رواية خضر_العيون الفصل الثالث بقلم بيان_الرهبان حصريه وجديده

شبك اهدي الله يوفقك لا تزيديها
ام تيم والله يا ابني هالبنت حړقت قلبي
عمر سلامة قلبك بتهون امي
ام تيم اي والله 
بيتصل المحقق ب عمر
عمر الو
المحقق كيفك عمر بيك
عمر تمام خير في شي
المحقق بصراحة عمر بيك عرفنا وحققنا بالموضوع ع يلي صارر مع البنت 
عمر اي
المحقق انا كنت طالع ع المشفى لعندكون بس وصلني اتصال انو انتو برا
عمر مومشكلة انا بكرا بمر لعندك ع الفرع ومنتصرف
المحقق ماشي الباقية بحياتك
عمر حياتك الباقية
المحقق يلا مابدي اشغلك
عمر ماشي الله معك
المحقق. سلام
بيسكر الخط وبعد فترة وهنن ع الطريق بيوصلو ع البيت
عمر ماما نزلي انتي وانا رح جيبها
ام تيم يلا ماشي
بتنزل ام تيم 
ببنزل عمر ببفتح الباب الخلفي للسيارة وبينزل هيا منها وحاملها بين ايديه متل الطفل وبيطلع فيها وبقول وهي راكية راسها ع صدرو 
عمر وعد مني مارح خلي مكروه يصيبك ولا اسمح لحدا يقرب منك بوعدك ما اتركك
بياخدها بحضنو وكأنو حدا بدو ياخدها منو وبيدخل لجوا البيت
سهر سلفي الغرفة يلي فوق اخر الكريدور عملناها للبنت
سارة اي وفيها كل شي
عمر طيب ماشي بعدين منحكي هلق
ام تيم بتكون عم تطلعلها غطا بيدخل عمر ع الغرفة 
ام تيم حطها هون امي
عمر يلا
بيحطها عمر وهي مو حاسة ع شي
ام تيم خود من ايدي وغطيها بالحرام
عمر اي
بغطيها عمر وبيطلع عليها اخر نظرة 
ام تيم بتلاحظ هالشي ع ابنها عمر يلا ماما امشي ننزل ونتركها ترتاح مسكينة تعبت اليوم 
عمر اي يلا خلينا ننزل
بينزل عمر وام تيم لتحت وبيسكرو الباب منشان ما تنزعج
بهالوقت بيوصلو اخواتو وابوه
ابو تيم وتيم وخال مسا الخير
الكل مساالنور
سهر مرة عمي مازالكون واصلين وتعبانين خلينا نتغدى وبعدين بتخبريهون انتي وعمر
ام تيم ماشي
تيم وخالد ليش شو صاير
ام تيم بعد الاكل بتعرفو خلينا ناكل
عمر انا مو جاي ع بالي
ام تيم ماما خلص اتغدى هلق ومنحكي لابقى تفكر كرمالي
عمر ماشي امي
بيقعدو ع الاكل وبياكلو وكل مبن ملتهي بصحنو 
بعد الاكل المسا 
ابو تيم وهي خلصنا اكل وما فهمنا شو صاير
خالد وتيم اي ماما شو صاير
عمر بيطلع ع امو
ام تيم رح احكيلكون
الكل اي عم نسمع
ام تيم اتصل فيني عمر وخبرني 
خالد اي وشو رح تعملو هلق
تيم انا برأي بما انو عمر ماعندو نية للزواج خلوها عند شي حدا يعني ما بصير تبقى عنا
ابو تيم عم تقلك هي امانة عند عمر وانت عم تقول حطوها عند حدا ركز
ام تيم مو حل نخليها عند حدا عمر شو امي
عمر امي انا رح اتزوجها الكل اطلع فيو وهو مصډوم 
ابو تيم عمر انت متأكد لتكون معصب وطلع معك هيك
خالد اخي لا تتهور
تيم حرام تظلمها معك اذا مو رايدها
ام تيم ابني عنجد عم تحكي وبدك ياها
عمر بحدة ونبرة جدية انا حكيت رح اتزوجها بغض النظر اذا كنت رايدها ولا ماني رايدها هي امانة عندي وامها طلبت مني اتزوجها وانا رح نفذ يلي طلبتو وانتهينا
ام تيم الله يرضى ع اسمك يا حبيب قلبي
خالد وتيم هاد عشمنا فيك يا عمر
ابو تيم معناها الحكي كتير منيح بس ابني دير بالك عليها وخفف من عصيبتك شوي حرام البنت يلي فيها مكفيها
عمر ماشي هلق طالع ارتاح وبكرا منحكي
الكل ماشي
عمر تصبحو ع خير
الكل وانت بخير
بيطلع عمر لفوق بيفتح الباب عليها بلاقيها نايمة بيدخل بيطمن عليها. 
عمر بحط ايديه ع شعرها وببوسها من راسها ونفسو يبقى عندها بس بيطلع من الغرفة بعد ما اطمن عليها
وبيروح ع غرفتو وبيدخل بياخد دوش بزيل تعبو فيه
وبيتسطح ع تختو وبصير يتذكر يلي صار معو
عمر يالله ع هالاسبوع كم يوم قلبو حياتي فوقاني تحتاني الله يختار الخير احسن شي
بيتعب بحط راسو وبنام واهلو بحطو راسهون وبنامو بعد يوم متعب 
يتبع