رواية جريح_الصمت_ياقلبي الفصل الحادي والعشرون حتى الفصل الخامس والعشرين حصريه وجديده

نطق بسخريه أي زواج وللحين ما جمع ربع المهر!
ليان بابتسامه البارحة إلتقيت فيه وسألته عن موعد الزواج قال إن شاء الله خير 
نورس باهتمام طيب لما يتصل فيك ما تتباحثون بهذا الموضوع 
وليد بهدوء ما في تواصل بينهم
قاطعه باستنكار نورس نعم!
حنا بأي عصر !
وليد وقرار سلطان لما فكر فيه جاز له لأنه ېخاف من الاڼتقام نطق بهدوء يعني بناء على رغبة عمي سلطان ما عنده البنت تجلس مع خطيبها نفذنا له رغبته بما إنه البنت هو الي اعتنى فيها!
نورس ما عجبه هالقرار وكنان وش قال!!
وليد مط شفته بسخرية وش رح يقول!
بعد الزواج يجلس معها مثل ما يبغى اما الحين ما هو مسموح!
نورس بابتسامة الحمد لله سلطان ما هو جدك يا ليان!!
ليان بهدوء فترة خطوبتنا ما طولت مثل بيلسان!!
نورس بتساؤل قلت رح ينتقل من المستشفى الي تشتغلين فيه!
ليان هزت رأسها هو قال لي قبل فترة عن انتقاله بس صارت بعض الامور وأخرت انتقاله!
مطت شفتها بيلسان بسخريه اختها تعرف كنان اكثر منها دوامها معه بنفس المستشفى وتلتقي فيه كثير بس ما عمرها خبرتها إنه سأل عنها أو يسلم عليها او شيء يدل على إنه للحين ناوي يكمل معها ما احد زاراها الا جدته وعمته خلال هالفترة مرتين وما كانت موجودة بالبيت كانت بالجامعة!
ما رح تربط نفسها بأشخاص رح ترجع بيلسان القديمه ايام القرية وترجع الامل والحياة لقلبها من جديد ما بقى شيء على هذا الحلم تتمنى إنه ابوها ما يوقف بطريقها حتى ما يكون تصادم بينهم من جديد 
ما هي مصدقه انها كملت امتحانها ما انتظرت التخرج اهم شيء كملت امتحانات اتفقت مع جدها اول ما ترجع يكون بانتظارها كان عند وعده وما تأخر دقيقه عنها تناظر القرية وهي تشوف التغير الي صار فيها ابتسمت لنفسها ما هي مصدقه إنها تركت ذاك المكان طول الفترة تدعي ربها إنه وليد ما يوقف بطريقها ناظرت جدها سلطان بابتسامة مب مصدقه إني رجعت احس نفسي بحلم وبأي لحظة رح أصحى منه 
سلطان مد يده وقرصها بكتفها ما هو حلم!
فركت مكان القرصه اوجعتني !!
سلطان بملامح مرتاحه لتواجدها معه اليوم عندي وكأنه عيد من الفرحة بتواجدك معنا!!
بيلسان تنهدت بحنين أحس كأني تارك المكان عشرين سنة ااااه واخيرا رجعت!
ضحك سلطان بخفه الي يسمعك يقول عمرك خمسين ما هو ٢١ سنة!
ضحكت على نفسها قلت كذا من لهفتي وشوقي لكم شوفني تخرجت بثلاث سنوات حتى ارجع لكم والحمد لله !!
سلطان مط شفته بابتسامة ساخره الي يشوفك يقول وكأنك مقفول عليك بغرفة بأربع جدران!!
تنهدت بيلسان والايام الماضيه للحين معتليه فوق صدرها ما قدرت تتجاوزها كتمت ضيقها ونطقت بابتسامة ناظر ذيك نجوى لو انزل أسلم عليها
قاطعها الايام طويله رح يملون منك!!
ابتسمت بحنين لأيام نجوى والبنات ما رح نمل من بعض!!
نطقت باستدراك صحيح يبه سمعت عن المدرسة الي رح يفتتحونها هنا رح اقدم لهم طلب وأدرس فيها !
هز رأسه بتشجيع أكيد ابغى الكل يتكلم عن شطارتك رح تكونين أحلى أبله بالمدرسه!!
زمت شفتها بسعاده وهي تنتظر اللحظة الي تكون فيها معلمه!
بعد وقت قصير وقفت السيارة قدام بيت جدها نزلت وهي تسمع جدها يتكلم مع السائق ناظرت البيت بحنين اقتربت من جدها حملت اغراضها وهي ناويه تلف القرية شبر شبر !!
جالس بالصالة عند اهله ويطقطق بالجوال نزل الجوال وناظر ابوه وهو رافع حاجب بعد ما وصله الكلام سلطان جاء وأخذها!
