رواية شجن بقلم الكاتبه آيه أحمد حصريه وجديده وكامله جميع الفصول

رواية شجن بقلم الكاتبه آيه أحمد حصريه وجديده وكامله جميع الفصول 
شجن بنت عشرينية جميلة جدا رشيقة تدرس بكلية التربية الرياضيةملفتة للقلب قبل العين عيناها عسلية اللون وخديها دائما وردية روحها كالفراشات على القلوب ومتميزة بكل مجال تخوض به ومعافرة محبوبة من الجميع لكن يوجد البعض كارهين حاقدين عليها.

شادي أخوها الوحيد والكبير لشجن وهو يعمل محاسب بإحدى الشركات.
والدة شجن ست بيت جميلة و مثقفة وملامحها أخاذة وهذا من الطبيعي لأنها أنجبت ابنه فاتنة مثل شجن 
والد شجن مدير بإحدى الشركات وهو رجل قوي ومثقف ذو خلق رفيع ماهر جدآ بعمله ومتقن محبوب جدآ من الجميع وخاصة الغرباء لكن الأقارب برغم أنه الوحيد الذي يصل الرحم ويساعد الجميع ويقف بجانبهم بأي وقت يحتاجونه بجانبهم ولكنهم حاقدين عليه وهذا طبيعي لأن العين دائما تكره الأحسن منها ومحدش يكرهك ويحقد عليك غير الناقص اللي شاف خيرك وذاق من مذاقة الطيب ورأى سمعتك البراقة وحب واحترام الجميع لك.
هذه هي أسرة شجن الصغيرة. 
شجن ياربي هو الواحد مش هيبطل بقا يقوم مڤزوع من النوع على صوت الزعيق العالي دا ! حقيقي الواحد أعصابة تعبت صباح الفل يا ماما صباح الفل يا شادي 
والدة شجن صباح النور 
شادي أهلا يختي لسه صاحية ما تخليكي نايمة كمان شويه
شجن إحنا في إجازة علفكره وفعلا مكنتش هقوم دلوقت إلا بقا صوت زعيقكم العالي دا هو اللي صحاني قولولي بقا إي سبب الزعيق دا من الصبح! 
والدة شجن مفيش عمتك اللي مش سيبانا في حالنا وعماله تتكلم علينا بالباطل وتسمعي كلام غلط عننا ومبتروضيش الغيبة! تسمع الغلط في حقنا وتسكت ينفع كده ! .
شجن طيب وانتي اي عرفك بالكلام دا يا ماما 
والدة شجن الكلام وصلني من واحده 
وجيت أتاكد من عمتك قالتلي أيوه كانوا قالوا كده من زمان عليكوا بس مردتش أقول عشان مولعش النفوس بقا قولتها تسمع الغلط عننا من مرات أخوكي التاني وتسكتي ! قالتلي م انا هقول إي دا أخويا ودا أخويا !.
شجن طيب روقي كده يا ست الكل ومتحرقيش دمك واي الجديد بتاعهم م هما علطول كده وإنتي عارفه إنهم مبيحبوناش .
شادي إمشي يبت يا باردة إنتي شوفي رايحة فين ولا كملي نوم إجري 
شجن طب براحة يخويا على أعصابك لطق ماله دا في إي على الصبح!
شجن العصر قرب يأذن والكهرباء لسه قاطعة يا ماما وأنا ھموت من الحر وجعت مفطرتش.
والدة شجن حد قالك متفطريش ! طب قومي يلا اغسلي رز وجهزي حاجات الأكل نصف ساعه والكهرباء تيجي وشوية وبابا يجي من الشغل 
شجن حاضر 
شجن هاااااي الكهرباء جات يا ماما وخلاص الاكل قرب يستوي أهو 
شادي إي يبت انتي اكبري بقا يااه اليوم كان متعب أوي النهارده في الشغل .
والد شجن السلام عليكم إنتوا فين يا ولاد ياااا شجن 
شجن نعم يا بابا حمد لله على السلامه يا حبيبي 
والدة شجن حمد لله على السلامة 
شجن يلا يا شادي خلص اللي في إيدك عشان هحط الاكل
والد شجن تسلم إيدك يا شوشو لأ دا إنتي بقيتي ست بيت ماهرة.
شجن عيب عليك يا بابا دا أنا شطورة جدا جدا !
شجن خلاص الحمد لله خلصنا أكل هقوم بقا أدخل الصينية وأعملكوا الشاي العظمة بتاعي بقا مع إن شكلك يا بابا مش محتاج شاي مزاجك حلو لوحده باين عليك .
