رواية چرح المشاعر الفصل 66-67-68-69 بقلم أمال جوري حصريه وجديده

رواية چرح المشاعر الفصل 66-67-68-69 بقلم أمال جوري حصريه وجديده 
جزء66
_ والله جيتي في وقتك حتى انا حابة نخرج ونحي على خاطري اصبري نقول لماما ، رحت عندها ماما راني. خارجة مع نجاة كشما نشري ونولي _ وراجلك متسقسيهش؟ _ مزالكي تقوليلي راجلك وديجا علاه نسقسيه يروح يعفط على روحو والله _ ولوكان تتلاقاي بيه _ منتلاقاش بيه راه خدام واصلا مشي طريقو كامل _ مالا روحو بصح متبطايش ، لبست جلابتي خيماي وصباطي ديت دراهم وخرجت واجدة؟ _ ايه خلاص راني لبست هيا نروحو ، خرجنا وحكمنا الطريق حتى لاري تلاقيت بهاذاك السيد صاحب خويا منعرف علاه محملتوش بقا يشوف معايا كيما المرة لي فاتت طلعنا فالكار وهو ثان طلع وقعد مورانا مدرتلوش اهمية كامل .. كي جينا هابطين ونخلصو مول الكار سبقلي وهبط قبلي كي هبطت قابل وجهي ديراكت شاف معايا دورت طريقي وجيت رايحة زاد سبقلي اسمعيني دقيقة برك والله لا عجبتيني اعطيني نيميرو محبيتش نكثر معاه الهدرة اصلا منحملش نحكي مع الرجال خاصة القهويين لي كيما هاذا قتلو روح منا بعدني مشي خدمة رجال هادي بعد لا نلم عليك امة محمد ولا نحرش عليك خويا يجي يندبلك حكمت نجاة وبقيت نزرب فالمشية حتى بعدنا عليه ودخلنا في طريق الفيترينات بقينا ندورو شريت انايا بيجامات عجبوني وروبة داتلي عقلي هي تاع صيف جاية خفيييفة وتاع الالوان وتاتيري بزاف غالب عليها اللون لحمر جاية حد الركبة وفيها لاستيك في لكتاف وفالخصر شريت زوج منها وحدة تاع الالوان ولخرى كحلة وفيها ورد بيض وصفر وجايين صطوندار حتى نجاة وشرات وحدة ورحنا لتاع الماكيياج شريت كل انواع الميكب شريت فولارات شابين سيرتاتات  ليماسك ليبرودوي المهم كل حاجة تخص البنات ، شرينا كاسكروط ڨارانتيتا كليناه ثما وولينا للدار ميتين دخلت حطيت الصواشي وطحت فالفراش تكسلت شويا ونضت غسلت وبدلت حوايجي حتى صونا تيليفوني لقيتو هو كوبيت عليه بقا يعاود وانا نكوبي حتى بعثلي ميساج ياودي هزي ايناس لي راح تحكي معاك وعاودلي هزيت وحطيتو في وذني سمعتها كي قاټلي الو _ الو انوسة وشراكي _ انعم اماما _ وعلاه ارجعي للدار _ نشاله نرجع راني مريضة برك ، زادت سكتت شويا وقاټلي توحشنا الزين في دارنا عرفتها هو لي يحرش فيها تهدر قلتلها حتى انا توحشت بنتي الشابة غدوة ارواحي عندي ايه؟ قاټلي ايه وبقات ساكتة حتى سمعت صوتو كي قالي الو كوبيت ديراكت وغلقت التيليفون والله ما نحكي معاك يا مروان روح برك .. رقدت شويا حتى للعصر صليت جات عندي نجاة هيا رانيا نخرجو نتشمسو لبنات كامل راهم برا وليت قلت لماما لبست روبتي وخرجت كنا دايمن نتجمعو هنايا ونقصرو والرجال ميدوروش من هاذي الجيهة كامل بصح لوكان يكون كاش واحد جاي مالتحت حنا نشوفوه وهو ميشوفناش ، تلاقيت بصحاباتي تاع العزوبية ياااه عام مشفتهمش توحشتهم عندنا ما تعانقنا قعدنا كامل نقصرو ونضحكو ونحكو هدرتنا كامل بالقبايلية كل وحدة واش تحكي عجبني الحال نسيت همومي كنت نهبل غير رحت عند مروان كرهلي حياتي والله روعة المعيشة فالدوار عايشة وسط