الحلقة ٣٤ من العاصفة بقلم الشيماء محمد شيموووو

زقتها ورجعت لورا طنط ! دلوقتي طنط بكرا تبقى ماما ! صح ! 
ملك بعياط يا ماما اسمعيني بس .
رقية زعقت ولا عايزة أسمع صوتك ! بصت لسليم وبلهجة الأمر سليم النهارده بالليل تكون أوراق التنازل جاهزة وأنا هاجي البيت عندكم عشان بنت أبوها تمضي عليها 
سليم بسرعة طلع من شنطته أوراق وحطها على المكتب جاهزة يا حماتي 
رقية بصت لسليم مستغربة إن سليم جهز الأوراق ومعاه هنا أصلا بس ڠضبها عماها عن أي تفكير أو تحليل وبعدها بصت لملك وزعقت امضي على الورق ده 
ملك وقفت بجمود ومسحت دموعها أنا آسفة مش هتنازل لسليم عن سهم واحد في الشركة .
رقية ابتسمت پغضب وهزت دماغها ماشي يا ملك ماشي بصت لسليم مضيها ڠصب عن أنفها ! ما تخرجش من المكتب ده إلا لما تمضي .
ملك بصت لمامتها بذهول وقبل ما تنطق كانت خرجت من مكتبها ورزعت الباب وراها .. 
رقية مش قادرة تتقبل فكرة رفض بنتها تنازلها لسليم وكل اللي بتفكر فيه إنها تضايق جوزها وبس .. عقلها ملغي تماما عن التفكير .. فاقدة للمنطق وللعقل .. 
سليم بص لملك أرجوكي يا ملك امضي بهدوء علشان خاطر مامتك 
ملك بصتله پغضب ابعد عني يا سليم واتفضل من هنا ! وريح نفسك لاني مش همضي أبدا .
سليم أخد نفس طويل وقرب منها وبصلها هتمضي يا ملك فامضي بهدوء اذا سمحتي .
ملك رفعت راسها وبصتله مش .. همضي 
ووريني هتعمل ايه ! واتفضل اطلع برا بدل ما أطلب الأمن 
سليم ابتسم وضم شفايفه بتفكير ومرة واحدة كل مخططاته اتغيرت ولازم يمضي ملك حالا لأنها لو طلعت من المكتب ده من غير ما تمضي يبقى مش هتمضي وممكن تقول لباباها وساعتها كل خططه هتتدمر مسكها من دراعها ڠصب وشدها للمكتب وبيزقها على الورق .. ملك صړخت بس زقها تاني وقعها على المكتب وزعقلها امضي .
ملك حاولت تبعد عنه أو تزقه بس كان مكتفها تقريبا وكل ما بتحاول تبعد بيزقها وبيحاول يمسكها القلم ڠصب عنها ويمسك ايدها ويجبرها تمضي .. 
نادر كان برا رايح لنورهان وحس إنه سمع دربكة عند مكتب ملك فراح للسكرتيرة في ايه بيحصل جوا !
السكرتيرة جوزها م سليم معاها وهي مش بتحب أي حد يتدخل .. 
نادر باستغراب وصوتهم بيكون عالي كده 
السكرتيرة بأسف فعلا معظم الوقت بيتخانقوا .. حضرتك ما تشغلش بالك .
نادر هز دماغه ومشي خطوتين وسمع ملك بتصرخ سليم لا .. مش همضي .. ابعد .
نادر رجع وبص للسكرتيرة ده مش مجرد صوت عالي .
فتح الباب پعنف وشاف سليم مكتف ملك وبيحاول يجبرها وملك بتحاول تخلص منه وأول ما شافت نادر استغاثت بيه الحقني يا نادر 
نادر ما استناش تتكلم بس شد سليم من فوقها وضربه بوكس واحد في وشه وقعه ومسكه من هدومه وقفه وزقه برا المكتب برا الشركة كلها ولو رجلك عتبت الشركة دي تاني هقطعهالك فاهم 
سليم زعق دي مراتي وأنت ما تتدخلش 
نادر وقف پغضب سد الباب وبصوت مخيف لو راجل عديني وادخل المكتب ده تاني ! 
سليم اتراجع وخصوصا إن نادر واقف زي الأسد مغطي الباب أصلا .. الموظفين طلعوا على الصوت العالي .. 
سليم بهدوء لينا كلام تاني في مكان تاني .
نادر بټهديد فعلا لينا كلام تاني بأسلوب تاني .. أسلوب يليق بالتعامل مع واحد زيك .
سليم مشي ونادر زعق كل واحد يدخل مكتبه في ايه اتجمعتوا كده ! 
نادر دخل المكتب وقفل الباب وبص لملك اللي وقعت في الأرض وبتعيط مكانها 
دخل بسرعة وقعد جنبها في الأرض ا اهدي خلاص يا ملك اهدي ! مفيش حد يقدر يأذيكي أبدا طول ما أنا موجود 
ملك استغربت إحساسها إحساسها بالأمان وبعياط بس أنت مش دايما موجود .
لو عايزاني دايما موجود هكون موجود .. اسمحيلي أنتي بس وهتلاقيني معاكي في أي وقت وفي كل وقت .
الباب اتفتح ودخل خالد پخوف في ايه وصلني إنك اتخانقت مع سليم وطردته ! ومالها ملك ملك كلميني في ايه  
ملك اتعدلت و نادر ساعدها تقف على رجليها 
نادر باستغراب هو كان عايز ايه منك يا ملك ! 
ملك مسحت دموعها عايزني أتنازل عن اسهمي في الشركة له
خالد