الحلقه الثانيه في المقاپر كان حمزة قاعد عند قبر وبيعيط بشدة

الحلقه الثانيه في المقاپر كان حمزة قاعد عند قبر وبيعيط بشدة
حمزة پبكاء ليه مشيتي وسيبتيني مشيتي في الوقت اللي كنت في امس الحاجة ليكي مشيتي وسيبتي ليا طفل مش قادر اربيه لوحدي طفل محتاج ام تكون حنينة عليه ليه عملتي كدة بتوحشيني في كل لحظة وفي كل نفس مش قادر اكمل من غيرك كل اما اشوف ابننا افتكرك ليه تعملي كدة انتي وعدتيني انك مش هتسيبيني ابدا ليه تخلفي بوعدك ليه
سمع صوت بكاء قريب منه استغرب من ان في حد ممكن ييجي في الوقت دا مسح دموعه ومشي شوية لقي بنت قاعدة قدام قبر ومڼهارة من العياط مشفش وشها كويس لانها كانت مخبية وشها بين كف ايدها

حمزة انتي ي انسة
رفعت وشها بسرعة وبصت له كانت شابة جميلة لكن ملامحها مش واضحة اوي من كتر العياط
اتكلمت البنت من وسط دموعها نعم في حاجة
حمزة لا ابدا انا بس شوفتك بټعيطي في حاجة
البنت وانت مالك انت
حمزة انا مكنتش اقصد علي العموم انا اسف
كان لسة هيمشي لكن صوت البنت هو اللي وقفه تاني
البنت استني
حمزة نعم عاوزة حاجة
البنت انا اسفة مكنتش اقصد اقولك كدة بس دا من زعلي
حمزة هو مين اللي انتي بټعيطي عليه كدة
سكتت هي فعشان كدة قال بسرعة انا بس بسال اصل انتي كنتي مڼهارة
البنت يبقي بابا واللي كان فاضللي ماټ وسابني لوحدي في عالم مبيرحمش سابني وانا مش عارفة هعمل ايه من غيره سابني وانا
وقبل ما تكمل كلامها اغمي عليها ووقعت علي الارض حاول انه يصحيها لكن مكنش في رد منها اضطر انه يشيلها لحد عربيته وطلع بيها علي المستشفي
في الحارة الشعبية
كانت نسمة قاعدة مع ام زينات وبتسالها عن الشغل
نسمة يعني الشغل دا بعيد في بلد تانية
ام زينات لا دا هو في البلد بس ييجي بعيد عننا مسافة ييجي نص ساعة
نسمة طب وهما محتاجين ايه
ام زينات هي وحدة اسمها بدرية عايشة في الحارة اللي ورانا بتشتغل هناك وقالت ان الست اللي بتشتغل عندها طالبة وحدة تساعد بدرية لانها مبقتش تقدر تعمل كل حاجة
نسمة دي باين عليها ست طيبة
ام زينات هو علي كلام بدرية ان هي ست مفيش زيها اتنين قلبها كبير وطيبة واهم حاجة انها ممكن تتقبل ظروفك انك يعني لازم تروحي كل يوم
نسمة ليه هي بدرية دي مبتروحش بيتها
ام زينات لا هي عايشة معاهم لا ممكن حد يحتاج حاجة في اي وقت
نسمة طب وهي ترضي اني اروح كل يوم
ام زينات والنبي ياختي ماعرف بصي انتي تروحي لها وتقوليلها علي ظروفك لو رضيت بيها كان بها تشتغلي ولو مرضيتش تبقي تدوري علي شغل تاني وخلاص هي الدنيا هتنتهي من الشغل
نسمة علي رايك طب انا هقوم بقي لاني اتاخرت وعاوزة اطبخ بس اديني العنوان اللي بدرية ادتهولك
ام زينات ماشي
في الشركة كان مالك في مكتبه ومعاه زين وبيتكلموا في الشغل
مالك يعني الصفقة كدة كدة هتبقي لينا وبالشروط اللي احنا عاوزينها
زين انت مش خاېف انهم يقلبوا علينا
مالك والله لو قلبوا يبقي دا اذي لهم هما وانت عارف اني مبسبش حقي ابدا
زين احنا عندنا اجتماع بعد