اهلي كل يوم فرحانة كرامتي فوق الجميع نخرج نتشمس نقصر نحي على خاطري خير من عندو ملي نوض وانا بين ربع حيوط كرامتي مدحسلي عليها يا خويا يقولك عيش فقير وراسك مرفوع خير ما تعيش سلطان وحياتك مقلبة ، كنا كامل نڨصرو مع بعض حتى نطقت وحدة يا عمريييي شكون هاذاك البوڨوص لي راه طالع مع هاديك الطفلة جامي شفت فاتشا هكا في دوارنا دورت راسي لقيتو مروان كيما عادتو لابس ومفحفح ومحطط الله الله وايناس وكابة صغيرة في يدو نضت نجري هربت للدار كامل نخلعو فيا قابلتني ماما وشبيكي تلهثي اطفلة _ مروان مروان جا _ ايه خلي يجي لاه راكي مخلوعة ياك يضل حاصل هنايا رانا قريب نكتبوه في ليفريت فامي حنا هكاك صونا الباب راحت حلت سمعتها تهدر معاه قاللها ايناس قاټلي نبات هادي المرة عند رانيا وراني جبتها _ ايه معليش مرحبا بيها الدار دارها راهي في عينينا وحاجة ما تخصها شوف امروان عندك الفرصة اللخرة ضك تطلق ولا متطلقش ديراكت جاوبها بمنطلقش _ بصح علاه محبيتش تفهم بلي بنتي مهيش راح ترجع عندك خلاص راهي حالفة وقاتلك مانزيد نرجع عندو راهي تستنا غير باه تطلقها _ تستنا فيا نطلقها باه تتزوج بلي يعجبها مهم انا صبري عندو حدود والطلاق منطلقش وكي تنفحلي نرجعها ترجع بالسيف عليها _ علاه قالولك بنت الكلب حتى ترجع بالسيف شوف وليدي نشاله راسك يتحل و تفهم بلي رانيا ماراهيش حابة تزيد ترجع عندك ولازم تطلقها لازم _ منقدرش نطلقها منقدرش _ علاه حتى متقدرش امروان علااااه درت فيها المنكر منبعد تقولي منقدرش واش من سبة لي مخلاتكش تقدر تطلقها ، دارلها بيديه تاع واحد مهمووووم وهدرها بالسيف مانقدرش اخالتي نحبها ، بقيت تايهة فيه زعمة صح يحبني بصح لي يحب ميذلش وانا. منقدرش نسامحو على الشي لي دارو فيا مستحيل ، كي قال هاديك الكلمة حاجة تحركت جيهة قلبي حسيت بوحد الشعور وبقيت نتبسم بصح منأمنوش قادر راه يدير هكا باه نرجع عندو برك ومايحبنيش تاع الصح والحب أفعال مشي اقوال  

ديريلي جامجزء67
، قاټلو ماما وكي تحبها علاه درتلها هاذاك الشي كامل _ ياودي بنتك تدلل على روحها وزعافها سامط وهي تتنشع بزاف نهدر كلمة تشنف خواتاتي ويعرفو عقليتي بلي أنا نحب نستفز ونلعب على المورال وهي عاشت معايا قريب عام مزال معرفتش عقليتي حتى هي راسها خشين وتدير غير لي في راسها ومتاخذش الراي وترجع الهدرة ساعة ساعة لازملها طريحة باه تتريڨل وراكي تعرفي بنتك كيفاه دايرة جاية حارة وتزغد بزاف ومزال مأمنتش بلي راهي مرت راجل ونورمالمو تحتارم راجلها علابالك كي نعود نحكي معاها غير كلمة بكلمة معايا ماللخر بنتك مخلاتنيش كامل راجل قدامها _ ياو علابالي بلي بنتي عندها الدودة ومام هي سبة فواش صرا بصح الكلام لي تقولهولها معندو حتى تبرير امروان _ معليش مزالني صابر بصح شوفي نقولك حاجة اخالتي انا بنتك منطلقهاش وتروح تجيب اكبر محامي فالعالم والله العلي العظيم ما نطلق واتفكري كلامي هنايا بنتك مرجوعها عندي ونتغطس فالڼار مايديها غيري _ ياودي الله يهديكم في زوج والله انا منزيدش ندخل هايليك اتفاهم معاها _ تعيشي تعيشي  روحي عيطيلها والله توحشتها وتوحشت