تزوجني_و_لكن بقلمي_الكاتبة_الصغيرة" الفصل الثامن عشر
تزوجني_و_لكن
بقلمي_الكاتبة_الصغيرة" الفصل الثامن عشر
اسماء : عاوزاكي تساعديني في اني اثبت براءة جوزي
مروة : ليه هو انتي متجوزة طب وجوزك ماله
اسماء : اه متجوزة ودلوقتي جوزي مسجون
مروة : ليه ايه اللي حصل
اسماء : هتساعديني واللا لا
مروة : طب وانا هقدر اساعدك في ايه
اسماء : قولي بس اه والا لا
مروة : اكيد بس اعرف ازاي بردوا
اسماء : انا هحكيلك بس توعديني اللي هقوله محدش يعرفه
مروة : اوعدك
اسماء : ..........
تاني يوم في قسم الشرطة راحت مايا لمحمد زي ما اتفقت مع اسماء سالت علي مكتب سليم ودخلتله اللي اول ما شافها قام وراحلها
سليم : في حاجة ي مايا ايه اللي جابك
مايا : انا جاية اشوف محمد واتطمن عليه
سليم اتغاظ اوي وقال : وانتي ان شاء الله اللي جاية ليه اومال فين اسماء
مايا : هي اللي قالتلي اني اجيله عشان اشوفه
سليم : ماشي ي مايا اقعدي انتي هنا وانا هخليهم يجيبوه من الحجز
سليم : انت ي عسكري
دخل العسكري بسرعة وادي التحية
سليم : عاوزك تجيبلي المتهم اللي اسمه محمد من الحجز
العسكري : تمام ي فندم
خرج العسكري وسابهم ومايا كانت متوترة من نظرات سليم لها
مايا : انت بتبصلي كدة ليه
سليم : انا هجيبه دلوقت بس بعد كدة متجيش له
مايا : طب ليه
سليم : اسمعي الكلام بس
دخل العسكري بمحمد وخرج وسابه معاهم واول ماشاف محمد مايا ابتسم لها واللي بدورها بادلته الابتسامة وسليم اللي كان ھيموت من الغيظ
سليم : تعالي ي اخويا اقعد
محمد بابتسامة : ازيك ي مايا عاملة ايه
مايا : الحمد لله انا جاية اقولك علي اللي حصل
محمد : هو في ايه دا انتو كنتوا عندي امبارح
مايا : ما هو انا هحكيلك علي اللي حصل امبارح
محمد : في ايه
مايا : خالد جه امبارح واخد اسماء وخالتي جميلة وخالتي هنادي كمان
محمد : ماما طب وماما راحت تعمل ايه
مايا : اسماء اشترطت عليه انها تاخدها تعيش معاهم
محمد : طب هي مش هتيجي
مايا : قالت مش هنقدر وانا هبقي اجيلك كل يوم وهعرفك كل حاجة بالتفصيل
محمد : تمام
مايا : مش عاوز حاجة قبل ما امشي
محمد بابتسامة : سلامتك
مشيت مايا اما محمد اتلفت لسليم اللي كان ھيموت من الغيظ
محمد : في ايه
في لحظة كان محمد واقع علي الكرسي بسبب ضړب سليم له
محمد : اه ي غبي هو انا عملت ايه
سليم : انت مفكر اني مش عارف انك بتعمل كل دا عشان تغيظني
محمد : في ايه ي عم هو انا مش من حقي اتاكد انك بتحبها
سليم : وانت مالك اصلا
محمد : هي بلت مسئولة مني ولازم احافظ عليها
سليم : انت اصلا لو موافقتش انا عارف هعمل معاك ايه
محمد : بس باين عليك حبتها اوي
سليم : ملكش دعوة انت ي عسكري
دخل العسكري وادي التحية
سليم : علي الحجز
محمد : بردوا كلامنا لسة مخلصش
سليم : بسرعة خده من قدامي
اخده العسكري ومحمد بيضحك علي سليم اللي مش طايق نفسه
في بيت محمود كان الكل قاعدين بيتكلموا وبيضحكوا لحد ما دخل محمود وخالد
محمود : جهزوا نفسكم
جميلة : لايه
محمود : خطوبة خالد واسماء بعد يومين
كلهم من كلامه اللي مكنش متوقع ابدا
محمود : ها ايه رايك ي اسماء
اسماء : ..........
يتبع
