رواية قدر الفصل التالت بقلم ملك مؤمن حصريه وجديده

رواية قدر الفصل التالت بقلم ملك مؤمن حصريه وجديده 
لقيته بيقرب مني اوي ونظراته بتجوبني كليا لحد ما قال وهو مازال يقترب مني اي الجمال دا معقول أنتي هنا خدامة بعدت عنه وبعدين قولت بتوتر وانا بحط الصينية تؤمرني بحاجة تانيه يا باشا
حسيت بنظراته غامضة وبعدين هز رأسه بلأ فأخدت نفسي وهخرج ولاكن قبل م أخر لقيته بيقولي بصوت غامض قولتيلي أسمك قدر بصيت له بتوتر وهزيت رأسي وبعدين خرجت وانا في دماغي ألف سؤال أشمعنا بيتأكد من أسمي هو في الأقسام وعرف حاجة من اللي كنت بعملها أكيد هيطردني ومش هيبقا ليا مكان يتاويني.

خرجت من تفكيري واستغفرت ربنا وكملت الطريق لأوضتي.
في أوضة حسن 
كان بيتكلم في الفون وهو متعصب جدا يعني أي يا عائشه ازاي أصلا تخرجي من غير اذني وكمان تكلمي مروان.
قالت عائشة بهدوء أهدي يا حسن انا خرجت لما لقيتك مش بترد عليا وكلمت مروان عشان.....
قاطعها حسن وهو بيقول بسخرية عشان تشكيني ليه صح أتنهدت عائشة وبعدين قالت بهدوء انا محتاجة أقابلك في مطعم أو حاجة عشان نعرف نتكلم أحسن حسن بغموض خليكي انا اصلا كنت جاي اقابل والدك عشان عاوزه في موضوع قالت عائشة بشك موضوع اي يا حسن سكت حسن وقال بصرامة يلا سلام انا جايلك حالا قفل معاها وهو بيقوم بيبص لنفسه وقال بتوعد انا هوريكي الجنان علي أصوله يا عائشة.
في أوضة مروان 
كانت دماغه بتوديه وتجيبو أشمعنا شاغل باله بالبنت دي أشمعنا سأل علي اسمها وبيتأكد منه دي مجرد شغالة زي اي شغالة عنده في القصر اشمعنا دي بذات من وقت م شافها الصبح وهو مش عارف يفكر غير فيها.
ولاكن خرج من شروده وهو بيقول بابتسامة غريبة من الواضح يا قدر انك هتبقي قدري......
وصل حسن البيت ولاكن شاف من الخارج عائشة واقفه ومستنياه فشاور ليها بأيدو وبعدين دخل.
لقي والد عائشة قاعد ومامتها فقال بابتسامة ازيك يا عمي ازيك يا طنط بادلوه السلام وبعد ما قعد واتكلموا شوية قال حسن بغموض لو سمحت يا عمي انا