كل حاجة فيها ، ياااا يما على السيد كيفاه يهدر قدام ماما يا والله يا مروان مانخرج عندك ووجهي متزيد تشوفو روح تروح على روحك روح _ انا والله عييت منكم نتوما الزوج اخطوني ونتا يا مروان روح لدارك خليها هي راسها خشين وكي قاتلك منخرجش سيك متخرجش بقا يشوف منبعد راح وحدو حتى دخلت ماما جابتلي ايناس بستها بدلتلها حوايجها وخليتها تلعب مع لولاد ورحت عند ماما بقات تشوف تشوف تشوف منبعد نطقت والله السيد عندو الحق نتي ثاني متاخذيش الراي وتردي الهدرة وغير تنڨزي من ومن علابيها تكرزي السيد حتى يعطيك طريحة _ مهما نديرلو ميعايرنيش بمستوايا وميسبنيش ومايقارنيش _ وانا هادي هي لي مخليتني واقفة في طريقك مشي في طريقو صينو علابالي بلي نتي لي ظالمة انا يماك ونعرفك كيفاه خادمة سكت عليها وخرجت عند لبنات لقيتهم يحكو عليه حتى قلتلهم بلي راجلي وطلبو مني السماح بالضحك بقيت معاهم حتى لليل وايناس قدام عينيا تلعب مع الذراري الجوع ومجاعتش من كثرة اللعب خليتها لعبت حتى کرهت وعيات وطاحت الضلمة باه دخلنا للدار غسلتلها وبدلتلها حوايجها وسخت روحها ماللعب وديتها للكوزينة تعشينا حتى دخل خويا شاف فيها باسها لعب معاها شويا عطالها شوي حلوة كان شاريها مقبل وقاللها روحي تلعبي بتيليفون رانيا عرفتو راح يحكي على مروان وخاف عود ترفدلو الهدرة وليت عطيتهولها تلعب بيه وراحت منهيه شاف معايا هاذا راجلك راه مصر باه ميطلقش _ شوف خويا ماللخر مروان كي يدير حاجة في راسو تجيبلو الفتاوي ميبدلهاش انا نعرفو بصح الحل كيفاه ضكا؟ _ الحل هو اني غدوة نشاله ندبر محامي مليح يتولى القضية تاعك وارفعي عليه قضية خلع وتتهناي من جدو وخلاص _ حتى انا تبانلي هاذا هو الحل الوحيد و هكاك منعرف لا يطلق _ انشاء الله .

رحت عند ايناس لقيتها تحكي مع باباها سير هو عيط ولقا التيليفون عندها غير شافتني قاټلو بابا راهي جات رانا .... ايه راهي معايا ..... راهي لابسة سروال ، اااااااا ميحشمش يسقسي بنتو على اللبسة بقات تشوف فيا حتى مدتلي التيليفون اووووه رانا هاكي بابا ولا نزعف عليك وعلاه مسكين يضل يقولي توحشت رانا هيا احكي معاه _ منحكيش _ بصح علاه رانا وعلاه مسكين هبلني انا نحب نحكي معاه هو وهو يقولي مديلي رانا وعلاه هاكي احكي معاه حكمت عليها التيليفون كوبيت عليه ودرتو في وذني زعمة كي شغل راني نحكي معاه وبقيت هكاك زوج دقايق ودرت روحي كوبيت قلتلها خلاص راني حكيت معاه وقالي راح نرقد ونتي مترقديش؟ _ لالا منيش حابة نرقد _ مالا ارواحي نحفضلك سورة وحد اخرى ، حفظتلها سورة الكوثر الحمد لله يا ربي جا راسها خفيف تهز بالخف مع اللول تتلفلها شويا برك منبعد تعاودها خمس مرات ست مرات خلاص تكون حفظتها كامل ، راني نحاول نربيها على احسن صورة وكي بدات تنعس بربرتها شويا حتى رقدت مدللة بزاف الطفلة هاذي بصح سكرة بوبونة ، حتى وصلني ميساج لقيتو منعندو باعث الف ميساج يشعر فيه :

*عندما أشتاق إليكي أتكلم بكلماتك، أكرر أغنياتك، وأتصرف مثلك، فقط لأحتوي شيئاً منكي. عندما تدمع عيناي عند ذكر اسمك.. أدرك أن الشوق غلب العقل والقلب أتعب الجسد.
