الحلقة ٣٦ من العاصفة بقلم : الشيماء محمد شيموووو

الحلقة ٣٦ من العاصفة
بقلم الشيماء محمد
شيموووو
اللهم يآ أرحم الرآحمين يآمن أنت ألطف من الام على إبنها ألطف بها يالله 
اللهم اشفي ايمان عادل ايمي عادل وانزل عليها العافية اللهم احفظ لها اطفالها وصحتها وقوتها و خفف عنها كل ألم تشعر به وابعد عنها الوباء وكل ضرر يارب العالمين 
اللهم يا مسهل الشديد وملين الحديد و يا منجز الوعيد ويا من هو كل يوم في أمر جديد أخرجها من حلق الضيق إلى أوسع الطريق. 

اللهم اشفها شفاء ليس بعده سقم أبدا اللهم خذ بيدها اللهم احرسها بعينك التي لا تنام واكفها بركنك الذي لا يرام واحفظها بعزك الذي لا يضام واكلأها في الليل وفي النهار وارحمها بقدرتك عليها أنت ثقتها ورجائها يا كاشف الهم يا مفرج الكرب يا مجيب دعوة المضطرين. فرج كربها ويحفظ اطفالها وردها اليهم سالمه معافاه برحمتك وجودك ياارحم الراحمين
وقفنا عند 
ما تيجي يا قمر هندلعك 
دي الجملة اللي سمعتها أمل من الشباب ودي كانت نفس الجملة اللي اتقالتلها قبل كده
وقفت مكانها أو بمعنى تاني اتجمدت مكانها 
مابقيتش قادرة تتحرك أو تفكر أو حتى تصرخ ! 
بس بتتنفس بصوت عالي أو بتنهج وصوتها مكتوم زي ما تكون في كابوس وجسمها كله متربط لا قادرة تنطق أو تصرخ أو تتحرك خاېفة يحصلها حاجة وكريم مايلحقهاش زي كل مرة ..
كريم خلص موبايله ودخل عند مؤمن واتفاجأ بأمل مش موجودة فبذهول بص لمؤمن فين أمل ! راحت فين كده 
مؤمن اتوتر مشيت !
كريم تنح للحظة نعم مشيت مشيت ازاي يعني ومع مين 
مؤمن توتره زاد ووقف لوحدها ! 
كريم بذهول زعق لوحدها يا مؤمن ! أنت بتهرج صح قل لي إن ده هزار من هزارك السخيف وأنت بتشتغلني 
مؤمن بصله بضيق لأنه فعلا مشيها في الوقت ده لوحدها غلط وهو عارف ده بس هي دماغها ناشفة حاولت يا كريم أوقفها بس رفضت وأصرت تمشي علشان أنت ما تتخانقش معاها .
كريم شد مفاتيح عربيته وبص لمؤمن بتوعد قسما بالله يا مؤمن لو جرالها حاجة 
ماكملش كلامه ونزل بسرعة على البوابة سأل الأمن عنها بس بلغوه إنها مشيت .. وشاوروله على الطريق اللي مشيت منه 
ركب عربيته وهو بيتحرك ساق بسرعة مچنونة علشان يحصلها ..
أمل جامدة مكانها جسمها كله بينتفض من الخۏف والړعب .. 
الشباب وقفوا جنبها لأنها على الرصيف وبدأوا يهرجوا ويتريقوا 
ما تيجي يا قطة ! ما تخافيش خاېفة ليه كده ! 
احنا بس هنوصلك تعالي يلا 
تحبي اجي أشجعك شوية علشان تركبي ! يلا ما تتقليش علينا 
طيب أنزل أنا ايه رأيك فيا !
أمل واقفة مش قادرة تصرخ هي عايزة تصرخ بس صوتها مش عايز يطاوعها ويطلع 
مش يمكن لو صړخت حد يسمعها ! حد ينجدها ! فين كريم هيجي يا ترى زي المرة اللي فاتت ويخلصها منهم ولا هتعيش حلمها ومحدش هيلحقها ! كانت بتنادي عليه جواها بس صوتها مش عايز يطلع أبدا .. ده حتى رقم كريم رفضت تأخده وادي النتيجة متجمدة في مكانها مش عارفة تتحرك !
صوت عربية سريعة جاية ناحيتهم .. صړخي يلا يا أمل يمكن صاحب العربية دي يساعدك 
صړخي يا أمل ! .. صرخيييييي 
هنا أمل صړخت بصوتها كله بس ماكانتش بتصرخ كانت بتنادي بصوتها كله على كريم
العربية وقفت پعنف ونزل كريم بسرعة ووقف قدام عربية الشباب وأمل أول شافته جريت عليه وروحها اتعلقت فيه زي الغريق اللي أخيرا لقي حد ينقذه واستخبت وراه ومن حالتها ماحستش غير وهي ماسكة في قميصه وبتترعش 
كريم بص للشباب ما تغور ياض أنت وهو من هنا 
وأنت مالك أنت كانت تبعك ولا ايه  
كريم بصرامة أيوة جبت المفيد أنت ! تبعي هي وتخصني ! حد فيكم عنده مانع 
واحد فيهم كان هينزل بس الباقيين مسكوه واتحركوا بعربيتهم ومشيوا بسرعة
كريم راقبهم لحد ما اختفوا وبعدها لف لأمل وزعق پغضب هي أول مرة تشوفه أنتي ما بتحرميش أنتي ايه بتدوري على المشاكل والمصاېب ارحمي بقى أنتي حمل مصېبة تانية زي دي ده أنتي لحد دلوقتي مش عارفة تخرجي من تأثير الأولى ! أنتي بتعملي فينا كده ليه ردي عليا .
أمل بعياط واڼهيار معرفش معرفش .. معرفش