رواية زواج_إنقاذ ١٤___١٥___١٦ بقلم جمانه السعيدي حصريه وجديده
رواية زواج_إنقاذ ١٤___١٥___١٦ بقلم جمانه السعيدي حصريه وجديده
البارت_١٤
كملنا تنضيف وكعدنا ناكول تقريبا بلاربعه العصر صار هو غدا هو عشى بعدين ياس طلع يجيب كرزات وفواكه
واني نضفت المطبخ ودخلت سبحت
تعطرت وخليت مكياج خفيف
صرت احب اهتم بنفسي اكثر اذا هو موجود
اقتحم حياتي وسيطر على مشاعري
خلاني موبس احبه لا اعشقه عشق
افكر شلون لو رجعو اهلي ورجع للشقه بعد مايكون وياي على طول
وراح يرجع دوامنا ثنيينه
لازم نزوج زواج حقيقي ونبقى سوا على طول
جمانه السعيدي
رجع للبيت تلكيته بلباب مثل الطفل من يلاكي امه
....شبسرعه توك طلعت
...اني كل دقيقه اشتاقلج وباسني بخدي
دخل جوه خل العلاليك وكال تعاي اغسلي الفواكه
بعدين صلا ودخل سبح
واني غسلت ملابسنا وكويتهن
كعدنا شويه على التلفزيون بعدين كتله اروح انام تصبح على خير
...لاولله شمالني مخبله
...ولله العضيم ما اسويلج اي شي
...اخاڤ منك
...مو حلفت بعدين اني اخاڤ انام وحدي
...يمه يمه منك
..موكلت ما اسويلج شي ابد بس البسي الثوب القصير ذاك اليوم نايمه بي
...مبين ماتسوي شي وتريد البس كصير
رحت فرجة اسناني وخفت البس الثوب القصير
لبست برمودا وبدي ربع ردن
هو مخلي فراشه بلكاع
شافني ابتسم وفتح ايدا
اوكف كول ولله ما اقربلج
...ولله ما اقربلج
تمددت بحضنه وشبكني
لاتخافين مراح اقربلج هسه اريد اجيب مشيه تسد عين الشمس كون السيارات منا الراس الشارع
كلها تسئل شكو يكولون خطبة شمس احمد
وبعدين نروح نشتري غرفه على ذوقج حلوه
وتشترين الذهب الي يعجبج
بس من ترحين تشترين مكياج اروح وياج
...ليش
اريد اشتري الحمره على ذوقي
...غير اني الي اضوكه لازم طيبه كلما تخلين حمره اضوك الشفايف واخربها
...اكو حمره ثابته
...لابله ثابته ماتروح ابد
...اي
...ما اريد منها اريد اشوف وجهج كله حمره ورا كل شوط مصارعه
...لعد فلوسك يخلصن على الحمره
...ميخالف الواحد لازم يصرف فلوسه على شي يحبه
وبعد اني اشتريلج صبغ اضافر على ذوقي و اني اخلي الج
يوميه نكعد الصبح بلسته حتى نلحك نصبغ الاضافر
لاتخافين اتعلم على الموديلات الجديده واصبغلج عليهن
ويوميه اوصلج للدوام وارجع اخذج
واول طفل اريده بنيه وكون تشبهج واسميها شمس
جمانه السعيدي
...شني هي شمس وامها شمس
..انتي شعليج بنتي واني حر بيها لاتدخلين انتي ابد
...راح اطلع عينها مثل ما طلعت عين امها وينك احمد تعال وشوف بتك نايمه بحضن ياس
...لو اجو اهلج شلون اني تعلمت على الاحضان والبوس وين اروح وين انطي وجهي
..اصبر النهاية السنه لان ما ناويه ازوج هسه
...اذا ماناويه تتزوجين هسه شكو وديتي ام بسام تخطبج
شكد حلو اني ويا نصير شرايج
وانتي يوم تنامين يمي ويوم يم ابنها
واني ابدل العصر وتعطر وانتضرج واكلوج اليوم يومي عيوني
وكام يغامز بعيونه
...ههههههه حلوه الفكره عجبتني
...ها تردين تزوجين غيري خوش هسه اعلمج
مد ايده يريد ينزل البرمودا
واني صحت لادخيلك مو انت حلفت
...وشني يعني حلفت ادفع كفاره
...يااا تحجي صدك وخر خل ارجع انام بغرفتي
