رواية خادمة الفهد الحلقة ١٨ بقلم صفاء حسني حصريه وجديده

رواية خادمة الفهد الحلقة ١٨ بقلم صفاء حسني حصريه وجديده 
سألها فارس وقال 
انا مش فاهم هو انتم ليه عملتوا كده 
ابتسمت هبه وقالت
هقولك بابا كان عايز يتأكد ان كان قريبك ده فعلا بيحب ملك واللا بيستغلها ، عشان عرفت من واحده اسمها هدير ان قرييك كان بيروح يشترى البنات من واحده اسمها اعتماد عشان ،يشغلهم وبعد كده محدش يسمع عنها حاجه، لكن اللي  حصل مع ملك كان معجزة 

شهق فارس وهو مصډوم من الكلام  وقال 
بتقولى ايه بيشتري بنات ومين اعتماد دى وكانت بتعمل ايه مع البنات وملك عملت ايه 
اتنهدت هبه وقالت 
امى ضحكت على ملك هى وواحد اسمه فهمى جوزها المحلل انهم يسوؤا سمعت ملك وبعد كده يخوفوها واخدها على المكان ده اعتقد بيت ډعارة 
شهق فارس وقال
نعم ملك كانت فى بيت ډعارة وفهد كان عارف
اتنهدت هبه وقالت 
هو إللى انقذها من هناك ربنا يكرمه
ظهر على وجه فارس علامات التعجب وهو يسأل نفسه هو ده شغلك يا اخى تتاجر بأعراض البنات ماكنش العشم  أنا مانكرش الموقف كان صعب عليك انك تشوف مامتك فى حض اعز صديق ل والدك بعد مۏت ابوك بشهور لكن مش مبرر ابدا ان ده يكون شغلك 
..... 
كان بالفعل حمل فهد ملك إلى السيارة وتركهم في المستشفى 
ثم وضعها داخل السياره وركبها بجواره وربط لها الحزام  وركب هو ايضا من الناحية المقابلة 
وبدا يسوق السياره 
نظرت له ملك بهيام وهى بين النوم والاستيقاظ وقالت له 
هو انت حبيتنى امتى وازى قصة حبنا بدات 
نظر لها فهد متعجبا 
قصة حبنا مرة واحدة 
ابتسمت ملك ببراة 
اه طبعا مرة واحده انت عايزها على مراحل، يعنى انا متخيله كذا طريقة مثلا كنت باشتغل جرسوانة في مطعم وانت دخلت تاكل وطلبت المنيوو، وكانت عيونك عليا مش علي المنيو وبعد ما اكلت فضلت منتظرني قدام المطعم لحد ما شغلي خلص وطلبت توصلنى وانا ضربتك بالقلم 
كان للحظة تخيل فهد المشهد معها وبعد كدا فاق على القلم 
وقال 
انا اضرب بالقلم واضح الحبة اللي كانوا فاضلين في عقلك ضربوا 
اقتربت منه وحضنت كتفيها وكشرت وقالت 
اكيد بسببك انت 
استغرب فهد من موقفها وقال 
سببي انا ليه ان شاء الله، لا ياماما انا من يوم ما شوفتك وانتى عقلك واخد اجازة 
كشرت ملك وقالت 
انا غلطانه انى بكلمك انا مخصماك انت ايه يا شيخ قلبك ده مصنوع من حاجه غيرنا، يعني انا لو بدالك وانت بعد الشړ مش فاكر حاجه كنت هقولك اجمل كلام وحكيت ليك الف قصة حب احنا عشناها وكنت سمعتك موسيقى ثم تركت ايده وقالت 
انا جاتلي فكرة ممكن تركن العربيه 
اڼصدم فهد ونظر لها وقال 
نعم يا اختى اركن العربيه ليه 
ردت ملك اسمع كلامي انت هاتخسر ايه الدكتور قالي اعيش كل حاجه حاسه اني نفسي اعيشها، ومادام مش متذكرة ان احنا اتقابلنا ازاى وحبينا بعض انا اخلق قصه حب دلوقتي 
بلييز عشان خاطري 
اڼصدم فهد من جنانها وهو مستغرب هو ليه متمسك بيها لو على إدراة الشركة قدامها يجي ٥ سنين كنت وقتها قابلت واحدة عاقلة عن دى نفذت المهمة، وسأل نفسه سؤال صريح مهمة ايه اللي انت بتتكلم عنها انت خلقت قصة من خيلك عشان تحتفظ بيها وبدأت تصدقها وممكن فعلا انت كنت عايز تعيش قصة حب زى ما هى بتقول 
فاق من شروده على صوتها 
هه روحت فين اركن على جنب 
نظر لها وقال مش هاركن الا لما تقولي انتى عايزه تعملي ايه بالضبط 
ابتسمت ملك وقالت 
لا طبعا خليها مفاجأة
... 
كان فارس  يتذكر يوم الحفلة وكيف حياتهم كانت سعيده وكيف تغير فهد بعدها
وتذكر
