس حتى يخلص منها ..
المهم اشترولي دشداشة ام اللمع 

وحلقة وبس وتكرمون نعال بس كلشي ماكو بعد بس صدك رحت للصالون طلعتني لعابة عود بذاك الوكت هذا الحجي بزمن ص..دام 
هذا مو مصدك اصلا لان محد يباوع عليه وهو هيج قصير جدا واستغفر الله خلقة ربك محد ينطي مرية اصلا
من كد مافرحان مرية واجته هدية سواها ب 3 ايام خطوبة ثاني يوم الحنة وراها العرس لبست بدلة بس اني ماعندي اي شي يوحي اني ناضجة مدري اذا فهمتوا ...
يوم الاسود طبيت للبيت بيت غريب اصعب يوم بحياتي دمروني امي وخالي حطموا حياتي كلهم كبار اخوانة ممزوجين و 13 نفر بالبيت اخو الجبير مزوج زفوني بغرفة لكيت اخشاب وغرفة بس لحاف اني زوجت بشته 1997
حتى هاي السنة كرهتها ..
وسخين وعدهم صخول وهو قزم ويوصل ابطني وجبير زفوني وراحوا وخلص شغلته اني ابجي كلشي ماعرف ثاني يوم شردت من الصبح بس مارحت بعيد رجعت الخوالي طبيت عليهم ب 6 الصبح ..
قصص 
زواج_قاصر وسام الفراجي
البارت_الثاني
..زلغوني زلغ خالي ورجعني كالهم طفلة وصدك طفلة صورن زوجت بدون عقد لان قاصر قبل بزمن ص..دام اله 16 يلا يعقدون اني ڈبوني ڈب ماتحملوا عيشتي تجي الناس تباركلهم اني ابجي لهسة اذكر مرة كعدت يمي تكلي اهلج ماعدهم خبز زوجوج هيج زواج شافتني ابجي كتلها اي حجيه ماعدهم اخ كلبي
ورب العالمين واني كلشي مو مفتهمة جانوا يحجون سوالف مااعرف شردلهم لان ما اعرف معناهن ..
ناس تضحك وناس تستهزأ بس هاي الي سألتني اهلج ماعدهم خبز زوجوج هيج .. كعدت يمي وكالتلي انت قوية الي تشوف هيج شي هسة بس تكبرين شوي تصير اقوى بنت بالعراق كتلها ماريد اصير شي اريد ارجع لبيتنا ..
سمعتني مرت اخو زوجي الكبير اسمها حمدية وضربتني كدام العالم وكمت ابجي ورحت لغرفتي .. 
طبعا للعلم رجلها هارب من الجيش الي هو اخو زوجي تجيكم سالفته ..
اجه رجلي كالي اغسليلي هدومي واني ما اعرف والله رحت للحمام نطوني طشت وترسته مي جنت اتذكر امي هيج تسوي وحطيته بالصابون بس ما انغسلت زين يعني ما اعرف بس يعني ملابسه ريحتها خايسة تكول سنة مو مغسولة ..
الحبل الحاطينه عالي ما اوصله حتى احط هدومه ع شمس ردت اصعد ع شي يرفعني حتى اوصلهن جان اوكع وتوكع ملابسه من ايدي بالكاع
شافتني مرت اخوه خيرية .. اجت من شعري لزمتني وفرتني فر وشمرتني بالكاع حسبي الله عليها وع افعالها ما انسى عيونها وحقدها عليه لليوم ..
مطبخهم يخزي جان والله ريحته تسطر .. مدري شلون عايشين بهالخيسة .. صرت اغسل بيهن بسيم مواعين وتراب حتى ينظفن .. وطبعا الي جنت اسوي جنت اشوف امي تسويهن والا ما اعرف شي بس اتذكر شتسوي
زوجي يجي ريحته معفنة ما ينظف نفسه ويكول تزوجت وشي وهو قزم يجي ياخذ شغلته ويروح وروحه بلا ردة