ذئاب_الجبل...الحلقه الرابعه (عودة البدرى ٢٠٢١) فكرة وتأليف:محمد عبادي
انت في الصفحة 1 من 3 صفحات
ذئاب_الجبل...الحلقه الرابعه
عودة البدرى ٢٠٢١
فكرة وتأليفمحمد عبادي
الحلقه_الرابعه
تذكير من الحلقه السابقه
توقفت السيارة امام بيت علوان وينزل منها ومعه نعمه ودبور يمسك بيده لينزل من السيارة...
دبور....
علي مهلك علي مهلك ياواد عمي نورت دارك ياكبيرنا الف حمدالله عالسلامه....
نعمة تزغرط....
بالراحه يادبور بالراحه على واد عمك تعالي قعده اهنه...
الف حمدالله علي سلامتك ياعلوان الف حمدالله علي سلامتك....
ياخاله لبيبه...ياخاله لبيبه...
دبور...
الخاله لبيبه مش اهنه...
نعمه...مش اهنه...امال وين....
دبور....
الخاله لبيه في دار الشيخ بدار الله يرحمه....
دار الشبخ بدار...
وعتعمل ايه في دار الشيخ بدار....
دبور....وهو ينظر الي علوان...
منا مقولتلكيش....
الخاله لبيبه بتنضف الدار...
البدرى......البدرى ووردة راجعين....
نعمه بفرحه واندهاش...
عتقول ايه يادبور.....
البدرى ووردة....طب كيف....
علوان يتغير لونه وتتحجر عينه...
ويفكر.....
دانا جولت خلصت منيه....
دة زى القطط بسبع ترواح....
ومعاود وهينفش ريشه علينا زى الديك الرومي....
وبعدهالك ياعلوان عاد...
المصاېب عتحط عليك حط....
هاااااااه....طيب يابدرى...
طييييب...
فكرة وتأليف محمد عبادي
المشهد....فى
مديرية الأمن.....الاسكندريه....
الضابط عصام يدخل الي مدير الأمن وفي يده ورقه ويعطيها لمدير الأمن ويمسكها مدير الامن ويقرأها
قائلا.....
معقول...اي ده ياعصام....
عصام....
زى ما حضرتك شايف يافندم طلب نقل.....
مدير الامن...
منا فاهم...بس ليه...دانت مكنتش طايق هواره ولا حتي عاوز تخدم في الصعيد بحاله....ايه اللي جد...
عصام....
يافندم اصل انا الشغل هنا في اسكندريه مش عاجبني
وعاوز ارجع الصعيد بصراحه علشان الشغل هناك اكتر
مدير الامن...
مشكلتك ياعصام اني فاهمك كويس حتي لو كان قصدك غير كده....
عصام...
غير كده ازاى يافندم.....
مدير الامن...
ينظر الي الضابط عصام مبتسما
طيب ياعصام...
سيبلي الطلب يومين كده وهرد عليك....
عصام....
ارجوك يافندم ياريت سعادتك تعرف اني بجد محتاج النقل ده....
ماشي ياعصام...ماشي...
سيب الطلب واطمن متقلقش....
عصام...
شكرا....شكرا جدا يافندم....
ربنا ميحرمنيش من كرم سعادتك....
ويعطيه التحيه وينصرف.....
المشهد
في منزل دكتور حاتم....
حاتم...
ياوردة هو لازم يعني موضوع نزولكم الصعيد...
ما احنا خلاص استقرينا هنا..
والبدرى كمان اتجوز واستقر وبقت حياته وشغله هنا كمان...
ايه لازمة نزولكم بقي...
وردة وهي تلاعب البدرى الصغير.
يا حاتم يا حبيبي انت لسه خاېف...
حاتم....
ياوردة........... ياورده
مش معنى ان البدرى خلاص ربنا هداه الخطۏرة زالت...
الخطۏرة مازالت قايمه....
انت ناسيه العربي ابن عمك واللي خطورته متقلش عن خطۏرة البدرى يعني لما تنزلو تفتكري هيسكت....
وردة....
متقلقش ياحاتم...متقلقش....
اخويا بدرى معايا....والكل بيعمله حساب...
ومحدش يقدر يقربلى طول ما انا في حماه.
جرس الباب يرن.....
حاتم يذهب ليفتح الباب....
البدرى من على الباب...
السلام عليكم يا دكتور حاتم...
لا مواخذة جيت من غير ميعاد
انا بس كوت معدى من اهنه قلت اعدى اطمن عليكم واقول لوردة كلمتين...
حاتم...
متقولشي كده يا فاروق بيه....
قصدى يا بدرى بيه....
ويضحكون.....
معلش اصل متعودين نقولك يا فاروق بيه....
البدرى....لاه ولا يهمك يا دكتور ولا يهمك بكرة تتعودو عليه...
حاتم....
طب اتفضل يابدرى بيه اتفضل ميصحش تقف على الباب كده....
ويدخل البدرى ويسلم علي ورده ويمسك البدرى الصغير
ويلاعبه قائلا له....
يلا يا بدرى علشان تنزل هوارة تشوف ارضك وناسك...
وينظر الي ورده...
يلا جهزى حالك ياوردة...
بكره الصبح هنددلو لهوارة
مش عاوزين نتأخرو
