المجذوب الجزء الثاني الحلقة الثانية بقلم عادل عبدالله حصريه وجديده
المجذوب الجزء الثاني الحلقة الثانية بقلم عادل عبدالله حصريه وجديده
تضحك حنان وتدخل مع البنات حجرتهم وتنام بجوار روان حتي تنام روان.
تنام حنان ما يقارب الساعة ثم تصحو لتجد ريم وروان استغرقوا في النوم.
تذهب حنان لحجرتها لتجد نبيل ما زال مستيقظ..
حنان انت لسه صاحي
نبيل معقول يا حياتي هيجيني نوم وانتي بعيد عني.
يقطع ذلك صوت صړاخ صادر من حجرة البنات.
تتأخر قليلا حنان في الذهاب لهم .ثم تذهب اليهم وتفتح باب حجرتهم لتجدهم مستغرقين في نوم عميق.
تندهش حنان وتعود الي حجرتها يسألها نبيل في ايه
حنان مفيش ..لقيت البنات نايمين. بقلم عادل عبد الله
وفي الصباح
تسيقظ حنان وتوقظ نبيل وريم وروان .
يذهب الجميع لتناول الافطار ماعدا روان.
حنان تعالي يا روني علشان نفطر .
روان انا شبعانه.
حنان شبعانه ازاي دا انتي لسه صاحية من النوم .
روان انا أكلت..
حنان اكلتي امتي وازاي
روان أكلت بالليل.
نبيل مقاطعا اكلتي ازاي يا روني
ينظر نبيل لحنان نظرة تعجب واندهاش ثم يقول لروان.
نبيل انتي كنتي بتحلمي يا حبيبتي .يلا بئه علشان ناكل.
روان يا بابي انا اكلت وشبعانه دلوقتي.
نبيل اكلتي ايه
روان اكلت تفاح وموز وجوافة وحاجات حلوة كتير.
نبيل جبتي الحاجات دي منين يا روني
روان كوكي جبهالي بالليل واكلناها مع بعض.
وبعد تناول الاسرة للافطار تهم للذهاب الي مقر الشركة الذي يريد نبيل شراؤه.
يذهب نبيل بسيارته مع حنان والبنات الي الشقة التي يريد شرائها كمقر للشركة.
وفي الطريق يتصل بالوسيط الحاج حمدي السمسار
نبيل في الموبايل صباح الخير يا حاج حمدي .انا رايح دلوقتي مع المدام علشان نشوف الشقة .
نبيل هستناك هناك. ويغلق الهاتف.
يصل نبيل واسرته للشقه .
نبيل ايه رايك يا حنان
حنان جميلة اوي ومكانها ممتاز.
نبيل لما ييجي الحاج حمدي هخليه ياخدنا لمالك العمارة علشان نشتريها .
روان بابي يلا نمشي .
نبيل استني يا حبيبتي لما ييجي عمو علشان نروح نقابل صاحب العمارة عشان نشتري الشقة.
روان عمو الحاج حمدي مش هييجي.
نبيل مندهشا ليه
روان علشان هتحصله حاډثة وھيموت .
يتبع