أبو فيصل هز رأسه ايه تقريبا على الساعه ١١ ليه
قاطعه وليد وهو مقطب حواجبه كيف يأخذها بدون ما احد يقول
قاطعته ام فيصل انت وافقت بعد الامتحانات ترجع للقري
قاطعها بعدم رضا وافقت بس ما هو من بعد الامتحان مباشرة !
طيب ما لها اهل تسلم عليهم قبل ما ترجع!
أبو فيصل مط شفته بسخرية لو شافت منكم ريق حلو ما هجت بذي الطريقه يمكن خاڤت لو انتظرتك تغير رأيك!
زم شفته وليد وما عجبه كلام أبوه الي يسمعك يقول تصبح بطراق وتمسي بطراق !
أبو فيصل مط شفته بطريقه استفزت وليد الله اعلم حنا جالسين هنا وش يعرفنا الي يحصل في بيتكم !
هز رأسه بقلة حيلة لا حول ولا قوه الا بالله!
ام فيصل اكتفت بالسكوت وهي تحس بيلسان من زواج ليان حملت عليها مع انها حاولت تراضيها بس حستها ما صفيت لها ناظرت وليد الي نطق پقهر وربي أفكر أنزل للقريه وارجعها حتى تعرف اداب البيت
ام فيصل برجاء اذا لي عندك خاطر يا ولدي اتركها لو شفت فرحتها والإبتسامة شاقه حلقها زمان ما شفت فرحتها كذا !!
اتركها تراك خنقتها بالعيش هنا حياتها وطبعها مختلف عنا اتركها تعيش بالمكان الي يناسها!!
فتحت عيونها باستنكار وهي تشوف المكان ظلام عقدت حواجبها وعقلها ما هو مستوعب المكان بدأ تدريجيا عقلها يستوعب إنها في بيت سلطان 
وقفت بشويش وهي تتلمس مكان الانارة ما تدري كم الوقت طلعت من الغرفة واقتربت من جدتها متمدده على طولها بالصالة نطقت وهي تناظر من حولها كم الوقت!
ام خزامى بهدوء قريب اذان العشاء 
بيلسان عقدت حواجبها بضيق وليه ما صحتيني للصلاة
ام خزامى بهدوء والله يمه صحيتك وقلت لي صليت يمكن تعبت من الطريق ونمت بعمق
تتمة الجزء الرابع والعشرون
ام خزامى بهدوء والله يمه صحيتك وقلت لي صليت يمكن تعبت من الطريق ونمت بعمق!!
روحي يمه لحقي المغرب قبل العشاء!
هزت رأسها ورجعت ادراجها تتجهز للصلاة ما تتذكر جدتها صحتها تتذكر انها دخلت تبدل ملابسها تريح شوي وتلف بالقريه وبعدها ما تدري عن شيء!!
ما تدري وش هالنوم إلي متسلط عليها ندمانه على تساهلها المفروض لما كانت عند اهلها راجعت بالمستشفى وعرفت سبب هذا النوم!!
قضت الصلوات الي فاتتها وجلست تستغفر ربها رفعت نظرها لما فتح جدها الباب بعد ما طرقه وبابتسامة نطق تعالي نتعشى قبل اذان العشاء زمان ما جلست معك !
ردت له الابتسامه وبداخلها مشاعر دغدغه حلو تلقى ناس من حولك تحبك لذاتك تهتم فيك تحسسك بقيمتك كإنسان 
وضعت جلال الصلاة وتوجهت لجدها والسعادة والفرح بدأ ينبت من جديد بداخلها!!
جلست على الأرض بأريحيه زمان ما جلست على الارض تأكل 
ام خزامى بفرح والله نور البيت بوجودك يا يمه الحمد لله انتهت دراستك على خير!!
سلطان جلس جنبها وهو ينطق باكر رح تعزمين كل صديقاتك على الغداء هنا متأكد مشتاقه لهم وللحش والضحك 
ابتسمت بحنين وهي تناظر جدها بامتنان وكأنه يعرف الكبت الي عاشت فيه!!
تابع كلامه بجديه جربتي الحياة هناك ومتأكد كانت من أسوأ السنوات الي عشتيها وأحب أقولك حياتك في بيت كنان ما رح تفرق شيء الوقت للحين معك فكري زين وما تتسرعين بالزواج وما يغرك الشكل تزوجي انسان من هنا تعرفين عاداتهم وتقاليدهم وحياتهم نفس الحياة الي عشتيها والخيار لك
قاطعته ام خزامى اترك البنت بحالها دام انها وافقت عليه فأكيد راضيه فيه والزوجه الصالحه تتحمل زوجها بالسراء والضراء واذا کرهت منه خلق رح ترضى بأخلاق ثانيه منه ما في إنسان كامل 
تحس بالغصه بعد كلامهم مب قادرة تبلع اللقمة معقول تعجلت بقرارها كتمت انفاسها للحظات متشتته وعقلها مب قادر يأخذ قرار سليم الشيء الوحيد الي متأكده منه إنه قلبها ما نبض لشخص غيره ليه تظلمه وللحين ما شافت منه شيء سيء الرجال ما ظهر خيره من شره وبهدوء نطقت عكس وجهها الي تحس إنه ۏلع أنا استخرت يا يبه وربي كتب نملك وأنا راضيه فيه وللحين ما شفنا منه شيء
قاطعها بصراحه أنا هالشاب ما اعرفه ولا لي فيه اختلاط بس أنا أخاف عليك من الي حوله منار ما رح ترتاحين معها هذي أختي وأعرفها اذا حقدوا صعب يغفروا لأحد ويبقى الاڼتقام بداخلهم حتى بعد مرور السنوات!!
