الحلقه الثالثه والاربعون وصل رضا للحارة عند مالك اللي كان متعصب قرب من مالك اللي اول ما شافه

الحلقه الثالثه والاربعون وصل رضا للحارة عند مالك اللي كان متعصب قرب من مالك اللي اول ما شافه كان هيهجم عليه

رضا : في اي ي جدع انت

مالك : وربنا لو ما قولتلي اخوك فين لاكون دافنك هنا

رضا : ي عم انت الله وانا هعرف هو فين ازاي هو عيل صغير همشي وراه

مالك : انا مليش دخل تقولي حالا وتلاقيلي المكان اللي هو قاعد فيه

رضا : طيب اهدي كدة واقعد

مالك : شوفوا البارد بيقولي اهدي بطل برودك دا وانجز

رضا : انا عارف مكان ممكن يكون فيه

مالك : طيب انجز ويلا نروح علي هناك

رضا : انا بقول ممكن يكون يعني مش متاكد وينفع بقي تبطل التسرع دا انا عندي خطة

مالك : انطق وقول

🥀🥀🥀🥀🥀🥀🥀🥀🥀🥀🥀🥀🥀🥀🥀

عند ملك كانت فوق ومعاها ثريا ومكة اللي جات بعد ما ثريا اتصلت عليها

مكة : ي حبيبتي اهدي اكيد هنلاقيها

ملك : اهدي ازاي دا انا مليش غيرها هي اللي ربتني وقامت بدور الام والاخت ليا انا لو حصلها حاجة اروح فيها

ثريا : ي بنتي انتي بتفولي عليها كدة اكيد مالك مش هيسكت الا لما يرجعها

مكة : ماما عندها حق مالك مستحيل يخلي حد ېؤذيها

ملك : انا خاېفة ليكون عمل لها حاجة

مكة : خير بس انتي اهدي

ملك : انا خارجة هروح ابلغ او هعمل اي حاجة انا مش هفضل قاعدة كدة

ثريا : ي حبيبتي استني اكيد هيلاقوها فملوش لازمة انك تبلغي مالك عرف مين اللي خطڤها وهيجيبه

ملك : بردوا انا مش هقدر اقعد كدة انا ماشية

ثريا : طيب خدي مكة معاكي مينفعش تروحي لوحدك

ملك : لا خليها هي هنا انا هروح واجي بسرعة

ثريا : بس كدة مينفعش

ملك : لو سمحتي خليني علي راحتي

خرجت ملك من الشقة والعمارة كلها وهي رايحة باتجاه مركز الشرطة بس وقفت عربية قدامها اول ما شافتها خاڤت وكانت لسة هتجري بس في رجالة نزلوا من العربية ودخلوها بالعافية

🥀🥀🥀🥀🥀🥀🥀🥀🥀🥀🥀🥀🥀🥀🥀

كانت نسمة قاعدة بتفكر في طريقة تهرب بيها من المچنون اللي خاطڤها لحد ما دخل عليها وعلي وشه ابتسامته المعتادة

حاتم : ها حبيبتي بتعمل ايه

نسمة : قولتلك انا مش حبيبتك وانا دلوقتي بفكر في طريقة اهرب منك بيها

حاتم : طيب متتعبيش نفسك للدرجة دي لانك مش هتقدري تخرجي من هنا غير باذني وقومي يلا

نسمة : عاوز ايه