...على اساس اذا نمتي بغرفتج ما اكدر اوصلج بابا انتي فريسه سهله اكدر اسيطر عليج بسهوله
بس اني ما اريد
اريد اسويلج احلى عرس بلدنيا
بقينا نسولف للاربعه وبعدين نمنا
الصبح حسيت واحد يبوس بيه من خدودي وشعري
فتحت عيوني صباح الخير
..صباح الورد صباح العسل
...بيش الساعه
..الساعه هسه ١١
...خل اكوم احضر الريوك حتى اروح للسوك
..للسوك شتسوين
...اشتري ملابس محجبات
..كولي ولله
...اي بعد شسوي حكم القوي على الضعيف
...ما اريدج تلبسين الحجاب مجبوره لازم عن قناعه حتى تتمسكين بي
...اكيد مقتنعه
...يمه فدوه الشموستي الحلووووه
...يله عوفني خل اكوم
...ماتخلينا اليوم كله نبقى هيج
...يمعود كوم دخيلك تكسرت من نومت الكاع
. ياس ..وين اليله انام بغرفتج على السرير بس تحلفلي ماتغتصبيني يله انام بغرفتج
تعرفين اني حلوووو واخاڤ على نفسي منج
....ههههه كوم
جمانه السعيدي
تريكنا وكملنا وبدل هو وبقى ينتضرني لبست فستان بنفسجي طوخ طويل وشال بنفسجي ومشجر بابيض
وحذاء وجنطه بيضه
وطلعت علي
ياس ماشاء الله ولله حرت وياج عود لبست حجاب
انوب الوجه يضوي بلحجاب
ومن شړ حاسد اذا حسد
طلعنا اشترينا ملابس وشالات لان الدوام بعد يومين وكعدنا بلمطعم اكلنا وشربنا عصير ورجعنا للبيت كلش تعبانيين
دخلت سبحت حتى يروح التعب مني وطلعت لابسه بس روب الحمام بس لافه نفسي زين
طلعت الشسوار وبديت اجفف شعري اجاني ياس
..تحتاجين مساعده
...شكرا
...لا خل اساعدج اجفف شعرج
...هذا لون شعرج حلوووو كلش لايك عليج
...شكرا من ذوقك اني لازمه الروب باديه خاف ينفتح وانفضح
...ليش هيج لازمه روبج
...احسن
...بسلا مالابسه شي
..خرررب انت شعليك
...بويه خضر الحكلي
...اطلع خل ابدل انت وجودك مو امان ابد
...هو انتي تتحرشين بيه كولي جذب
دفعته كوه طلعته من غرفتي وبدلت وطلعت
لليل مارحت يمه وهو كلساع يمد راسه ليش عايفتني وحدي مو اني خطيه
...بس اجي يمك تلزك بيه لزك
...هاااا خوش طلع من الغرفه عبالي زعل
شويه ورجع جايب بطانيتا صعد على الجربايه ونام
...هاي شكاعد تسوي
...انتي البارحه عزمتيني على غرفتج واني ابد ما ارجع العزيمه
يله طفي الضوه وتعاي نامي بحضني احسلج
بس كولي ولله ما اتحرش بيك لان اخاڤ على سمعتي
للحكايه بقيه شكرا التعليقاتكم الجميله
القادم اجمل احبكمممممم
#قصصmyhopes
#الخامس عشر
#زواج انقاذ
#جمانه السعيدي
مرن يومين وباجر دوام حضرنا ملابسنا
وخابرت اهلي كالو يومين ويجون وبابا صحته زينه الحمد لله
ثاني يوم كعدت الصبح وكعدت ياس تريكنا وطلعنا هو صمم يوصلني للكليه
هو لبس قاط رصاصي كامل
واني لبست تنوره عدله سوده وقميص ابيض بي كشاكش
وشال مشجر وخليت ميكب خفيف
بس حاسه نفسي احلى وحده بلدنيا من كد ماسعيده
بوجود ياس بحياتي
وصلنا وضل كامش ايدي ويفتر وياي
شويه وشفت ماهر وسماهر كاعدين سوا بلحديقه يسولفون
جمانه السعيدي
ما اعرف ليش ماضجت ابد ولا شويه اصلا حسيت نفسي تافه لان بجيت ذاك اليوم
يمكن حب ياس خلاني اكثر ثقه بنفسي
عرفت الحب الحقيقي اما الاحساس الي جان بكلبي الماهر
يمكن اعجاب يمكن تعلق
بس احساسي بياس يختلف
احلى شي ماجنت ضايجه من شفتهم ابد
ياس هاي صديقتي خل اسلم عليها هي وخطيبها