إذا لم تجمعنا الأيام جمعتنا الذكريات.. وإذا القلب لم يراكي فالعين لن تنساكي . سأظل أحبك ولو طال انتظاري فإن لم تكوني قدري فأنتي اختياري. أتشوّق لرؤية عينيكي يا من أنتي هناك وراء الغيب ولا أعلم شيئاً عنكي لكن أعرفكي يقيناً فصفاتكي محفورة في مخيلتي من أيام العشق انا وانتي .*

ديريلي جامجزء68
بقيت نقرا ونتبسم علاه علاه امروان جيت روطار علاه حتى كرهتني فيك ووليت منحملش من شوفتك باه طاح عليك الحب بصح مهما كان لازم نخلف الثار عشت معاك المرة كثر مالحلوة عييت منك ومن تقلبك المزاجي خليتك على رايك حتى طلعت فوقي لازم نديرلك حد لازم ، كي كملت قريتهم طفيت التيليفون ديراكت محبيتش نحكي معاه ورقدت بايتة نحلم بيه .. جازت سمانة كل يوم يبعث فالليل وكل يوم يجيبلي ايناس والحمد لله قدرت نحفضلها بعض السور الصغار من القران الكريم وعلمتها تحفض اذكارها قبل ما ترقد   ، خويا لقا المحامي وانا رفعت عليه قضية خلع هكا باه يعرف بلي أنا مشي ساهلة ليوما عندو 45يوم مشافش وجهي وماسمعش صوتي قطعت عليه كل حاجة .

كنت نسقهوا انا وماما فالكوزينة حتى دخل خويا وجهو ميتفسرش نخلعنا على حالتو غير سقسيناه وشبيه ناض يعيط هاذااااك راجلك محبش يفهم بلي ختي خلاص متزيدش ترجع عندو محبش يفهم جا عندي الورقة  هاذيك قطعها في وجهي ويقولي الطلاق منطلقش ومتزيدش تدخل بيني وبين مرتي وااااش هذا الشي وشنووو يقطع الورقة هكاك في وجهي ويزيد يقولي والله منطلق مي سي مالاد هادا ولا وشنوو _ عرفتها عرفتها بلي ميحبش يطلق علاه زعمة منعرفوش انايا بلي راسو خشين ياو هاذاك كيما نديرو منغلبوهش السيد عندو الدراهم والمعارف وحنا نغلبوه بمحامي تاع عشرالاف شافت فينا ماما خلاص خلونا منو والله ونتي سمطي سمطي سمطي حتى يكره وحدو ويطلق وخلاص ياك قالك السامط يغلب القبيح _  المشكل مروان سامط عليها _مالا هاذا هو الحل وصيبو . غدوة منذاك كنت نبدل  في حوايجي حتى صونا تيليفوني لقيتو هو اووووه انا کرهت وهو مكرهش كوبيت عليه بقا يعاود وانا نكوبي ندير فالسكارة بصح شفتو محبش يحبس قلت سير كشما صرا حتى بعثلي ميساج كاين منها خطبك واحد من خوك وشافك وعجبتيه انا حليت عينيا يا يما وقتاه كيفاه هاذي هو يسمع وانا منسمعش بصح خلي يعاود ونريبونديلو نغزلو ونقولو ايه ونهبلو شويا نوريلو رانيا واش تسوا ياك مقبل وقلت نهبلو حتى نرعفو من وذنو ، بقيت نستنا فيه يعاود يعيط حتى صونا في يدي ديراكت هزيت ودرتو في وذني محبيتش نهدر خليه هو لي يحكي اللول ثم ثم نطق اهدري رانيا كاين منها _ ايه كاين منها وخطبني وراه يستنا فيك تطلقني باه نتزوج بيه ناض يطيح ويكفر ونجي نفعل فيك وندير فيك وذني طرشت من عياطو ناض يعيط وشكووون هاااااذا متقوليليش برك لي كنتي تحبيه مقبل ولي قلتيلي ندي لي يعجبني قبل ما نتزوجو اه؟ هو ارانيا؟ هو ياك؟ اصلا نتي مرحتيش باش زعمة تغزليني ولا تنتاقمي مني نتي رحتي باسكو متحبينيش ورحتي باه تتلاقاي بصاحبك لي يعجبك خلعني كيفاه راه يخمم سما يزيد يتاهم فيا استنا نزيد نهبلك شويا استنا راك جيتني في ڨوسطويا قتلو بصوت رقيق وتاع دلال ايه هو ومزية عاود ولا عندي وازرب طلقني باسكو معندوش الوقت ويخدم بعيد ولوكان تشوفو كيفاه شباب امروان الشعر صفر واللحية مسبسبة حرير والعين الخضرة غير ازرب طلق ازرب منقدرش نزيد نصبر انا نهدر وهو يعيط كلا روحو بالعياط نفسو خرجت سبني سبني حتى ۏجعو فمو هو يسب وانا نقولو وتعرف جا عندي وقالي زدتي زينتي واعطيني نيميروك الجديد وانا مديتهولو ، كي نقوللكم عمرو خرجت سيك عمرو خرجت غير يعيط ويطيح بكلام العيب حتى كوبا وحدو طرطقت بالضحك استنا برك اصبر عليا امروان لا مخرجتلكش ساسك من راسك منيش بنت عاقيلة بنت السلطان استنا عليا برك ، حطيت التيليفون ورحت عند ماما عاونتها فالعشا حتى دخل خويا جا عندي ضړبني لذراعي وااااش خرطتي على الراجل نتي واش خرطتي عليه قريب قتل السيد وزاد جا عندي انايا قريب تضارب معايا واش قلتيلو _ ناضت ماما مخلوعة وش كاين يا ستار يا حفيظ شكون لي قتل _ يا ما ضك انا صاحبي شاف رانيا فالجبانة وعجباتو خطبها فيا علابالو مشي متزوجة وانا قتلو متزوجة ومحبيتش نقوللكم على هاذا السيجي شفتو معندو حتى اهمية و هاذاك مروان منعرف منين سمع بلي خطبها ولا عجباتو تقول داير علينا الvار وبنتك المړيضة هاذي راحت خرطت عليه خرطة قد راسها مانعرف كامل واش كانت تخلطلو فالهدرة حتى جا هاذا وين للسيد قتلو قتلو دڨدڨو وما خلا فيه شي يصلح لوكان مسلكوهش من يديه لوكان راه في ذمة الله وزاد  مكنتش دايرة في بالي يروح للسيد ېقتلو يايما وحش مروان وحش يخوف صيبو مروان فهمنا بلي تحبني وانا كي عرفتك تحبني باغية نجرجرك ونخليك تتعذب حتى وصلني ميساج فوكال منعندو يضحك فيه ويقولي هادا هو الداندو لي مېتة عليه علابالك كنت نغلي كي وصلت ليه وشفتو كيفاه داير جاني الضحك تعرفي كي درتله ولا لالا حكمتو كي الستيلو وكسرتو طبيب ميداويهش ياو لي يلحقك نخرجله في منامه ر##  نخليه يتمشي على الڼار احبي نتي تاع مروان ومروانك متوحشك" سمعت الفوكال وطفيت التيليفون

ديريلي جامجزء69
حتى دخلت ماما ارواحي لهنا نتيا واش قلتي للراجل اه؟ واش قلتيلو _ هو لي عيطلي وقالي لا صح هاذاك خطبك وناض ياكل في روحو قتلو ايه خطبني وهو كلا روحو وانا وين علابالي بلي يروح للراجل يضربو _ وزعمة متعرفيش بلي راجلك مهبول اواااااه نتي يا رانيا بنتي والله ماحبيتي تكبري واقيلة السيد نتي لي هبلتيه مشي هو وخرجت اياااا روحو تلعبو على رواحكم والله .