والد شجن ههههه ماشي يا غلباوية أنا فعلا مزاجي حلو النهارده
شجن طب ياسيدي ربنا يسعدك هو إحنا نكره دا مصلحه ليا عشان عاوزه فلوس أجيب كريمات ههههه
شادي طب أنا عندي شغل على اللاب هقوم أعمله بقا.
والد شجن ربنا يعينك يا حبيبي .
شجن هما راحوا فين عشان أديهم الشاي 
أها في أوضة الجلوس أهو هما مالهم بيتكلموا براحة كده لي! .
شجن قربت من الأوضة عشان تدخل الشاي لوالدها و والدتها..... وفجأة مرة واحدة ملامحها كلها إتغيرت وعنيها رغرغت بالدموع و يداها إرتعشت وكأن أتى توبة في عز الصيف!....
_شجن_
_الفصل_الثاني_
شجن واقفة تستوعب الكلام اللي سمعته من والدها ووالدتها وهو موضوع جوازها وإن حد متقدملها وبتقول لنفسها إزاي كده! دا أنا حتى لسه في سنة أولى كلية هشيل المسؤولية إزاي! وهتجوز حد معرفهوش ولا عمري شوفته! كمان أنا بحب زميلي في الكلية ومستنيه يخلص آخر سنة ليه في الكليه ويجي زي ما وعدني هعمل إي وأنا قلبي مع حد تاني وأهلي أكيد مش هيوافقوا بطالب .
والدة شجن إنتي يا هانم كل دا بتعملي شاي 
الصوت قطع حبل أفكار شجن بسرعة وبلعت ريقها من الصدمة وتستجمع قواها وترد لأ خلاص الشاي أهو إتفضلوا .
والد شجن مالك ملامحك مخطۏفة لي كده
شجن لأ أبدا يا بابا يمكن عاوزه أنام بس .
والد شجن طيب إدخلي ارتاحي شويه ولو حاسه بتعب خدي علاج .
شجن بحزن يأكل قلبها وبصوت كلها هبوط حاضر يا بابا.
____الڪاتبة_آية_أحمد_أبوداعوس_______
شجن دخلت أوضتها وكلها حزن ومش عارفة تعمل إي ولا تتصرف إزاي هل تقول ل علي الشخص ال شجن بتحبه وزميلها في الدراسة ولا هتقول اي لما أهلها يفتحوا معاها الموضوع!.
شجن بحړقة يااااارب حلها من عندك يارب 
والد شجن شجن يا شجن انتي فين يبنتي ! كل دا نايمة ولا إي قومي الليل جيه هتنامي إزاي كده تاني بالليل .
شجن لأ يا بابا معرفتش أنام كويس نعم حضرتك محتاج حاجة .
والد شجن أيوه يا حبيبتي عاوز أتكلم معاكي في موضوع كده .
شجن برقت وإتخضت وقالت بسرعة نعم يا بابا موضوع إي خير .
والد شجن مالك يبنتي وشك إصفر كده لي هتكلم معاكي عادي .
شجن لأ أبدا يا بابا مع حضرتك وشي مصفرش ولا حاجة أنا كويسة.
شجن عماله تفكر يا ترى والدها هيقولها إي ولا هي هترد تقوله إي ولو رفضت إي السبب وأنا كل شويه أرفضلهم ناس كويسه بدون سبب.
والد شجن قطع تفكيرها وقالها بصي يا شجن يا حبيبتي انتي كبرتي وجي الوقت اللي تبدئي حياة جديدة وتشيلي المسؤولية ويكون معاكي حد في حياتك يساندك إنك تأسسي أسرة جميلة زيك.
شجن أسرة إي يا بابا وكبرت اي دا أنا لسه في أولى جامعة ثم إن مش عاوزه اتجوز دلوقت حضرتك عارف إن رافضه الموضوع تماما.
والد شجن لي يبنتي ما فيه ناس قدك كتير متجوزه كمان ومعاها عيال ودا طبيعي هنا في الأرياف أنا عاوز أطمن عليكي قبل ما أموت يا حبيبتي واشوفك في بيت جوزك.
شجن عنيها دمعت بعد الشړ عنك يا حبيبي متقولش كده يا بابا بس يا بابا مليش دعوة بحد مش هقارن نفسي بحد وأنا بتعلم ومش عاوزه اتجوز دلوقت خالص وبعدين حضرتك لي مصر المرة دي أوي على الموضوع ليه كده إي الميزة إللي في الشخص دا يعني .
والد شجن إقعدي معاه ولو معجبكيش ارفضي وهو الولد ميترفضش مكافح ومحترم وعارف ربنا وطول بعرض زي م انتي بتحبيوظابط .
