رواية حياة الفهد البارت السادس والسابع والثامن والتاسع والعاشر بقلم الكاتبه المجهوله
اسنان
حياة انت مبتضحكش ابدا وبتفضل مكشر لدرجة اني فكرت انك معندكش أسنان
فهد طب قومي ياختي هتتاخري ع كليتك ولا ناوية تسقطي
حياة ايه أسقط ايه هو انا بتاعت الكلام دا
فهد بسخرية امم ماهو واضح.... يلا قومي
حياة قامت وخدت دش وغيرت هدومها ولبست دريس رقيق وفردت شعرها
فهد بصلها بضيق يلا..... ونزل
حياة استغربت منه كل مرة يشوفها خارجة من ألبيت يكلمها بضيق... اتنهدت ونزلت وراه
فهد هشام خد البنات وصلهم جامعتهم
هشام تمام
سالم لسه هتكلم فهد حط ايده على ايد ابوه وبصله فسكت
هشام اخد البنات وطلعو برا القصر
حياة غمزت لياسمين وهيا فهمت وركبو ورا ومعاهم هايدي وايه ركبت جنب هشام قدام
____بقلم الكاتبة المجهولة
سالم ايه اللي بيحصل ده يافهد وياسمين رايحة الجامعة ليه
فهد يابوي اني سامحت ياسمين هيا ندمانة على اللي عملته
سالم مش كوباية كسرتها يافهد ولا هيا غلطة بسيطة عشان اسمها بالساهل كده
فهد انت عارف ياسمين يابوي وعارف انه كان طيش وتهور منها لما عملت أكده وانها لو كانت واعية للي بتعمله عمرها ماكانت تغلط الغلطة دي
فهد هيا غلطت وسيف غلط بس بسبب خوفهم من رد فعلنا... انت كنت هتوافج ع الجواز دي يابوي
سالم سكت.... فهد مستحيل كنت توافج مكنتش هتجيب تبعت بنت عند عيلة الرفاعي واصل وهما عملو كده لأنهم خايفين منك ومن سعد الرفاعي
سالم الغلط غلط ياولدي متحاولش تبرره
فهد لااه يابوي انت بتحاول تطع نفسك منيها علشان متطلعش غلطان... ياسمين محتجانا جنبيها هيا دلوجت كارهه نفسيها بسبب اللي عملته لازم نسامحها هيا مهما كان عيلة وبتغلط سيف لو كان جه وجالي عايز اتجوز خيتك كنت وجفت معاهم جدام الكل حتى جدامك يابوي بس هو غلط لما خبي
فهد سامحها يابوي وخدها في حضنك افتكر ياسمين دي اجرب حد لجلبك سامحها واوجف جنبيها
فهد خرج من المكتب وساب سالم في دوامة أفكاره
طلع برا القصر وراح عند ارض ليهم يشوف حساباتها
........ في القصر.....
زهرة واد ياحسام انا مش مطمنالك من الصبح بتدلع فيا لخص وقول عايز ايه
حسام حبيببتي يازوزو انا بحبك كده والله من غير حاجة وانتي عارفة
حسام اباا اني عايز اتجوز
زهرة تتجوز حسام الأهبل هيتجوز هههه والله ضحكتني
وياترا مين العروسة الهبلة
حسام لو سمحتي متشتميش عروستي دي قمر وبعدين انتي تعرفيها كويس
زهرة اعرفها كويس!..... مين ياواد اخلص
حسام هايدي بنت اخوكي
زهرة دي عيلة مغرورة تحسها مش من العيلة كدا مش عارفة محمود اخويا جايبها منين دي.
زهرة والله ياحوسو انا مقدرش اتصرف كلم باباك وخليه يجي ويتقدملها
حسام بحزن وهو فين ابويا ده اللي عمره ماسال عني
زهرة خدته متقولش كدا ياحسام ابوك بيحبك هو عمل كدا عشان عمك شاكر لعب في عقله غير كده هو عايش عشانك اصلا وهو دلوقتي ندمان ع اللي عمله.... وبعدين يامعفن ياواطي انا وحياة معاك ايه مش ماليين عينك ولا ايه
حسام حضنها حببتي يازوزو والله انا بحمد ربنا انه بعتلي ام زيك واخت زي حياة.... هاااه بقا هتجوزيني امتا
زهرة بعند افكر!
حسام وانا قاعدلك ع قلبك لحد ماتوافقي
.................. في الكلية......