مروان مخشن راسو وانا مخشنة راسي محبش يطلق وانا محبيتش نخليه يشوفني كامل وكيما دار مقدرش يوصل عندي تاع صح قطعت عليه كلش كل يوم يعيطلي فالتيليفون وانا نبقا نكوبي عليه ويشعرلي في ليميساج يبات يبعث وكل يوم يجيبلي ايناس ويحلل ماما باه يشوفني بصح هي تقولو ماراهيش حابة تشوفك نشوف فيه نظرة خيبة الامل كي يتنهد يبوس بنتو ويروح معلاباليش علاه حسيت بشعور الۏحش والشوق توحشت كلش فيه هبالو حنانتو ضحكتو بوساتو لمساتو الساحرة تمسخيرو كل حاجة فيه توحشتها ، كي العادة انا وماما نديرو فالميناج حتى عيطتلي نسرين ريبونديت عليها سلام صافا صافا حتى دخلتلي فالموضوع رانيا ختي علاه مراكيش حابة ترجعي لمروان والله السيد هبلتيه ارجعي عندو زعمة لهاذي الدرجة راكم متنايفين راكي شهرين ولا فايت مخليتيهش يشوف وجهك واش كاين بيناتكم _ يا نسرين ختيتي المشكل خوك هو لي علابالو بيه وهو لي علابالو لا ڨراف ولا لالا وخوك انا تعبني ومزالو يتعب فيا الله يرضى عليك قوليلو يطلقني وانا وياه مناش لبعض _ يا ختي واش راح نقولك الله يهديكم بينزوج ولا رحتي على جال لسانو سبق وقټلك هو لسانو مشي ليه وعقليتو هكاك حتى معانا هكاك وسبق وقټلك ربيه عليه نتي المرا نتي لي تعرفي كيفاه تتصرفي ولا على جال حاجة وحد اخرى الله يصلح بيناتكم وايناس تدو ذنبها بينزوج هو راه مهمل بنتو ونتي مخليتها وهي تضل تبكي عليكم بينزوج منين نحكمها تقولي حابة رانا ومروان يرجعو راهي حاسباتك يماها خلاص وكي تشوفكم هكا تضيعولها حياتها ودبرو ريسانكم بينزوج _ معليش ربي يسڨم لحوال نشاله يا ختي قاټلي امين وكوبات شافت ليا ماما يعني عندها الحق واش قالت مي والله ماعلابالي شكون الصحيح وشكون الغالط راهي تبانلي بينزوج غالطين باسكو الراجل عمرك لا ترجعيلو الهدرة وتطيري فيه وتطرطقي قدامو الراجل يحب الحنانة والتكلاخ يولي يعبدك استغفر الله وهو ماحقش عليه ميحتارمكش ويعيشك هاذيك المعيشة ، مالقيت ما نقوللها حتى صونا الباب راحت حلت سمعت صوت مروان كي قاللها ليوم نهدر معاها وليوم نبقا هنايا فالدار وفحل ميخرجني منا غير نلسق هنايا حتى تخرج نهدر معاها حابة تخنقني ولا .. كي سمعتو يهدر هكا رحت نجري لشومبرتي وغلقتها بالمفتاح يخاه مهبول الراجل هاذا تاع صح ، بقيت نسمع في ماما تقولو ماراهيش حابة تشوفك وهو يقوللها والله ماراني متحرك منا ولا حبت تخزن روحها فالشومبرة معنديش مشكل مهم راني قاعدلها هنايا بقاو هو يقوللها كحلة وهي تقولو بيضة وهو سامط على الرهج كي يدير حاجة في راسو لازم تتنفذ ولا مكاش حتى هبلها نص ساعة وهوما يهدرو حتى قاټلو اوووووه هبلتوني نتوما الزوج هبلتوني تاع صح هبلتوني مالاااا كي تحبو بعضاكم ارجعو وكل واحد يحتارم نفسو وهنولي راسي انا عييت منكم تقوليكم ذراري نتا مريض وهي كثر منك هي مهبولة ونتا كثر منها _ الله يرحم ذاك الفم روحي فهمي بنتك الهدرة هاذي وروحي قوليلها قالك حبيبك منا ما نتحركش ، ياااا والله ما يحشم حتى دقدقت عليا ماما حليتلها شافت معايا سمعتيه بلا ما نظل نعاود _ خليني منو خلي يقعد شويا يكره