شجن لأ يا بابا .
_____الڪاتبة_آية_أحمد_أبوداعوس______
والدة شجن تاني يوم صباح الخير يا شجن.
شجن بحزن وفقدان طاقة صباح النور يا ماما .
والدة شجن بابا كلمك إمبارح في موضوع العريس اللي متقدملك .
شجن أيوه يا ماما ورفضته .
والدة شجن لأ بصي بقا أنا جبت أخري معاكي كل يوم والتاني ترفضي وناس كويسه ومفيش سبب ولا فيه سبب عندك .
شجن وهي متلجلجة وإتوترت لأ يا ماما مفيش عندي سبب هو بس لأن مش عاوزه أتخطب دلوقت هيكون إي السبب يعني يا ماما .
والدة شجن طيب إعملي حسابك ابوكي إدي للناس دول كلمة ومش هنعرف نرجع فيها لأن دول ناس واصلة وممكن يأذونا .
شجن يأذونا إزاي يعني !! هو مفيش قانون في البلد ولا إي ! مفيش حد فوق القانون ولا هو عشان إبنهم ظابط وحالتهم حلوه .
والدة شجن هو دا اللي عندنا مفيش مجال للرفض المرة دي وخلاص جاين بكره بالليل .
شجن وهي مصډومة ومتعصبة نعم !! بكره بالليل إزاي يعني هو أنا حيوان ولا جموسة يا ماما الڈبون اللي يطلبها ويكون عاجبكم ودافع تسحبوها وتدهاله منغير متقول حرف ! وإنهارت شجن في العياط .
شجن بغيظ وهي مڼهارة في البكاء مش هقابل حد ولا موافقة.
والدة شجن بعصبيه إتأدبي يبنت وكانت هتضربها لكن هديت لما شافت دموعها وحاولت تستوعبها وقالتلها يبنتي إفهميني الناس دول ناس واصله وممكن يشيلوا أبوكي بالوه لو رفضنا أبوكي كان واخد قرض ومعرفش يسده عشان الحالة المادية كانت وحشة وعشان يدخلك الكلية بتاعتك دي وعشان اخوكي كان محتاج واسطة عشان يتعين في المكان النضيف اللي هو فيه دا وأبو العريس دا ال سدهوله لأن كان هيتحجز على بيتنا لو مصدناش في الوقت المطلوب ودلوقت هما ماسكين وصولات أمانه على ابوكي بمبلغ طائل ومش هنعرف نسدة .
شجن تقطع كلام والدتها يعني إنتوا يا ماما بعتوني بالفلوس عشان أنا أسدلكم!.
والدة شجن وهي كلها حصرة إحنا هنبيعك يا شجن دا ولا كنوز الدنيا يبنتي بس دي جوازة حلوه.
شجن دخلت أوضتها مش عارفه تعمل إي ومره واحده لقت نفسها مسكت الفون وإتصلت على علي حبيبها مرضش فبعتتله على الواتساب ازيك يا علي عوزاك في حاجة مهمة جدا أول ما تكون فاضي كلمني ضروري .
علي أول ما شاف الماسيدج نعم يا شجن معلش كنت نايم ازيك عامله إيه وخير في إيه يستي وحشتيني هو انتي يوم م تكلميني يكون عشان في حاجة ! بس ما علينا المهم إنك بعتي .
شجن مش كويسه يا علي 
علي لي يبنتي في إيه مالك بس .
شجن هسألك سؤال يا علي أنت بتحبني بجد ومستعد تقف قدام كل الدنيا عشان أكون معاك ولا لأ .
علي شاف الرسالة وسكت شوية لأنه إتردد وإستغرب أكيد طبعا يا شجن بس إي داعي الأسالة دي .
شجن هقولك يا علي وحكيتله شجن على كل حاجة .
علي أيوه فهمت تمام طب وأنا مطلوب مني إي دلوقت يا شجن .
شجن إزاي يعني أنت المفروض تقولي أعمل إي ولا أتصرف إزاي مش أنت لسه قايلي إنك بتحبني وتقف قدام الدنيا عشاني ومش انت كنت مديني وعد !!.
علي أيوه يا شحن بس دول ناس واصله ودول اهلك انا هعمل اي وهاجي اقولهم إي معلق مع بنتكلم وبنحب بعض وأنا لسه طالب فاضلي سنة وأخلص!!. وبعدين وعد إي دا أنا قولتلك لما أبقا أخلص.
شجن يعني إي ناس واصلة ! م أنت كمان يا علي حالتكم المادية كويسة وانت لو بتحبني هتعمل أي حاجة عشان أكون معاك الغاوي يعدي بحار