قصة آيه البارت الثاني بقلم وسام الفراجي حصريه وجديده

قصة آيه البارت الثاني بقلم وسام الفراجي حصريه وجديده 

حطيت ايدي ع قفل الباب بعدين كلت خليج ذكية
ظلي قافلة الباب يا اية وبعدين احجي كلشي لزوجج

اني ثولة احجي وافضها ليش هيج ظليت خاېفة ..

بوكت يصير اي شي لا سامح الله كلها تشمر الملامة عليه فمن البداية احجي الحقيقة لان دائما حبل الكذب كصير

وليش اغطي عليه واستر عليه وبالتالي اني الضحېة فظليت قافلة غرفتي وحاول بكل الطرق افتحها لكن ما فتحت

اعوذ بالله منه ومن تفكيره بعدين من وثق ما اطلع
سوة نفسه اختفى ع اساس راح وطلع وسمعت ردة الباب بقوة يعنى حتى يسمعني

طبعا اني فطيرة بس مدري من وين اجتني هالشطارة وسويت هيج جان انفضحنا ظليت بالغرفة الا سمعت صوت عمتي الي هي امه وطلعت كأنما من سجن

مع العلم اني ما ارتاح لأمه بس اكيد ميكدر يسوي هالشي كدام امه واكيد ماتقبل لان بالتالي ثنينهم ولدها ..

طلعت بس وجهي اصفر وينطي ألوان ..

شو هو بكل صلافة يباوع عليه وضايج وينتر بسوالفه وعمتي مستغربة من ضوجته عليه كلت بداخلي يا اية سولفي لعمتي كل الي دا يصير

ما ادري بصراحة شو تخربطت احوالي معرف اسولف لمنو واسكت ع منو ..

بعدين بعد صراع تفكير وتفكير وتفكير كلت اكو ممكن حل عند عمتي خلي اكوللها بلكي متقبل لان زوجة ابنها 

والله مدري بس بالاخير كلت خلي ابلغها ..

يجوز عندها حل احسن ما تصل السالفة لزوجي وتصير فضايح و طك عظم ف انتظرت حتى يروح هذا الصايع كلتلها عمتي عندي موضوع وياج مهم وياريت تفهميني بصراحة مو متاكدة توكف وياي او ضدي المهم حجيتلها كلشي وشمرت اللوم عليه..

انتِ تلبسين ضيك وتدلعين بالبيت ما تكولين اخو زوجي موجود البيت مو بس الج من تعزلين عود البسي بكيفج .. كتلها عمة والله ما لابسة الا المستور وكلشي مو مسوية كالت ابني واعرفه ميسوي هالسوالف بس كوليلي اريد اعزل وفضيها ليش هالسوالف التعبانة ..

بصراحة خفت لا تروح تأول القصة لزوجي ويصدكها وينهجم بيتي وكلت لازم اتغدة بيها قبل ما تتعشى بية واني اسبقها وابلغ زوجي بالحقيقة فوك مو هم يتحرشون انوب اطلع اني مو خوش ..

وصارت تراقبني وذبت كل الصوج بية وهذا ابني ترباتي واني اعرفه زين ومن هالسوالف كتلها عمة اكو وحدة تجيب لنفسها الڤضيحة ترا ما حجيت الا داس ببطني وصارت تصرفاته حيل مو حلوة

كالت انتن نسوان هالوكت تهجمن بيوت ينخاف منجن وظلت تسولف المختصر وكفت ويا ابنها ضدي ومن يصير وقت الغدة صارت تاخذ غدة خاص لابنها بيدها وتنطي اله بغرفته الخاصة ع اساس خاېفة مني هنا قررت لازم اسولف لزوجي قبل ما تكبر السالفة وامه تفر راس زوجي ويصيرون كلهم ضدي

... بصراحة تندمت من حجيت لعمتي ما حليت شي بس زدت الطين بلة. صبرت كم يوم ع معاملتهم المو زينة كلت ميخالف اصبر ومن يجي زوجي احجيله كلشي وشيريد يصير يصير ..

خابرني زوجي بعد كم يوم كالي حضري ملابسي والحمام الدنيا تسمط اني جاي بالطريق
كتله ان شاء الله وهنا جاي افكر ابلغه لو اسكت
وصل للبيت وامه مبولزة واخوه بغرفته وهو تعبان ..

كلت يسبح ويرتاح شوي بعدين اسولفله
هنا اول ما وصل زوجي صاحته عمتي !!
خفت كلش وصار كلبي.طبل

يتبع