يروح وحدو _ والله انا مرضت منكم بينزوج والله تاع صح هبلتوني نتي تحبي الندبة هاذا بقيت ساكتة _ ي انطڨيييي لاه تعڨنتي مالفا الشطارة ڨارونتي وضك لسانك بحح وين راح كلاه الڨط تحبيه ولا لالا بحركة لا ارادية قلتلها ايه زادت خرجت عندو ونتا تحبها ولا لالا سمعتو كي قاللها ايه _ مااالاااااا كي تحبو بعضاكم لاه راكم تكسرولي في راسي اتفاهمو فيما بيناتكم واخطو راسي خلوني نريح _ يايما على ماما ليوما وشبيها بصح تاع الصح هبلناها كل يوم يصبح عندنا يحلل فيها وانا مخشنة راسي منحبش نخرج ليه نطبعلو ماما تليكيديه سمعتها كي ناضت تمتم خرجت غييير انا الخاسرة منكم فيزوج هادي هي عقليتها ماما هكا دايرة جازت نص ساعة دخلت عندي اخرجيلو يرحم باباك اخرجيلو راه جاي فالصالو وقاعد هو سامط ونتي كثر منو روحي اخرجيلو راه هبلني _ خلاص روحي ضك نخرجلو نشوف واش يحوس بصح منرجعلوش ونقولك واش قالي راسي ديري _ استر يا ستار يا عليم واش قالك الراس هاذاك ثاني _ راه يقولي ماكيي والبسي وحططي واخرجيلو باه يتعذب _ ياو لا هوالك اخرجيلو عريانة مهم متكسروليش راسي وخرجت وليت جبدت هاذيك الروبة لي شريتها نهار خرجت مع 

ديريلي جام#جرح_المشاعر
#رانا_مروان
حلقة زائدة : بارطاجو القصة في ليقروب لي عندكم باه تطلع لل3k ♥️
كي خرجت عندو غير شافني بقا باهت فيا حكم فيا النظرة محبش ينحي عينيه مني بقا مدة وهو هكاك غلقت الباب ورحت قعدت فوق الفوتاي مقابلاتو الحركة لي نديرها نلقاه يتبع فيا بعينيه وحال فمو ويتبسم مع لي هو مسرار سخفني عليه قتلو انعم قالولي حبيت تحكي معايا اتفضل راني ليك ... بقا كيما راه حاجة ما تبدلت فيه _ لا متحكيش نقدر نروح معنديش الوقت ، كيفكيف حاجة ماتحركت فيه بالسيف لا نطڨ علاه علاه ارانيا علاه ټعذبي فيا علاه _ علاه حتى نعذبك اخويا كشما درتلك ياك نتا قتلي روحي على روحك ومانسحقكش ويجو موراك عشرة علاه تحوس عليا ضكا؟ _ رانيا راكي شافية نهار قټلك كي تطيح السما على لرضلي نولي ما نحبكش؟ _ ايه شافية _ والسما على اللرض مايطيحوش مستحيل ، بلعت ريقي وصلي ميساج بلي يحبني بطريقة غير مباشرة شفت معاه ضكا احكي واش عندك خليني نروح _ علاه حتى تروحي انا كي شفتك الروح رجعت فيا الامنية الوحيدة لي مكنتش داير في بالي يجي النهار لي نتمناها هي اني نشوف رانيا برك يخلوني نشوف رانونتي _ رانونتك كنت داير فيها الشطلي يطلي وضكا تحوس عليها _ هيا ترجعي عندي بنتي سماطتلي الحياة بلا بيك والله هيا تولي عندي راني وحداني نتعذب كل يوم مصبح عندك نطبطب فالباب هيا حياتي هيا _ ماللخر تاع اللخر لا جيت باه ترجعني غير روح شوفلك جيهة وحد اخرى وانا خلاص منرجعش عندك صيبو مستحيل تفرشلي الجنة منرجعش عندك مروان راني حالفة ولا نتا مريض انا مريضة عليك ولا نتا سامط انا سامطة عليك ولا حبيت متطلقش متطلقش نفضل نبقا معلقة ومنرجعش عندك _ بصح علاه زدتي زينتي  وتقوليلي ظالمك نتي لي معرفتيش تمشي معايا ومعرفتيليش العقلية _ ضكا لي فات ماټ ومنزيدش كامل نخمم فالماضي نخمم غير فالحاضر صيبو _ هيا ترجعي عندي حياتي