الحلقة ال ١٤ العاصفة بقلم / الشيماء محمد شيمووو

الحلقة ال ١٤ 
العاصفة بقلم الشيماء محمد 
شيمووو
طه بعد ما خرج من عند شريف ركب عربيته وروح بيته وطلع لأوضته وقعد لوحده مخڼوق حتى خطيبته كلمته مقدرش يكلمها وقفل معاها بسرعة .. سميرة دخلت عنده وقعدت جنبه وحطت ايدها على شعره بحنية مالك يا حبيبي فيك ايه ! 
طه بحزن كان نفسي أعمل حاجة لأمل .. كان نفسي أساعدها بأي طريقة .. مش عارف أعمل ايه يا ماما !

سميرة بحب وجودك في حد ذاته معاها ده كفاية .. هي محتاجة مننا نكون جنبها .. محتاجة تحس إننا على طول في ظهرها وإنها مش لوحدها .. بدل ما تقعد لوحدك قوم اقعد معاها .. خدها واخرج هي ما اتغدتش أنت أكلها برا .. خرجها من اللي هي فيه 
طه بص لأمه بس الواحد في الظروف دي بيحب يكون لوحده 
سميرة مش في كل الأوقات يا طه .. بعدين جرب 
طه قام ودخل عند أخته وقعد جنبها كانت نايمة على السرير قعد جنبها وحط ايده على شعرها نوارة البيت عاملة ايه 
أمل بضعف أنا كويسة .. بس محتاجة أنام يا طه بعد اذنك 
طه شدها من ايدها عدلها مفيش نوم قومي سيادتك 
أمل بتعب طه أرجوك سيبني دلوقتي 
طه بهزار لا يمكن أبدا .. قومي أنا واقع من الجوع وأمك مش عاملالنا أكل النهاردة و أكلت أبوكي أكل بايت يرضيكي كده .. تعالي نجيب أنا وأنتي بيتزا وبيبسي وندلع نفسنا 
أمل بارهاق خد غادة وروحوا مع بعض وأنا سيبني أرتاح 
طه كشړ بهزار يا بت بقولك هعزمك قومي بقى 
أمل دمعة نزلت منها علشان خاطري سيبني دلوقتي أرجوك يا طه 
طه قعد قصادها ومسح دمعتها اللي نزلت دموعك أغلى من أي حد في الدنيا كلها . أنا عارف إنك زعلانة وحقك صراحة تزعلي بس تزعلي على وقتك اللي ضيعتيه في خطوبة زي دي .. ټندمي على تنازلك أنتي .. ازعلي شوية يا أمل بس مش كتير .. 
أمل ابتسمت لأخوها طيب سيبني أزعل بقى 
طه بهزار وقف وشدها ناكل وأوعدك هسيبك ساعة بحالها تزعلي 
أمل ضحكت ڠصب عنها وهو ضحك وضمھا أيوة كده اضحكي محدش واخد منها حاجة .. يلا البسي بسرعة 
أمل جت تتكلم بس هو قاطعها قبل ما تنطق يا تيجي بالذوق يا هحط عليكي اسدالك وهاخدك ڠصب واقتدار
ابتسمت أمل وقامت بتعب وهو خرج واختفت ابتسامته بعد ما قفل باب أوضتها واتخنق جدا وبص لأمه اللي حاولت هي كمان تبتسم بس معرفتش 
طه بيطمنها ويطمن نفسه هتكون كويسة ما تقلقيش عليها 
سميرة هزت دماغها بموافقة لكلامه 
أخدها طه وخرجها وحاول يخليها تخرج من الجو اللي هي فيه ...
..............
ملك الصبح لبست هدومها و وقفت قدام المرايا بتحاول تتماسك لأن الکابوس لسة مسيطر عليها .. ايديها بتترعش وهي بتحط الميكاب بتاعها