رواية عشقك_اماتني_واحياني مقدمه والفصل الأول بقلم سلمي جنايده حصريه وجديده

رواية عشقكاماتنيواحياني مقدمه والفصل الأول بقلم سلمي جنايده حصريه وجديده 
مرقت سنين وراحت سنين وتغيرت الأحوال وصارت أمل صبية وتخرجت من الجامعة ودرست تمريض بقرار حازم من ابوها وماكان منها الا انها توافق بعد ماسمعها نفس الكلام اللي تعودت مسامعها عليه .....واللي كانت بتتمنى ولا انو يضلو يعايرها بأمها ويضلو يشبهها فيها مع انها مابتعرفها وبتتزكرها بس خيالات وقت تركتهن وهي صغيرة وهربت من البيت .

السؤال انو كانت أمل محتارة شو السبب اللي خلا امها تترك البيت وتترك بنتها الوحيدة وتهرب حسب كلام ابوها .
أمل بنت بسيطة مابتحب التعقيد او بجوز هيك صار معها بسبب القمع اللي عيشها فيه ابوها وقت اللي كان يتخذ عنها اي قرار بخص مستقبلها وحياتها حتى انو كان يتدخل بأصغر تفاصيل حياتها ...متل نوع تيابها وزوقها فيهن رفقاتها مع مين تمشي ومع مين تحكي طريقة حياتها بالكامل كان لأبوها مجرى كبير بتغيير مسار حياتها عهوى ومتل مابحب... طبعا كل هالشي بسبب امها عم يحملها زنب ومسؤولية انو امها راحت وتركت البيت ...وانو هيي ازا ماكان شديد عليها رح تفلت وتعمل متل امها ..لهيك كان قاسې وشديد وصارم معها بكل شي لدرجة انو حست انو عشوي تانية رح تلتغى شخصيتها لوما صار معها اللي صار ...واللي هو رح نتعرف عليه ببقية القصة وقت نكفيها ..
بعد التخرج اشتغلت نور بمركز طبي خاص لتاخد خبرة غير خبرة المشفى وقت الدراسة وكانت ناطرة يطلعلها وظيفة بشي مشفى يوافق عليه ابوها.
بهاليوم بالتحديد دخلت صبية حلوة كتير بتياب انيقة واخر موديل ..ومعها ست كبيرة كان واضح التعب عليها .
نوال .....صباح الخير.
امل ..صباح الورد تفضلي .
نوال ...بدي شوف الدكتور سالم ازا ممكن .
امل ...الدكتور سالم مااجى لسا ...بتحبي اخدمك بشي لوقت يجي .
نوال ...خالتي تعبانة كتير وكنت بدي شوف الدكتور سالم ويفحصها .
امل ..تفضلي خليها ترتاح بالغرفة هي وهلأ بدقلو وبستعجلو .
ساعدتها امل واخدوها للست عغرفة الدكتور سالم لوقت جيتو بعد ماحاكتو امل وخبرها انو عوصول.
بعد شوي وصل الدكتور وفحصها للمريضة .
الدكتور ....وبعدين معك ياام لؤي كم مرة بدي قلك تاخدي بالك من حالك ومن ادويتك .
ام لؤي ...والله يادكتور باخدهن بس احيانا بنسالي شي حبة ومابتزكرها الا وقت اتعب .
الدكتور ....بس هيك مابصير انتي عم اتضري حالك هيك عواض ماتستفادي يعني لازمك حدا يضل يزكر فيكي بأدويتك الأنسان طبيب نفسو وانتي ست حكيمة وفهمانة وعم تقسي عحالك كتير وقت بتطنشي او تنسي الأدوية .
ام لؤي ...والله مو اني عم طنش بس بنسى احيانا .
الدكتور ...لهيك لازمك ممرضة تبقى معك كل الوقت وماتفارقك بنوب خاصة بالفترة الجاية لأن وضع القلب عندك كتير تعبان ومافيكي تمشي كتير وتجهدي حالك كتير .
ام لؤي ...يوووو ..بدنا نرجع لنفس سيرة الممرضات والله ماجبت وحدة وارتحت معها او فهمت عليي انسالي هالموضوع الله يرضى عليك .
نوال ....ياخالتي والله الدكتور معو حق وانا لو بفهم شوي بشغلة التمريض كنت ببقى معك كل الوقت ولو ماشغلي كمان آخد كل وقتي ماكنت بفارقك وانتي بتعرفي .
ام لؤي ...بعرف يابنتي بس والله ماارتحت مع وحدة وانتي كنتي تشوفيهن في منهن مأنزعات وفي منهن مناح وبيفهمو عليي بس بكونو متزوجين وعندهن مسؤوليات يعني مافيهن يضلو معي كل الوقت .
الدكتور .....عندي الك وحدة هادية ورايقة ومو متزوجة وبتفهم عليكي بسرعة .
نوال ...ياريت يادكتور ..انت بتعرف خالتي مابتثق بحدا قد مابتثق فيك وبكلامك .
الدكتور ....لحظة