هيا والله توحشتك وتوحشت حنانتك وهبالك هيا وايناس تضل تبكي عليك حتى وليت كل يوم نجيبها عندك خطړة بكاتلي فالليل حتى جبتهالك باتت عندك هيا عمري تعيشي ني مبقيتش راجل قدامك راني نحلل فيك تعرفي كون يشوفوني صحابي كيفاه نحلل في وحدة عقلها عقل ذراري والله الهيبة تروح هيا حنة حنة حنونتي تحن عليا هيا بنتي هيا راني نديرلك كي ايناس مترجعيش _ منرجعش مروان خلاص غير روح تروح _ رباني كيفاه نديرلك انا ضكا خلاص ارانيا حتى نتي مشي ساهلة وشحال من مرة تجرحيني وكي تبقاي تطيري متخلينيش راجل قدامك والهدرة تاع طلقني باه نتزوج بصاحبي علابالك قلبي حكمني عليها قريب شربت الشراب مزية لا هداني ربي سبحانو ورحت صليت باه رحت عند المخنث هاذاك عطيتو طريحة مترجعيش _ نونو , بقا يشوف معايا بهاذيك النظرة تاع واحد تعبااااان مشتااااق مسكييييين شاف معايا والله لا عييتيني يا رانيا ملي شفتك من نهارك اللول ټعذبي فيا وتعيي فيا و هاذي المرة حطمتيني دار صباعو تحت عينيه ويقولي شوفي شوفي برك الرقاد ومنيش نرقد نبات نخمم فيك تديني عيني نحلم بيك ونعاود نفطن راني في شهر مارقدتش الماكلة ومانيش ناكل شوفي كي شينت ووليت صفر ، صح راني نشوف كيفاه كان بشحمو ولحمو ضكا بقا فيه غير عظمو صراحة غاضني بصح والله نصعب روحي وڼموت منرجعلوش مالڨري نحبو بقا يشوف فيا 
وعلاه حمرتيلي الشوارب هاذوك تسخفي فيا ولا وشنو نضت ديراكت جيت رايحة ناض يجري طبعني لسقت فالباب بقيت نطبع فيه من صدرو ونحكي بالعقل باه متسمعناش ماما وهو لاسق فيا ويتلمس فيا ووجهو مدفون شاف معايا _ مروان بعدني منيش حابة نشوفك بعد بعد منحبكش _ بصح انا نحبك وحتى نتي تحبيني انا علابالي هيا رانونتي ترجعي معايا والله تعبت _ منرجعش نتا متفهمش ولا اشو؟ _ انا نحكي وعينيه يلعبو على شواربي حط صباعو على فمي علاه حمرتيهم علاه راكي تعيطيلي باه نبوسك ولا وشنو قولي اعمري حابة نبوس بنتي _ بعد عليا بركا ما تتخيل بعد مروان متسيفش عليا حاجة مرانيش حابتها بعد عليا شاف ليا بقا حاكم فيا النظرة حتى لقيتو يبوس فيا قدما قاومتو وسييت نبعدو بصح قوي عليا بزاف وحنانتو تذوب بقيت جامدة حتى بعد عليا ااااه يا رانيا وكيلك ربي على واش راكي تديري فيا كاش نهار ڼموت وتتوحشيني وتولي تحوسي على البوسة ومتلقايهاش هيا ترجعي عندي بنتي هيا حتى ايناس وحاباتك ترجعي _ منرجعش ، بقا يشوف فيا علابالك واش الامنية لي نتمنى فيها درتلو براسي اشو؟ _ راني نتمنى تكوني بالحمل وتتوحمي عليا تتوحشيني وتحبي تبوسيني وتحظنيني باه نرجعك عندي ونشبعك حنانة _ ياو غير متحلمش منيش اونسات راني براسي وضكا تطلق ولا متطلقش ناض يضحك حط فمو على فمي ويهدر منيتك نطلقك اه؟ زعمة نتي تخمي بعقلك ولا برجليك انا نطلقك رانيا وزعمة ترفعي عليا قضية خلع ارفعي ربعة ڨاااع _ دبر راسك مهم انا منرجعش عندك _ انا صبري راه بدا ينفذ وكي ينفذ نجرجرك من شعرك لداري لوكان جات وحد اخرى والله مانحوس عليها بصح نتي سبيسيال نتي تاعي وحدي حتى لوكان ڼموت واحد مايديك ولي يشوف فيك برك نمحيه مالدنيا 

 يتبع