رواية هاتولي عريس الفصل الأول بقلم نورهان محمد حصريه وجديده

رواية هاتولي عريس الفصل الأول بقلم نورهان محمد حصريه وجديده 
تقف حائره خائفه قلقه امام غرفه داخل مشفى كبيره منتظره خروج الطبيب ليطمئها على صحه والدها المتدهوره في الايام الاخيره ووالدها طبيب مشهور يمتلك شركه كبير للادويه وهذه المشفى ايضا التي يرقد بها
يخرج الطبيب لهم ليركضوا عليه كلهم خير يا دكتور منتصر ايه الاخبار
منتصر ما خبيش عليكى يا انسه جميله دقات القلب في النازل لازم نسرع شويه ونعمله العمليه.
جميله باكيه منا بحاول معاه بقالى مده وهو مش عاوز عمليات ومصمم على كده

منتصر يربت عليها طيب اهدى كده
وبطلى عياط يا بنتى ان شاء الله خير حاولى معاه تانى
واحده من الواقفين معهم تقول بصوت عالى مهو لو رضيتى بشادى
ابنى كان زمان اخويا عملها من سنين بس اقول ايه بقى عليكى
جميله ارجوكى يا عمتو مش عاوزه اتكلم في الموضوع ده تانى وكمان مش وقته خالص.
عمتها ليه يعنى انا عاوزه اعرف ماله شادى ابنى عيبه ايه عشان كل ما يتقدملك ترفضيه ها ردى عليا
دادتها تتكلم بالنيابه عليها براحه يا ست انشراح المواضيع دى ما تتحلش هنا اهدى يا جميله وبطلى عياط بقى كفايه انتى من امبارح ما بطلتيش عياط وكله وحش عليكى.
ترتمى في حضنها لتبكى اكثر على حالها وتدهور صحه والدها وانها خاېفه عليه ليحصله حاجه وعمتها تبقى المسيطره على كل شى في حياتها بعد كده عشان كده باباها كان نفسه يطمن عليها قبل ما يعمل العمليه اعرفكم بجميله عمرها 26عاما وهي فتاة جميلة الملامح ذات بشړة بيضاء وقوام ملفوف و رشيق وعينها زرقاء وشعر كستنائى قصير نوعا ما وهي رقيقة جدا طريقتها مثل الطفلة الصغيرة هى يتيمه الام وعمرها كان 15 سنه تشبه والدتها في كل شيء علشان كده باباها سماها على اسمها لانها بالفعل جميله يعنى اسم على مسمى.
داخل الغرفه كانت جالسه ممسكه بأيادى والدها وتقبلها بحب حبيبى يا بابا
والدها بتعب بطلى عياط انا بقيت احسن
انشراح احسن فين بس يا بدران الدكتور قالنا بره انك في حاله حرجه ولازم من العمليه
تبص لها جميله بصات بان تسكت وما تقولش الكلام ده قدامه عشان حالته ما تسوئش لكن انشراح كانت قاصده كل كلمه قالتها وبرده كانت بتبص على جميله بصات ناريه كانها بتتحداها.
الداده ان شاء الله الباشا هيقوم بالف سلامه من غير اى حاجه
بدران وهو يربت على جميله كل اللى يجيبه ربنا انا مش معترض عليه بس عاوز افرح بجميله واطمن عليها قبل ما ادخل العمليه
جميله تبصله و تبكى تانى طب عشان خاطرى نعمل العمليه الاول وبعدين نفرح كلنا
بدران بتعب يا جميله عاوز اطمن عليكى انا حاسس انى مش هقوم منها يبقى اموت وانا مطمن انك بخير.
جميله تقبل ايدى باباها وتبكى بلاش تقول كده