لزمت ياس من ايده وتقدمت عليهم
راسا وكفو اثنينهم سماهر وجه صار اصفر
وماهر بين علي الارتباك
اخذت ياس ورحنا عليهم
شمس صباح الخير شلونهم العرسان
سماهر...اهلا وسهلا
شمس ولو اني زعلانه عليكم لان ماعزمتوني على حفلتكم
بس ميخالف مبروك
اعرفكم زوجي ياس
ياس تقدم وسلم على ماهر وعلى سماهر
سماهر الشغله صارت بسرعه ومالحكنا نعزم احد
شمس صحيح اني عاذرتج بس نص العراق عازمته لان سحر سولفتلي
سماهر عذرتج عدج ضرف
شمس باوعت على ياس صحيح احلى ضرف بحياتي
وانت ماهر شلونك
ماهر....الحمد لله تمام
شمس الله يهنيكم لايكين على بعض
يلله ياس امشينا اتاخرنا
ياس مشى كدامي التفتت عليهم وكتلهم
نسيت اكوللكم اثنيينكم زباله ولايكين البعض واحمد الله الف مره نجاني منكم باي
بعدين ياس راح للكليه مالته واني بقيت ويه كم بنيه صديقتي
ماهر سماهر موكلتي احتركت وتشوهت شوا حليانه اكثر
والحجاب عليها يخبل
سماهر لايغرك مضهرها جسمها مشوه وهذا ازوجها كوه حتى يستر عليها
ماهر بس مبينه سعيده ويا اعيونها تلمع وهي تسولف علي
سماهر تمثل يمعود
ماهر لا متمثل شمس اعرفه زين اصلا طايره من السعاده ويا
جمانه السعيدي
بلثنتين اجاني ياس وطلعنا للبيت حضرنا الغدا وتغدينا
وبعدين اخذني بحضنه ونمنا للمغرب
مرن يومين ورحنا للمطار نستقبل ماما وبابا
فرحت من شفتهم وخاصه بابا كلش مشتاقتله
وصلنا للبيت وراح ياس جابلهم اكل جاهز دجاج شوي وكباب وصمون ولبن ومقبلات
كعدنا ناكول وهم يسولفون على رحلتهم والعلاج
كملنا ولمېت المواعين ونضفت المطبخ
بعدين ياس جمع ملابسه وغراضه وكال اني اترخص
بس بابا ماقبل وصمم يبات عدنا
جمانه السعيدي
كاعد وكل اشويه دازلي رساله
اشتاقيتلج اليله مو حلوه ضجت
بس اينامون اهلج اجي للغرفه لاتقفلين الباب
...وين تجي بس يشوفوك يذبحوني
...اني زوجج مو صاحبج
...ميخالف بس ينامون اني اجي يمك شويه
الساعه ١٢ يله راح عمي ينام واني كاعد واحوس
شويه واجت اني كاعد وهي كعدت بصفي
شبيك ياس راح تفضحنا
...تعودت عليج شلون تعاي نامي بحضني شويه
...لا ممنوع
...شني ممنوع ترا هسه اطلع اروح للشقه
قربت علي وحضنته اصبر لمن نلكا حل
وهو ماصدك حضنته استلمني بوس وعض وادفع بي
ياس شبيك عوفني
...خلص صبري ياربي زوجتي يمي وما اكدر المسه
...خل اروح لاتفضحنا
....هاي اخر ليله هنا باجر ارجع للشقه عاد بعيده عني واايس وانام هسه اني شينومني
رحت الغرفتي وتمددت المشكله اني هم تعودت علي
بلكوه يله نمت
الصبح رحت اريد اكعده حتى نتريك ونروح للدوام
دنكت علي ياس ياس راح وكت الدوام يله كوم
لزمته من جتفه ياس تسمعني يله اكعد
راسا لكفني وخلاني بحضنه
..يمعود لايكعدون اهلي
...اريد اخذ بوسة الصباح واعوفج
باسني وعافني كام غسل وبدل وطلعنا
امي شافتني بدلت ولبست حجابي كالت الله طالعه تخبلين
اكيد هاي افكار ياس
اني اشرت براسي اي
امي الله يحفظه هذا الولد يوميه يكبر بعيني اكثر
ياس وصلت شمس للكليه والوالد خابرني يطمن على عمي
كتله رجع بس بعدا خط تليفونه مامرجع خطه العراقي
كال باجر نجي اني وعمك مهدي نطمن علي
وفعلا اجو ثاني يوم وجابو وياهم ذبيحه وذبحوها بثواب وجه الله تعالى لان عمي احمد رجع بلسلامه
