ذئاب_الجبل الحلقه 17 تاليف.محمد عبادي عودة البدري
انت في الصفحة 1 من 4 صفحات
ذئاب_الجبل الحلقه 17
تاليف محمد عبادي
عودة البدري
تذكير بالحلقه السابقه...
المشهد....المستشفي....بعد يومين...
البدرى في مكتب الدكتور وبيطلب من انه ممكن ياخد دبور معاه وكان رد الدكتور....
اعذرني مقدرشي اسلمو ليك....
اهل المړيض اللي ماضيين باسمهم هم بس اللي ليهم الحق يستلموه....
البدري....
طيب يا دكتور....
وتدخل الممرضه علي الدكتور....
الممرضه....
اهل المړيض وصلو يا دكتور وعاوزين يستلموه.....
ويقوم الدكتور ويستاذن البدري....
يطلع الدكتور بره المكتب....
العربي ماسك الكرسي المتحرك ومعاه علوان....
الدكتور....
خلاص...هتستلموة....
العربي...ايوة يا دكتور هنستلمو..
يشوفو علوان ويتفاجئ...
ويبص للعربي....
علوان....
به...البدري....
عيعمل ايه الجدع ده اهنه....
مش خلاص هملنا....لا له صالح بينا ولا لينا صالح بيه....
يبص العربي في الارض ويسكت...
يقرب البدري من علوان....
البدري....
جري ايه يا علوان....
هتمنعني اطمن علي واد عمي عاد ولا ايه....
انت مش واد عم حد....
احنا معنعرفكش حتي....
البدري....
اكده ياعلوان.....
طيب يا علوان....
ويبص البدري للعربي....
البدري....
شوف ياعربي انا هاخد دبور معايا اسكندريه وهعالجو هناك في اكبر مستشفيات....
علوان يقاطع....
به....تاخدو فين عاد....
واحنا روحنا فين لما تاخدو انت....
يبص البدري للعربي اللي ساكت ويبص لعلوان....
ها...قولت ايه يا عربي....
العربي....
مليش صالح انا بالموضوع ده...
قدام علوان اهه قوله....
يبتسم علوان ويرد....
علوان...
وانا معفوتش دبور واد عمي لحد غريب....
دبور ملوش غير بيت علوان....
علوان كبير هواره.....
دبور هيقعد عندى اني....
البدري...
يبص للعربي.....ويقول...
هي بقت اكده....
اكده ياعربي.....طيب.....
ويمشي البدري.....
ويبتسم علوان وعنيه بتلمع ويمسك طرف شنبه وهو بيضحك....ويقول...
والله طابت ليك من جديد يا علوان.......
قال ياخده قال....
علوان بس اللي هياخده......
............
بداية الحلقه 17
.........
.........
المشهد...نقطة بهتون...
الضابط عصام...
وبعدين يا نفادي في المشاكل اللي ملهاش حل دي...
نفادي...
عيني عليك يا دبور...
مييييين كان يصدق اللي حوصل ليه ده...
دبور اللي كان يمشي يهز الارض...
دبور اللي كه السبع...
تبقي نهايته اكده...
يقعد علي كرسي ولا حول له ولا قوة...
ااااااه يازمن....
الضابط عصام...
احنا مش في ده دلوقتي..
ايه هنقعد نولول ونحط ايدنا علي خدنا..
بص يا نفادي.....
انا عاوزك تحط غفير يراقب البلد وبالاخص بيت علوان...
علشان دبور اكيد اللي حاول ېقتله اول ما هيعرف انه رجع اكيد هيحاول تاني....
عاوزك تشوف غفير مصحصح كده وتحطه وتخليه ياخد باله...
نفادي...
طيب يافندم...طيب...
.................
المشهد القطر....
البدري راكب القطر وبيفكر...
وبعدهالك يا بدري عاد....وبعدهالك..
هتفوت علوان اكده يعمل ما بداله...
علوان وش المصاېب دي كلاتها....
ااااااااااه لو العربي بس يحن شوي ويرجع عن حمقته دي.....
كان هيبقي فيه كلام تاني....
ربنا يهديك ياعربي...
ربنا يهديك....
ويقطع تفكير البدري كمثري القطر وهو بيقول....
تذاكر يا بيه....
.................
المشهد....اسكندريه.....
الحج حسين ومراته قاعدين علي الكنبه...
ونورا واقفه ورايحه جايه وعمال تفرك في ايديها...
الحج حسين....
ما تقعدي يانورا...فيه ايه خيلتينا...
اقعدي يابنتي كده واستهدي بالله.
الغايب حجته معاه...
نورا....تقعد...
انا قلقانه....قلقانه يابابا.....
الحج حسين...
يابنتي جوزك ده مش عيل صغير...
وبعدين هو منزلش بلده...
ده نزل البندر...المستشفي....
واكيد هو مشغول دلوقت بابن عمه....
نورا....
بس هو كان المفروض يتصل بالليل يطمنا يابابا ومتصلش خالص....
انا مش مطمنه....
الحج حسين....
لا حول ولاقوة الا بالله
استهدي بالله بس كده واصبري وبأذن الله هيتصل....
نورا....
طيب يابابا....طيب....ربنا يستر...
التلفون بيرن
الحج حسين..
اهو مش قولتلك...
وتجري نورا وتمسك التلفون...
الو.....بدري....
مين....دكتور حاتم...
انا اسفه.....
اتفضل يا دكتور...
تمام....اوكيه....
خلاص لما يرجع بالسلامه هبلغه
باباي....باباي....
الحج حسين....
مين يا نورا....
نورا...
دا دكتور حاتم يابابا...
الحج حسين
دكتور حاتم....خير...
نورا...
كان
