رواية مچنون فرح البارت الرابع حصريه وجديده

رواية مچنون فرح البارت الرابع حصريه وجديده 
فرح بهدوء مش عايزه فرح ولا حاجه.. احنا ممكن نروح دلوقتي! 
الكل بصلها باستغراب وخصوصا زين 
زين وقف بابتسامه ضايقتها اوك يلا 
فرح وقفت يلا 
زين باستغراب علي طول كده!! مش هتجيبي هدومك حتي! 
فرح بصت ل عاصم لأ مش عايزه حاجه منه تاني.. يلا ولا ايه 

زين باستغراب من تصرفاتها يلاا 
ركبو العربيه وهي ركبت جمبه ببرود وكانت ساكته طول الطريق 
زين بتكبر مبروك !! يامراتي 
فرح بصتله وبعدين بصت قدامها تاني واتكلمت ببرود ضايقه الله يبارك فيك 
زين بص قدامه وقعد ساكت هو كمان لحد ماوصلو ودخلو الفيلا 
فرح دخلت تتفرج عليها ببرود فين اوضتي 
زين زهق من برودها ده هو انتي مش كنتي رافضه امبارح!! وافقتي ليه 
فرح بنفس برودها شيء ميخصكش..وخلينا نتفق من دلوقتى انت اتفقت معاه انك تتجوزني مقابل انك متسجنهوش غير كده تبقي بتحلم.. ودلوقتي فين اوضتي عشان تعبانه وعايزه ارتاح 
زين بعصبيه طيب يافرح وانتي لازم تفهمي انك من دلوقتي مراتي..ومفيش حاجه هتعمليها غير بإذني..اوضتك فوق اول واحده علي اليمين 
فرح سابته وطلعت ببرود وهو واقف هيتجنن من تصرفاتها وبرودها قعد شويه في المكتب يتابع شغله وبعدين طلع الاوضه 
دخل عليها الاوضه واستغرب لما لاقاها نايمه دخل بهدوء وقعد علي الكرسي قدامها 
زين بيكلم نفسه مش عارف انتي حكايتك اي!! بس معقوله نايمه بالسرعه دي! بس باين عليكي القلق حتي وانتي نايمه عمري ماشوفت ملامحك مرتاحه...
_ قام غير هدومه ونام جمبها بهدوء 
فرح صحيت بهدوء ولسه بتتعدل حست بيه جمبها صوتت وزقته بقوه وقعته علي الارض ااااه.. بتعمل اي هنا 
زين صحي مڤزوع وضهره وجعه اااه حد يصحي حد كده!! الله يخربيتك كسرتيني 
فرح رمته المخده ف وشه انت حيواان ازاي تنام جمبي!!
زين وقف وراح قعد علي الكرسي ال قدامها دي اوضتي! هنام فين 
فرح بعصبيه ولما دي اوضتك مخلتنيش انام ف اوضه تانيه ليه 
زين ببرود ببساطه عشان انتي مراتي!!
فرح بقولك مش طيقاك انا مش طايقه اتكلم معاك عايزني انام معاك ف نفس الاوضه 
زين ده ال عندي
فرح ببرود صحابي جايين دلوقتي 
زين اوك انا رايح الشركه لو احتاجتي حاجه كلميني 
فرح بصتله وسكتت ........
زين بعصبيه انا بكلمك!!
فرح وقفت قدامه ببرود وانا مش عايزه اكلمك!
زين اضايق جدا من كلامها وخلص لبس وخرج علي طول راح الشركه 
عمرو قابله وهو بيضحك وصل وصل وصل..العريس وصاال 
زين ضربه علي كتفه يشيخ اتنيل 
عمرو اااه يخربيتك في ايه.. وبعدين انت جاى ليه اصلا مش انهارده صباحيتك بردو... غمزله وهو بيضحك

زين بعصبيه اسكتت..ويلا علي شغلك 
عمرو سابه ومشي وهو بيضحك 
عمرو عبدالجليل صاحب زين من الجامعه مع بعض من اكتر من عشر سنين.. عنده 29 سنه طويل شويه بس بيهتم بجسمه جدا...شعره بني وعنده دقن وشنب خفيف عينه لونها عسلي عايش مع والدته بعد ماابوه اتجوز عليها وسافر..وهو بيشتغل مع زين 
فرح كانت قاعده ف الاوضه ولقت حد بيخبط عليها 
فرح ايوه!!
_ صباح الخير.. مستر زين سايب لحضرتك الهدوم دي