البنات دخلو كل واحدة محاضرتها... حياة وياسمين مع بعض في صيدلة وايه في كلية علوم وهايدي في كلية تربية انجليزي
عدي كام ساعة وحياة وياسمين خلصو محضراتهم
حياة هنقعد نستنى ايه وهايدي لحد مايخلص ا عشان نروح مع بعض
ياسمين تمام
قرب عليهم شاب ياسمين ممكن نتكلم
ياسمين اول ماشفته كانت هترفض بس حياة قاطعها
حياة شوفيه عايز ايه وانا قاعدة هنا مستنياك.... وسابتهم
ياسمين عايز ايه ياسيف
سيف ياسمين انا اسف ارجوكي سامحيني ياياسمين عارف اني غلط انا مش طالب غير انك تسامحيني
ياسمين غلطك كان كبير جوي ياود عمي
سيف ياسمين انا والله بحبك ورايدك ومستعد اعمل اي حاجة عشان تسامحيني
ياسمين مجدرش اسامحك ياسيف انت ازيتني وخليت اهلي يجاطعوني بعد عني ياسيف وسبني أصلح غلطك وغلطتي
سيف ع العموم اني جاي اجولك اني......... فسامحيني يابت عمي
ياسمين قلبها انقبض ودموعها نزلت بس مقدرتش تتكلم وسيف بص ليها بحب وندم واسي ومشي
حياة راحت عندها ياسمين مالك بټعيطي ليه
ياسمين مقدرتش تتكلم وفضلت ټعيط بشدة وحياة قلقت عليها وبعد شوية هديت والبنات خلصو محضراتهم وهشام جه وخدهم بالعربية
حياة كل شوية تبص ع ياسمين وهيا مش فاهمة سيف قالها ايه عشان ټعيط بالشكل دا اما ياسمين كانت ف عالم تاني خالص قلبها راجعها ع حبيبها وشاردة في دوامة تفكيرها
هشام وايه اللي كانو في عالمهم الخاص وكل شوية يبصو لبعض بكب وايه تبصله بنظرات كسوف وتحذير
هايدي اللي بتبص لحياة بغيظ وف نفس الوقت بتفكر ف الضيف الجديد اللي من اول ما جه وهو سارق عقلها وكل تفكيرها
___بقلم الكاتبة المجهولة
بعد شوية وصلو البيت......
حياة دخلت لقيت عمها حسين قاعد وجنبه حسام وعمها سالم وزهرة وجميلة معاهم
حياة خاڤت منه ان... انت جاي هنا ليه
حسين بحزن حياة يابنتي انا......
حياة بدموع انت جاي تاخدي صح عايز توديني لعمي شاكر عشان يضربني
سالم بجدية حسين مش جاي ياخدك ياحياة هو عايز يتكلم معاكي.... جميلة تعالي معاي المكتب وانتي ياياسمين الباقي يطلع اوضته خليهم يتكلمو ع راحتهم هما عيلة مع بعض
هشام وآية وهايدي طلعو اوضهم وسالم راح المكتب ووراه جميلة وبعدين ياسمين اللي كانت خاېفة من اللي باباها هيقوله
بقى حياة وزهرة وحسين وحسام
حسين حياة يابنتي انا جاي اعتزرلك انا عارف اني غلطت في حقك وغلطي كبير انا اسف ياحببتي انا سمعت كلام شاكر وشيطان عماني بس والله انا بحبك زي حسام ابني بالظبط انا عارف ان اعتزار مش هيغير حاجة بس ارجوكي عشان خاطر المرحوم والدك سامحيني يابنتي
حياة ........
........ في المكتب.......
جميلة خير ياخوي عايز تجول ايه وجايبنا اهنية ليه
سالم انتي غلطي وغلطك كان واعر جوي ياياسمين
ياسمين بذكاء ابوس يدك يابوي سامحني عارفة اني غلط لو عايز تجتلني اجتلني بس سامحني يابوي والنبي ياماما سامحيني والله اني ندمانة وعارفة غلطي اني تعبانة جوي
جميلة قلبها رق لحال بنتها بس مراختش عندها وفضلت مكانها
سالم بجدية ياسمين انتي..........
.......... عند فهد..........
كان واقف بيعاين الأرض وفونه رن وعرف صاحب الرقم
فهد بضيق عايز ايه
فهد تمام نص ساعة واكون هناك
فهد ركب عربيته وراح مكان محدد لقى شخص واقف مستنية نزل من العربية وراح عنده
فهد اهلا اهلا صاحبي وصديق عمري سيف الرفاعي
البارت_التاسع
.... في القصر خاصة في غرفة المكتب....
ياسمين واقفة ودموعها بتنزل بغزارة وقلبها دقاته بقت سريعة خاېفة من الكلام اللي ابوها هيقوله
سالم اتنهد ياسمين انتي عارفة انك مش بس بتي انتي كنتي الاجرب لجلبي كنتي صحبتي في لحظة هديتي كل حاجة ياياسمين
ياسمين بدموع عارفة اني غلطت وكسرت ثجتك فيا بس ابوس ايدك سامحني يابوي لو عايز تجتلني دلوجت اجتلني اني راضية بس متعاملنيش أكده اني جلبي وجعني جوي
سالم مقدرش يقسى عليها اكتر من كده مهما
