الحلقة ٢٢ بقلم / الشيماء محمد شيموووو
الكلام بطل رخامة بقى .
كريم ضحك وبص لنور يلا أشوفك بعدين يا نور .
سلم عليها وانسحب وهي فضلت مع مؤمن اللي بصلها بغيظ اتأخرتي كده ليه ! كنت همشي أصلا .
نورهان ابتسمت وليه ما مشيتش
مؤمن كشړ وبصلها شوية طيب ألحق أنا كريم قبل ما يتحرك .
ويدوب هيتحرك خطوة هي اتكلمت يا رخم !
مؤمن ابتسم بعض ما عندكم اتأخرتي كده ليه !
مؤمن باستغراب ليه ! ايه المشكلة
نور بصتله هتفضل تستجوب فيا كده كتير .. المهم كنتوا هتتعشوا فين !
مؤمن تقبل تغيرها للسؤال وبدأوا يرغوا الاتنين مع بعض وخالد مراقبهم من بعيد ونورهان ملاحظة نظراته وبتتجاهلها بتعمد ..
مؤمن موبايله رن وطلعه كان أبوه وبيفكر يرد ولا يطنش لبعد الحفلة !
مؤمن بصلها وبص للموبايل ورد وبصلها مش سامع هتكلم وأرجع بعد اذنك .
ابتسمتله وهو خرج وهنا التفتت لخالد اللي قريب منها فقرب أكتر مش ملاحظة إنك مزوداها أوي مع مؤمن !
نورهان بصتله أوي وبغيظ على فكرة ما ينفعش تلعب نص الدور والنص التاني لا.. يا تلعب الدور كله يا تعتذر عنه كله أما النص نص ده مش هينفع معايا .. بعد اذنك بقى لأحسن مؤمن جاي ومراتك بتدور عليك ..
نور بخنقة اتخنقت من الجو هنا تعال نطلع في أي مكان مفتوح ..
طلعوا برا القاعة وراحوا ناحية البيسين وقعدوا الاتنين
مؤمن بصلها أوي واتمنى لو يعرف كل حاجة عنها ويصارحها بمشاعره بس مش عارف ليه حاسس إنه كل ما بيحاول يقرب منها أكتر هي بتصده .. مش قادر يفهمها هل هي بتعتبره صديق ولا ممكن فعلا تحبه
عارفة إنه عنده الف سؤال بس للأسف هي ماعندهاش ولو إجابة واحدة لأنه لو سمع إجابة واحدة هيمشي ومش هيبص في وشها أبدا .. فياريت لو يفضل ساكت ..
مؤمن بصلها ومنتظرها تتكلم وهي عايزاه يفضل ساكت ..
مؤمن حاول يتكلم في أي حاجة أعتقد لو انا هعمل فرحي هعمله في مكان مفتوح مش بحب القاعات المغلقة .
شايف البيسين ده زي ماهي وصفت .. شايفها هي بأجمل فستان أبيض في العالم كله معمول علشانها هي وبس
نور همست حلم حلو صح !
مؤمن بيحتويها كلها بعينيه وهمس وليه يفضل حلم يا نور ! أنتي ممكن تنوريه .
نور ابتسمت ودموعها لمعت لأنها عارفة إن ده مجرد حلم وهيفضل حلم .. وقفت مرة واحدة وهو وقف مستغرب مالها
نورهان بصتله أنا اتأخرت على نادر هو طلب مني نص ساعة بالكتير وأنزله
مؤمن بعدم تصديق كلميه وقليله هتقعدي شوية ! أنا هوصلك !
نورهان برفض ماكانش عايزني اجي أقوم أقوله امشي أنت ! أنا أسفة يا مؤمن لازم أمشي بعد اذنك .
سابته وجريت من قدامه قبل ماهو يرد عليها .. استغرب هي ليه هربت منه كده ! ليه في لحظة بيحس إنها ملكه واللحظة اللي وراها بيلاقيها اختفت !!
نورهان اتصلت بأخوها اللي استغرب إنها بسرعة كلمته وجالها على طول لأنه حس إنها متضايقة وأول ما ركبت بصلها بغيظ
نورهان بصتله بتحدي مفيش حد ضايقني ريح نفسك .
نادر بتريقة صح ماهو باين على دموعك اللي بتهدد تنزل في أي وقت .
نورهان دورت وشها بعيد بغيظ مفيش دموع ومفيش حد ضايقني .
مؤمن كان خارج وشافهم واتقابلت عينيهم ونادر كمان شافه مش ده مؤمن خليني أنزل أسلم عليه .
نورهان بصتله لا ما تنزلش واتحرك يلا
