رواية مبيشبه_جنونك_حدا البارت الثالث بقلم تيما_غزال حصريه وجديده
انت في الصفحة 1 من 3 صفحات
رواية مبيشبه_جنونك_حدا البارت الثالث بقلم تيما_غزال حصريه وجديده
آية انساك ..حكيلي عنك أنت ..
ينال قلتلك قصتي ..يعني لو يحكولي أطلع من هون من بكرا الصبح بتلاقيني بتاني بلاد ..كنت وحيد أمي وأبوي ما عندي حدا غيرهم ..وهون عندي أخت برضاعة ..متل أختي الحقيقة وأكتر ..وفي حبيبتي الي الظروف بعدتنا عن بعض ..
ينال رح ضل حبها ..لآخر نفس فيني رح يضل قلبي ينبض بأسمها لآخر نبضة في ..شعور انو قلبك يكون ملك حد تاني شعور بجننن ..وبشع بنفس الوقت ..عمرك جربتي تحبي حدا أكتر من حالك تخافي علي من الهوا الطاير .وتغاري علي من نجوم السما
آية ما بعرف ..يعني كنت حب أبن خالتي لما كنت هنيك ..بس اتوقع كانت مشاعر مراهقة لا أكتر ولا أقل ..ومن طرف واحد لأنو ما كانت عندي الجرأة احكيلو ..
آية الله يجمع كل تنين بحبو بعض ..
ينال آمين ..تزكرت شي ..
آية شو
ينال اليوم وأنا بغرفتي كنت عم بستنى أمي تحكيلي أطلع ..دخلت بنت غريبة ع الغرفة ..كانت سمرة شوي وشعرها قصير مو طويلة كتير
حكتلي أوعك أوعك تأزي آية وألا بتشوفني بوجهك ..بخليك ټندم ع الساعة الي نولدت فيها وقبل ما احكي شي طلعت لبرا وسكرت الباب بقوة ..
ينال مين هي ..
آية هي رفيقتي وأختي ..تعرفت عليها لما جيت لهون ..وهي كمان متلي نخطفت بنفس اليوم حتى ..من هداك اليوم لمبارح ماحدا قدر يفرقنا عن بعض ..
ينال ما رح تفترقو أساسا ..ما تخافي رح خليها تيجي لعندك دايما ووقت ما بدك طلبي مني .
آية شكرا كتير كتير ..يعني حاسة حالي بحلم ..انت متل المعجزة تماما .
آية هزت راسها ..
ينال أي صح انا رح نام ع هاي الكنباي وانت ع التخت أي
آية ازا بدك نام انت ع التخت هاي الكنباي صغيرة عليك ..
ينال ضحك وحكا لا لا منيحة ..
آية متل ما بدك ..
ينال لسا الساعة تسعة شو بدنا نعمل ..مو نعسان كمان ..
ينال عندي فككررة ..قام من مكانو بسرعة وبلش يفتح بالجوارير الموجودة لحتى رجع ع الكنباي وبأيدو وراق لعب شدة
آية رح نلعب !
ينال اي وين المشكلة .
آية ما قدرت تسيطر ع حالها وضحكت بصوت عالي بعدها وقعت ع الأرض من الضحك
ينال ضحك وحكا بعرف انو الأشي كتير سخيف ..بس شو أعمل هاد الحل الوحيد لنقتل الملل ..
آية أي معك حق ..
ينال رجع ضحك
