واهتز_عرش_المغرور بقلم_سلمى_جنايدة الجزء_الخامس حصريه وجديده

وبلا ضمير.
وقع عنتر عالأرض عم ېصرخ.
سلطان....انت وعدتني تحافظ عليها لحتى اجي لعندك موووووو.
عنتر وهو عم ېصرخ ويتوجع.....ا اااااخ لكان وين وعدك اللي مالتزمت فيه انت.
سلطان.......انا بلتزم بوعودي بس الغدر طلع من عند
حاول المقدم قد مافي يهدي سلطان بعد ماتركو ليفش قهرو منو كان بيعرف انو أذاه كتير لهيك مامنعو عن شي لوقت شاف انو بجوز ويتورط فيه.
ليلاس عم تبكي وخاېفة...
مسكها سلطان من كتافها .....خلص ليلاس حاجتك بكى والله لو مامنعني حضرة المقدم لكنت قټلتو وخليتك تشربي من دمو بس لأنو فكر يلمسك.....بس خلص روقي...انتهى كل شي.
هالمرة تجرأ وضمھا من جديد بس بشكل مختلف عن المرات السابقة وخصوصا وقت حس انها بحاجة لهيك حضڼ لتحس بالأمان وتحس بوجودها معو...وهي بدورها استسلمت اللي بكت فيه كتير وشعرت فيو بالحنية والراحة.
لأول مرة مابتتدايق من وجودو معها على العكس حست بالأمان اكتر وقت شافتو داخل لعندهن.
عنتر ورجالو انقبض عليهن پتهم كتيرة ومن بينهن خطڤ ليلاس...
رجعت مع سلطان وركبت معو بالسيارة كانت هادية كتير متل القطة الأليفة.
حس سلطان عهدوئها.....شو طمنيني كيف وضعك هلأ...ارتحتي.
هزت راسها بأي.
سلطان.....انا بعتزر منك...رغم انو مالي علاقة بقصة خطڤك من هالندل بس بعتزر لأنو دحشك بقصصي معو مع انو غلط هيك شي بس هيك تصرفات مابتطلع الا من ضعيفين النفوس اللي بيوصلو لشي عن طريق شي تاني وبيستغلو حاجة اللي قبالهن.....بس انا مو هيك مامستعد فكر اخطڤ بنت او طفل لأضغط عحدا حتى لو كان هالشي الحل الوحيد....في ناس بحياتنا خط احمر و التجاوز عنو ممنوع ومابصير نحطهن قدام مشاكلنا لنوصل لهدفنا حتى لو كانو هنن الوسيلة لتوصلنا لغايتنا.
كل هاد وليلاس ساكتة.
كان عم يسوق وكل شوي يتطلع فيها.
سلطان.....ليلاس....مااتضلي ساكتة هيك سمعيني صوتك....ماتعودت تبقي ساكتة هههههه تعودت ععياطك علي وسبك الي....بعرف اتدايقتي من اللي صار بس بوعدك ووعد سلطان مو متل اي وعد......هالمرة اول وآخر مرة بصير معك هيك.
طلب منها تسترخي بلكي بترتاح اعصابها شوي.
مطت حالها عالكرسي تبع السيارة وغمضت عيونها.....اتطلع فيها سلطان بنظرات جديدة تأمل فيها ملامحها الحلوة البريئة شاف فيها بنت قوية بشخصية رائعة...اتزكر كلام بكر عنها وقت خبرو انها بتشتغل بمحل ابوها وقت اللي مرض وانو مافي شب قدر يدايقها ولا يسرق البها.
ابتسم تلقائيا لمااتزكر هالكلام وماعرف السبب.
وقت وصلو كانت لساتها نايمة....قرب منها ليفيقها استشعر جمالاللي مخبيتهن ورا عصبيتها وقوتها لحتى اتدافع عن حالها.
جال بنظرو عوجهها كامل ليتمعن عيونها النايمة ورموشها الطويلة وبشرتها الصافي
بعد عنها لحتى ماتخاف منو.
سلطان......ليلاس.....ليلاس.
حط ايدو عكتفها ليفيقها......ليلاس.
فاقت بسرعة وزبطت قعدتها واتطلعت فيه.....شو في.
سلطان.....سلامتك بس عم فيقك لقلك انو وصلنا.
اتطلعت حواليها واتزكرت انو كل شي انتهى...
قبل لتنزل عطتو نظرة من عيونها الحلوة خلتو ينفتن فيها.
ليلاس......شكرا ا سلطان......وبعتزر لأن غلطت فيك كتير.
ابتسم بهدوء وقلا.....الحمدلله عسلامتك.
نزلت وبقيت واقفة لعطاها
امر تدخل البيت.
انتهت مهمة سلطان انو رجع ليلاس بخير وسلامة بقي عليه شغلة تانية مهمة كتير والي هي اهل بيتو لوليد.
راح لبيتو واخد بخاطر مرتو ووعدها يتكفل بولادها ليكبرو ويصرفلها راتب كل شهر ويأمنلها مونة بيتها كاملة وخبرها اي شي بتحتاجو تبعتلو ومارح يقصر معها بنوب.
يتبع