عندما جات اسماء إلى المنزل وهى تحلم أن يقع في حبها صاحب العمل ويتزوج خادمته
بدأت تتقرب من فهد يوم الاحتفال وهى تقدم المشروب لكى ينتبه  لها ولكن هو كان يضحك مع اصدقائه 
لاحظت سيدة  من المدعوين حركات اسماء وسألت مامت فهد وقالت 
مدام سهير هى مين البنت دى 
نظرت سهير على الجهه الذي تشير من خلالها وقالت 
ده بنت عم ابراهيم طلبت منه يجيبها عشان تساعده في امور البيت.. مسكينة امها هربت من ابوها وهى طفلة صغيرة بعد ما طلبت الطلاق منه وهو كان سايبها عند اخوه لكن لما كبرت واضح أن اخوه مش مستحملها وطلب كتير ياخدها وعم ابراهيم كان مستحي.
اتنهدت السيدة وقالت 
بلاش قلبك الطيب ده يا سهير البت مش سهله شايفة بتعمل ايه بتحوم حوالين الشباب 
كان فارس يضحك مع فهد وقال
الف مبروك يا حضرة النقيب فهد واتنقلت ل جهاز واضح امك راضيه عنك 
ضحك فهد وقال
ياناس يا شړ كفايه قر عينيك يا فارس انا مش قدك 
وضحكوا مع بعض وبيهزروا استغلت الفرصة اسماء ووقفت بالكوبايات وبيرجع فارس 
وقعت الصينية ووقعت اسماء 
انتبه فهد وخفض وقفته  على الأرض يسند اسماء قبل ما تقع على الزجاج وقال خلى بالك يا آنسة 
كانت اسماء سعيدة أنها لفتت نظر فهد وهو بيسألها
انتى بخير ايدك انجرحت.
كان كل ده تحت نظر سهير وصديقتها 
اتكلمت أخرى وقالت 
والله عندك حق يا سماح شوفتي البت وبجاحتها كانت شايفاهم بيضحكوا وقربت عمد عشان تلفت الانظار
ردت سماح وقالت 
الاصناف دى  أنا حافظاها البت صدقت.. فى بيت  لواء وكمان شابين دكتور ونقيب الله اكبر عليهم اى حد يتمناهم 
مع كل هذا كانت سهير انفعلت واتجهت نحو اسماء وصړخت فيها 
انتى حيوانه مابتفهميش جاية من وراء الجاموسة مين طلب منك اصلا تقديم عصير وخرجتى من المطبخ ليه شغلك جوه المطبخ ..التقديم ليه ناس محترفين 
استغرب فهد انفعال أمه وقال 
حصل خير يا امى بتحصل فى احسن العائلات
لم تعير له اهتمام واكملت 
روحى هاتى المكنسه ولمى الكوبيات دى حتى مرتبك عمر بحاله مايجيبش تمن طقم غوري من وشي 
وقف فهد أمام أمه وقال.
امى بعد اذنك البنت ايديها بتنزيف فارس يداوى الچرح وانا هنادى على حد يلمهم هدى نفسك انتى الناس موجودة وعمرى ما شوفتك منفعلة كدة على حاجة انكسرت أو فسدت وكنتى تقولى فدا عيالى
وسندها اقعدى يا ست الكل واهدى ونادى ابراهيم 
عمى ابراهيم عمى ابراهيم
جاء ابراهيم ورأى الډم اللى نازل من يد بنته انفزع
اسماء بنتى ايه اللى  حصل
ابتسم فهد ووجه الكلام لها 
انتى بقي بنت عم ابراهيم اللى دايما يقول عنك شقية ومبتروحيش وضحك ابتسامه تسحر..
بركاتك يا اسماء من اول يوم كسرت اغلي طقم كرستال عند امى طيب لو قعدتي هتعملي ايه 
ضحك فارس وقال 
مش بعيد تولعى فى البيت كله 
عاد فارس بذكرياته وهمهم  
فعلا ولعته 
فى نفس الوقت كانت هبه بتتذكر حديثها  مع هدير 
فلاش باك 
كانت هدير عاوزة تدخل عند ملك 
سالت هبه اللى كانت خارجة زعلانه ان بنت عمها مش متذكراها 
اوقفتها هدير وسألتها 
هى المړيضة اللى جوه اسمها نغم صح 
نظرت لها وقالت 
نغم مين لا اسمها ملك 
اتنهدت هدير وقالت 
ده اسمها الحقيقى طيب انتى تقربى ليها ايه 
اتنهدت هبه وقالت 
بنت عمها انتى تعرفى ملك من فين وليه بتقول عليها نغم 
نظرت لها هدير نظرة ڠضب 
وانتى بقي اللي اتفقتى مع فهمى الزفت يرمى بنت عمك فى بيت اعتماد 
شهقت هبه وقالت 
مين فهمى ده ومين اعتماد انا كل اللى اعرفه ان ملك اختفت من سنه وماكنتش عارفه اوصلها لكن مش فاهمه انتى بتتكلمي عن إيه 
اتنهدت هدير وقالت 
   