واني وام شمس طبخنا ذاك الاكل الطيب بعدين رجعو
للناصريه ماقبلو يباتون
بليل رجعت للشقه ويه جماعتي بس ولله جني مضيع شي تعلمت على شمس
خابرته وتفقت وياها الصبح امر عليه نروح للدوام سويه
جمانه السعيدي
اغلب النهار نكضي سوا ومرات اروح ابات يم بيت عمي احمد
طبعا ام شمس حست اكو شي بينا
وجانت كلوش فرحانه على هذا التغيير ودائما تكول فعلا ياس يستاهل شمس
اتفقنا بس تكمل الامتحانات نزوج ويصير زواجنه رسمي
كملت السنه الدراسيه على خير وقرر ياس يفاتح ابو بلموضوع
ابو صلاح حيل فرح وكال شمس بتنا ومانلكه احسن منها
لكن انفتحت جبها ثانيه
ام ياس رفضت رفض قاطع الموضوع
وهددت ياس يترك الموضوع لكن ياس كان مصمم على الزواج
ياس صمم على هاي الزواجه
وامه زعلت وقررت تخرب هذا الزواج
حتلو كان الثمن تفضح شمس
وطلع الحقيقه
للحكايه بقيه احبكمممممم
تفاعل حلو مثلكم
#قصصmyhopes
#السادس عشر
#زواج انقاذ
#جمانه السعيدي
ام ياس ماما نور عندج رقم ام شمس
نور لاماما بس عندي رقم شمس ليش
ام ياس انطينيا بسرعه
ياس بليل كاعدين بيت عمي نحجي بتفاصيل العرس
ابو شمس ياس وليدي ماكو داعي الهاي الهوسه ترا شمس زوجتك كدام الله وكدام الناس واني يشهد الله
حبيتك من كل كلبي
مو لان ابن اخوي لا لان انت انسان كد المسوليه
زلمه شهم وكفت وياي باصعب الضروف
وتحملت مسوليه شمس وماقصرت وياها
شمس زوجتك واذا تريد هسه اخذها وياك
جمانه السعيدي
ياس تسلم عمي بس شمس تستاهل زفه وعرس حلو
واني ما اقبل اخذها هيج والمهر الي تطلبو يجيكم
ابو شمس شني هلحجي انت ابني واني وياك ماكو بينا فلوس
ولله ياياس اني ماتهمني الفلوس بكد مايهمني بنتي تاخذ رجال يصونها ويحافظ عليها
وانت اثبتت بجدارا انك رجال والنعم منك
كاعدين شمس وابوها وامها وياس ودك تليفون شمس
شمس هاي نور تتصل بيه خل ارد عليه
كلنا سكتنا حتى شمس تحجي ويه نور
شمس....الو هلو نور
ام ياس اني ام ياس مو نور
...هلو عمه شلونج
ياس لزمت كلبي بايدي خاېف من الي راح يصير اكيد امي راح تخرب الاول والتالي
ام ياس اسمعيني زين شمس هذا الزواج اني ماراضيه علي ومستحيل اخلي يتم فهمتي
...ليش عمه صاير شي بدر مني شي
...لاتسوين نفسج ناعمه انتي ماتصيرين جنتي لو اخر يوم بعمري فهمتي
...اي ليش شنو الي صار
...ياس ابني تعبت علي وربيته واريدله وحده بت اصول اتصونه وداري فهمتي
...واني شنو مو بت اصول لوما اني بت عمه
هنا ياس حاول ياخذ التليفون مني بس اني ماقبلت اريد افهم السالفه شنو
جمانه السعيدي
..لا انتي مو بت اصول انتي لقيطه لكاها احمد بلزباله وجابه ولزكه بعائلتنا
...انتي شكاعد تحجين
...مثل ما اكولج كلنا ندري احمد عقيم والدكاتره كلهم مانطو علاج لان ياثر على كلبه
وابو صلاح افتر كل الدكاتره ويا وايس وكعد
وتالي امج المصون مدري منيين جابتج وسجلتج باسم احمد
واذا ماتصدكين اسئلي امج وابوج واتحداهم ينكرون
...انت تحجين صدك
...طبعا صدك اتشاقه وياج ابني ماياخذ لقيطه اله على چثتي
ياخذ بت عمه ايمان بت الحسب والنسب
شمس احس واحد وكفخني على راسي كمت ما اركز شمرت التليفون
