الحلقة ٢٩ بقلم / الشيماء محمد شيموووو

الحلقة ٢٩
بقلم الشيماء محمد
شيموووو
كريم سألها ليه راكبة لوحدها مع عمرو  
أمل بصتله ركبت والباب هيقفل هو دخل وجيت أخرج الأسانسير اتسحب أعمله ايه يعني ! 
كريم بنرفزة يا سلام بالبساطة دي ! 
أمل بصتله أنا ورايا تدريب بعد اذنك .
خارجة بس هو حط ايده ناحية الباب منعها الموقف ده ما يتكررش تاني .. الأسانسير يا تركبيه مع مجموعة يا تنزلي منه لو هتفضلي لوحدك مع راجل فاهمة ولا مش فاهمة ! 
أمل بذهول أنت مالكش تكلمني باللهجة دي ولا الأسلوب ده .. وأنا مش محتاجة توصياتك دي وبعدين الموقف حصل في لحظة واحنا وسط شركة المفروض إنها شركة محترمة .

كريم بغيظ الشركة محترمة لكن الشخص اللي سيادتك راكبة معاه مش منها .. ومش محترم وسيادتك اللي قلتيلي ده بنفسك .
أمل بنرفزة وأنا أعرف أحمي نفسي كويس من أمثاله وأعرف أوقفه عند حده فمش محتاجة لحد يحميني .. وبعدين ما أنت بتركب معايا الأسانسير لوحدك ولا أنت برا المعادلة دي ! 
كريم بقمة الڠضب أنتي ما بتعرفيش تحمي نفسك سيادتك بوء على الفاضي وپتغرقي في شبر مياه.. ولا يا أمل أنا مش برا المعادلة دي وآسف على تصرفي ده لكن الأسانسير ما تركبيهوش لوحدك تاني ولا معايا ولا مع غيري حتى لو هتطلعي على رجليكي الأربع أدوار ولا الخمسة دول .. وإنتي شوفتي بنفسك إن الواحد ممكن يوقفه ويعمل ما بداله .. فلو أنا وقفته قبل كده واتكلمت معاكي غيري مش هيوقفه ويكتفي بالكلام بس .. الأسانسير يعتبر خلوة غير شرعية وأعتقد إنك مش محتاجة مني أشرحلك أكتر من كده .. 
أمل بصتله پغضب كلامك لحد هنا خلص .. أنت هنا مدير الشركة دي وبس وده ما يديلكش الحق تكلمني بالأسلوب ده أو اللهجة دي .. بعد اذنك .
خرجت پغضب ومشيت من عنده وهو فضل مكانه بيحاول يسيطر على أعصابه علشان ما يروحش يرمي عمرو برا الشركة دي كلها
طلع لبرا الأوضة وفكر يروح عندهم بس بعدها اتراجع وطلع لمكتبه وهو داخل علياء وقفته مديرة شركة الالكترونيات من الغردقة في الطريق .
كريم بصلها بنرفزة في الطريق ازاي ! مش تحدد ميعاد الأول ! 
علياء باستغراب ماهو ده ميعادها .
كريم بغيظ وسيادتك مش تفكريني 
علياء عينيها وسعت من استغرابها يا فندم أنا فكرتك امبارح وأكدت عليك الصبح ودلوقتي حضرتك نزلت للباشمهندس هيثم علشان أوراق المشروع ده ! 
كريم كشړ بضيق واتنهد بتعب ازاي نسي كل ده فبص لعلياء سوري دماغي مشغولة .. اوك أنا في انتظارها .
المديرة وصلت ودخلت لكريم اللي وقف يستقبلها كانت بنوتة في آواخر العشرينات أو أوائل الثلاثينات مقدرش يحدد بالظبط 
فستان بحزام عريض في الوسط و قصير جدا وبنص كوم ومدت ايدها لكريم اللي ابتسم سوري بس ما بسلمش على بنات .
البنت ضحكت أنا سمعت عنك كتير بس ما تخيلتش إنك فعلا كده كنت فاكرة إنها إشاعات وأفورة .
كريم ابتسم لا مش إشاعات أنا فعلا رخم .
البنت ضحكت لا أبدا مش رخامة دي مبادئ وكل واحد عنده مبادئه .. أنا هايدي مديرة شركة الالكترونيات في الغردقة وحابة نكون الوكيل المعتمد لشركتك هناك .
كريم ابتسم اتفضلي اقعدي نتكلم .
استمر الاجتماع معاها فترة طويلة نوعا ما 
أمل تحت متغاظة من كلامه بس برضه متضايقة أكتر إنه عنده حق .. كان المفروض يا إما تنزل أو تطلب منه ياخد أسانسير تاني غير ده في أكتر من خمس أسانسيرات بس هي اتحطت أمر واقع ومالحقتش تنزل .. قررت تطلع تعتذرله وانتهزت أول استراحة أخدوها بعد ساعة ونص وطلعت لعنده بصت لعلياء كنت عايزة الباشمهندس كريم 
علياء ابتسمت آسفة يا باشمهندسة بس هو في اجتماع حاليا .
أمل كشرت متعرفيش هيخلص امتى !
علياء ابتسمتلها لا للأسف .
ماكملتش كلمتها إلا والباب اتفتح وخرجت هايدي من عند كريم وهو كمان وراها وهي بتضحك وبتمد ايدها له تسلم عليه بس اتراجعت وضحكت وبهزار سوري نسيت .. هشوفك بالليل نتعشى مع بعض ونتكلم في باقي التفاصيل اتفقنا !
كريم ابتسم اتفقنا .
مشيت هايدي بخطواتها الواثقة من نفسها وبتتمايل بفستانها القصير تحت نظرات أمل المليانة غيظ ولو كانت النظرات بټحرق كانت