سكريبت دخان_القلوب بقلم_طيف_الورق الجزء_الآۆلْ_والاخير حصريه وجديده
شعري بقوة
سمااء اخخخ لك تركي شعري
شهناز ولي وين رايحة
سماء لك تركي شعري عم توجعيني كتير
رمتني عالارض وقالت
شهناز اسمعي وليك نحن كنا متساهلين معك لانك بعدك جديدة عالجو بس من هون وطالع رح تشوفي وجهنا الحقيقي
سماء !
شهناز مطييييعة ياااا مطيعة
مطيعة امرك يا خانم
شهناز جهزتي الغرفة يلي قلتلك عليها
شهناز نقليلي غراض هالمغضوبة عليهن
مطيعة بس يامدام الغرفة كلها ح
شهناز هسسس مابدي اسمع ولا اعتراض
وانت ولي قومي نقبري معي لشوف
سماء ...........
شهناز شو مااسمعتيقومي والا بتشوفي شي مابعجبك
قمت معها لانه مابأيدي حيلة مشيت معها لحد ماوصلنا عالقبو يلي بالفيلا كان في غرفة بأخر الممر بزاوية صغيرة رمتني لجوى وطلعت وقفلت الباب وراها
قعدت ع الارض وانا عم ارجف
سماء ولك فتحوووو الباب كرمال الله فتحوووه لك انا شوو عملتلكن شو عملتلكن لك ليش عم تعملو فيني هيك ياااااااا امي قلتلكن مابدي اتزوج رجعووني عند اهلي
مابعرف كم مضى علي من الوقت لحتى انفتح الباب دخلت مطيعة بملامحها المکسورة رمتلي صحن برغل واجت لتطلع مسكت برجليها وقلتلها بترجي وانا عم ابكي
طلعت لبرى وقفلت الباب بدون ماتحكي اي كلمة
مر علي يومين بهالسجن عيوني مابتشوف الضو غرفة مليانة حشرات وريحة عفن فاضية من كلشي مابقلبها غير حمام صغير وسجادة صغيرة عالارض
كنت عم اتمنى المۏت وماعم لاقيه أشد المعاناة عم دوقها بهالحبس يلي انحطيت فيه بلا ذنب
شهناز كيفك ياحلوة
سماء ..........
شهناز شبك لسانك بلعه القط وينها ام لسان طويل مالها بالعادة تسكت
بس شوفي بتعرفي شفقت عليك خدي هاد موبايل رقم اخوكي مسجل معك دقيقة وحدة بس
هجمت بسرعة عايدها واخدت الموبايل متل يلي بكون عطشان بالصحراء لايام وبلاقي مي مسكته بسرعة ودقيت
جهاد الو
جهاد سمااااء ولك وينك يابنت شو صار ليش اختفيتو فجأة حړقتي قلوبنا
سماء ااه يااااا اخي لك انا عم مۏت انت بعتتني عالجحيم بايديك بترجااااك تعال خلصني الله يخليك معد اتحمل
جهااااد سماء حاج تبكي وفهميني وين انت وشو صار اختي سامعتيني لك الله يخليييك ردي لك رايح مۏت لاعرف خبر عنك ولك سمااااااااء ردي
شهناز خلصت الدقيقة
سماء لك ليش هيك عم تعملوا فيني انا شو عاملتلكن والله ما اذيت حدا انا
شهناز لاتستعجلي على شي كلشي بوقته حلو
طلعت لبرى وتركتني غرقانة بدموعي كنت عم دوب شوي شوي
بعد فترة اجت مطيعة وفتحتلي الباب
مطيعة قومي معي يابنتي شهناز طالبتك
سماء لاااتقوليلي بنتي انت بترضي بنتك يصير فيها هيك بعدين ليش طالبتني قررت تحررني يعني
مطيعة لاتضغطي علي الله يخليك انا هون مجرد عبدة مأمورة
طلعنا من القبو اول ما شفت النور عيوني وجعووني كتير وحسيت بالغرابة وكأنه الي مية سنة مو شايفة النور مو اسبوع
دخلت ع غرفتها
شهناز له له يا حرام دايبة عالاخر بتعرفي شفقت عليك
سماء رح ترجعيني عند اهلي
شهناز عههههه طبعا لا بس رح خففلك العقۏبة
سماء ليش انا شووو عاملة كرمااال الله فهميني عالاقل خليني اتعاقب وانا مذنبة بس خليني افهم
شهناز اذا بسمع صوتك مرة تانية رح نزلك عالقبو عم اخطبله لابني حبيب قلبي ومطيعة مو ملحقة شغل لهيك رح تجهزي الجناح بالطابق التالت للؤي وعروسته او بترجعي عالقبو
كلمة القبو لحالها قادرة تخليني انهار كلشي إلا ارجع عالقبو والظلام والحشرات يلي ماكانت تتركني كلشي كلشي ولا ارجع للحظات الخۏف والړعب وافقت مرغمة وقلبي عم يتقطع مية قطعة
بلشت بالتنظيفات بالطابق التالت شغل طوول اليوم اوامر مابتخلص وطلبات بتهد الحيل
لحد ما مرة طلعت شهناز ومعها صببة
شهناز غزل تفرجي ع مهلك وشوفي اذا لسا بده تنظيف كمان واطلبني من سماء هي الخدامة المسؤولة عن جناحكن
سماء خدامة!
