المجذوب الجزء الثاني الحلقة الخامسة بقلم عادل عبدالله حصريه وجديده

المجذوب الجزء الثاني الحلقة الخامسة بقلم عادل عبدالله حصريه وجديده 
تتبادل النظرات بين نبيل وخالد .وتنظر اليهم حنان في ذعر.
ويقرأ الشيخ بعض الايات عند دخولة المنزل .
نبيل اتفضل يا فضيلة الشيخ..
الشيخ فين الاولاد
نبيل لحنان زوجته هاتي ريم وروان .
تدخل حنان لغرفة البنات وتحضر ريم وروان .

الشيخ تعالو يا حبايبي اقعدوا قدامي .
روان حاضر يا عمو الشيخ جلال وتاتي ومعها ريم .
ينظر الجميع لبعضهم في تعجب وړعب. من أين عرفت اسم الشيخ
الشيخ يبدأ بقرأت بعض الايات لفترة .
ثم يسأل ريم انتي بتشوفي حد غريب هنا في البيت 
ريم لا
الشيخ. بتسمعي حد بيكلمك 
ريم ايوه
الشيخ من امتي 
ريم من امبارح بس .
الشيخ يسأل روان وانتي بتشوفي حد غريب هنا في البيت 
روان ايوه
الشيخ بيكلموكي 
روان ايوه 
الشيخ من امتي 
روان من اول ما جينا هنا 
الشيخ مين اللي بيكلمك 
روان بنت وولد اوقات بسمعهم بس واوقات بسمع صوتهم وكأن كوكي هو اللي بيكلمني بصوتهم. واوقات بشوفهم.
الشيخ بيقولولك ايه
روان بيلعبوا معايا .وبيجيبولي حاجات حلوة كتير .
الشيخ وانتي عرفتي اسمي ازاي
روان هما اللي قالولي 
الشيخ وقالولك ايه كمان
روان قالولي علي الراجل اللي بابي كان مستنيه انه عمل حاډثة وماټ .
وقالولي علي مفاتيح بابي اللي كانت ضايعة وقالولي علي انك هتيجي دلوقتي.
الشيخ طيب هما موجودين دلوقتي 
روان ايوة واقفين علي باب اوضتي من جوه.
الشيخ احضروا هنا الان .
روان هما مشيوا.
وفجأة ينطفئ نور المنزل بالكامل .
وتبدأ الكراسي في التحرك والخبط في الارض.
وزجاج النوافذ يرتج پعنف كأنه هيتكسر.
الشيخ يقرأ بعض الايات .
تصمت الاصوات فجأة ويعود النور مرة اخري.
الشيخ روان قوليلهم ميخافوش .وأسأليهم هما مين وعاوزين منك ايه
روان بيقولوا انهم اخواتي .
تنظر حنان لنبيل بأندهاش وتعجب وحيرة.
الشيخ هما اساميهم ايه
روان سلمي