وصحت صدك هذا الحجي
صدك اني موبتكم
اني لقيطه احجووو لاتسكتون
اني مو بتكم وين لكيتوني
كمت اصړخ بصوت عالي
جاوبوني اني منو احمد جاوبني سلمى جاوبيني
وين لكيتوني بلزباله
ام شمس حبيبتي منو كال انتي بنتي هذا الحجي كوله جذب
كمت اشيل بلتحفيات واشمر بلكاع
قرب عليه ياس ولزمني اهدي حبيبتي اهدي
...عوفني امك ماتريدني اني لقيطه تريد وحده بت اصول بت حسب ونسب
اني ماتتشرف بيه
ياس معليج بلحجي انت حبيبتي انتي الحسب والنسب كله
...عوفني ماتحجي احمد شو سكتت وين لكيتني بيا زباله
بت حرام اني وانتي سلمى هانم
اكلج ليش ماعندي اخوان اتكولين قسمت الله
فدوه القسمته لواموتني احسن ولا هذا العاړ الي اني عايشه بي
بعد منو يدري بيه اني بت حرام كلولي لاتسكتون
ام شمس تقدمت حضنتها وتبجي
ولله انتي بتي انتي بت روحي انتي عيوني
شمس الدنيا كامت ادور بيه واحس راسي راح ينفجر وعيوني كامن يغوشن
دفعت امي عني واصيح وخري وخري عني جذابه
وين لكيتني بلشارع بلزباله وين احجي
دفعت امها قوي
ومالت شمس ووكعت
راسها ضړب حافت الطبله الي بلاستقبال
الطبله كزاز انكسرت وجرحت راس شمس
الډم ترس الكاع وشمس اغمى عليها
جمانه السعيدي
ام شمس كامت تصرخ يمه بتي يمه بتي ماټت
ياس وابوها حضنوها وماكو ماتتحرك
احمد ابني ياس اللحك جيب سياره
ياس ادمرن ملابسي ډم واديه كلهن ډم طفر يركض
طلع بلشارع الدنيا ليل وماكو هواي سيارات
شاف سياره اجت من بعيد وكف بنص الشارع
وياشر للسايق اوكف
وكف السايق وهو لزم السياره من كدام وډمرت ډم
السايق شافه وخاف
...شتريد ليش توكف السياره
...للمستشفى ودينا
...شني هذا الډم خاف قاتلك واحد وتريد تبلينا
...لا عدنا ابنيه انجرحت رحمه الاهلك ودينا للمستشفى
جمانه السعيدي
اجا السايق طبك بلباب وياس دخل لك امها حاضنتها وتبجي وابوها خال كطن على راسه يوكف الڼزف
لفه بجرجف وشالها وطلعها للسياره
السايق هاي شني مېته
ياس..اطلع لا ابتلي بيك بسرعه للمستشفى
السايق خاف من عصبيت وصياح ياس شغل السياره ونطلق للمستشفى بسرعه
وصلنا للمستشفى ودخلنا الطواراء ياس كمت اصيح على الممرضين
اجو بسرعه واجا الدكتور الخفر
الدكتور فحصها لكا بيها نبض
اول شي خيطو الچرح براسه وبعدين خلولها ابره بلمغذي
وحالته امه وابوها تبجي الكافر
عمي احمد حيل تعب توسلت بيه يرجع للبيت يستراح وما قبل
الساعه بلثنين بليل كعدت مختنكه وكوه اجر النفس
رحت جبت الدكتور خلالها اوكسجين
ووجه الوردي الحلو صار ازرك
اصعب ليله مرت علينا
الله يساعدها الصدمه جبيره عليها ناس عايشه وياهم عمر
فجئه يطلعون مو اهلها
بقينا كاعدين للصبح ونراقب بيها
الساعه تسعه ونص الصبح اجا دكتور اختصاص
سجللها تحاليل وكتب علاج نشتري من بره رحت اني جبته
مدري افكر بيها مدري افكر بعمي حالته تعبانه
حولناها جناح خاص
للعشره شالو الاوكسجين بس ابد مافتحت عينها نايمه من العلاج
الساعه الوحده رجعت اختنكت من جديد
ورجعو شكللولها اوكسجين مره ثانيه
حالته مجاي تستقر الله يستر وتعدي على خير
كلش خاېف عليها
ولله امي ډمرت هاي العائله من خابرت عليهم
للحكايه بقيه شكرا التعليقاتكم الجميله
القادم اجمل احبكم