شهناز اه وكمان عم فكر سلمها القبو ولا شو رايك سماء
فهمت الټهديد يلي حبت توصله لهيك التزمت بالصمت
غزل كانت انسانة لئيمة ومتعجرفة وحقېرة بكل معنى الكلمة تدعس بكندرتها وتقلي تعي مسحي تبزق عالارض وتقلي تعي نضفي
غزل لك ليش حركتك بطيئة لعما شو انك بطالعي الخلق تعي مسحي هوون بسرعة ركزيلي عالزواية ولك حركي بدك تلحقي تمسحي العفش وترتبي الأواعي
سماء بس كأنه الخطبة لسا ماصارت لشو عم تنقلي غراضك
غزل شوووو تفضلتي خدامة خانم هاد الناقص اقعد اتناقش مع هيك مستويات احركي احركي
رميت المكنسة من ايدي
سماء انااا موخدامة فهمانة وهاد المستوى يلي عم تحكي عنه بشرفك يا قليلة الاخلاق
هجمت علي متل الحيوان المفترس وانا طاقتي كانت فارطة ومافيني دافع عن حالي اكلت ضړب كتير لحتى غميت
صحيت لقيت حالي بالقبو والغرفة المرعبة نفسها بلشت صړخ وابكي وخبط بكل قوة
لحد ما اجت شهناز
شهناز لسا الك عين ټصرخي بعد يلي عملتيه
سماء ولكككك انا شو عملت شووو اااااه ولك مافي بقلبكن رحمة
رمتلي الهاتف وقالتلي معك دقيقة وحدة
جهاد الو
سماء خلصني ياااجهاد عم م و و و و ت خلصنييي ببوس ايدك
جهاد والله لاحرقهم متل ماعم يحرقوكي بس عطيني الموقع ولك ماتركت مكان ولا بلد إلا دورت فيه عليك حاج تبكي يانور عيوني حاج عطيني موقعك اي شي يدل ع مكانك
سحبت مني الموبايل
شهناز انتهت الدقيقة للاسف
تركتني وطلعت وانا بلشت افهم شي عم تعطيني احكي مع اخي لما كون بأضعف حالاتي ولمدة دقيقة وحدة الغاية تخلي قلب اخي ينحرق ويقلق بس مو اكتر ياترى شو السر يلي مخبى !
كنت فارطة كتير اجيت لاغفى بلشت اسمع نفس الاصوات المخيفة والحشرات عم بدور حولي تكورت ع حالي بزاوية الغرفة وقعدت ابكي
ضليت اسبوع كمان بغرفة الړعب محد يدخل لعندي غير مطيعة ادخلي صحن الاكل وتطلع
لحد ما مرة دخلت مطيعة دخلتلي الصحن وقالتلي
مطيعة حبيبتي لازمك شي
سماء هههه اذا قلتلك رح تنفذيلي يعني
مطيعة والله ياعمري قلبي عم يتقطع عليك اليوم ممكن نفذلك لانه اليوم خطبة لؤي والكل معبوط
مابعرف ليش بس قالت خطبة لؤي قلبي وجعني كتير ليش همني الموضوع مابعرف خانتني دموعي ونزلت
مطيعة اسفة ماتوقعت تزعلي
سماء معك حق ع شو بدي ازعل فيكي تجيبيلي موبايل
مطيعة آسفة مافيني اطلب شي اسهل
سماء كنت قلتلك جيبي كتاب بس كيف بدي اقرء بالعتمة! روحي مابدي شي منك
طلعت مطيعة وانا ڠرقت بدموعي حياتي انتهت عم دوق كل انواع العڈاب لذنب مابعرفه ااااخ شو اشقت لحياتي القديمة لاخي لامي لمرة اخي للحارة لرفقاتي للدراسة
انا معد بدي عييش تعبت كتييير مسكت صحن الاكل وكسرته اخدت القزازة وحطيتها على ايدي وانا عم ابكي مابدي مووت كاافرة مابدي
فجأة اسمعت طقة الباب وانفتح دخل لؤي لعندي عم يركض
لؤي سمااااء انت منيحة
سماء ......
ضمني لصدره بقوة وصار يبكي
حملني وطالعني برى الفيلا وامه عم تصرخ علي كان في عالم وعجقة وزينة حطني بالسيارة وساق بسرعة چنونية لوصلنا ع بيت صغيير بالغابة حملني ودخلني لجوى حطني عالسرير وصار يتأملني وهو عم يبكي
لؤي يااربي شو عملت فيك ياربي سامحني سماء انا اسف