ام خزامى باستبعاد الحين متزوجه وعندها عيال الماضي ماټ وأي حركه رح تحسب حسابها وتخاف يقولون للحين على ذكرى وليد ما ظنيت تعمل شيء!!!
الله يهديها ويهدي الجميع!!
نطقت بيلسان بخفوت آمين!!
جريح الصمت ياقلبي
للكاتبة ضاقت انفاسي
الجزء الخامس والعشرون
جالسه ومسنده ظهرها للجدار وعقلها ما هو مستوعب ما توقعت من ثاني يوم تكون خزامى هنا! 
عجزت تقدر تفهمها ناظرت جدها الي نطق بنرفزه والنهايه لهذا الكلام!
خزامى پقهر انت يبه كذا تشجعها على الغلط كيف ترجع بدون ما تنتظرنا وتسلم علينا!! 
وليد زعل كثير وتضايق وخالتي ام فيصل تقول كان يبغى ييجي هنا ويسحبها حتى تتعلم الأصول 
قاطعها سلطان بقرف اففف من هالوليد الي أقرفتيني فيه اسمعيني زين البنت الحين عندي ووليد ما هو عاجبه بأقرب طوفه يطق رأسه فيها!!
تراه مدير مستشفى ما هو مدير علي حتى يجلس وينظر فوق رأسي ابلعي لسانك واجلسي ترى رأسي صدع من سوالفك من اول ما جاءت وليد زعلان ووليد زعلان بالطقاق الي يطقك انت وإياه!! 
انتفخت ملامح خزامى من كلام ابوها وناظرت بيلسان بانتقاد وانت ما شاء الله عاجبك يتكلم على أبوك وساكته!! 
تنهدت بيلسان بملل من الحياة وقبل ما تنطق تكلمت ام خزامى بضجر وبعدين معك ! بيلسان لا تدخليها بمشاكل وليد وأبوك!! 
خزامى رح ټنفجر من ترقيع أهلها لبيلسان وكأنهم محامي دفاع عنها نطقت بهجوم وهي تناظر بيلسان ذبحتي حالك ترجعين هنا حتى تقضين طول وقتك متمدده وكل شيء ينحط قدامك لا شغل ولا مشغله !
بيلسان ردت بطول بال أنا أساعد 
قاطعتها ام خزامى وهي تناظر بيلسان بفخر يا ليت كل البنات مثلها أدب اخلاق سناعه
طق قلبها خزامى من المديح والغيرة اكلت قلبها وبتحقير نطقت ايه كثري منها السناعه!! 
سلطان ابتسم وهو يشوف ملامح خزامى اشم ريحه غيره!! 
خزامى عبست ملامحها بترفع اغار!
وليه أغار!
سلطان ضحك بخفه يمه يمه الغيره واضحه من عيونك
كتمت قهرها وما علقت ما توقعت ملامحها تفضحها كذا عم الصمت للحظات بعدها نطقت خزامى بانتقاد وش ناويه تعملين!
بيلسان بهدوء نطقت اتفقت مع جدي بما انه الحين عطلة الصيفيه على الابواب أعطي دروس خصوصيه يعني دروس تقويه للطلاب 
قاطعتها بعبوس وين رح تعطين البزران
بيلسان بنفس الهدوء هنا 
خزامى بعبوس نطقت هنا ! 
البيت يا دوب واسع أهله وفوق هذا تحضرين عيال القرية هنا ! 
ويا ليت فيه مقابل !
تظنين احد رح يدفع لك سعر ! رح تكون اسعار رمزيه ! 
قاطعتها بيلسان ما هو فارق معي السعر أهم شيء اساعد غيري ونرفع نسبة التعلم هنا
قطعت كلامها وناظرت خزامى الي تضحك بقوة!
التفتت بيلسان على جدها باستغراب من ضحك امها!!
سلطان اشر لها تتجاهلها واضح إنها اليوم فاصلة!! 
ام خزامى بانتقاد وش هالضحك الي بدون سبب
خزامى وللحين اثار الضحك ظاهره على ملامحها ما سمعتيها تقول تبغى ترفع نسبة التعلم!
مين رح يرسل ولده عندك ! 
ومين رح يدفعلك بذي القرية المطفره!! 
صدق إنك غبية وما