ضحكت هدير وقالت. 
مش بقولك نسخة من ملك احكيلك يا اختى انا ضحېة الظروف.. امى اتطلقت من ابويا واتجوزت وهو اتجوز وسابونى عندى جدتى ورموا قرشين لجدتي المصاريف لحد ما وصلت ل إعدادى جدتى ماټت كنت وحيدة  ومكنش ينفع اقعد لوحدي لكن ماارتحتش ولا   في بيت امى ولا بيت ابويا رجعت بيت جدتى وقررت اشتغل واساعد نفسي خصوصا هددونى الا اكون مع حد فيهم او انسي اي فلوس 
ووقتها سمعت عن مكسب الفلوس من التيك توك 
محتاجه البس لبس شيك واكون مذيعة وبدأت اعمل كده واشغل الكاميرا واظهر ويكون لي متابعين  
وبعد كده طلبت منى صحابة الشغل اللى هى اعتماد 
لكن مكنتش شفوتها مجرد صوت من خلال الموقع 
ان عشان اكسب فلوس أكتر لازم ارد على المعجبين خاص واسايرهم عشان يبعتوا هدايا وفلوس وبدأت اكسب 
وبالفعل قلت وماله اهى قالت ضحك وهزار  ومش اخسر حاجه 
 كلمة  ف كلمة 

سمع الاب الكلمه من هنا وقال 
نعم مين اشتري مين 
تتحدث هدير بتلقائيه وقالت 
اشتراها من بيت اعتماد اللى كنا فيه ومش بس كده بفضلها موتت الخۏف جوه قلوبنا وبعد ما مشيت قدرنا نغلب اعتماد  واتخلصنا من شرها 
استفسر العم وقال 
يعني الشاب اللى جوه ده مش زوج ملك طيب ليه قال انها زوجته 
ردت هدير وقالت 
عشان حبها يا عمى ومقدرش يسمع كلام من زوجتك عليها ملك ليها سحر فظيع  يخلي اي حد يقع فى حبها 
اتنهد محمد وقال 
لكن كده لازم ترجع ملك معانا 
نظرت له هبه پخوف
ترجع فين يا بابا اللى رمها الرميه ده امى، ومعليش ان مش ضامنه انك  ماتحنش ليها تانى وياعالم المرة الجاية هتعمل فى ملك ايه 
اتنهد محمد بحزن 
انتى شايفه ابوكي ضعيف كده طيب طيب اسمعي انا هاأصر انها تيجي معانا ولو فعلا بيحبها يتجوزها رسمى اما غير كده أنقذ بنتى وأديه الا دفعه فيها 
ابتسمت هدير وقالت 
واووو فكره حلوه ولو وافق يعملها فرح ياه اخيرا بنت من البيت المنحوس تتجوز 
بالفعل تم استفزاز فهد من خلال هبه 
خرجت هبه شافت امها بتتكلم مع ممرضه وتتفق على غرفه ف اتصلت ب ابوها 
انت رايح فين 
رد الاب وقال 
طلبونى فى الاستقبال يا بنتى 
ردت عليه وهى تنفي 
كل ده خطة من مراتك عشان تقابلك فى الاسانسير وهطلعك الدور الرابع واكيد بعد كده،تبقي تدوس عليا انا وملك براحتك 
رد پغضب وقال 
عيب الكلام ده يا بنتى هى خرجت من قلبي من زمان المهم كملي الخطه وانا اشوف اخرها تكون واصله لمرحلة بحيث انها فعلاً هاتيجي معانا وهاتشوف متمسك بيها واللا  لا 
وبالفعل تم تنفيذ كل حاجه 
فاقت هبه من شرودها على 
همهمت فارس
هى فعلا ولعته

سالته هبه 
هه انت بتقول حاجه

يتبع